Morgunblaðið - 04.11.2014, Blaðsíða 21

MINNINGAR 21
MORGUNBLAÐIÐ ÞRIÐJUDAGUR 4. NÓVEMBER 2014
Elsku pabbi. Hér
sit ég ein með
sjálfri mér og
hugsa um þig.
Hjarta mitt er
brostið og hugur minn fullur af
hugsunum og spurningum. Ég
bara get ekki skilið af hverju þú
varst hrifsaður svona fljótt frá
okkur. Hvaða gagn getur verið í
því að skilja okkur hin eftir í
sorg og sárum? Af hverju gátum
við ekki fengið aðeins lengri
tíma? Ég er enn að átta mig á
því að þú sért farinn að eilífu.
Þú fékkst allt of lítinn tíma hér
með okkur en í stað þess að vera
leið og sár yfir því ætla ég að
reyna að gleðjast yfir tímanum
sem við áttum saman.
Ég minnist þess óneitanlega
þegar við áttum saman einn
þann besta dag sem ég hef átt á
ævi minni. Daginn sem ég giftist
ástinni minni og þú fylgdir mér
svo stoltur upp að altarinu og
sagðir mér svo á eftir að gang-
urinn hefði bara alls ekki verið
nógu langur. Þú elskaðir mig en
þú varst maður fárra orða og
talaðir ekki mikið um tilfinning-
ar þínar. Þú varst bara af þeirri
tegund, sem er allt í lagi. Ég
veit að þú varst svo endalaust
stoltur af mér og börnunum
mínum og talaðir um það við alla
sem vildu hlusta. Sárast finnst
mér að þau muni ekki kynnast
afa sínum betur. En þau munu
þó eiga góðar minningar um afa
stríðnispúka og Karen Hulda er
mjög ánægð með að hún megi
núna eiga allar Harry Potter
myndirnar hans afa Sigga. Við
lofum að passa þær vel. Ég er
svo ánægð að ég sagði þér hvað
ég elska þig mikið og að við átt-
um nokkur góð samtöl áður en
þú fórst. Þetta er bara svo virki-
lega ósanngjarnt því að við vor-
um öll bara ennþá að átta okkur
á því að þú værir veikur og þú
líka. Ég var svo tilbúin að fylgja
þér hvert einasta skref í þessum
veikindum þínum en djúpt, djúpt
í hjarta mínu er ég svo þakklát
fyrir að þú þurftir ekki að kvelj-
ast og þjást. Þú hefðir frekar
viljað fara svona, ég veit það.
Það hefði bara verið svo ljúft og
yndislegt að fá aðeins meiri
tíma, bara hittast, tala saman,
borða saman, sitja í sófanum og
segja ekkert, það þurfti nú ekki
mikið umstang til þess að gleðja
þig. Nú eru öll þessi skipti sem
ég pirraði mig á fréttatímanum
og hvað sjónvarpið var hátt stillt
svo ómerkileg og óþörf að ég
vildi bara óska að ég gæti spólað
til baka.
Þar sem þú hefur setið undir
stýri mest alla ævi þá kemur
óneitanlega upp í huga mér þeg-
ar þú varst að kenna mér á bíl.
Sem þú gerðir svo snilldarlega
enda fáar konur sem bakka jafn
vel í stæði og ég. Ég held líka að
mamma hafi sjaldan hlegið eins
mikið og þegar þú bakkaðir á
bílskúrshurðina í Borgarhlíðinni.
Við erum svo lík að svo mörgu
leyti og ég er t.d. þrjósk og full
af þvermóðsku alveg eins og þú.
En ég fékk líka marga góða eig-
inleika frá þér, vinnusemi, dugn-
að og vandvirkni sem kom mér
áfram í gegnum allt mitt nám og
hefur hjálpað mér í lífinu öllu og
mun gera áfram. Ég hefði mátt
fá dass af þolinmæðinni þinni en
þú hefur sennilega þurft hana
alla, svona þar sem ég er nú
dóttir þín. Og góðan húmor, við
hefðum getað hlegið svo mörg
góð ár í viðbót. Þetta áttu að
vera bestu árin þín.
Sigurður Arnar
Magnússon
✝ Sigurður Arn-ar Magnússon
fæddist 7. maí
1962. Hann lést 17.
október 2014. Útför
Sigurðar fer fram
3. nóvember 2014.
Elsku pabbi
minn, það er svo
margt sem mig
langar að segja en
ég held að það sé
best að ég geymi
bara minningarnar
okkar í hjarta
mínu. Ég á eftir að
sakna þess að hitta
þig og faðma. Ég
mun sakna þess að
heyra rödd þína og
hláturinn þinn en mest mun ég
sakna þín.
Hvíl í friði, elsku pabbi minn.
Við elskum þig og með okkur
munu minningarnar lifa.
Sigrún Björk Sigurðar-
dóttir og fjölskylda.
Elsku frændi og vinur. And-
lát þitt kom mér að óvörum. Allt
of snemma, allt of snemma.
Ömmur okkar voru systur og
voru alltaf afar samrýndar, ég
var skírð í höfuð föðursystur
þinnar er lést aðeins 25 ára að
aldri og fyrir vikið var tenging
mín enn meiri við ömmu þína
sem var aldrei langt undan.
Móðir þín hún Guðfinna, eða
Finna eins og hún er alltaf köll-
uð, var ein besta vinkona móður
minnar og einstaklega góð kona.
Það sama má segja um alla þína
fjölskyldu.
Við vissum alltaf hvort af
öðru, jafngömul og fylgdumst
að. Það er ekki langt síðan ég
gerði að gamni mínu við þig
þegar þú varðst orðinn afi og ég
sagði að þú værir eldri en ég
þótt ekki munaði á okkur nema
nokkrum mánuðum en svo
stuttu seinna varð ég amma
líka. Það eru reyndar liðin nokk-
ur ár en tíminn er svo afstæður.
Það á enginn að þurfa að fara
í gegnum það sem foreldrar þín-
ir þurfa að gera núna, það er að
jarða barnið sitt. Fyrir aðra er
það líka allt of snemmt.
Það er mikil sorg í huga fal-
legrar fjölskyldu við fráfall þitt.
Ég bið Guð að varðveita alla
þína ástvini og veita þeim hugg-
un í þessum miklu erfiðleikum
sem nú eru.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Vald. Briem)
Takk fyrir allt og allt. Þín
frænka,
Sigurlína Hólmfríður
Styrmisdóttir.
Við sem þekktum Sigga
Magg vissum að illlæknanlegur
sjúkdómur hafði komið sér fyrir
í líkama hans og svo sannarlega
vissum við hvert stefndi. Dauð-
inn var og er alltaf fjarlægur í
huga okkar og því var höggið
mikið fyrir okkur vini hans þeg-
ar kallið kom og hann hvarf á
vit nýrra heima.
Hann byrjaði barnungur að
vinna við bíla, fyrst að setja á þá
bensín og strax og hann fékk
ökuréttindi fór hann að aka
þeim og alltaf stærri og stærri
bílum. Hann var svo sannarlega
bílstjóri með stóru B. Hann
erfði sennilega þennan áhuga
frá föður sínum sem var þekkt-
ur vörubílstjóri.
Í upphafi þessar aldar gekk
Sigurður í reglu frímúrara hér á
Akureyri og var allt frá fyrsta
degi duglegur og iðinn bróðir,
hæglátur og prúður sem hafði
mikinn vilja til að gera vel.
Hann var vel látinn meðal
bræðranna og ávann sér vin-
skap og traust þeirra. Aðeins
tveimur dögum áður en hann
lést sat hann meðal okkar í
kaffisamsæti. Hann hafði skýrt
okkur frá veikindum sínum sem
bar brátt að því síðasta sumar
vann hann við akstur hópferða-
bíla. Hann tók þessu hins vegar
með æðruleysi og yfirvegun eins
og honum einum var lagið. Við
vinir hans í frímúrarareglunni
söknum góðs vinar og svo sann-
arlega lifir minning hans í hjört-
um okkar. Minning um góðan
dreng sem okkur öllum þótti svo
vænt um. Nú á skilnaðarstund-
inni þökkum við samveruna og
biðjum hinn hæsta höfuðsmið að
halda sinni verndarhendi yfir
eftirlifandi fjölskyldu hans svo
og öllum þeim sem þótti vænt
um hann. Hvíl þú í friði kæri
vinur og bróðir.
Ólafur Ásgeirsson.
Komið þið sæl, þannig heils-
aði Siggi gjarnan þegar hann
kom í heimsókn til okkar eða við
til hans. Föstudaginn 19. sept-
ember sl. fengum við þær fréttir
að þú værir með ólæknandi
sjúkdóm, þú kíktir í heimsókn
til okkar um kvöldið í afmæl-
iskaffi hjá Kalla, þessi samveru-
stund er okkur hjónum og dætr-
um okkar afar dýmæt og
ógleymanleg, margt var spjall-
að, ýmislegt skemmtilegt rifjað
upp, ferðirnar okkar saman
bæði innanlands og utanlands,
þú ræddir það við okkur að von-
andi gætum við farið í eina góða
ferð til Krítar aftur, við leggjum
í eina góða ferð þegar við hitt-
umst öll aftur. Ekki hvarflaði
það að okkur að við fengjum
ekki að hafa þig lengur hjá okk-
ur en til 17. október, en þann
dag kvaddir þú á heimili þínu.
Við fjölskyldan erum þakklát
fyrir að hafa átt þig sem vin og
félaga í rúm 30 ár.
Við sendum fjölskyldu þinni
innilegar samúðarkveðjur.
Hvers vegna er leiknum lokið?
Ég leita en finn ekkert svar.
Ég finn hjá mér þörf til að þakka
þetta sem eitt sinn var.
(Starri í Garði)
Hafðu þökk fyrir allt og allt,
elsku Siggi okkar.
Ólöf og Hersteinn Karl.
Það sem heimurinn getur
verið skrýtinn og oft á tíðum
ósanngjarn. Heimurinn er
ósanngjarn vegna þess að Siggi
Magg. vinur minn hefur kvatt
þessa jarðvist alltof snemma,
skrýtinn vegna þess að ég sit og
skrifa minningarorð um þennan
snilling. Við kynntumst fyrir 23
árum, ég nánast krakki og þú
aðeins eldri, og á þessum árum
hafa fjölskyldur okkar verið
nánar og átt ótal góðar og
skemmtilegar stundir saman.
Siggi Magg. var einstakur mað-
ur, fyndinn, ákveðinn, pínu
þrjóskur, stríðinn og svo hafðir
þú ákveðnar skoðanir á hlutum
og málefnum. Við héldum ekki
með sama liði í Formúlunni og
að sjálfsögðu voru okkar lið
best, mitt þó sýnu betra. Þú
hafðir gaman af því að segja
sögur og enn skemmtilegra var
að hlusta á þig segja þær og
hugmyndaflugið var einstakt.
Þegar þú varst þrítugur mættir
þú í vinnu hjá Möl og sandi í
hvítri skyrtu og með rautt bindi,
en sagðir engum að tilefnið væri
afmælið þitt en gladdir vinnu-
félaga þína með kökum og hnall-
þórum í morgunkaffinu. Einu
sinni varstu staddur í sumarbú-
stað í Borgarfirði og ég með
mína fjölskyldu á leiðinni þang-
að keyrandi á Kjalarnesi, þú
hringir og biður fyrir þau skila-
boð til mín að nöldrið og hávað-
inn í mér heyrðist upp í Borg-
arfjörð … ótrúlegt. Þú varst
fljótur að sjá spaugilegu hlið-
arnar á flestu og gerðir óspart
grín að aðstæðum, atvikum og
náunganum en alltaf í góðu.
Margar voru sumarbústaðaferð-
irnar og í einni þeirra í Bisk-
upstungum rakstu tá í trésúlu
sem var fyrir háaloftið, dætrum
mínum fannst það frekar fyndið
og sprungu úr hlátri þegar
heyrðist í þér: „Guðmundur al-
máttugur … táin, táin, táin“ og
hoppaðir um á einum fæti. Það
var líka ánægjulegt og gaman
þegar ég útskrifaðist sem
sjúkraliði um jólin 2007 að hafa
góða vini til að gleðjast með mér
og mínum svo ekki sé nú minnst
á gjöfina frá þér og þínum sem
var ekki af verri endanum, þessi
líka fíni hjúkkubúningur og það
var mikið hlegið þegar hann var
dreginn upp úr pakkanum. Já,
Siggi minn, margt skemmtilegt
hefur verið brallað á þessum ár-
um og það sem ég er búin að
hlæja með þér og að þér. Það
væri synd að segja að þú hefðir
ekki gætt líf mitt og dætra
minna gleði. Mér finnst gott að
hugsa til þess þegar ég hitti þig
snemma í vor og við sátum
langalengi og spjölluðum saman
um heima og geima, hlógum og
höfðum gaman. Þá stund geymi
ég vel í huga mínum og hjarta.
Það er sárt að kveðja þig, Siggi
minn, og ég trúi því að þú sért á
góðum stað, hress og laus undan
þrautum. Þessi orð úr Háva-
málum eiga vel við þig og vin-
skap okkar síðustu ár.
Veistu ef þú vin átt
þann er þú vel trúir
og vilt þú af honum gott geta.
Geði skaltu við þann blanda
og gjöfum skipta,
fara að finna oft.
(Úr Hávamálum)
Hvíldu í friði kæri vinur.
Elsku Sigrún Björk, Rósa og
fjölskyldur, guð veiti ykkur
styrk í sorginni og megi fallegu
englarnir og góðu minningarnar
umvefja ykkur.
Ljúfi drottinn lýstu mér,
svo lífsins vef ég finni
láttu ætíð ljós frá þér
ljóma í sálu minni. –
(Gísli á Uppsölum)
Auður og fjölskylda.
Nú er elskulegur
mágur minn farinn
frá okkur og er hans
sárt saknað. Við vit-
um að hann átti
góða endurkomu á
nýjum stað, þar sem Bíbí tekur á
móti honum. Ég á ekkert nema
góðar minningar um þau hjón.
Börnin hans tvö sjá nú á bak
elskulegum föður og barnabörn-
in og langafabörnin hafa nú
misst ástríkan afa. En minningin
um hann verður ætíð í hjörtum
okkar allra.
Sofðu rótt, sofðu rótt,
nú er svartasta nótt.
Sjáðu sóleyjarvönd
geymdu’ hann sofandi í hönd.
Þú munt vakna með sól
Guð mun vitja um þitt ból.
(Jón Sigurðsson frá Kaldaðarnesi.)
María Jónína Ásgeirsdóttir.
Á vordögum árið 1958 hóf
undirritaður störf í hlaðdeild
Flugfélags Íslands sem á þessum
árum var í umfangsmiklum flug-
rekstri. Á þessum tíma var flug-
félagið að endurnýja flugvéla-
kost sinn, frá Catalina-flugbátum
og DC 3-vélum upp í Viscount-
og DC 6B-flugvélar. Eins og
nærri má geta þurfti í mörg horn
Sverrir Jónsson
✝ Sverrir Jónssonfæddist 6. mars
1924. Hann lést 19.
október 2014. Útför
hans fór fram 3.
nóvember 2014.
að líta hvað varðaði
skipulagningu og
framkvæmd þess-
arar starfsemi. Þar
var valinn maður í
hverju rúmi. Einn
af þessum mönnum
var Sverrir Jóns-
son, stöðvarstjóri
félagsins, sem við
kveðjum hér hinstu
kveðju. Sverrir hóf
störf hjá flugfélag-
inu hinn 1. maí 1951 og vann
hann nær allan sinn starfsaldur
hjá flugfélaginu. Það er margs að
minnast frá þessum árum, allir
lögðust á eitt til að allt gengi sem
best. Ég man þá tíð að þegar
mikið var að gera í fluginu og
klára þurfti viss verkefni komu
bæði skrifstofumenn, flugmenn
og flugvirkjar og lögðu okkur
hlaðmönnum lið. Þetta þótti
sjálfsagt og taldi enginn eftir sér
að aðstoða þegar mikið lá við.
Sverrir var mikill félagsmála-
maður, þegar hann lét af störfum
beitti sér hann fyrir stofnun Fé-
lags eldri starfsmanna félagsins
og var hann forvígismaður þeirra
samtaka um árabil. Sverrir var
afar vel liðinn maður og kunni
vel mannaforráð. Samstarf okk-
ar varði um hálfan fimmta ára-
tug og þakka ég Sverri góða við-
kynningu og störf hans í þágu
flugmála á Íslandi.
Ég votta ástvinum hans mína
dýpstu samúð. Veri hann að ei-
lífu Guði falinn.
Aðalsteinn Dalmann
Októsson.
Útfararþjónusta
Hafnarfjarðar
Sími: 565-9775
www.uth.is. uth@simnet.is.
Við sjáum um alla þætti útfararinnar.
Seljum kistur,krossa og duftker hvert
á land sem er.
Persónuleg þjónusta.
Stapahrauni 5 Hafnarfirði.
Elskulegur eiginmaður minn, faðir,
tengdafaðir, afi, sonur og bróðir,
SIGURÐUR BALDURSSON
læknir,
varð bráðkvaddur 20. október í Svíþjóð.
Útförin fer fram frá Kópavogskirkju föstudaginn 7. nóvember kl.
13.00.
.
Jóhanna Ingvarsdóttir,
Jóhanna María Sigurðardóttir, Arnar Þórisson,
Erna Guðrún Sigurðardóttir, Jón Axel Jónsson,
Baldur Sigurðsson, Hera Líf Liljudóttir,
Ingvar Sigurðsson, Helen Jónsdóttir,
Selma Sigurðardóttir,
Sigurveig Þórarinsdóttir
og barnabörn.
Ástkær eiginmaður minn, faðir okkar,
tengdafaðir og afi,
TEITUR BERGÞÓRSSON
kennari,
lést föstudaginn 31. október
á bráðamóttöku Landspítalans.
Útför fer fram frá Fossvogskirkju þriðjudaginn 11. nóvember
klukkan 15.00.
.
Guðný María Hauksdóttir,
María Teitsdóttir,
Hulda Teitsdóttir, Elís Hólm Þórðarson,
Hrund Teitsdóttir, Þorvaldur Örn Kristmundsson,
Björg Arnþórsdóttir, Michael C. Martinsen
og barnabörn.
Móðir okkar, tengdamóðir, systir og amma,
HELGA K. EINARSDÓTTIR
bókasafnsfræðingur,
síðast til heimilis
að Melgerði 15 í Kópavogi,
er látin.
Jarðarförin fer fram frá Salnum í Kópavogi
fimmtudaginn 6. nóvember kl. 15.00.
Einar Torfi Finnsson, Ingibjörg G. Guðjónsdóttir,
Hjörleifur Finnsson
Glóey Finnsdóttir, Scott Riddell,
Örn Þorvaldsson,
Rannveig Þorvaldsdóttir,
barnabörn.