Morgunblaðið - Sunnudagur - 16.11.2014, Blaðsíða 3

MORGUNBLAÐIÐ SUNNUDAGUR 16. NÓVEMBER 2014 3
Sviðsstjóri velferðar- og
mannréttindasviðs
Við leitum að metnaðarfullum leiðtoga til að
stýra nýju velferðar- og mannréttindasviði.
Undir sviðið heyrir félagsleg ráðgjöf og
fjárhagsaðstoð, húsnæðismál, barnavernd,
málefni aldraðra, málefni fatlaðra, atvinnumál,
jafnréttis- og mannréttindamál. Meðal brýnna
verkefna á næstu árum er að móta stefnu í
þjónustu við aldraða og fatlaða einstaklinga,
fylgja eftir framkvæmdaáætlun í mannréttinda-
málum og þróa samráð við fulltrúa helstu
hagsmunahópa. Ennfremur að móta verkferla
og undirbúa stefnu sviðsins í þjónustu- og
gæðamálum.
Helstu verkefni og ábyrgðarsvið:
• Fagleg forysta í málaflokkum sem heyra
undir sviðið
• Undirbúningur mála og eftirlit með að
ákvörðunum velferðar- og mannréttindaráðs
sé framfylgt
• Yfirstjórn stofnana sem heyra undir sviðið
• Yfirumsjón með gerð starfs- og fjárhags-
áætlunar sviðsins og eftirfylgni
• Mótun gæða- og þjónustustefnu sviðsins
Menntunar- og hæfnikröfur:
• Háskólamenntun sem nýtist í starfi,
framhaldsnám á sviði stjórnunar æskilegt
• Reynsla af stefnumótun og breytingastjórnun
• Stjórnunarreynsla og reynsla af opinberri
stjórnsýslu
• Mikil samskipta- og samstarfshæfni
• Hæfni í framsetningu á efni í ræðu og riti
• Góð þekking og reynsla af fjárhagsáætlanagerð
Ráðið er í stöður sviðsstjóra hjá
Akraneskaupstað í 5 ár í senn með
möguleika á endurráðningu.
Nánari upplýsingar um starfið veitir
Regína Ásvaldsdóttir bæjarstjóri í síma
4331000.
Umsækjendur eru vinsamlega beðnir
um að sækja um starfið á heimasíðu
Akraneskaupstaðar, www.akranes.is
Með umsókn þarf að fylgja ítarleg
starfsferilsskrá og kynningarbréf þar
sem umsækjandi gerir grein fyrir
ástæðu umsóknar og rökstuðning fyrir
hæfni í starfið.
Umsóknarfrestur er t.o.m.
14. desember næstkomandi.
Akraneskaupstaður
auglýsir eftir öflugum leiðtoga
Do you need a nanny or „Mary Poppins“
to look after your children?
I am a kindergarten teacher from Germany
and would like to work for 1 year in Island.
I am fascinated by the people and the nature.
I have good references.
Speaking german, english and
trying to learn icelandic
Contact:
dorle.roeckl@gmx.de
RÁÐGJAFI Í SÖLUDEILD
Leitum að öflugum ráðgjafa í söludeild Brimborgar
fyrir nýja og notaða Mazda og Citroën bíla.
Sæktu um núna á www.brimborg.is
Umsóknarfrestur er til 24. nóvember
Verkfall prófessora sem boð-
að hefur verið dagana 1. til 15.
desember lamar stærsta
vinnustað landsins og því
verður ekki trúað upp á
stjórnvöld að þau láti slíkt
gerast, öðru sinni. Staðan er
óboðleg og verkfall á þessum
viðkvæma tíma er ekki í þágu
nemenda. Til langtíma litið er
öllum í hag að byggja upp há-
skóla sem eftirsóknarvert er
að starfa við. Þetta segir í
ályktun Stúdentaráðs Há-
skóla Íslands sem samþykkt
var í vikunni.
Þar segir að hagur nem-
enda sé að kjör prófessora
standist samanburð við aðra
háskóla. Því skuli gengið að
samningaborði.
Í ályktun segir að fyr-
irhugað verkfall hafi slæm
áhrif á áætlanir og fram-
færslugetu námsmanna.
„Óvissan sem því fylgir, að
vita ekki hvort eða hvenær
prófað verði úr námskeiði
hefur ein og sér slæmar af-
leiðingar fyrir nemendur. Of-
an á hana leggst sú staðreynd
að námslán verða ekki greidd
út á réttum tíma, fyrir stóran
hluta námsmanna, ef til verk-
falls kemur. Námsmenn sem
margir hverjir eru barnafólk,
fengju ekki greidd námslán
og eiga því á hættu að geta
ekki séð fyrir sér og sínum,“
segir Stúdentaráð sem telur
bagalegt hve sjaldan samn-
ingsaðilar fundi.
Fundi daglega
„Stúdentaráð krefst þess af
samningsaðilum að þeir sýni
ábyrgð, hafi hag nemenda í
huga og fundi daglega fram-
vegis, svo leysa megi deil-
urnar og afstýra verkfalli.
Nemendur geta ekki unað við
verkfall,“ segir Stúdentaráð.
Morgunblaðið/Eggert
Stúdentar Að ganga menntaveginn er braut til framtíðar.
Óvissan slæm og
framfærsla í hættu
 Stúdentaráð HÍ vill samninga
við prófessora  Sýnd sé ábyrgð
Fulltrúar Landsbankans og
Símafélagsins hafa gengið frá
samkomulagi um að fyrr-
nefnda félagið veiti bankanum
altæka netþjónustu. Mun
Símafélagið samkvæmt þessu
reka og viðhalda tengileið
Landsbankans inn á netið.
„Við höfum lagt mikla
áherslu á að byggja upp traust
og öflug upplýsinga- og fjar-
skiptakerfi og teljum okkur nú
vera jafnoka stóru símafyr-
irtækjanna á þessu sviði,“ seg-
ir Brjánn Jónsson, fram-
kvæmdastjóri Símafélagsins, í
tilkynningu. Þar er og haft eft-
ir Ragnhildi Geirsdóttur, sem
stýrir rekstar og upplýsinga-
tæknisviði bankans, að miklu
skipti fyrir starfsemina að
fjarskipti séu bæði örugg og
hröð.
Á öllum sæstrengsleiðum
Af Símafélaginu er það að
segja að það hefur yfir að ráða
eigin gagnasamböndum til
Evrópu og Bandríkjanna um
allar sæstrengsleiðir til og frá
landinu. Samið hefur verið við
alþjóðleg fjarskiptafyrirtæki
um netþjónustu en áherslur
Símafélagsins beinast að fyr-
irtækjamarkaði.
sbs@mbl.is
Net Brjánn Jónsson frá Símafélaginu og Ragnhildur Geirs-
dóttir Landsbankakona ganga frá samkomulagi.
Fjarskipti örugg og hröð
 Símafélagið tengir Landsbanka
Hola, félag spænskumælandi
fólks á Íslandi, heldur í dag
kl. 16 kynningarfund að
Laugavegi 178 í Reykjavík.
Efni fundarins er í anda
markmiða félagsins, það er
að efla spænskumælandi til
virkrar þátttöku í samfélag-
inu.
Á fundinum í dag verður
Gerður Gestsdóttir frá
Vinnumálastofnun með er-
indi, og segir frá því hvernig
gera á ferilskrá og hvernig
skuli bera sig að við atvinnu-
leit. Hún talar einnig um
réttindi og skyldur á vinnu-
markaði, svo sem launaseðla,
kjarasamninga, orlof, veik-
indarétt og uppsagnarfrest.
Þá mun Margrét Jónsdóttir
Njarðvík, vararæðismaður
Spánar, ræða um menntun
og möguleika á því sviði og
hvernig standa skal að stofn-
un fyrirtækja.
Margt er í deiglunni á vett-
vangi Hola. Félagið fékk ný-
lega styrk frá Velferð-
arráðuneytinu til að halda
námskeið með það markmið
að þátttakendur kynnist ís-
lensku samfélagi sem auð-
veldi þeim þátttöku og geri
lífið innihaldsríkara.
sbs@mbl.is
Spænskumælandi verði virkari