Selfoss - 13.02.2014, Blaðsíða 12
Vöruval góð
verslun í
alfaraleið
Ný tilboð vikulega
Heimsendingarþjónusta
Opið frá 7:30-19
virka daga og
10-19 um helgar
Leikskólastjóri
Sveitarfélagið Árborg auglýsir eftir leikskólastjórum
frá og með 1. maí 2014 við:
• Leikskólann Hulduheima
• Leikskólann Jötunheima
Hulduheimar og Jötunheimar eru báðir nýlegir sex deilda
leikskólar á Selfossi. Leitað er að áhugasömum og metn-
aðarfullum stjórnendum með leikskólakennararéttindi
og stjórnunarreynslu. Í sveitarfélaginu búa um 8 þúsund
manns, lögð er áhersla á eflingu skólastarfs, snemmtæka
íhlutun og gott samstarf foreldra og helstu fagaðila sem
koma að málefnum barnanna.
Meginverkefni:
- Veita faglega forystu á sviði kennslu og þróunar
í skólastarfi.
- Stýra og bera ábyrgð á daglegri starfsemi, fjármálum
og rekstri skólans.
- Bera ábyrgð á stefnumörkun skólans sem tekur meðal
annars mið af skólastefnu sveitarfélagsins og aðalnám-
skrá leikskóla.
Menntun og færnikröfur:
- Leikskólakennararéttindi áskilin.
- Menntun og reynsla í stjórnun æskileg.
- Færni í mannlegum samskiptum.
- Áhugi og hæfni í starfi með börnum.
- Leiðtoga- og skipulagshæfileikar.
- Frumkvæði og sjálfstæð vinnubrögð.
Frekari upplýsingar veitir Þorsteinn Hjartarson,
fræðslustjóri, sími 480-1900, 852-3918
og thorsteinnhj@arborg.is.
Áhugasamir geta sent umsóknir á thorsteinnhj@arborg.is
eða í pósti merktum fræðslusviði Árborgar v/leikskóla-
stjóra, Austurvegi 2, 800 Selfoss.
Umsóknarfrestur er til 3. mars 2014.
Karlar jafnt sem konur eru hvattir til að sækja um störfin.
Laun fara eftir kjarasamningi launanefndar sveitarfélaga
og viðeigandi stéttarfélags.
13. febrúar 2014
LAMBATAGINE
Nú ætla ég að elda mat sem er ættaður frá Marokkó. Hann er upphaflega eld-
aður í Tagine en því miður á ég ekki
þannig ílát og læt mér nægja stóra
pönnu.
Tagine er ákveðin tegund af potti/
pönnu, venjulega gerð úr þungum
leir, terracotta, sem er með ein-
kennandi loki sem oftast hefur
keilulaga útlit. Svona eldunarílát eru
ákaflega algeng í Norður - Afríku;
Marokkó, Líbíu, Túnis, Egyptalandi
en ekki eins algeng í Evrópu, en eru
að verða vinsælli með auknum áhuga
á mat frá Norður- Afríku.
Hvað er svona sérstakt við þessa
potta? Sumir segja að lögunin geri
það að verkum að vökvi safnist á
annan hátt í lokið sem síðan þéttist
aftur og fellur niður í kássuna sem
verið er að elda - og þannig verð-
ur maturinn ekki eins þurr. Tagine
þykir afar hentugt til langeldunar.
Einnig hefur verið talað um í lönd-
um þar sem borðað er með fingrun-
um sé þetta lag á íláti þægileg.
Lambakjöt, sætir ávextir og krydd
er mikið notað í matreiðslu frá þessu
svæði.
Í þessari uppskrift er:
2 stórir laukar
3 rif af hvítlauk eða eftir smekk
600 gr. af beinlausu lambakjöti
(ég var með sirlonsneiðar með
beinum og þá þarf meira – beinin
gefa bragð) gæti verið fínt að nota
súpukjöt, kannski bara ekki of feitt
og lambaskankar eru líka tilvaldir
Smjör eða olía til að steikja úr
1 1/2 msk. mulin kórianderfræ
1 tsk. steyttar kardimommur
3 tsk. harissamauk ( ég hef því mið-
ur ekki rekist á það í búðum hér á
Selfossi en fæst trúlega í Hagkaup-
um og búðum sem selja vörur frá
austurlöndum)
200 gr. þurrkaðar aprikósur
1 dl. rúsínur
1 dós tómatar
8-9 dl. lamba- eða kálfasoð (ten-
ingur leystur upp í vatni)
salt og pipar eftir smekk
Kjötið brúnað. Laukur og hvít-
laukur saxaðir niður og látið mýkj-
ast með kjötinu. Kryddið látið
veltast með í smjörinu eða olíunni.
Þurrkuðu ávextirnir settir útí ásamt
tómötum og soðinu. Látið sjóða á
hægum hita í allt að einn og hálf-
an tíma með lokið á pottinum eða
pönnunni þangað til kjötið er meyrt.
Steinselja eða kóriander er saxað
smátt og sáldrað yfir þegar maturinn
er borinn fram.
Með þessu er gott að hafa kúskús
(couscous) sem er einnig frá Norð-
ur- Afríku. Ágætt að setja kúskús í
skál og hella sjóðandi vatni yfir sem
hænsnateningur hefur verið leystur
upp í. Líka gott að setja svolítið
smjör eða olíu þegar kúskúsið hefur
drukkið í sig vatnið svo það klessist
ekki jafn mikið saman
Einnig er gott salat nauðsynlegt
með.
Gangi ykkur vel og verði ykkur
að góðu.
Kveðja, KS
12
Að hætti hússins
Kristjana Sigmundsdóttir
kristjanasig@simnet.is
Tel að það dragi til tíðinda í lok vikunnar
„Það er mjög sérkennileg staða innan ASÍ þegar sumir eru með samþykktan samning og aðr-
ir með felldan samninginn,“ seg-
ir Halldóra Sigríður Sveinsdóttir,
formaður Bárunnar í Árnessýslu.
Báran og Drifandi í Vestmannaeyj-
um eru komin í samflot með fleiri
stéttarfélögum í kjarviðræðum eftir
að félagsmenn felldu kjarasamning
fyrir stuttu.
„Starfsgreinasambandið fór með
umboð til samningsgerðar þess
kjarasamnings sem undirritaður
var þann 21. desember sl. Núna
eru þau félög sem eru að fara í
samningagerð aftur með umboð
til samningagerðar. Umboðið er
hjá hverju félagi fyrir sig. Báran,
stéttarfélags er komin í samflot með
7 öðrum félögum. Í því felst einnig
samvinna við önnur sambönd og
félög innan ASÍ. Því miður náðist
ekki samstaða milli allra félaga um
samstarf,“ segir Halldóra.
Félögin hafa fundað með samtök-
um atvinnulífsins fyrir milligöngu
ríkissáttasemjara. „Félagið ítrekaði
kröfuna um hækkun lægstu launa,
gildistíma samningsins auk annarra
þátta. Nú erum við í biðstöðu en
ég tel að það dragi til tíðinda í lok
vikunnar. Ég held að það væri öllum
fyrir bestu ef hægt væri að reyna
að klára þessa samninga. Samtök
atvinnulífsins eru óþreyttir að segja
svigrúmið vera ekki neitt. Staðan er
mjög óljós. Menn voru ekki búnir
undir það að tæplega 50% af ASÍ
felldu samninginn. Almennt héldu
menn að þeir þyrftu ekki að hafa
áhyggjur af þessum svokölluðu
„fimmmenningum“ sem skrifuðu
ekki undir. Svo verða allir í samn-
ingaumhverfinu hálf ráðvilltir þegar
Starfsgreinasambandið er ekki búið
að semja (utan þeirra 5 félaga með
samþykktan samning) því Starfs-
greinasambandið hefur varðað
leiðina hingað til,“ segir Halldóra
Sigríður Sveinsdóttir í samtali við
blaðið.
Halldóra Sigríður Sveinsdóttir, for-
maður bárunnar stéttarfélags í Árnes-
sýslu.