Selfoss - 28.08.2014, Blaðsíða 2
2 28. ÁGÚST 2014
Skeifan 8 | 108 Reykjavík | sími 517 6460 | www.belladonna.is
SKÓLADAGAR
25% afsláttur af öllum vörum frá
Flott föt fyrir flottar konur, stærðir 38-58
Íslandsmet í
raunfærnimati!
78 einstaklingar útskrifuðust úr
raunfærnimati hjá Fræðslunetinu
12. júní sl. Aldrei hafa fleiri út-
skrifast í einu á landinu. Matið fór
fram í fimm mismunandi greinum;
slátrun, á stuðningsfulltrúabraut, í
skrifstofufærni, verslunarfærni og á
garðyrkjubrautum.
„Bæjarstjóra
bar að víkja
af fundi“
Arna Ír Gunnarsdóttir, bæjarfull-
trúi vitnaði í samþykktir sveitar-
félagsins er fjallað var um ráðn-
ingarsamning Ástu Stefánsdóttur
bæjarstjóra í Árborg. Fulltrúar S-
lista létu bóka á bæjarstjórnarfundi:
„Undirritaðar lýsa yfir vonbrigðum
sínum með að framkvæmdastjóri
sveitarfélagsins, hafi ekki orðið við
munnlegri ósk bæjarfulltrúa S-
lista Eggerts Vals Guðmundssonar
að víkja af fundi bæjarráðs, undir
10.dagskrárlið fundarins, er varð-
aði afgreiðslu á ráðningarsamningi
framkvæmdastjórans sjálfs. Það er
skoðun undirritaðra bæjarfulltrúa að
17. grein samþykkta um stjórn og
fundarsköp sveitarfélagsins Árborgar
hafi sannarlega átt við í þessu máli,
en hún hljóðar svo. „Bæjarfulltrúa,
nefndarfulltrúa eða starfsmanni
sveitarfélagsins ber að víkja sæti við
meðferð og afgreiðslu máls þegar það
varðar hann eða nána venslamenn
hans svo sérstaklega að afstaða hans
mótist að einhverju leiti þar af“.
Arna Ír Gunnars-
dóttir bæjarfull-
trúi S- lista Guð-
laug Einarsdóttir
varabæjarfulltrúi
S- lista.
Helgi S. Har-
aldsson, B-lista,
og Ásta Stefáns-
dóttir, D-lista, tóku til máls.“
Ekki er tekið fram í fundargerð
hvað bæjarstjóri hafi sagt. Er það
alltaf jafn undarlegt að ekki skuli
skráð hvað viðkomandi hafi sagt.
Í þessu tilviki hefði verið lítið mál
að fylgja leiðbeiningum Sambands
íslenskra sveitarfélaga. Þar segir um
ritun fundargerða m.a:
Með fundargerðum er tryggð varð-
veisla mikilvægra upplýsinga, svo sem
um það hvar og hvenær fundur sveit-
arstjórnar fór fram, hverjir tóku þátt
í fundinum, hvaða mál voru rædd,
hverjir greiddu atkvæði með tillögu,
hverjir á móti og hverjir sátu hjá, um
niðurstöður mála og eftir atvikum
um helstu rök að baki niðurstöð-
um, eða beinar tilvísanir til gagna
sem geyma slík rök.(feitletrun ÞHH)
Það er feitletrunin sem hér á við
sérstaklega.
ÞHH
Pensjónistinn
hjólaði um
Flóann
„Pensjónistinn vaknaði í morgun
klukkan langt gengin í sjö og leit út.
Norðan andvari klappaði birkitrján-
um í garðinum, svo efstu greinarnar
hneigðu sig lítillega undan golunni
og kinkuðu kolli.
„Góðan daginn,“ sagði hann við
sjálfan sig og leit til himins, þar
var ekki ský að sjá utan smá hvítur
hnoðri yfir Skálafelli á Hellisheiði,
rétt til að minna á að ský væru enn til.
Morgunninn var svo fallegur að
pensjónistinn ákvað, að í dag ætlaði
hann ekki að hafa neinar áhyggjur,
aðeins njóta þess að vera til og búa
á Íslandi og geta hjólað óvopnaður
og óáreittur um Flóann.“ (Úr bloggi
pensjónistans, Jóns Hjartarsonar)
23 sjómenn á
Selfossi með
yfir milljón
Það vekur athygli í upptalningu
Sunnlenska að af fjölmörgum sjó-
mönnum með yfir eina milljón
króna í mánaðartekjur á Suðurlandi
í fyrra eru 23 skráðir á Selfossi. Sem
sagt á þurru landi. Hæsta skatta á
upplandinu ber þó stýrimaður í
Rangárþingi ytra.
það var og...
Gætu Sunnlendingar orðið hamingjusamastir allra? Eða er það kannski ekki sérstaklega eftirsóknarvert? Eitt er víst. Hamingja ræðst ekki af óskiptum vilja. Hamingjan er sameiginlegt mark-
mið. Til að byrja með gætum við spurt hvað okkur finnst brýnt að gera
til að setja hamingjuna í ramma? Innan rammans ferðumst við svo. Ekki
á kostnað annarra. En gætum við ekki sett upp kvarða? Þar kæmi fram
það sem við viljum helst. Og hinum megin á kvarðanum væri það sem
við vildum alls ekki að væri til staðar á þessu upplandi okkar?
Sumt er á rammanum. Ytri skilyrði sem hlýtur að vera hægt að bæta.
Tökum dæmi. Hvers vegna ekki að blanda sér í umræðu um málefni sem
verður á döfinni innan ekki alls langs tíma. Hvað með brúna yfir Ölfusá
hér við Selfoss. Og göngubrú yfir Ölfusá hér á Selfossi. Skiptir miklu
máli. Er öryggisatriði. Hér gæti gerst stórslys. Við þurfum göngubrú strax!
Hvers vegna vilja ekki fleiri tjá sig um brýn hagsmunamál? Á að bíða til
næstu kosninga. Jafnrétti til náms er enn krafa sem setja verður á oddinn.
Frásagnir í blaðinu í dag um gróskuna í Fræðslunetinu talar sínu máli.
Þar er margt gert til að ná til þeirra sem þurfa eða sækjast eftir því að
bæta búsetugæði og verða væntanlega hamingjusamari.
En við þurfum líka að hugsa út fyrir rammann. Við höldum ýmislegt. Er
það til dæmis rétt að allir vilji greiða minni skatta. Í fjárhagsreikningum
sveitarfélaga er jafnvel tekið svo til orða að tekist hafi að ”lækka álögur
á íbúa.” Eins konar kvaðir sem eru lagðar á íbúana. Sumir hugsa út fyrir
rammann. Vilja jafnræði í stað sundurræðis. Danir eru t.d. hamingju-
samasta þjóð í heimi. Hvers vegna? Er það af því að skattar eru þar miklu
hærri en á Íslandi? Eða af því að tekjuskattar eru stighækkandi þannig að
sá sem hefur hærri tekjur greiðir hlutfallslega hærri skatta en sá sem er
tekjulægri. Er það vegna þess að hið opinbera tryggir fólki góðan lífeyri
og fólk býr við öryggi félagslega? Eða af því að námslán og námsstyrkir
eru ríkulegir? Það er einmitt vegna þessara þátta sem hér eru taldir fram
sem Danir segjast vera hamingjusamir.
Við þurfum að ræða hvert skal stefnt. Það er ekki sérfræðinga einna að
fjalla um hag þjóðar. Hefjum umræðuna. Brjótum múra ef þeir þrengja
að. Horfum út yfir og framúr. Og frameftir.
Þorlákur Helgi Helgason
Jafnræði í stað
sundurræðis
LEIÐARI Heimsforseti Kiwanis heimsótti
stærsta Kiwanisklúbb Evrópu!
Í fyrri viku var Gunter Gasser, heimsforseti Kiwanishreyfingar-innar og kona hans í heimsókn
á Íslandi. Þau skruppu út í Eyjar og
heilsuðu upp félaga þar. Kiwanis-
klúbburinn Helgafell í Vestmanna-
eyjum er sá stærsti í Evrópu! Forseti
Helgafells er Ragnar Ragnarsson.
Tæplega hundrað félagar eru í
klúbbnum.
Kiwanisfélagar eru um 600.000 í
8600 klúbbum í yfir 80 þjóðlönd-
um. Í umdæminu Ísland Færeyjar
eru félagar um 1000. Miðað við
höfðatölu er umdæmið hinsvegar
hið fjölmennasta í Kiwanisheimin-
um.
Tilefni komu Gunters var m.a.
að fagna 50 ára starfsemi Kiwanis
á Íslandi, en í ár minnast umdæm-
isfélagar stofnunar fyrsta klúbbsins
á Íslandi, Kiwanisklúbbsins Heklu
í Reykjavík.
Myndin er tekin í heimsókn
heimsforsetans til Vestmannaeyja.
Gunter er annar frá hægri á mynd.
Kjötsúpuhátíðin 2014
Kjötsúpuhátíðin 2014 verð-ur haldin 29. - 30. ágúst á Hvolsvelli. Dómnefnd
fer á stúfana og dæmir garða jafnt
í dagsbirtu sem um dimmar næt-
ur. Dagskrá er fjölbreytt og má
þar finna götuball, sveitamarkað,
hreppahreysti, brennu og vallarsöng
og kjötsúpuball.
Hluti hópsins sem útskrifaðist í vor.
Arna Ír Gunnars-
dóttir
Pensjónistinn meðal hjólareiðavina –
þó ekki í Flóanum