Hafnarfjörður - Garðabær - 03.05.2013, Side 8

8 3. maí 2013
DAS, DAS, DAS og aftur DAS:
Frá bílum og bátum í einbýlishús með bílskúr
-happdrætti DAS hefur 59. starfsárið með stæl
Mikið vatn hefur runnið til sjávar síðan Happdrætti DAS var hleypt af stokk-
unum fyrir röskum 59 árum. Fyrstu
áratugina voru vinningar af ýmsum
toga, bílar, traktorar og bátar til að
byrja með og síðar komu íbúðir og
glæsileg einbýlishús til sögunnar sem
fyrsti vinningur i happdrættinu. Um
tíma voru utanlandsferðir á vinninga-
skrá sem og búfé og húsbúnaður. Frá
árinu 2005 hefur verið heimild til að
greiða út vinninga í peningum en fram
að því hafði happdrætti Háskólans eitt
happdrætta leyfi til þess.
Bæjarblaðið Hafnarfjörður hitti Sig-
urð Ágúst Sigurðsson, forstjóra Happ-
drættis DAS, að máli en nýtt happdrætt-
isár hefst hjá DAS í maí.
„Tilgangur happdrættisins er sá að
byggja og reka hjúkrunarheimili fyrir
aldraða á höfuðborgarsvæðinu. Í ár
gefum við í og bjóðum upp á 1.000
milljónir króna í vinninga þeir eru alls
um 50.000 í ár. Sex Volkswagen bjöllur
verða í boði á árinu hver að verðmæti 5
milljónir króna og eru allir vinningarnir
skattfrjálsir. Ef menn eiga tvöfaldan
miða þá er vinningurinn tvöfaldur, þe
bjallan og 5 milljónir króna í skottinu.
Ef menn kjósa frekar þá er hægt að taka
vinninginn út í peningum og þá er upp-
hæðin 10 milljónir króna. Nú höfum
við verið að breyta íbúðunum á Hrafn-
istu í Reykjavík. Við höfum sameinað
tvö herbergi í eitt svo hvert herbergi er
núna 14 fm að stærð og hver með sér
baðherbergi. Áður voru þau 7 fm hver
og sameiginlegt baðherbergi fyrir hver
tvö herbergi.“ segir Sigurður.
Nýlega var skrifað undir samning
við Reykjavíkurborg um byggingu á 90
þjónustu- og öryggisíbúðum og þjón-
ustukjarna þeim tengdum við Sléttu-
veg og segir Sigurður að mikil þörf sé
á búsetuúrræðum fyrir eldri borgara.
Hrafnista er á þremur stöðum, í
Hafnarfirði, Reykjavík og í Kópavogi
.Naustavör, dótturfyrirtæki Sjómanna-
dagsráðs, er eigandi 183 leiguíbúða fyrir
60 ára og eldri á höfuðborgarsvæðinu.-
Úr sögu DAS
Fyrsti útdráttur DAS fór fram þann 3. júlí 1954. Þá voru tímar
skammtana í landinu en þó fékk
happdrættið úthlutað 6 bifreiðum af
þeim 9 sem fluttar inn það árið.
„Til að byrja með þá voru vinn-
ingarnir bílar og bátar, jafnvel trakt-
orar og það tímabil var á árunum
1954-1987. Árið 1955 fórum við að
hafa íbúðir í fyrsta vinning og það hélt
áfram til ársins 1991“ segir Sigurður.
Sjálfsagt muna margir sem komnir
eru yfir fertugsaldurinn eftir því að
hafa skoðað DAS hús en venjan var
sú að hafa opið hús í þeim fasteignum
sem voru aðalvinningur á hverjum
tíma. Húsin voru mubleruð upp af
húsgagnafyrirtækjum sem sáu sér
hag í að koma vöru sinni á framfæri
á þennan hátt. Vinningshafinn fékk
síðan lykilinn að fullbúinni eigninni
og gat flutt inn samdægurs.
Biðraðir fólks að skoða húsin
„Á árinum 1955 til 1978 stóð fólk
í biðröð til að skoða húsin. Þetta
breyttist svo uppúr því þegar farið
var að hafa stórar vörusýningar í
Laugardalshöllinni og einnig fór sjón-
varpið að senda út lengri dagskrá og
það hafði áhrif á aðsóknina.“ segir
Sigurður.
Hann segir að á árunum 1955-1991
hafi íbúðarvinningarnir verið 136
talsins; 13 einbýlishús, 6 raðhús, 111
íbúðir og 6 sérhæðir. Eignirnar voru
víða á höfuðborgarsvæðinu, í Reykja-
vík, Kópavogi, Garðabæ, Hafnarfirði
og Mosfellsbæ. HÞ
Árið 1974 var aðalvinningurinn þetta hús á Túngötu á Álftanesi. myndin sýnir þá húsbúnaðartísku sem ríkti á þeim
tíma: plast og sterkir jarðlitir.
Árið 1959 var þessi flotti moskvitch einn af aðalvinningum í happdrætti
DaS. Hún hefur klætt sig upp í sitt fínasta púss konan á myndinni sem veitir
bílnum móttöku.Þetta hús sem nú tilheyrir Einibergi í Setbergshverfinu var aðalvinningurinn árið 1976. Þá var ekki búið að skipuleggja
byggð í Setbergi og hét gatan þá Hraunbergsvegur.
Innréttingarnar sem hér sjást voru í íbúð sem var aðalvinningur í happdrætti
DaS árið 1972 eru þær allra eftirsóttustu í dag. Hver man ekki eftir grænum
og appelsínugulum eldhústækjum?
Sigurður Ágúst Sigurðsson, forstjóri happdrættis DaS með Bingó Bjössa sér við hlið. Bjössi kom fram í þáttunum
Bingó-Lottó með Ingva Hrafni hér um árið.