Hafnarfjörður - Garðabær - 10.01.2014, Blaðsíða 6

10. janúar 2013
Hefurðu búið erlendis?
Ég hef nú ekki gert mikið af því að búa
erlendis. Ég var skiptinemi í Þýska-
landi í eitt ár þegar ég var 19 ára. Svo
var ég búsett í hálft á í New York í
kringum tvítugsaldurinn.
Hver er stærsti sigur þinn?
Það var að koma þessum tveim snill-
ingum sem ég á í heiminn og það með
sama manninum.
Hver eru þín helstu áhugamál?
Dýr og sveitamennska í öllu formi.
Mig langaði alltaf að verða bóndi
þegar ég yrði stór. Nú hef ég aðgang
að smá landskika í Ásahreppi og er
þar með hestana mína sem ég elska
út af lífinu og stefni að því að fá mér
kind næsta vor... og landnámshænur...
og grísi og... gróðurhús.. Gunna til
mikillar mæðu.
Hver er þinn helsti kostur?
Ég er duglegur skapandi húmoristi.
En galli?
Get verið tuðandi miðaldra kelling.
Ertu liðtæk í eldhúsinu?
Jebbsí peppsí. Ég er frábær kokkur. Þar
kemur sköpunargleðin sé vel.
Áttu gæludýr?
já Hund og fimm hesta og langar alltaf
í fleiri dýr
Hvernig bíl áttu?
Brúnan og gráan. ég hef engan áhuga á
bílum og nenni ekki einu sinni að muna
tegund á eigin bílum. Það þarf bara að
vera á fjórum hjólum og koma mér
frá A til B og helst með krók svo að ég
geti komið hestakerru aftan í sem mig
nóta bene vantar að eignast ef einhvern
vantar að losna við.
Áttu draumabíl?
Já, bíl sem væri bæði bíll og hestakerra
í einu. Það væri bara hægt að stækka og
minnka hann eftir þörfum. Það væri
líka frábært ef hann væri bara hesthús
á hjólum sem breytist svo í flutningabíl
þegar ég þarf að flytja leikmynd.
Ferðastu mikið?
Já, ég ferðast mikið. Sérstaklega inn-
anlands. Ég vinn sem farastjóri í
hestaferðum á sumrin og við fjölskyldan
ferðumst mikið innanlands og förum til
útlanda þegar að fjárráð leyfa.
Hver er fallegasti staðurinn á Íslandi?
O, Þeir eru svo margir. Þú hýri Hafnar-
fjörður að sjálfsögðu þar sem ég ólst
upp. Vatnsdalur í A-Húnavatnssýslu
þar sem ég var í sveit sem barn og
Ásahreppur sem er nýja sveitin mín og
íslenska Hálendið. ég gæti haldið áfram
að þylja upp fallega staði á Íslandi í allan
dag. Það eru alger forréttindi að fá að
búa á þessari eyju.
En í Hafnarfirði?
Gamli Suðurbærinn, miðbærinn og
vesturbærinn eru í miklu uppáhaldi í
gönguferðum með hundinn
Uppáhaldsmatur?
Sushi og alskonar skelfisks forréttir.
Uppáhaldsdrykkur?
Það er ekki alveg jafnhollt og maturinn.
Kók Zero og bjór.
Uppáhaldsbók?
„Ég lifi“ ... ég man ekki hvað höfundur-
inn heitir en hún fjallar um mann sem
lifir af helförina.
Uppáhaldstónlistarmaður eða tón-
listarstefna?
Ég er svo mikil alæta á tónlist. Við eigum
fullt af fábærum tónlistarmönnum og
hljómsveitum eins og Jón Jónsson,
Hjaltalín, Monsters og men, Ásgeir
Trausti. Það er alltaf gaman að hlusta á
þessa frábæru íslensku tónlistarmenn.
svo eru gömlu góðu poppperlunar frá
the eightís æðislegar líka.
Eftirlætis íþróttafélag?
FH.
Hvað kveikti áhuga þinn á leiklist?
Ég var dregin inn í leikfélag Hafnar-
fjarðar þegar ég var 14 ára og þar fékk
ég bakteríuna.
Hversu lengi hefurðu staðið í þessu?
Jesús minn. Það eru orðin 20 ár í at-
vinnumennsku núna.
Hvernig berðu þig að þegar þú byrjar
á nýju verkefni?
Ja, stórt er spurt. Í sjálfstæðum rekstri
eins og ég stend í þarf maður alltaf að
vera með eitthvað í pípunum og halda
nokkrum boltum á lofti í einu. Maður
er alltaf að leita að góðum hugmyndum.
Þegar hún er svo fundin þá þarf að semja
verkið. Svo þarf að leita að samstarfsað-
ilum og fjármagni. Þegar það er komið
þarf að byrja að æfa og vanda sig við að
gera verðmætt stykki sem áhorfendur
vilja koma að sjá, því annars fellur þetta
allt um sjálft sig.
Hvað er skemmtilegast í leiklistinni?
Að skemmta áhorfendum.
Hefurðu verið í hljómsveit?
Nei því miður.
Hvert var fyrsta starfið og hvað
hefurðu sýslað umfram leiklistina?
Ég hef unnið við leiklist frá útskrift, en
fram að því vann ég við hin ýmsu störf
eins og ungt fólk gerir. T.d. á eliheimili,
á Gulu bókinni, sem ráðskona o.fl.
Hvað er að þínu mati mikilvægast fyrir
Hafnarfjörð?
Það er margt mikilvægt í bænum okkar.
Sem móðir verð ég að nefna uppeldi
barnanna okkar. Sem bissnesmannekjs
get ég talað um mikilvægi þess að fá
fólk til að eyða meiri tíma og pening
í bænum okkar. Sem listamaður vona
ég að ég geti tekið þátt í að auka hróður
Hafnafjarðar þegar kemur að menningu
og listum.
Að því sögðu, hvað mættu bæjar-
yfirvöld gera til að bæta listalífið í
bænum?
Við þurfum að halda áfram að huga
vel að listrænu uppeldi barnanna okkar
og þá uppskerum við í frábærum lista-
mönnum í framtíðinni.
Hvaða stundir í lífinu eru gleðileg-
astar?
Samvera með fjölskyldu og dýrum og
vel lukkaðar frumsýningar.
Hvað finnst þér skemmtilegast að
gera?
Allt nema að vera veik.
Leiðinlegast?
Að vera veik.
Hvað gerir þú þegar þú ert örg eða
ekki í góðu skapi?
Ég fer út að labba með hundinn áður en
ég missi mig í pirringa við allt og alla.
En þegar þér leiðist?
Fer í sveitina.
Hvenær líður þér best?
Úti í náttúrunni.
Áttu þér fyrirmynd í leik eða starfi?
Allar eldri konur en ég í stórfjöl-
skyldunni.
Hvað er framundan hjá Björk Jakobs-
dóttur?
Halda áfram að sýna Unglinginn sem
hefur fengið frábærar viðtökur og var
valin ein af þrem áhugaverðustu sýn-
ingum ársins af Djöflaeyjunni. Svo er
ég að vinna að nýrri sýningu með Eddu
Björgvins og sýningu með Gunna og
Felix.
Eins er ég að fara af stað með námskeið
fyrir kennara til að kenna leiðir til að
vinna með sköpun í skólastarfi. Eins
og venjulega er margt í pípunum svo er
bara að sjá hvaða boltar lenda í körfunni
þetta árið.
Lífsmottó:
Það gerist ekki neitt ef maður gerir það
ekki sjálfur.
6
Björk Jakobsdóttir
„Það gerist ekki neitt ef maður gerir það ekki sjálfur“
Kynntu þér úrvalið á www.okkarbakari.is
og á facebook.com/okkarbakarí
Mikið úrval af skemmtilegum
kökum í afmælið
GOTT Í
BARNAAFMÆLIÐ
Okkar bakarí | Iðnbúð 2 | 210 Garðabær | Sími: 565 8070
Tangled, Cars, Hello Kitty, Spiderman,
Barbie, Svampur Sveinsson og margt fleira.
Bjóðum
einnig upp á
eggjalausar
tertur
Björk Jakobsdóttir leikkona og leikstjóri hefur vakið mikla athygli í haust
en hún stýrir leiksýningunni Unglingurinn sem slegið hefur í gegn og verður
sýningum haldið áfram á nýju ári. Hún hefur Hafnfirðingur í húð og hár og
hefur aðeins farið út fyrir bæinn til að „sækja mér kall“ að eigin sögn. Hún
er gift Gunnari Helgasyni leikara og eiga þau tvo syni. Björk ætlaði alltaf
að verða bóndi en fékk leiklistarbakteríuna 14 ára þegar hún „var dregin
inn í Hafnarfjarðarleikhúsið“. Hún fór síðar í Leiklistarskólann og hefur
unnið í leiklistinni síðan. Björk Jakobsdóttir er í yfirheyrslu að þessu sinni.