Hafnarfjörður - Garðabær - 10.01.2014, Blaðsíða 10

10 10. janúar 2013
Matarsíða svavars
Gekk með matreiðslubókina í níu mánuði
Í hrauninu vestast í Hafnarfirði, nánast úti á Garðaholti, sitja lágreistir Brúsastaðir og láta lítið yfir sér. Þegar rennt er í hlað vekur hins vegar athygli hversu snyrtilegt er um að litast og hve smekklega húsið og
næsta nágrenni falla inn í ósnert hraunið í kring. Þegar stigið er út úr bif-
reiðinni tekur á móti manni ferskur sjávarandvari, enda aðeins steinsnar
niður í fjöruborðið. Þarna býr fjöllistakonan, iðnhönnuðurinn, bloggarinn
og matreiðslubókahöfundurinn María Krista Hreiðarsdóttir.
Bók hennar um lágkolvetna brauð og
eftirrétti var eins sú mest selda í nýyf-
irstöðnu jólabókaflóði. Matarblaða-
maður Hafnarfjarðar og Garðabæjar
tók hús á henni nýlega til að forvitnast
um hvað það er sem drífur hana áfram.
Fullgildur gaflari
í eldhúsinu
„Ég er fædd á Sólvangi og því fullgildur
gaflari, „er það fyrsta sem María Krista
nefnir þegar hún er spurð um hagi
sína. Hún er þriggja barna móðir og
klauf fjörtíu ára múrinn á síðasta degi
nýliðins árs. „Ég er stúdent úr Flens-
borgarskóla og nam síðar iðnhönnun
í Iðnskólanum í 2 ár. Útskrifaðist svo
sem grafískur hönnuður úr Listaháskól-
anum árið 2000. Ég starfaði í 3 ár hjá
Iðunni og Fróða útgáfu strax eftir út-
skrift en fór fljótlega að starfa sjálfstætt
upp úr því við hin ýmsu verkefni og sl.5
ár hef ég rekið mitt eigið fyrirtæki ásamt
eiginmanninum.“ Fyrirtækið snýst um
hönnun og framleiðslu á gjafavöru og
skarti af ýmsu tagi og heitir Krista Des-
ign. Fyrir forvitna má skoða framleiðsl-
una á www. kristadesign.is.
„Hef alltaf elskað mat“
Brauð og eftirréttir Kristu: Sykur-,
ger- og glútenlaust, er fyrsta bók höf-
undar. Áður hefur verið fjallað lítillega
um bókina á síðum þessa blaðs í um-
fjöllun um þær sex matreiðslubækur
eftir hafnfirska höfunda sem komu út
á árinu 2013. María Krista hefur hins
vegar haldið úti vinsælu bloggi með
mataruppskriftum og vangaveltum um
lífið og tilveruna. En hvaðan skyldi sá
áhugi koma? „Ég hef alltaf elskað mat
síðan ég man eftir mér og kannski
einum of því ég varð allt of þung eftir
að ég átti börnin mín og hef átt í vissri
baráttu við að halda aukakílóunum frá.
Þá verður maður pínulítið heltekinn
af matarpælingum hvort sem það er
af hollum eða óhollum mat. Ætli ég
myndi ekki greinast sem matarfíkill.“
Eitt vinsælasta bloggið
Matarblogg Maríu Kristu varð fljótlega
eitt það allra vinsælasta á landinu. En
hvers vegna ætli hún hafi tekið skrefið
frá mataráhuga og yfir í matarbloggið?
„Ég var að byrja að fylgja lágkolvetna-
mataræði ásamt dóttur minni en hún
er með glútenóþol og langaði að prófa
með mér að taka út hveiti og fleira. Því
hentaði vel þetta mataræði en það snýst
um að takmarka kolvetni töluvert, taka
út allan sykur og sterkju. Yngri sonur
minn er svo með hveitiofnæmi þannig
að þetta virtist henta okkur mjög vel.
Blogghugmyndin kom svo fljótlega
eftir að ég byrjaði að taka myndir af
nýju réttunum sem við vorum að prófa
en ég setti þær inn á facebooksíðuna
mína. Fljótlega var ég farin að fá aðeins
of margar vinabeiðnir frá forvitnum
lágkolvetnasnillingum sem vildu líka
tileinka sér þessar nýju matarvenjur
og því var einfaldara hreinlega að
setja upp almennilegt blogg og setja
inn uppskriftir með réttunum mínum.“
Níu mánaða meðganga
En svo varð bloggið að bók, af hverju
og hvað var bókin lengi í smíðum?
„Ég myndi segja að bókin sé nánast
afkvæmi þessarar bloggsíðu en hún
var búin að vera í loftinu í níu mánuði
þegar ég skilaði inn fyrsta handritinu
til Sölku forlags. Ég hef safnað tugum
uppskrifta inn á bloggið sem ég hef
föndrað saman sjálf eða breytt gömlum
uppskriftum í lágkolvetna útgáfur og
uppskriftirnar í bókinni eru brot af
þessari vinnu. Lagði þó megináherslu á
brauð- og eftirrétti því það er oft snúið
að útbúa sér rétti af því tagi sem heppn-
ast vel en við sækjum þó öll pínulítið
í. Það er ekkert gaman að borða bara
steik og bernaise til lengdar og leyfa
sér aldrei smá eftirrétt og/ eða gott
hvítlauksbrauð með.“
Vill minnka hvíta sykurinn
Matarblaðamaður skilur vel þessa þörf,
sem reyndar einkennir afskaplega
marga mataráhugamenn. En bóka-
skrif eru samt stórt stökk. Var einhver
ein ástæða fremur en önnur sem varð
til þess að þú skrifaðir þessa bók? „Ég
þurfti bara að koma þessu frá mér eftir
að maðurinn minn kom hugmyndinni
inn í kollinn á mér. Ég var búin að gera
uppskriftaspjöld sjálf sem ég sel með
uppskriftastandi frá Kristu Design en
bók er alltaf spennandi og hver vill ekki
gefa út eina slíka á lífsleiðinni„spyr
María Krista með bros á vör. Eins og
fram hefur komið á þessum síðum og
í öðrum skrifum matarblaðamanns er
bókin einkar vel úr garði gerð og vel
hugsuð. Bókin hefur fengið fyrirtaks-
dóma, en fyrir hverja er hún hugsuð?
„Hún er ekki eingöngu hugsuð fyrir
fólk á lágkolvetnamataræði því eins og
ég segji þá henta þessar uppskriftir vel
fyrir þá sem berjast við glútenóþol sem
og ofnæmi og einnig fólk með sykur-
sýki. Svo geta bara allir nýtt sér þessar
uppskriftir ef þeir vilja takmarka neyslu
hvíta sykursins, passa tennurnar, blóð-
sykurinn og losna við ýmsa kvilla eins
og bólgur, ofnæmi og bjúg.
Indverskt í uppáhaldi
En víkjum nú aðeins aftur að höfund-
inum. Á hún sér til að mynda einshvern
uppáhaldsmat? „Ég er ofsalega hrifin
af indverskum mat, svo er ég reyndar
mikil matmanneskja og finnst fátt
skemmtilegra en að fara í matarboð
eða dunda mér eitthvað í eldhúsinu,
sérstaklega upp á síðkastið. „En hvað
finnst henni þá um íslenska matar-
menningu? „Hún er nú bara nokkuð
skemmtileg, frábærir veitingastaðir hér
og fjölbreytt flóra í þeim geiranum.
Sýnir sig líka vel hvað landinn er með
puttana á púlsinum því nú hafa sprottið
upp þónokkrir staðir sem bjóða upp á
lágkolvetnarétti á matseðlinum sínum.“
Sykurlöngunin hverfur
Hollur matur og góð heilsa er Maríu
Kristu greinilega hugleikinn. En
hvernig á maður að hennar mati að
bera sig að ef maður vill fara að borða
hollari mat? Ekki stendur á svarinu:
„Það er um að gera að taka hænu-
skref til að byrja með. Taka út gosið
til að byrja með, en líka allt nammi og
nart eftir átta á kvöldin. Ekki versla
í matinn þegar maður er svangur og
drekka mikið vatn á milli máltíða.
Lágkolvetnamataræði er samt ótrú-
lega einföld og í raun góð leið til að
skipta hratt yfir í sykurlausa lífernið
því sykurlöngunin hverfur á ótrúlega
skömmum tíma ef kolvetnin eru tak-
mörkuð eins og við gerum frá því að
við vöknum fyrst að morgni og ef þau
eru í lágmarki yfir daginn þá er minni
hætta á að blóðsykurinn falli niður
eins og oft vill gerast seinnpartinn
og við dettum í óhollustuna. Kann-
ast ekki sumir við að koma þreyttir
heim og ráðast á kexpakkann og klára
á nokkrum mínútum. Það er samt alls
ekki verið að taka öll kolvetni út, við
borðum t. d. mikið af grænmeti og
fræjum, hnetum og fleira - en í hófi.
Bókunarsími tilboðsins er 426 5000
Aðeins 8.500 kr. fyrir tveggja manna herbergi!
Gistihús Keflavíkur · Keflavíkurflugvelli · Valhallarbraut 761 · 235 Reykjanesbæ
Sími 426 5000 · gistihus@internet.is · bbkeflavik.com
Láttu fara vel um þig nóttina fyrir eða eftir flug og gistu hjá okkur.
Þú geymir bílinn þinn hjá okkur, við keyrum þig upp á á flugvöll
og sækjum þig aftur þér að kostnaðarlausu.
Ertu á leiðinni til eða frá landinu?
Morgunverður er innifalinn
Þráðlaus nettenging
Rúmgóð herbergi með gervihnatta-
sjónvarpi og baði
Því ekki að byrja eða enda fríið í Bláa
Lóninu, aðeins um 15 mín. akstur frá
okkur, eða skoða Víkingasafnið, gamla
hervöllinn og Reykjanesið?
Við erum vel staðsett til að njóta alls
þess sem Reykjanesið hefur upp á að
bjóða. Tilvalið fyrir hvataferðir, fundi eða
rómantískar stundir.
Gott verð! Gildir til 1. maí 2014.
Auglýsingasíminn er 578 1190