Hafnarfjörður - Garðabær - 30.05.2014, Blaðsíða 7
730. maí 2014
SveitarStjórnakoSningar 2014
Hvað á að kjósa?:
Áherslur oddvita flokkanna í Hafnarfirði
Sex flokkar bjóða fram í bæjarstjórnarkosningunum í Hafnarfirði á morgun.
Þetta eru Björt framtíð, Framsóknarflokkurinn, Píratar, Samfylkingin, Sjálf-
stæðisflokkurinn og Vinstri græn. Samfylking og VG hafa starfað saman í
meirihluta á kjörtímabilinu. Framboð BF og Pírata eru ný.
Skoðanakannanir hafa sýnt að meirihlutinn heldur ekki velli, fari kosningar
eins og síðasta könnun Félagsvísindstofnunar Háskólans gefur til kynna, en
hún var birt í Morgunblaðinu um miðjan mánuðinn.
Í þeirri könnun mældist Sjálfstæðisflokkurinn með 31,6 prósenta fylgi, sem
er raunar umtalsvert minna en í kosningunum 2010, þegar hann fékk rúm
37 prósent atkvæða og fimm fulltrúa kjörna.
Samfylkingin mælist með 24 prósent. Það er töluvert minna en í síðustu kosn-
ingum, þegar hún fékk yfir 40 prósenta fylgi og fimm bæjarfulltrúa kjörna.
Vinstri græn mældust með rúmlega 8 prósenta fylgi í könnuninni. Þau héldu
sínum bæjarfulltrúa, færu kosningarnar svona, en VG fékk rúm 14 prósent
í síðustu kosningum.
Nýju framboðin Björt framtíð og Píratar hafa samanlagt mælst með hátt
í 30 prósenta fylgi. Fylgi við BF mælist um 20 prósent nú og Píratar með
rúm 8 prósent.
Framsóknarflokkurinn náði ekki inn manni í síðustu kosningum. Þá fékk
flokkurinn um 7 prósenta fylgi og mælist með annað eins nú ef marka má
könnun Félagsvísindastofnunar.
Nýjasta könnunin í Hafnarfirði, sem hafði verið birt þegar blaðið fór í
prentun, birtist í Fréttablaðinu 22. maí. Þar blasir við örlítið önnur mynd.
Sjálfstæðisflokkurinn mælist stærstur, en með 28 prósenta fylgi. Fylgi við
Samfylkinguna mælist 25 prósent rúm. Fylgi við Bjarta framtíð tæp 17 prósent
og fylgi við Vinstri græn mælist tæp 13 prósent. Fylgi við Pírata mældist í
þeirri könnun rúm 12 prósent en framsókn mælist með rúm 7 prósent, eins
og í könnun Félagsvísindastofnunar, og nær ekki inn manni.
Björt Framtíð:
Leggst gegn loforða-
listum fyrir kosningar
Guðlaug Kristjánsdóttir er borin og
barnfædd í Hafnarfirði. Hún er þekkt
fyrir störf sín hjá BHM þar sem hún
hefur gegnt formennsku um árabil,
og er nú oddviti Bjartrar framtíðar í
Hafnarfirði.
Spurð um þrjú brýnustu málin fyrir
bæjarstjórn Hafnarfjarðar til skemmri
og lengri tíma segist Guðlaug ekki vilja
aðskilja markmið með þessum hætti.
„Allt sem við gerum í dag hefur áhrif
til framtíðar og því brýnt að horfa fram
í tímann þegar ákvarðanir eru teknar,“
segir Guðlaug, og bætir því við að
Björt framtíð vilji „hrista aðeins upp“
í bæjarpólitíkinni í Hafnarfirði. Það sé
markmið til skemmri tíma.
„Annars er grunnáhersla Bjartrar
framtíðar í Hafnarfirði á framtíðar-
stefnu, sem við myndum vilja móta
þvert á flokka og með greiðri aðkomu
bæjarbúa. Hvernig bæ vilja Hafn-
firðingar sjá til framtíðar? Fyrir hvað
stendur bærinn okkar? Sátt um sam-
eiginlega framtíðarsýn myndi styrkja
mjög starf bæjarstjórnar að okkar
mati. Við erum þar með gnótt af hug-
myndum til að leggja í púkkið,“ segir
Guðlaug Kristjánsdóttir.
Framsóknarflokkurinn:
Hagkvæmur rekstur
bæjarins
Ágúst Garðarsson, oddviti Fram-
sóknarflokksins er fæddur og uppalinn í
Hafnarfirði. Hann er stúdent frá Flens-
borgarskóla, BA í stjórnmálafræði frá
HÍ og stundar nú MPM nám í verk-
efnastjórnun við Háskólann í Reykja-
vík.
„Fjármál, ferðamál, íþrótta- og
tómstundamál, skólarnir, velfarðar-
mál, þjónusta, atvinnu- og skipulags-
mál eru allt mikilvægir málaflokkar.
Fjárhagsstaða bæjarins er slæm. Það
er engum blöðum um það að fletta.
Það er auðvitað mál sem þarf að taka
og bæjaryfirvöld hafa þegar hafið þá
vinnu að einhverju leyti. Þeirri vinnu
verður að halda áfram og ég er viss um
að þeir sem koma til með að taka við
stjórnun bæjarins muni leita allra ráða
til þess að gera rekstur bæjarins eins
hagkvæman og mögulegt er. Skuldir og
skuldbindingar sem hlutfall af tekjum
er um 201% í lok árs 2013 ef horft er
á drög að ársreikningi,“ sagði Ágúst í
viðtali við blaðið fyrr í vor.
Píratar:
Ágætt fyrst skref
Brynjar Guðnason, oddviti Pírata er
uppalinn í Hafnarfirðinum.
„Ég hef alltaf haft skoðanir og fylgst
með stjórnmálum, var skráður í Sam-
fylkinguna sem unglingur en áttaði mig
fljótlega á því að ég ætti ekki samleið
með þeim og sagði mig úr flokknum
áður en ég fékk kosningarétt. Frá
þeim tíma og þangað til ég skráði mig
í Pírata var ég virkur í ópólitískum fé-
lagsstörfum,“ sagði Brynjar í nýlegu
viðtali við blaðið.
„Það brýnasta er að ná betri tökum á
fjármálum, opna bókhaldið fyrir bæj-
arbúum og tryggja aukið þátttökulýð-
ræði.“
Til lengri tíma telur Brynjar það til
mikilvægustu markmiðanna að „opna
stjórnsýsluna upp á gátt og gera hana
gegnsæja og aðgengilegri bæjarbúum
– þar á ég við t.a.m. opið bókhald, að
gera íbúum auðveldara að fylgjast með
og hafa áhrif á mál sem tekin eru fyrir í
nefndum og ráðum og að bærinn leggi
áherslu á að birta öll gögn á opnum
sniðum. Opið bókhald veitir mikið og
nauðsynlegt aðhald á meðferð bæði
kjörinna fulltrúa og embættismanna
með peningana okkar,“ sagði Brynjar
í samtali við blaðið fyrr í vor.
Þess má geta að bæjaryfirvöld
byrjuðu nýlega að birta nákvæmar
upplýsingar um fjárreiður bæjarins,
þar á meðal eru framlög til einstakra
skóla og leikskóla, til íþróttafélaga og
félagasamtaka, kostnaður við mokstur
og hirðingu, auk þess sem greint er
frá kostnaði við stjórnsýslu bæjarins,
auk skatttekna. Rauntölur eru birtar
með samanburði við fjárhagsáætlun
bæjarins; bæði fyrir hvern mánuð og
einnig miðað við árið.
„Þetta er ágætt fyrsta skref en við
viljum að hver færsla í bókhaldinu sé
birt á netinu, fyrir utan þær sem er
eðlilegt að birta ekki sem stakar færslur
vegna persónuverndarsjónarmiða, og
það sé hægt að leita í þeim á þægilegan
hátt.“
Vinstri græn:
Betra samfélag
næstu fjögur ár
Guðrún Ágústa Guðmundsdóttir,
oddviti Vinstri grænna í Hafnarfirði,
er bæjarstjóri Hafnarfjarðarbæjar og
hefur gegnt því embætti undanfarin
misseri. Hún er Hafnfirðingur í húð
og hár.
„Bæði ég sem bæjarstjóri og fulltrúar
okkar Vinstri grænna í nefndum og
ráðum bæjarins höfum lagt okkur fram
um að vera trú hugsjónum okkar um
velferð, jafnrétti og samvinnu. Verk-
efnin á þessu kjörtímabili hafa verið
bæði flókin og krefjandi en okkur hefur
tekist að stórbæta fjárhag Hafnarfjarðar
með gagngerri endurskipulagningu á
rekstri, stjórnun og endurfjármögnun
lána bæjarins. Ég vona því að bæjar-
búar séu sáttir við það hvernig til hefur
tekist og að okkur gefist tækifæri til að
halda áfram að byggja upp enn betra
samfélag næstu fjögur árin,“ segir Guð-
rún Ágústa.
Guðrún Ágústa nefndi húsnæðis-
málin fyrst, þegar hún var spurð um
brýnustu mál í viðtali í síðasta tölu-
blaði. Fólk verði að geta eignast eða
leigt sér húsnæði. „Það á ekki að vera
nauðsynlegt að eiga fasteign alla ævi og
það ætti líka að vera hægt að leigja hús-
næði alla ævi. Það er líka nauðsynlegt
að auka framboð af félagslegu húsnæði
í bænum.“
Hún nefnir einnig stofnun emb-
ættis umboðsmanns Hafnfirðinga,
sem bæjarbúar eigi að geta leitað til,
séu þeir ósáttir við málsmeðferð eða
ákvarðanatöku bæjarins. „Við höfum
stigið nokkur skref í átt að gegnsærri
stjórnsýslu með birtingu gagna með
fundargerðum og gert hana aðgengi-
legri. Stofnun embættis umboðsmanns
Hafnfirðinga er í raun eðlilegt skref
í kjölfar þeirra sem við höfum þegar
stigið.“ Jafnframt þurfi að jafna tæki-
færi barna í bænum. „Með auknu fjár-
magni til fræðslumála, með upptöku
frístundakorts í stað núverandi fyrir-
komulags og ekki síst að skoða hvort
við getum ekki sett á stofn myndlist-
arskóla hér í Hafnarfirði svo eitthvað
sé nefnt.“
Rætt er við oddvita Samfylkingar-
innar og Sjálfstæðisflokksins á bls. 14.
Skapandi samstarf
Fjölbreyttni í skólastarfi
Sú auðlind sem er hverju bæjarfélagi
verðmætust er mannauðurinn. Í lýð-
ræðisþjóðfélagi er fátt mikilvægara
en að skapa rými fyrir börnin okkar
og unga fólkið þar sem þeim gefst
færi á að finna rödd sína svo þau geti
tjáð sig um þau málefni sem að þeim
snúa. Til þess að einstaklingurinn
geti þroskað með sér lýðræðisvitund
á þennan hátt skiptir máli að hlúa
að fjölbreyttu skólastarfi og að auka
vægi skapandi greina. Fjölbreyttara
val í skólastarf eykur frumkvæði og
skapandi hugsun og tryggir að allir
fá jöfn tækifæri til þess að þróa sitt
einstaka áhugasvið, prófa sig áfram
og uppgötva sjálfan sig.
Öflugt samstarf
við Gaflaraleikhúsið
Á síðustu þremur árum hafa grunn-
skólar Hafnarfjarðar átt öflugt sam-
starf við Gaflaraleikhúsið um leik-
listarkennslu fyrir unglinga. Þetta
samstarf hefur gefið góða raun
og skilað sér í faglegri leiklistar-
og tjáningarkennslu og auknum
metnaði og áhuga unglinganna þar
sem þau fá að starfa í alvöru leik-
húsrými með öllu tilheyrandi. Við
í Samfylkingunni viljum byggja á
þeirri reynslu sem hefur skapast í
samstarfi grunnskólanna og Gafl-
araleikhússins og efna til sambæri-
legs samstarfs við fleiri aðila og á
fleiri sviðum. Til dæmis mætti koma
á samstarfi við myndlistarfólk, gall-
erí, söngskóla og efla enn fremur
samstarf við framhaldskólana og þá
sérstaklega þegar kemur að ýmsum
iðn- og tæknigreinum.
Að þjálfa skapandi hugsun
Sjálf kenndi ég börnum og ungu fólki
leiklist og tjáningu í átta ár. Í gegnum
starf mitt hef ég séð það aftur og aftur
hvað þau búa að því alla ævi að fá að
kynnast rödd sinni, skapandi hugsun
og ólíkum nálgunum. Með því að
gefa börnum og ungu fólki tækfæri
til að kynnast mismunandi skapandi-,
list- og verkgreinum erum við að ala
upp einstaklinga sem búa yfir auknu
sjálfstrausti, skapandi hugsun og lýð-
ræðisvitund. Einstaklinga sem munu
taka virkari þátt í samfélaginu og leita
skapandi lausna á þeim verkefnum
sem við stöndum frammi fyrir.
Höfundur er
Eyrún Ósk Jónsdóttir,
frambjóðandi
Samfylkingarinnar í Hafnarfirði
Ágúst Garðarsson.
Brynjar Guðnason.
Guðrún Ágústa Guðmundsdóttir.
Guðlaug Kristjánsdóttir.