Hafnarfjörður - Garðabær - 07.02.2014, Blaðsíða 10

10 7. febrúar 2014
Húsnæðismálin í forgrunni
Í gegnum tíðina hafa verið gerðar nokkrar tilraunir til að efla önnur
búsetuform en séreignarformið hér
á landi en hinn opinberi húsnæð-
isstuðningur hefur þó alltaf verið
að mestu leyti takmarkaður við það
búsetuform. Sú stefna hefur í reynd
hindrað uppbyggingu leigumarkaðar
hérlendis í því formi sem þekkist víð-
ast hvar í löndunum í kringum okkur.
En hvernig getum við komist út
úr þessu ástandi? Hvernig getum við
tryggt að allir geti búið við húsnæð-
isöryggi á viðráðanlegu kjörum og
hvernig getum við tryggt að fólk geti
átt raunverulegt val um að kaupa eða
leigja?
Með samþykkt bæjarráðs Hafnar-
fjarðarbæjar frá 16. janúar sl. hefur
Hafnarfjarðarbær tekið frumkvæðið
í að leiða saman byggingaraðila og
fjárfesta, frjáls félagasamtök og aðra
sem hafa áhuga á að koma að upp-
byggingu hagkvæmra leiguíbúða
á höfuðborgarsvæðinu. Samhliða
þessu er unnið að því að skilgreina
þau svæði þar sem slík uppbygging
er talin raunhæfur og spennandi
kostur, meðal annars í og umhverfis
miðbæinn.
Nú þarf ríkisvaldið hins vegar að
koma í lið með sveitarfélögunum,
fylgja frumkvæði þeirra og efna
um leið stóru loforðin sem gefin
voru fyrir síðustu konsningar. Ein
af grunnforsendunum virks leigu-
markaðar er nefnilega að ríkið hagi
breytingum á húsnæðisstuðningi hins
opinbera þannig að hann geri ekki
greinarmun á búsetuformum og ljúki
við innleiðingu húsnæðisbóta í stað
vaxta- og húsaleigubóta.
Ríkisstjórnin verður líka að koma
fram með sannfærandi svör um með
hvaða hætti hún ætlar að leysa þann
vanda sem óhjákvæmilega felst í því
að vera með okkar litla og óstöð-
uga gjaldmiðil, sem má segja að sé
stærsti einstaki áhrifaþátturinn í
málefnum húsnæðismarkaðarins og
um leið kostnað hvers heimilis við
að koma sér upp húsnæði. Það er
stóri fílinn sem margir virðast eiga
erfittt með að viðurkenna í þessari
umræðu, íslenska krónan og þeir
háu vextir sem henni fylgja þýða að
vaxtakostnaður íslenskra heimila
vegna húsnæðiskaupa er að meðaltali
helmingi meiri en gengur og gerist í
nágrannalöndum okkar. Það hefur
sömuleiðis áhrif á leigumarkaðinn
og leiguverð.
Sveitafélögin eru hins vegar tilbúin,
Hafnarfjörður hefur tekið stórt og
mikilvægt skref og nú verður ráð-
herra húsnæðismála og aðrir sem
hafa þessi mál á sinni könnu að
koma með. Verkefnið er núna og
ungt fólk býður eftir raunverulegum
aðgerðum.
Hugrenning á þorranum
Nú er nýafstaðið þorrablót Sjálfstæðisflokksins í Garðabæ undir formerkjum
knattspyrnudeildar Stjörnunnar.
Athyglisverð var sætaskipanin á
blótinu en fremst í salnum sátu
virku Sjálfstæðismennirnir, fyrir
miðju, aftast og innan um voru þeir
minna virku og minnst virku eða
alls ekki virku, það er að segja þeir
sem ekki flokkast með fyrrgreindum
flokksmeðlimum. Veislustjórn var
í höndum virkra Sjálfstæðismanna
sem stýrðu samkomunni eins og um
sértrúarsöfnuð væri að ræða.
Í þessu samhengi er áhugavert að
skoða fræðigrein sem Gunnar Helgi
Kristinsson, prófessor við Háskóla
Íslands, skrifaði í veftímarit Stjórn-
mála og stjórnsýslu á árinu 2010 um
meðlimaskipulag íslenskra stjórn-
málaflokka. Í greininni er fjallað um
að kjarna þeirra sem starfa að hinu
daglega flokksstarfi stjórnmálaflokk-
anna megi flokka sem hina virku (e.
activists) en meðal þeirra sé að finna
mikilvægasta kjarna flokksmeðalima
fyrir utan forystuna. Hinum virku sé
hægt að skipta í framafólk (e. career-
ists) og áhangendur (e. believers).
Framafólk er sá minnihluti virkra
flokksmanna sem hyggi á frama
í stjórnmálum. Áhangendurnir á
hinn bóginn séu mjög flokkshollir
og taki oftast ekki mjög ákveðna
afstöðu í innri valdabaráttu flokk-
anna. Leiðtogar stjórnmálaflokka
hafi ekki bara áhuga á virkni fólks
í flokkunum heldur réttri tegund af
virkni. Hagsmunir leiðtoganna liggi
fyrst og fremst í innri samstöðu og
eins miklu frelsi til athafna fyrir þá
sjálfa og mögulegt er. Einhvers konar
mat meðlimanna á því hvað þeir fái
út úr því að vera meðlimir stjórn-
málaflokks hljóti að liggja til grund-
vallar ákvörðun þeirra um að ganga
í flokk. Umbun geti verið í því formi
að flokkur berjist fyrir tilteknum mál-
stað en einnig að meðlimirnir njóti
einhverra hlunninda sem utanfélags-
menn njóti ekki.
Ólafur Margeirsson, hagfræðingur,
hefur bent á sérhagsmuna (e. extract-
ive) og almenna (e. inclusive) þætti
samfélaga og nefnir í því sam-
bandi bók sem kom út árið 2012
Why Nations Fail eftir höfundana
Acemoglu og Robinson. Þar eru
stofnanalegum þáttum hagkerfisins
sem ná yfir jafn ólík en þó tengd atriði
á borð við lagaumhverfi, almennt við-
skiptaumhverfi og pólitískt skipulag
í viðkomandi landi, skipt upp í sér-
hagsmunalega þætti annars vegar og
almenna þætti hins vegar. Áhrifin
af því að vera með sérhagsmuna-
skipulag á hagkerfinu eða ákveðnum
hluta þess er að aðeins þröngur hópur
ákveðinna aðila innan þjóðfélagsins
græðir en slíkur hagvöxtur geti ekki
gengið til lengdar. Það sé ekki víst að
hagkerfið komist nokkurn tímann á
braut þróunar sem einkennist af hag-
vexti í þágu almannahags. Ástæðan sé
vitanlega sú að þegar stofnanalegur
þáttur sérhagsmuna er til staðar þá
muni sérhagsmunahópurinn sem
græðir svo mikið á honum berjast
eins og ljón við að viðhalda honum.
Það þurfi að endurskipuleggja kerfið,
hagkerfinu og þjóðinni sem heild til
hagsbóta. Hann nefnir að vitanlega
sé og verði þrýstingur á móti slíkum
breytingum töluverður, einkum og
sér í lagi frá þeim sem hagnast mest
af því að halda því óbreyttu.
Það er útbreidd skoðun að fyrir-
greiðslustjórnmál gegni miklu hlut-
verki í sveitarfélögunum. Talað er
um valdastöðu flokkanna í þá veru
að eftir því sem valdastaða flokkanna
sé sterkari þá sé hvatinn til að gerast
meðlimur meiri, vegna þess aðgangs
að fyrirgreiðslugæðum sem aðildinni
fylgir. Þeir íbúar Garðabæjar sem telja
sig eiga samleið með þessum fram-
angreindum sjónarmiðum vita hvert
þeir eiga að leita ef þeir eru ekki þegar
í þeim hópi.
FÓLKIÐ- í bænum mun áfram
leggja áherslu á að efla skapandi og
gagnrýna umræðu um bæjarmálin
þar sem gagnsæi og gott siðferði
er haft að leiðarljósi í stjórnsýslu
bæjarins. Þeir bæjarbúar sem vilja
segja skilið við hagsmunapólitík,
búa í samfélagi þar sem raddir allra
hafa sama vægi og þar sem vönduð
málefnavinna er í forgrunni eiga
samleið með FÓLKINU- í bænum.
Við leitum samstarfs við Garðbæ-
inga sem hafa áhuga á að koma að
málefnavinnunni okkar fyrir næstu
sveitarstjórnarkosningar.
Hlakka til að heyra frá ykkur!
maria.gretarsdottir@gmail.com
Höfundur er
María Grétarsdóttir, Bæjarfulltrúi
FÓLKSINS- í bænum og fyrrum
stjórnarmaður í aðalstjórn og
knattspyrnudeild, þjálfari og
dómari í handknattleiksdeild og
iðkandi í Stjörnunni.
Höfundur er
Gunnar Axel Axelsson,
formaður bæjarráðs
Gefur kost á sér í 1. sæti á lista
Samfylkingarinnar fyrir
kosningarnar í vor
Skipholti 3 - Sími: 552 0775 - www.erna.isERNA GULL- OG SILFURSMIÐJA
Fyrir orrustuna um Milvian brú yfir Tíberfljót,
28. október 312, sá Konstantín
mikli teikn krossins á himni
og orðin “in hoc signo vinces”
“Undir þessu tákni muntu
sigra”. Árið 313 er Konstantín
var orðinn keisari veitti hann
kristnum mönnum trúfrelsi eftir
langvarandi ofsóknir.
Menin eru smíðuð á Íslandi eftir hugmynd
Dr Gunnars Jónssonar og fást silfurhúðuð á 3.500,-
úr silfri: 5.900,- (með demanti: 11.500,-) og
úr 14k gulli á 49.500,- (með demanti: 55.000,-).
IN HOC SIGNO VINCES
(Undir þessu tákni muntu sigra)
Það er nú eða aldrei!
Sjálfvinda/automatic
Gæða kvennúr
með karfaól, margir litir
1ct demantshringur (IP1) 1.000.000,-
0.50ct demantshringur (HS1) 400.000,-
0.25ct demantshringur (HS1) 200.000,-
TRÚLOFUNAR-
HRINGAR
Gömul þjóðtrú segir að á hlaupárs­degi megi ekki hafna bónorði.
Í nokkrum Evrópulöndum er til sú hefð
að aðeins á hlaupársdegi megi kona biðja
sér manns. Hafni maðurinn bón orð inu
þarf hann að greiða konunni 20 pör
af vönduðum hönskum.
Yrsa
Reykjavík
Yrsa
Reykjavík
Afmælistilboð
Kr. 42,500,-
10% afsláttur
í febrúar
Afmælistilboð:
Tungsteinpör
með áletrun
kr. 19,500,-
Tilboð kr. 7,500,-
Afmælistilboð
kr. 14,900,-
til 19,500,-
-1924 90 ára  2014-
SveitarStjórnakoSningar 2014