Hafnarfjörður - Garðabær - 07.03.2014, Blaðsíða 8

8 7. mars 2014
SveitarStjórnakoSningar 2014
Hafnarfjörður:
Dregur úr fylgi Samfylkingarinnar
Fylgi við Sjálfstæðisflokkinn mælist á svipuðum nótum og kjörfylgi við flokkinn í síð-
ustu kosningum, samkvæmt nýrri
skoðanakönnun Félagsvísindastofn-
unar Háskóla Íslands fyrir Morgun-
blaðið. Flokkurinn fékk tæp rúm
37 prósent í síðustu kosningum og
mælist nú með tæp 38. Samfylk-
ingin sem fékk yfir 40 prósent síð-
ast mælist hins vegar með rúm 20
prósent nú.
Fylgi við Sjálfstæðisflokkinn
hefur farið vaxandi, ef marka má
könnun sem Morgunblaðið birti
í nóvember, en þá mældist flokk-
urinn með tæplega 34 prósenta
fylgi, en fylgi við Samfylkinguna
mældist þá rúm 24 prósent.
Björt framtíð, sem ekki bauð fram
síðast, mælist hins vegar með ríf-
lega fimmtán prósenta fylgi, sem
raunar er minna en í könnuninni
í nóvember, þegar fylgið mældist
yfir 19 prósent.
Mjög dregur úr fylgi við Vinstri
græn. Þau fengu tæp 15 prósent
síðast en mælast nú með rúmlega
sex prósenta fylgi, en fylgið hefur
lítillega aukist miðað við könnunina
í nóvember.
Hins vegar mælst Píratar, sem ekki
buðu fram síðast, með 9,5 prósenta
fylgi og Framsóknarflokkurinn, sem
ekki kom manni að síðast, eykur
fylgi sitt um tæp 3 prósentustig frá
kosningum, og raunar einnig frá síð-
ustu könnun, og mælist með tæplega
10 prósenta fylgi.
Yrðu úrslit kosninganna í sam-
ræmi við könnunina þá fengju sjálf-
stæðismenn 5 fulltrúa, Samfylkingin
2, Björt framtíð 2, Framsókn 1 og
Píratar 1 en Vinstri græn töpuðu
sínum manni.
Björt framtíð hyggst ganga frá
sínum lista í næstu viku, eftir því
sem næst verður komist og prófkjör
Pírata stendur nú yfir.
Garðabær:
Ræða sameiginlegt framboð
Viðræður standa nú milli M-lista fólksins í Garðabæ og Bjartrar framtíðar um
framboð í bænum í vor. Þetta
staðfestir Heiða Kristín Helga-
dóttir, stjórnarformaður Bjartrar
framtíðar. „Við erum bara að byrja
þessa vinnu og erum að hlaða utan
á okkur fólki og áherslum,“ segir
hún í samtali við blaðið.
Björt framtíð hefur ekki boðið
fram í Garðabæ áður, en M-listinn
fékk einn mann kjörinn í bæjar-
stjórn í síðustu kosningum. Það var
fyrir sameiningu við Álftanes.
„Björt framtíð
fólksins í bænum“
María Grétarsdóttir sem situr í
bæjarstjórn Garðabæjar fyrir M-
listann, segir að fólk ræði nú saman
um hvernig best megi stuðla að
bjartri framtíð fólksins í bænum.
Álftaneshreyfingin bauð fram
á Álftanesi síðast, en hyggst ekki
bjóða fram að þessu sinni, segir
Kristín Fjóla Bergþórsdóttir, sem
sat í bæjarstjórn á Álftanesi fyrir Á-
listann. Þó sé ekki loku skotið fyrir
að einhverjir úr Álftaneslistanum
taki þátt í öðrum framboðum.
Rætt um stórframboð
Þreifingar hafa verið milli Samfylk-
ingar og annarra um hugsanlegt
sameiginlegt framboð í Garða-
bænum í vor. Hins vegar þykir
ólíklegt að boðinn verði fram stór
sameiginlegur listi gegn Sjálfstæð-
isflokknum, enda þótt viðræður
standi enn, segir Rósanna Andr-
ésdóttir, stjórnarkona í Samfylk-
ingunni í Garðabæ.
Eftir því sem blaðið kemst næst
var haldinn fundur þar sem saman
komu fulltrúar frá öllum þessum
framboðum auk Framsóknar-
flokksins, þar sem viðraðar voru
hugmyndir um eitt sameiginlegt
framboð allra gegn Sjálfstæðis-
flokknum. Framsóknarmenn voru
ekki til í það.
Framsóknarmenn einir
Einar Karl Birgisson, sem kjörinn
var fyrir framsókn í bæjarstjórn
Álftaness í síðustu kosningu, segir
í samtali við blaðið að þegar boðað
var til fundar um sameiginlegt fram-
boð, hafi framsóknarmenn verið
komnir langt í sínum framboðs-
málum, og ákveðið að úr því yrði
heppilegast að þeir héldu sínu striki.
Þá mun hafa verið rætt að önnur
framboð byðu fram saman undir
merkjum Bjartrar framtíða, en
Samfylkingingunni mun ekki lít-
ast á það.
Garðabær:
Uppstilling
veldur deilum
Gunnar Einarsson, bæjarstjóri í Garðabæ, verður efsti maður á lista Sjálfstæðisflokksins í
bænum í kosningunum í vor. Upp-
stillingarnefnd flokksins skilaði af sér
í vikunni. Samkvæmt tillögu hennar
sem fulltrúaráð flokksins samþykkti,
verða auk Gunnars á listanum Áslaug
Hulda Jónsdóttir, framkvæmdastjóri
og bæjarfulltrúi, Sigríður Hulda Jóns-
dóttir framkvæmdastjóri, Sigurður
Guðmundsson, lögfræðingur og vara-
bæjarfulltrúi, Gunnar Valur Gíslason,
verkfræðingur og framkvæmdastjóri,
Jóna Sæmundsdóttir, lífendafræðingur
og varabæjarfulltrúi og Almar Guð-
mundsson, hagfræðingur og fram-
kvæmdastjóri í sjöunda sæti.
Uppstillingin hefur valdið nokkrum
deilum innan Sjálfstæðisflokksins í
Garðabæ og var tekist á um listann.
Einnig hefur verið gagnrýnt að gengið
hafi verið framhjá reyndum sveitar-
stjórnarmönnum, meðal annars af
Álftanesi ekkert síður en úr Garðabæ.
Fylgi við flokkana 27. Nóvember 2013
Sjálfstæðisflokkur 33,6%
Samfylkingin 24,2%
Björt framtíð 19,2%
Framsóknarflokkur 7,9%
Píratar 6,4%
Vinstri græn 6,0%
Fylgi við flokkana 3. mars 2014
Sjálfstæðisflokkur 37,7%
Samfylkingin 20,9%
Björt framtíð 15,3%
Framsóknarflokkur 9,7%
Píratar 9,5%
Vinstri græn 6,3%
guðrún Ágústa guðmundsdóttir,
oddviti Vinstri grænna
Vísbending um
spennandi vor
„Við sem vinnum í pólitísku um-
hverfi eigum engin atkvæði – það
eina sem við getum gert er að vinna
af heilindum og gera okkar besta
og leggja þá vinnu í dóm kjósenda
þegar þar að kemur. Það eru enn
tæpir þrír mánuðir til kosninga.
Sumir segja að vika sé langur tími í
pólitík hvað þá þrír mánuðir.
Þessi skoðanakönnun Morgun-
blaðisins er hins vegar vísbending
um spennandi vor. Núverandi
meirihluti sem samanstendur af
Samfylkingu og Vinstri grænum
hefur unnið mjög vel saman og
tekist að ná mikilvægu jafnvægi í
rekstri bæjarins á þessu kjörtímabili
með ábyrgri agaðri fjámálastjórn.
Okkur hefur gengið mjög vel að
vinna saman og verið algjörlega
samstíga þó svo að við komum úr
tveimum flokkum. Við höfum öðlast
mjög dýrmæta reynslu og viljum
gjarnan bjóða bæjarbúum hana
áfram á næsta kjörtímabili.“
rósa guðbjartsdóttir,
oddviti Sjálfstæðisflokksins
Góður byr
„Það er auðvitað ánægjulegt að
finna fyrir svo góðum byr og ljóst
að bæjarbúar vilja breytingar. Við
sjálfstæðismenn höfum fullan hug
á að leiða þá breytingu og finnum
fyrir góðum stuðningi við okkar til-
lögur og málflutning á liðnum árum.
Það eru spennandi og skemmtilegir
tímar framundan í Hafnarfirði.“
gunnar axel axelsson,
oddviti Samfylkingarinnar
Þjappar
okkur saman
„Ef þetta yrðu niðurstöður kosninga
þá væru það vissulega vonbrigði, en
þetta eru ekki kosningar, og kosn-
ingabaráttan sjálf er varla hafin. Ný
framboð að mælast með töluvert
fylgi, en þau hafa hvorki hafa kynnt
stefnu né frambjóðendur. Í huga
okkar Samfylkingarfólks þá hvetur
þetta okkur til að koma betur á fram-
færi því sem við erum að gera og
þeim árangri sem við höfum náð.
Þetta þjappar okkur líka saman og
hvetur okkur til góðra verka. En ég
er bjartsýnn og sannfærður um að
við munum styrkja okkur verulega
þegar nær dregur kosningunum.“
Hafnarfjörður:
Prófkjör hjá Pírötum
Tíu gefa kost á sér í prófkjöri Pírata í Hafnarfirði fyrir bæjarstjórnar-
kosningarnar í vor. Sjö karlar eru í
framboði og þrjár konur. Prófkjörið fer
fram í kosningakerfi Pírata og stendur
til 13. mars. Frá því greinir á vef Pírata
að félagar sem skráðir voru fyrir 3.
febrúar hafi kosningarétt í prófkjörinu,
en þeir sem voru skráðir í móðurfélag
Pírata fyrir þann tíma geti enn komist
á kjörskrá.
maría Grétarsdóttir. Heiða Kristín Helgadóttir.
Gunnar Einarsson.