Hafnarfjörður - Garðabær - 07.03.2014, Blaðsíða 13

STARFSFÓLK ÓSKAST
GRÆNMETIS-
OG KJÖTDEILD
Um er að ræða almenna afgreiðslu og áfyllingu í kjöt-
og grænmetisdeildum okkar í Hafnarfirði.
Áhersla er lögð á styrkleika í mannlegum samskiptum, sjálfstæð
vinnubrögð, skipulagshæfni, reglusemi og árverkni í hvívetna.
Viðkomandi þarf að hafa náð 18 ára aldri.
Umsóknir ásamt starfsferilskrá sendist á hafnarfjordur@samkaupurval.is.
Allar nánari upplýsingar veitir Jónatan Eggertsson, verslunarstjóri
í síma 861-7771.
Umsóknarfrestur er til og með 13. mars nk.
Viðkomandi þarf að geta hafið störf sem fyrst.
Samkaup Úrval óskar eftir áreiðanlegu og kraftmiklu
starfsfólki til starfa í verslun okkar í Hafnarfirði.
137. mars 2014
Fjörður bætir við íþróttagreinum
Íþróttafélagið Fjörður hefur undan-farin ár boðið uppá æfingar í boccia og sundi fyrir fatlaða einstaklinga
á stór Hafnarfjarðarsvæðinu.
Ört vaxandi hópur æfir boccia, og
tekur þátt í Íslandsmótum á vegum
Íþróttasambands fatlaðra, og ýmsum
öðrum mótum innan félags og utan.
Skemmtilegast er jafnan á árlegu
Þorramóti þegar Fjarðarfólk skorar
á bæjarstjórnir Hafnarfjarðar og ná-
grannasveitafélaga í keppni þar sem
öllum brögðum er beitt til að vinna. Í
fyrra var það bæjarstjórn Garðabæjar
sem fór með sigur af hólmi.
Í sunddeildinni æfa einstaklingar frá
5 ára aldri og uppúr í 3 getuskiptum
hópum. Mikil aukning iðkenda hefur
verið í sundinu hjá Firði enda er í
boði holl og góð hreyfing hjá frá-
bærum þjálfurum við fyrsta flokks
aðstæður. Og árangurinn lætur ekki á
sér standa. Í ár státar félagið af 18 bik-
armeisturum,13 Íslandsmeisturum,5
Íslandsmethöfum og 2 Norðurlanda-
meisturum.
Í fyrrahaust hóf á ný göngu sína
íþróttaskóli sniðinn að þörfum fatlaðra
barna 9 ára og yngri. Frábært starfs-
fólk Latabæjar aðstoðaði við að koma
verkefninu á fót og kynna það fyrir
markhópnum. Að jafnaði hafa verið að
mæta um 15 til 20 börn í hvern tíma og
því enn nóg pláss í salnum. Markmiðið
er að halda verkefninu áfram til vors
og vonandi að það festi sig í sessi sem
einn af þeim valkostum sem Fjörður
bíður uppá til framtíðar.
Stjórn Fjarðar hefur hug á því að
bæta enn við greinum á næsta ári auk
þess að keyra áfram þær sem þegar
eru í boði. Þar er efst á blaði að stofna
badmintondeild, sem vonandi verður
að veruleika fyrir vorið.
Auk þeirra greina sem hér eru áður
upp taldar leggur íþróttafólk frá Firði
stund á golf og frjálsar íþróttir. Stjórn
og starfsfólk Fjarðar eru jafnframt til-
búin að aðstoða af fremsta megni alla
fatlaða einstaklinga á Hafnarfjarðar-
svæðinu sem eftir því leita að komast
í þá hreyfingu sem þeir óska.
Íþróttafélagið Fjörður vill þakka
Landsbankanum, Alcan á Íslandi, Góða
hirðinum og Arena umboðinu fyrir
stuðninginn.
Nánari upplýsingar má finna á
heimasíðu félagsins, www. fjordur.
com.
Þór Jónsson
Formaður Fjarðar.
Auglýsingasíminn er
578 1190
Netfang:
auglysingar@fotspor.is
fotspor.is