Fréttir - Eyjafréttir - 08.04.1998, Side 6
6
Fréttir
Miðvikudagur 8. apríl 1998
Nýja unglingaráðið sem fer með stíóm Féló næsta árið.
Myndir Sigbóra Guðmundsdóttir.
Árshátíð Féló var haldin með
pompi og prakt á
fóstudagskvöidið. Þema
hátíðarinnar að þessu sinni var
geimverur og geimurinn og var
húsnæði Féló í Félagsheimilinu
skreytt í samræmi við það.
Krakkarnir sjálfir báru hitann
og þungann af skreytingunum og
skemmtiatriðum sem í boði voru.
Byrjað var á pizzuveislu en
hápunktur kvöldsins var krýning á
Herra og ungfrú Féló, þar sem
Guðgeir Clark og Hildur
Jóhannsdóttir stóðu uppi sem
sigurvegarar. Nýtt unglingaráð var
kosið og það gamla var kvatt með
virktum. Þá var efnt til
karokeekeppni og þar söng Ester
Bergsdóttir sig inn í hjörtu gesta.
Hún söng reyndar án undirleiks,
lag Hafsteins Guðfinnssonar,
Pípan og kom sá og sigraði.
I kosningum til unglingaráðs
voru yfir 20 frambjóðendur en
kjósa átti þrjá úr 7. bekk, þrjá úr
8. bekk og þrjá úr 9. bckk. Þeir
sem hlutu kosningu eru Guðgeir og
Lovísa Clark, Thelma Rós
Tómasdóttir, Hildur
Jóhannsdóttir, Sigríður
Ingibergsdóttir, Trausti
Hermannsson, Olöf Ragnarsdóttir
og Guðfinnur Jóhannsson.
Að þessu loknu var stiginn dans
fram eftir kvöldi.
Ester Bergsdóttir söng sig inn í
hjörtu gesta á árshátíð Féló.
Gamla unglingaráðið var kvatt með blómum,. F.v. Kolbrún Stella
Karlsdóttir, Hlynur Ágústsson, Hildur ióhannsdóttir, Thelma Rós
Tómasdóttir og Leó Snær Sveinsson.
Hæfileikamótun knattspyrnudeildar ÍBV:
lofagððu
Hæfileikamótun knattspyrnudeild-
ar IBV, fyrir leikmenn á eldra ári í
3. flokki og svo í 2. flokki drengja og
stúlkna, var ýtt úr vör um þar
síðustu helgi. Hátt í 40 ungmenni
voru mæld í bak og fyrir og fengu
svo að hlýða á fyrirlestra um hollt
mataræði, óholla áfengisneyslu,
hvernig best er að forðast meiðsli,
hvernig knattspyrnudeild ÍBV er
rekin og síðast en ekki síst hversu
miklu máli huglægi þátturinn
skiptir hjá íþróttafólki.
Að sögn Þorsteins Gunnarssonar.
framkvæmdastjóra knattspymudeildar
ÍBV, tókst þessi fyrsti hluti með
miklum ágætum. Fyrirlestrarnir hafi
mælst vel fyrir og þetta unga fólk eigi
að vera upplýstara um hvað þarf til
þess að ná árangri í knattspymu.
„Það má segja að við séum að
ijárfesta til framtíðar. Þetta er verkefni
sem mun rúlla allan ársins hring því
leikmennimir þurfa að fylla út
eyðublöð tvisvar í viku. Það verður
spennandi að sjá hvernig framhaldið
verður því nú reynir á þetta unga fólk
að æfa sjálft samkvæmt æfingaáætlun
sem hver og einn fékk eftir að hafa
verið mældur upp,“ sagði Þorsteinn.
Næsti hluti hæfileikamótunar ÍBV
verður í lok maí en þá verður ný
fyrirlestrasyrpa.
Ungar stúlkur hlýða á fyrirlestur um næringarfræði í Hæfileí kamótun ÍBV.
Freymóður
Þorsteinsson fyrrum
bæjarfógeti er látinn
Látinn er í Reykjavík, Freymóður Þorsteinsson. Hann fæddist 13.
nóvember 1903 og lést 17. mars sl.
Hann var fulltrúi hjá hjá bæjarfógetanum í Vestmannaeyjum frá 1. apríl
1942 til 1963 og oft settur bæjarfógeti í forföllum skipaðs bæjarfógeta. Hann
var settur bæjarfógeti í Vestmannaeyjum á eigin ábyrgð frá 10. apríl 1963 og
skipaður þar 8. júní 1963. Hann fékk lausn ffáembætti 6. nóvember 1973.
Hann starfaði því sem fulltrúi og bæjarfógeti Vestmannaeyja í 31 ár.
Maki hans var Ragnheiður Henríetta Elisabet Hansen dáin 1983.
Uppeldisdóttir hans er María Guðmundsdóttir ljósmyndafyrirsæta og
ljósmyndari.
Sigurgeir Jónsson
skrifar
ÍudeQÍ
Atf hátíðum
í raun og veru ætti þessi pistill að heita „Á mið-
vikudegi" en ekki Á fimmtudegi þar sem Fréttir
koma að þessu sinni út á miðvikudegi. Nú er
nefnilega kominn sá tími þegar útgáfa blaðsins
riðlast verulega og blaðið kemur út á mið-
vikudegi þrívegis á stuttum tíma. Allt eru það
frídagar einhvers konar sem rugla útgáfuna, ýmist
kirkjulegs toga eða vegna gamals tímatals. A
morgun er skírdagur og sá dagur er rauður í
almanaki íslendinga sern og uppstigningardagur
sem einnig er á fimmtudegi. Eftir því sem
skrifari kemst næst eru þessir tveir dagar ekki
rauðir í almanökum margra þjóða en annaðhvort
emm við svona miklu trúræknari en aðrir eða þá
fríaglaðari en aðrir. Og einhvern veginn hallast
skrifari að síðari tilgátunni. Þá er enn ótalinn
þriðji fimmtudagurinn, sumardagurinn fyrsti, sem
Islendingar halda hátíðlegan og hafa rauðan á
almanaki, einir þjóða í veröldinni. Skrifari hefur
áður minnst á það í pistli að þessir þrír fimmtu-
dagar séu hálfgerð tímaskekkja, fimmtudagsfrí
séu vond frí bæði fyrir launþega og vinnuveit-
endur. Sjálfsagt verður það þó ekki fyrr en
einhvem tíma á næstu öld sem þessu fyrirkomu-
lagi verður breytt og nóg um það í bili.
Það fer ekki milli mála að vorið er að koma.
Einmunablíða hefur verið að undanfömu, raunar
of svalt til að fólk hafi fækkað fötum að ráði en
alveg á hreinu að vorið er á leiðinni. Farfuglarnir
korna í hópum, tjaldurinn fyrstur að vanda og
nokkuð síðan Itann gerði vart við sig með sínum
gjallandi hávaða. Lóan er einnig komin, sá fugl
sem margir kalla fyrsta vorboðann. Tilhugalíf
fúglanna er þegar hafið og innan skamms verður
farið að huga að hreiðurgerð. Um mörg undan-
farin ár hafa sömu fuglar verið með fastan
samastað á golfvellinum og gert sér hreiður á nær
sömu stöðum. Og þessir fuglar em ekki að fara
afsíðis heldur planta þeir sér niður rétt við
gönguleiðir golfara. Þótt þetta hljóti að vera
ónæðissamt fyrir þá, segja fróðir menn skrifara að
þetta sé með vilja gert hjá þeim og af kænsku.
Fuglamir haft gegnum tfðina lært að í nánd við
manninn séu þeir ömggir fyrir vargfuglinum. Því
velji þeir tjölfarinn stað, á borð við golfvöllinn,
þrátt fyrir ónæði af kylfingum.
Páskar em í nánd, þessi stórhátíð kristinna
manna, sérstaklega þó kaþólskra. Líklega hugsa
þó flestir íslendingar til páska með von og
tilhlökkun um langt og gott frí, frekar en með
trúarleg viðhorf í huga. Og tilhlökkun bamanna
er líkast til að mestu bundin við súkkulaði í
eggjalíki rétt eins og jólagjafir og jólasveinar
ræna mestri athygli þeirra í lok hvers árs. Skrifari
ætlar ekkert að velta sér upp úr því, hans vegna
má fólk halda páska hátíðlega eins og því sýnist.
I eðli sínu er skrifari heimakær maður, t.d. gæti
hann ekki hugsað sér að halda jól suður á
Kanaríeyjum. Og þótt nokkuð sé liðið á seinni
hálfleik í lífi skrifara hefur hann ekki enn haldið
páska annars staðar en á íslandi. En nú ætlar
hann að gera breytingu á. Hann hefur ákveðið að
kanna hvemig frændur vorir frar halda páska og
er fullur tilhlökkunar að sjá hvemig þessi
rammkaþólska þjóð hagar sér í sínu helgihaldi.
Hann væntir þess að koma stómm fróðari til baka
auk þess sem tilhlölckunin er ekki eingöngu
bundin við helgihald íra heldur einnig við það að
þeir ágætu frændur okkar framleiða eitthvert
besta öl á jarðríki, svart að lit með lakkrísbragði.
Það er hinn ágætasti drykkur sé hans neytt af
hófsemi. Og skrifari óskar lesendum Frétta þess
að þeir megi einnig eiga gleðilega páska og
hófsama.
Sigurg.