Fréttir - Eyjafréttir - 12.10.2000, Blaðsíða 2

2
Fréttir
Fimmtudagur 12. október 2000
Ekkert ákveðið með
samruna
Ekki hefur enn neitt verið ákveðið í
samrunaáætlunum ísfélagsins og
Vinnslustöðvarinnar. Fyrr á þessu
ári virtist vilji stjórna beggja l'yrir-
tækjanna að af sameiningu mætti
verða. í sumar vildu stjómendur
Vinnslustöðvarinnar fresta því enn
um sinn og því eru þessi mál enn í
biðstöðu.
í fyrradag var haldinn starfs-
mannafundur í Vinnslustöðinni og
áttu þá margir von á að dregið hefði
til tíðinda sem boðuð yrðu á þeim
fundi. Svo var þó ekki. „Stjóm
Vinnslustöðvarinnar er enn ekki
búin að skrifa undir samrunaáætlun.
Þegar, eða el' það gerist. þarf að
auglýsa hluthafafund og það ferli
tekur a.nr.k. fjórar vikur, þannig að
ef stjórnin skrifaði undir núna, þá
gæti orðið af slíku um áðurnefnd
mánaðamót. Aftur á móti hefur
stjórnin ekkert ákveðið um slíkt,
þannig að þessi orð mín voru
einungis vangaveltur um væntan-
lega möguleika og tíma,“ sagði
Binni framkvæmdastjóri VSV.
En á Binni von á því að af
sameiningu muni verða fyrir
áramót?
„Síðan í byrjun ágúst het'ég sagt
að málin kláruðust í næstu eða þar
næstu viku. Sú vika cr ekki komin
og ég er hættur að spá,“ sagði Binni.
Rólegt hjá lögreglu
Alls voru 192 færslur í dagbók
lögreglu í síðustu viku, svipað og í
vikunni á undan. Lögreglumenn
segja að rólegt hafi verið að undan-
förnu og þykir það hið besta mál.
Tvö skemmdarverk
Tvö skemmdarverk voru kærð til
lögreglu í vikunni. Þann 5. október
var tilkynnt um skemmdir á bún-
ingsaðstöðu við malarvöllinn í
Löngulág og 9. október var tilkynnt
að tveir ungir drengir hefðu valdið
skemmdum á húsi við Dali. Þær
skemmdir reyndust litlar en rætt var
við drengina og þeim gerð grein
l'yrir alvarleika málsins.
25 brotlegir í
umferðinni
Alls lágu fyrir 25 kærur vegna
umferðarlagabrota eftir vikuna.
Langflestar þeina, eða 17 talsins,
voru vegna vanrækslu á að færa
ökutæki til aðal- og endurskoðunar.
í hinum tilvikunum víir um að ræða
þrjár kærur vegna hraðaksturs, þrjár
fyrir að leggja ólöglega og í einu
tilviki fyrir akstur utan vega.
Vinningar í
happdrætti mfl.
kvenna
Dregið hefur verið í happdrætti
meistaraflokks kvenna ÍBV í hand-
bolta. Vinningar komu á eftirtalin
númer:
209. 64, 114, 32, 152, 88, 59, 215,
43, 145, 127,102, 115,41,62,196,
158, 212, 130, 17, 12, 67, 95. 40,
60, 13,31,28.
Vinningshafar geta haft samband
við Ingibjörgu í síma 481 2826 eða
Vigdísi í síma 481 3616.
(Birl án ábyrgðar)
RÁÐSTEFNUHÚSH) á vatnstanknum rís nú með undraverðum hraða. Það hefur þegar tekið á sig mynd
þannig að fólk getur séð hvernig það kemur til með að líta út.
Tekist á um skóla-
mál í bæjarstjórn
Á fundi bæjarstjórnar Vestmanna-
eyja, sem haldinn var á fimmtudag
í síðustu viku, var tekist á um skóla-
mál og þó öllu frekar uppbyggingu
grunnskólanna.
Fulltrúar Vestmannaeyjalistans báru
fram svohljóðandi tillögu á fundinum:
„Bæjarstjóm samþykkir að skipa sér-
stakan starfshóp til þess að gera tillögu
til bæjarstjómar um uppbyggingu
gmnnskólanna til næstu ára eða þar til
þeir verða einsetnir árið 2004. I
hópnum eigi sæti tveir fulltrúar
dlnefndir af Vestmannaeyjabæ, einn
fulltrúi tílnefndur af hvomm gmnn-
skólanna og tveir fulltrúar foreldra
barna úr skólunum. Hópurinn skal
leitast við að flýta starfi sínu sem
frekast er kostur svo ekki verði frekari
tafir við að hefja þá uppbyggingu sem
framundan er við skólana."
Þessu svömðu bæjarfulltrúar Sjálf-
stæðisflokksins með svohljóðandi
bókun: 1 framhaldi af 1. máli bæjar-
ráðs frá 15. sept. og I. og 2. máli
bæjarráðs frá 21. sept. er Ijóst að mikil
breyting mun verða á húsnæðismálum
Bamaskólans. Framtíðin mun síðan
leiða í ljós hvernig staðið verður að
áframhaldandi uppbyggingu og mun
reynsla af þessari framkvæmd verða
metin í samvinnu við skólayfirvöld og
Foreldrafélag Bamaskólans."
I þessari bókun er verið að vísa til
þess að samþykkt hefur verið að
kaupa a.m.k. tvær lausar kennslustofur
sem komið verður fyrir við Bama-
skólann. Eiga þær að verða tilbúnar í
byrjun næsta árs.
I framhaldi af þessari bókun lagði
Guðjón Hjörleifsson fram tillögu um
að vísa tillögu fulltrúa Vestmanna-
eyjalistans frá. Var sú frávís-
unartillaga samþykkt með fjómm
atkvæðum sjálfstæðismanna gegn
þremur atkvæðum fulltrúa Vest-
mannaeyjalistans.
UNDANFARIN ár höfum við hundavinir hist á Haugunum, sunnan Fldfells fyrir þá sem ekki vita hvar
þeir eru, á laugardögum kl. 13.00. Þarna kemur fólk með eða án hundanna og eru allir velkomnir.
Tilgangurinn er að leyfa hundunum að hitta að hunda og ærslast örlítið saman. Einnig miðlar fólk af
reynslu sinni af hundaþjálfun og hundahaldi. Allir eru velkomnir, hvort sem fólk er hundlaust, með
hreinræktaða hunda, blendinga, vel þjálfaða eða óþjálfaða. Hundavinir.
Vilja rann-
sóknanefnd
sjóslysa til Eyja
Á síðasta fundi bæjarráðs bar
Guðrún Erlingsdóttir fram tillögu
um að beina því til samgöngu-
ráðherra að starfsemi rannsókna-
nefndar sjóslysa verði flutt til Vest-
mannaeyja. Þetta er gert með vísan
til greinar Sturlu Böðvarssonar,
ráðherra, í Morgunblaðinu frá 29.
september sl. þar sem viðraðar eru
hugmyndir um að starfsemi nefnd-
arinnar verði á landsbyggðinni.
Þessi tillaga var samþykkt í bæjar-
ráði.
760 þúsundir
afskrifaðar
Samkvæmt tillögu lögmanns bæjar-
ins hefur bæjarráð samþykkt að
afskrifa kröfur sem taldar eru óinn-
heimtanlegar. Nemur upphæð
þeina kr. 760.830.
Ánægja með heitan
mat
í haust hefur verið í gangi tilraun á
leikskólunum Kirkjugerði og Sóla
með heitan mat handa börnum á
leikskólunum. Mikil ánægja ríkir
innan leikskólanna með þessa til-
raun og verður henni haldið áfram.
Fleiri stöðugildi
Á síðasta fundi félagsmálaráðs lá
frammi bréf frá Leu Oddsdóttur,
hjúkrunarforstjóra Hraunbúða, þai'
sem óskað er eftir aukningu
stöðugilda uni 85% vegna þess sem
nefnt er aukin hjúkiunarþyngd í
húsinu. Sérstaklega er óskað eftir
að bætt verði við 50% stöðugildi
virka daga fyrir hádegi og 35% á
kvöldvaktir. Félagsmálaráð hefur
samþykkt tímabundna aukningu urn
35% á kvöldvaktir fram til áramóta.
Þá hefur félagsmálastjóra verið falið
að afla upplýsinga um starfsmanna-
hald á öðrum sambærilegum stofn-
unum.
Verndað starf
Samþykkt hefur verið til reynslu í
bæjarráði nýtt 50% vemdað starf á
bæjarskrifstofunum, ef samkomu-
lag næst við Tryggingastofnun
ríkisins um öryrkjavinnustaða-
samning. Markmiðið með þessu
starfi er að auka fjölbreytni fyrir
fatlaða sem farið hafa gegnum
starfsþjálfun og hæfingu á vemd-
uðum vinnustað, til starfa á
almennum markaði.
Tvö grömm af hassi
I vikunni sem leið kom upp eitt
fíkniefnamál. Þá lagði lögregkm
liald á tvö grömm af hassi. Einn
aðili er grunaður um að hafa átt
efnið og er málið í rannsókn.
FRETTIR
Útgefandi; Eyjaprent ehf. Vestmannaeyjum. Ritstjóri: Ómar Garðarsson. Blaðamenn: Benedikt Gestsson & Sigurgeir
Jónsson. íþróttir: Júlíus Ingason. Ábyrgðarmenn: Ómar Garðarsson & Gísli Valtýsson.
Prentvinna: Eyjaprent ehf. Vestmannaeyjum. Aðsetur ritstjórnar: Strandvegi 47II. hæð. Sími: 481-3310. Myndriti: 481-
1293. Netfang/rafpóstur: frettir@eyjar.is. Veffang: http//www.eyjafrettir.is
FRÉTTIR koma út alla fimmtudaga. Blaðið er selt í áskrift og einnig í lausasölu í Turninum, Kletti, Veitingaskálnum
Friðarhöfn, Tvistinum, Toppnum, Kránni, Vöruval, Herjólfi, Flughafnarversluninni, Tanganum, Söluskálanum Friðarhöfn. FRETTIR eru prentaðar í 2000 eintökum.
FRÉTTIR eru aðilar að Samtökum bæjar- og héraðsfréttablaða. Eftirprentun, hljóðritun, notkun Ijósmynda og annað er óheimilt nema heimilda sé getið.