Fréttir - Eyjafréttir - 16.01.2003, Blaðsíða 17

Fimmtudagur 16-janúar 2003
Fréttir
17
ÞEIR komu allir við sögu í gosinu, Guðmundur Karlsson framkvæmdastjóri Fiskiðjunnar, Arnar
Sigurmundsson var framkvæmdastjóri Viðlagasjóðs og Páll Zóphóníasson var þá bæjartæknifræðingur.
Þeir koma allir fram í þættinum Ég lifi og er myndin tekin á forsýningu fyrsta þáttar í síðustu viku.
Þrjátíu árfrá upphafi goss næsta fimmtudag:
Blysför frá þremur stöðum
Fimmtudaginn í næstu viku, 23.
janúar og helgina þar á eftir, verður
þess minnst að þrjátíu ár er liðin frá
upphafi eldgossins á Heimaey.
Þann dag verður safnast saman til
blysfarar frá þremur stöðum í
bænum. Göngufólki verða lögð til
blys til að bera í göngunni meðan
birgðir endast.
íbúar Illugagötu og þar fyrir vestan
eiga að safnast saman við Iþrótta-
miðstöðina en þeir sem búa á Skóla-
vegi og svæðinu vestur að Illugagötu
ásamt Skeifunni safnast saman við
kyndistöðina hjá malarvellinum.
Ibúar úr austurbæ og miðbæ að Skóla-
vegi safnast saman við Ráðhúströð.
Göngumar halda af stað þegar
klukkur Landakirkju hringja klukkan
19.25 og mætast á homi Hásteins-
vegar og Heiðarvegar. Þar slæst
Lúðrasveit Vestmannaeyja í hópinn
og mun leiða gönguna að bryggju-
svæði Hetjólfs á Básakersbryggju.
Ingi Sigurðsson, bæjarstjóri, ávarp-
ar göngufólkið og Kór Landakirkju
ásamt Samkór Vestmannaeyja syngur.
Hr. Karl Sigurbjömsson, biskup, flytur
hugvekju og bæn.
Heimaklettur í nýju ljósi, kveikt
verður á lýsingu á Heimakletti. Að
lokum syngja viðstaddir, Yndislega
eyjan mín, við undirleik Lúðrasveitar
Vestmannaeyja.
Föstudaginn 24. janúar verður opnuð
sýning á málverkum og ljósmyndum,
Hinar mörgu hliðar Heimakletts, í
húsnæði Listaskólans. Einnig mun
Friðbjöm Valtýsson Ilytja erindi sem
heitir Kynni mín af Heimakletti.
Sýningin verður einnig opin
laugardag og sunnudag og helgina 31.
janúar til 2. febrúar.
Aflatölur síðasta árs frá Fiskistofu:
Vestmannaeyjar hæsta
löndunarhöfn landsins
Talsverð aukning varð á síðasta ári
á afla sem landað var í Eyjum.
Rúmlega 200 þúsund tonn komu á
land hér á móti rétt rúmlega 175
þúsund tonnum árið 2001.
Aukningin er í flestum tegundum
en þó hlutfallslega mest í ýsu en árið
2001 var aðeins 1909 tonnum landað
hér en 3958 tonnum í fyrra. Þetta er
aukning upp á tæp 109% á milli ára en
þess má þó geta að árið 2001 var
talsverður samdráttur á úthlutuðum
afla á ýsu. 1140 tonna aukning varð á
lönduðum ufsa, fór úr 5198 tonnum
upp í 6338 tonn. Tæplega 2000 tonn
af karfa komu á land á síðasta ári í
Eyjum umfram það sem landað var
2001, fór úr 3051 tonni í 5012 tonn.
Talsverð aukning varð einnig í síld og
loðnu, tæpum 130 þúsund tonnum af
loðnu og rúmlega 29 þúsund tonnum
af síld var landað í Eyjum á síðasta ári.
Samdráttur varð aftur á móti í lönd-
uðum þorski og kolmuna. 9473 tonn-
um af þorski var landað hér á síðasta
ári en 10.174 tonnum árið á undan.
Rúmlega 15 þúsund tonn af kolmunna
árið 2001 á móti tæplega 10 þúsund
tonnum á síðasta ári.
Vestmannaeyjahöfn er sú höfn þar
sem mestur alli kemur á land eða um
9,4% af heildarafla Islendinga á
síðasta ári, eða rúmlega 200 þúsund
tonn. Næst mestur afli kom á land á
Neskaupstað, rúmlega 182 þúsund t.
svo á Eskifirði, tæp 172 þúsund t.
Uppsjávarafli er langstærsti hlutinn
af lönduðum afla, í Vestmannaeyjum
nam hann rúmum 84% af heildar-
aflanum. Þó eru það Norðfirðingar
sem slá þar öll met með tæp 96%. Á
Neskaupstað er 10.95% af heildarupp-
sjávarafla Islendinga landað en aðeins
1,44% af botnfiskafla.
Bæjarráð:
Framkvæmdastjóri
Steina og Olla
gagnrýnir bæjar-
tæknifræðing
Á fundi bæjarráðs á mánudag var
tekið fyrir bréf frá Magnúsi Sig-
urðssyni framkvæmdastjóra Steina
og Olla ehf. Þar kemur fram hörð
gagnrýni á bæjartæknifræðing
vegna greinar í Fréttum þann 3.
janúar sl.
Þar er fjallað um versnandi hljóð-
vist í sundlaugarsalnum og kemur
m.a. fram að bæjartæknifræðingurinn
hafi ekki samþykkt málun á austur-
vegg eftir að plötur blotnuðu þegar
unnið var að viðgerð á þaki sund-
laugarinnar.
Magnús gerir alvarlegar athuga-
semdir við þetta og leggur máli sínu til
stuðnings fram fundargerðir verk-
funda fyrir íþróttamiðstöðina frá 2.
febrúar 2001. Þar er rætt um leka og
að Tryggingamiðstöðin sé tilbúin að
bæta tjónið með þvf að láta mála hluta
af veggnum. Verkkaupinn, þ.e.
Vestmannaeyjabær, samþykkir það
svo fremi sem Tryggingamiðstöðin
kosti málun á öllum veggnum. Undir
fundargerðina ritar svo m.a. Ólafur
Ólafsson bæjartæknifræðingur.
Það var svo samþykkt af Trygg-
ingamiðstöðinni og á næsta l'undi var
þetta mál afgreitt með undirskrift
sömu aðila og sátu fundinn 2. febrúar
2001.
Magnús vill svo fá svör við
nokkrum spurningum: „Hvernig getur
bæjartæknifræðingur haldið því fram
að málunin hafi ekki verið gerð í
samkomulagi við sig þar sem
bæjartæknifræðingur sat ofangreinda
verkfundi og samþykkti umræddar
verkfundargerðir? Plötumar í loftinu
eru málaðar 1985. Voru einhverjar
hljóðmælingar framkvæmdar eftir
þessa málun og áður en viðgerð fer
fram árið 2000?“
Eins spyr Magnús hvort ekki hafi
verið vitað mál að málun platnanna
drægi úr hljóðdeyfmgu og að á
verktímanum hafi verið skipt um
þakblásara og þá hvort loftræsti-
úrtökin haft verið klædd með
hljóðdempandi plötum.
Magnús segir að eftir að hafa farið
yfir málið eins og unt það er fjallað í
síðustu Fréttum sé eins og bæjar-
tæknifræðingurinn sé að fría sig allri
ábyrgð og kannist ekki við að hafa
samþykkt málun í sal sundlaug-
arinnar. „Steini og Olli ehf. fara fram
á að umræddar fullyrðingar bæjar-
tæknifræðingsins verði leiðréttar og
þeim komið á framfæri á sama stað og
þær voru birtar. Það er brýnt að þetta
verði gert formlega með afsökunar-
beiðni frá bæjartæknifræðingi því eins
og Ijallað er um málið er eins og verið
sé að skella skuldinni á verktakann,
þ.e. Steina og Olla ehf.“
Magnús segir það alltaf hafa verið
skýran ásetning Steina og Olla að
tryggingafélagið bætti skaðann enda
fyrirtækið með verktakatryggingu eins
og verktökum er skyll að hafa. Því
hafi Steini og Olli ehf. engan ávinning
af því að gera minna heldur en meira
við að lagfæra plötur vegna lekans.
„Það er einnig athyglisvert að nú
standa yfir lagfæringar á salnum. Það
er skipt um plötur bæði í lofti og
suður- og norðurveggjum en ekki
austurvegg. Einmitt veggurinn sem
bæjartæknifræðingur hefur fullyrt
ranglega að hafi verið málaður án
vitundar hans og hafi haft mikil áhrif á
hljóðvist.'1
Bæjarráð óskar eftir svari frá
bæjartæknifræðingi vegna málsins.
Oddur Júlíusson vill
land undir skógrækt
Á fundi skipulags- og bygg-
inganefndar í byrjun desember var
tekið fyrir bréf frá Oddi Júlíussyni
þar sem hann spyr hvort til sé land
í Vestmannaeyjum undir skógrækt
og ef svo sé fer hann fram á að fá
úthlutað landi til skógræktar.
Nefndin svaraði því til að
samkvæmt gildandi aðalskipulagi
sé svæði við Helgafell skipulagt
undir skógrækt. Svæðið lýtur
forræði garðyrkjustjóra og er Óddi
bent á að ræða við hann til að fá
skika til trjáræktar. Einnig er bent
á Skógræktarfélag Vestmannaeyja.
Nýr rennibekkur
Nýverið festu eigendur
Vélarverkstæðisins Þórs kaup á
nýlegum rennibekk. Þorbjörn
Númason rennismiður sagði þetta
löngu tímabæra fjárfestingu og
þetta hafi fleytt þeim fram um
marga áratugi.
„Við vorum að vinna í 70 ára
gömlum rennibekkjum og því er
sá nýi algjör bylting.“ Þorbjörn
segir mestu breytinguna felast í
tölvustýringu. „Nú teiknum við
einfaldlega hlutina í tölvu og vélin
sér svo um afganginn.“
Þorbjörn sagði að engin kennsla
á tölvubúnaðinn hafi verið í boði
og því hafi hann einfaldlega þurft
að prófa sig áfram og læra þannig
á gripinn. Miðað við sýnishornin
sem hann sýndi blaðamanni þurfti
hann ekki á námskeiði að halda.
Vélin sem er fjögurra ára gömul
var keypt fyrir um mánuði síðan
úr Reykjavík og segir Þorbjörn að
þessi fjárfesting verði fljót að
borga sig. „Það sem tók okkur
áður hálftíma í gömlu
rennibekkjunum klárar þessi vél
á tveimur mínútum. Auk þess
þarf aðeins að teikna hlutina einu
sinni, svo eru þeir bara til í
tölvunni og alltaf hægt að
grípa í það og keyra þá aftur út.“
Þorbjörn við nýja
rennibekkinn sem er algjör
bylting að hans mati.