Fréttir - Eyjafréttir - 08.05.2003, Blaðsíða 10

10
Fróttir
Fimmtudagur 8. maí 2003
Eygló Harðardóttir, 4. maður á lista Framsóknar
Umræðan um sjávarútveg
veldur mér miklum áhyggjum
-Hugmyndir stjórnarandstöðunnar hafa verið alveg einstaklega sundurleitar og ómarkvissar.
Ellert B. Schram, núverandi Samfylkingarmaður, viðurkenndi t.d. opinberlega í gær að
flokkurinn væri illa undirbúinn að ræða útfærslu sína í sjávarútvegsmálum því þeir hafi
hreinlega ekki búist við að þau yrðu rædd í kosningabaráttunni
EYGLÓ: Við höfum unnið mjög markvisst í þessari kusningaharáttu og
komið okkar stefnumálum á framfæri um land allt. Kosningabaráttan
hefur verið mjög fjörug og oft tekist harkalega á, en við höfum ætíð lagt
áherslu á málefnin.
Eygló Harðardóttir er í fjórða
sæti ó lista Framsóknar-
flokksins í Suðurkjördæmi.
„Eg er fædd í Reykjavík og elst upp
hjá móður minni þar og á ýmsum
öðrum stöðum á Suður- og Vestur-
landi. Faðir minn og stjúpa bjuggu í
Vestmannaeyjum og ég eyddi hluta af
sumrunum hjá þeim. Móðir mín
flytur síðan til V-Landeyja um það
leyti sem ég er sextán ára og er að
hefja nám í framhaldsskóla. Langt
fram eftir aldri sagðist ég því alltaf
vera hálfur Vestmannaeyingur, og er
því loksins orðin heil aftur.“
Eygló er gift Sigurði E. Vilhelms-
syni líffræðingi og eiga þau eina
dóttur, Hrafnhildi Ósk, sem verður
þriggja ára í sumar. Eygló fór til
Svíþjóðar í háskólanám eftir stúdents-
próf og lauk hún prófi í listasögu og
viðskiptafræði frá Stokkhólmshá-
skóla.
„Eftir að heim kom vann ég við
ýmis störf s.s. ráðningarfulltrúi, versl-
unarstjóri og rekstrarstjóri í barnafata-
verslun og síðast markaðsstjóri.“
Eygló var alltaf í einhverjum kúrs-
um í háskólanum með vinnu en ákvað
að hella sér út í fullt nám eftir að dóttir
hennar fæddist.
„Meistaranám í markaðsfræði varð
fyrir valinu og tók ég helming
námsins hér heima og helming sem
skiptinemi í Bandaríkjunum."
Þorskur á þurru landi
Þorskur á þurru landi, hvemig kom
það til að þið fóruð út í stofnun
fyrirtœkis á þessu sviði?
„Ætli megi ekki segja að ég hafi
heillast algjörlega af hugmyndinni um
að hægt væri að framleiða þorsk.
Annað nærtækt svar er að líldegast er
þetta í blóðinu. Fjölskyldan í Eyjum
hefur alltaf unnið við sjávarútveg;
langafi var útgerðarmaður, afi rak
fiskverslun og pabbi er í fiskvinnslu,
sem skýrir áhuga á fiskinum. í
móðurættinni er hins vegar mikið af
bændum og kennurum sem skýrir
hugsanlega áhugann á eldinu og
umönnun dýra.“
Hvers vegna í Eyjuin?
„Af hverju ekki Vestmannaeyjar?
Við sem stöndum að Þorski á þurru
landi teljum Vestmannaeyjar vera
einhverja hentugustu staðsetninguna
sem völ er á fyrir þessa tegund
Jiskeldis, þ.e.a.s. seiðaeldi.“
Svo fórstu að snúa þér að stjórn-
málum og Framsóknaijlokkurinn varð
fyriryalinu, hvers vegna liann?
„Eg hef alltaf verið pólitísk og haft
ákveðnar skoðanir á hlutunum. Sá
flokkur sem best hefur samrýmst
mínum lífsviðhorfum hefur verið
Framsóknarflokkurinn. Ég hef oft
sagt að slagorð flokksins fyrir kosn-
ingarnar núna gætu verið mín eigin.
Vinna - vöxtur - velferð. í þeim felst
að án sterks og öflugs atvinnulífs
verður enginn hagvöxtur í landinu og
því ekkert fjármagn til að greiða fyrir
velferðina. Þannig hef ég alltaf
skynjað stefnu Framsóknarflokksins.
Ég hef ekki getað sætt mig við stefnu
vinstri flokkanna þar sem oft bólar á
þeim hugmyndum að sterkt atvinnulíf
sé einhvem veginn andstæðingur vel-
ferðar. A hinn bóginn hef ég heldur
ekki getað sætt mig við óhefta
fijálshyggju Sjálfstæðisflokksins þar
sem markaðurinn á að ráða öllu.“
Fjórða sœti í prójkjöri, ífyrsta skipti
sem þú reynir fyrir þér þar, hlýturað
vera sátt við árangurinn?
„Ég er mjög sátt við þann árangur
og þakklát því fólki sem treysti mér til
að taka þetta sæti. Aðferðin við að
velja á listann var mjög lýðræðisleg
og baráttan fyrir kjördæmisþingið þar
sem valið var á listann mjög
skemmtileg. Flokkurinn er mjög virk-
ur og er mikil endumýjun að verða hjá
okkur. Eins er hæsta hlutfall af ungu
fólki á lista hjá okkur og mjög jafnt
hlutfall kynjanna."
Mjög bjartsýn
Hvaða vœntingar hefur þú til árang-
urs í kosningunum á laugardag?
„Ég er mjög bjartsýn. Skoðana-
kannanir vom okkur ekkert sér-
staklega hliðhollar í upphafi kosn-
ingabaráttunnar, en við höfum unnið á
jafnt og þétt á undanfömum vikum.
Við höfum unnið mjög markvisst í
þessari kosningabaráttu og komið
okkar stefnumálum á framfæri urn
land allt. Kosningabaráttan hel'ur verið
mjög fjömg og oft tekist harkalega á,
en við höfum ætíð lagt áherslu á
málefnin. Það er trú mín að fólk kjósi
samkvæmt sannfæringu sinni, eftir
málefnum en ekki hver nær að þeyta
mestri leðju eða býður upp Ilest
forsætisráðherraefnin."
Nú hafa sjávarútvegsmál verið mjög
áberandi í baráttunni, telur þú að
Framsóknarflokkurinn muni líða fyrir
stuðning sinn við núverandi kerfi?
„Þegar núverandi fiskveiðistjórn-
unarkerfi var sett á fyrir tæpum
tuttugu árum síðan voru nytjastofn-
arnir í mjög slæmu ástandi og sjávar-
útvegurinn rekinn með tapi ár eftir ár.
Eitthvað varð að gera og þjóðarsátt
skapaðist um þetta kerfi. Fram-
sóknarflokkurinn axlaði þá ábyrgð og
í dag býr Island við mikla velmegun.
Mikil arðsemi er í sjávarútveginum,
nytjastofnarnir em á uppleið og
verðmætasköpunin í greininni hefur
aldrei verið meiri. Hins vegar eru fá
mannanna verk fullkomin og þess
vegna höfum við bent á nokkra þætti í
kerfinu sem þarf að laga. Draga þarf
úr kvótaleigu t.d. með því að hækka
veiðiskylduna. í Suðurkjördæmi höf-
um við einnig viðrað hugmyndir um
að tillit verði tekið til veiðireynslu
síðustu 3 til 5 ára við úthlutun hugsan-
legrar aukningar á aflaheimildum á
næsta ári. í Eyjum hefur bæði verið
leigður kvóti hingað og eins leigt frá
okkur þannig að við erum líklega í
svipuðum spomm. Hjálmar Amason
og ég höfum einnig talað fyrir
breytingu á kvótasetningu á keilu og
löngu, með tilliti til þess að þessar
tegundir eru meðafli. Við höfum
einnig viljað skoða áhrif veiðarfæra á
lífríkið og að niikilvægt sé að taka
tillit til mismunandi hugmyndafræði
og þekkingar við hafrannsóknimar og
ákvörðun veiðiheimilda.
Umræðan um sjávarútveginn hefur
verið þess háttar að ég hef oft haft
miklar áhyggjur. Hugmyndir stjómar-
andstöðunnar hafa verið alveg ein-
staklega sundurleitar og ómarkvissar.
Ellert B. Schram, núverandi Sam-
fylkingarmaður, viðurkenndi t.d.
opinberlega í gær að fiokkurinn væri
illa undirbúinn að ræða útfærslu sína í
sjávarútvegsmálum því þeir hafi
hreinlega ekki búist við að þau yrðu
rædd í kosningabaráttunni."
Bind vonir við rannsóknir á
möguleika á göngum
Önnurmál hafa einnig verið áberandi
í Eyjum, t.d. atvinnu- og sam-
göngumál. Framsóknarjlokkurinn
hefur verið áberandi í þeirri umreeðu,
hvaða vonir bindurþú við rannsóknir
sem fara frarn í sumar með göng í
huga?
„Ég bind miklar vonir við rann-
sóknimar í sumar. Ef minnsti mögu-
leiki er á að hægt sé að byggja
jarðgöng á milli lands og Eyja, á að
vinna óhikað að því. Jarðgöngmyndu
verða bylting fyrir byggðarlagið. Ekki
bara fyrir okkur heldur fyrir Rangár-
þing og hluta Skaftafellssýslu.
Skyndilega væri komin höfn á Suður-
landi, sjúkrahús sem gæti þjónað
svæðinu frá Þjórsá að Klaustri, fram-
haldsskóli og miklu stærra atvinnu-
svæði fyrir Eyjamenn og Sunn-
lendinga.
Við í Framsóknarflokknum höfum
einmitt lagt mikla áherslu á mikilvægi
þess að samtengja Suðurkjördæmi
sem best.
Hins vegar verður líklegast ekki
farið í jarðgöng fyrr en eftir 5 til 10 ár
og því mjög mikilvægt að koma með
lausn varðandi samgöngumál Eyja-
manna í dag. Við viljum að Herjólfur
verði skilgreindur sem þjóðvegur
Eyjamanna og greitt verði í samræmi
við það.“
Hvaða mál telur þú þau brýnustu sem
snúa að Eyjamönnum ?
„Atvinnu- og samgöngumál. Al-
veg tvímælalaust. Tæpur helmingur
Eyjamanna hefur í dag viðurværi sitt
beint af sjávarútvegi og samdráttur í
aflaheimildum undanfarinna ára hefur
verið mjög erfiður fyrir byggðarlagið.
Leita þarf leiða til að bæta úr
vanköntum á núverandi fiskveiði-
stjómunarkerfi. Einnig er mjög mikil-
vægt að auka fjölbreytnina í at-
vinnulífi Eyjamanna. Það viljum við
gera með því að stofna nýsköpunar-
miðstöð fyrir lítil og meðalstór
fyrirtæki í Vestmannaeyjum í sam-
starfi við Byggðastofnun, Nýsköp-
unarsjóð Atvinnulífsins, Iðntækni-
stofnun, Vestmannaeyjabæ og fleiri.
Fá byggðalög búa yfir jafn mikilli
þekkingu á sjávarútvegi og Vest-
mannaeyjar og vil ég einnig að sú
þekking verði nýtt til að byggja upp
öndvegissetur í rannsóknum á lifrfki
hafsins. Við höfum einnig rætt um
mikilvægi þess að bæta heilbrigðis-
þjónustuna úti á landi og tel ég
mikilvægt að styðja betur við bakið á
starfsemi sjúkrahúsins."
Telur þú að upphlaupið í bœjar-
stjórninni nýlega muni skaða Fram-
sóknarflokkinn í Eyjum?
„Ég hef alltaf verið þeirrar skoð-
unar að betra sé að reyna að leysa
málin friðsamlega og án átaka.
Andrés Sigmundsson mat það svo að
ekki væri grundvöllur fyrir áfram-
haldandi samstarfi við Guðjón
Hjörleifsson og Sjálfstæðisflokkinn.
Það var hans ákvörðum. Það er trú
mín og sannfæring að kjósendur kjósi
út frá mati sínu á málefnum flokka og
þeim frambjóðendum sem skipa
listana. Ég, ásamt félögum mínum á
lista Framsóknarflokksins í Suður-
kjördæmi, vil vinna að uppbyggingu
og velferð Vestmannaeyja og við
óskum eftir stuðningi Eyjamanna til
þeirra verka.“
ADSEND GREIN
Margrét Frímannsdóttir alþingismaður skrifar:
Fjölskylduvænt samfélag
I síðustu
sveitarstjóm-
arkosning-
um lagði
Samfylk-
ingin um
land allt
áherslu á
fjölskyldu-
vænt
samfélag.
Að byggja
starf sveit-
arfélaganna þannig upp að það skapi
aðlaðandi og gefandi umhverfi fyrir
Ijölskylduna. Það gerist þó ekki með
fullnægjandi hætti nema um öflugt
samstarf ríkis og sveitarfélaga sé að
ræða og réttláta tekjuskiptingu þeirra.
Það er samhljómur í málflutningi
Samfylkingarfólks í sveitarstjórnum
og landsmálapólitíkinni.
Við leggjum áherslu á að lagfæra
kjör fjölskyldufólks, ekki síst bama-
Ijölskyldna sem em að koma sér þaki
yfir höfuðið. Kjör þessa stóra
millitekjuhóps hafa verið stórskert í
tíð þessarar ríkisstjómar.
Éramsóknarflokkurinn lofaði
bamakortum fyrir síðustu kosningar,
að draga verulega úr tekjutengdum
barnabótum. Hverjar eru efndirnar?
Otekjutengdar bamabætur að sjö ára
aldri. Eftir það byrjar tekjutenging að
Fyrst og fremst þarf framhalds-
skóli að vera raunverulegt
tækifæri fyrir alla. Til þess að
svo megi verða þurfa nemendur
að geta sótt skóla í sinni
heimabyggð. Skólamir þurfa að
standa undir væntingum og
bjóða upp á fjölbreytt nám en
um leið sérhæft nám í völdum
greinum.
telja við 58 þúsund krónur hjá ein-
stæðu foreldri og 166 þúsund hjá
fólki í sambúð! Bamabætur eru 8
milljörðum króna lægri nú en þær
voru árið 1995 þegar Framsóknar-
flokkurinn fór í ríkisstjórn. „Það er
eðlilegt" segja fulltrúar stjómar-
fiokkanna, „tekjur fólks hafa
hækkað“. En var það ekki það sem
þeir lofuðu, að draga úr tekju-
tengingunni? Samfylkingin ætlar að
draga úr tekjutengingu og mun
standa við sín loforð. Samfylkingin
ætlar, fái hún til þess traust ykkar, að
greiða 45 þúsund krónur ótekjutengt
með hveiju bami til 18 ára aldurs.
Við ætlum einnig að fella niður
stimpilgjöld og þinglýsingargjöld af
húsnæðislánum, en sú aðgerð þýðir
um 200 þúsund króna lækkun á
útgjöldum við kaup á meðalstóru
húsnæði. Við ætlum að fella niður
virðisaukaskatt af bókum, sem
dregur vemlega úr kostnaði af skóla-
göngu. Við ætlum að lækka virðis-
aukaskatt á matvöru um helming.
Við ætlum að gera kröftugt átak í
menntamálum, auka möguleika ungs
fólks til framhalds- og háskólanáms í
heimabyggð.
Tillögur okkar fela m.a. í sér að
25% af endurgreiðslu námslána verði
frádráttarbær frá skatti í 7 ár eftir að
námi lýkur. Við viijum að komið
verði á afkomutryggingu fyrir líf-
eyrisþega og lágtekjufólk og við
ætlum að veija 3 milljörðum króna til
að bæta kjör þessa fólks.
Við viljum gott samstarf við
samtök launafólks til þess að bæta
kjör lág- og millitekjuhópa. Samfylk-
ingarfólk í sveitarstjómum og á
Alþingi vinnur vel og náið saman.
Við viljum meiri mannúð í stjóm-
málin. Tækifærið er núna - kjósum
nýja tíma með því að setja x við S á
kjördag 10. maí.
Höf. er í I. sieti ú framboðslista Samfýlkingarinnar í Suðurkjödœmi