Fréttir - Eyjafréttir - 12.08.2004, Blaðsíða 2

2
Fréttir / Fimmtudagur 12. ágúst2004
Kristín Jóhannsdóttir markaðs- og ferðamálafulltrúi:
Vil gæðamat á gistingu
Kristín Jóhannsdóttir, markaðs- og
ferðamálafulltrúi, hefur fengið mikil
viðbrögð við greininni, Gisting á
uppsprengdu verði, í síðustu Fréttum.
Hún segir að leyfisveitendur fyrir
gistingu kannist ekki við að hafa veitt
leyfi fyrir gistingu í bílskúr. Fréttir
ræddu við Kristínu, heilbrigðisfulltrúa
og slökkviliðsstjóra.
„Hér er fólk að innrétta gistiaðstöðu
með nýjum rúmum og allt tipp topp
og því er ergilegt að „svartir sauðir"
komi óorði á alla hina,“ sagði Kristín.
„Ég hélt fund með fólki í ferða-
þjónustu fyrir stuttu síðan og lét þar
koma fram að ég vildi koma upp
gæðamati á gistiheimilum. Það verður
ekki farið í stjömugjöf eða neitt slíkt
heldur flokkun á gistingu eftir A, B, C
kerfi. Gisting er seld á svipuðu verði
þó svo að mikill munur sé á gæðum.
Mér hefur verið bent á að fólk í
ferðaþjónustu sé að leigja húsnæði
umfram það sem leyfi er til í kring
um þjóðhátíð, Shellmót og þessa stóru
atburði. Ég er búin að láta alla í
ferðaþjónustu vita, að hingað komi
hlutlaus aðili ofan af landi á vegum
ferðamálaráðs og skoði gististaði,"
sagði Kristín.
Pysjutíminn og hvataferöir
Nú stendur pysjutíminn sem hæst og
Kristín segir að hún hafi fengið fullt
af fyrirspumum um hvenær pysjumar
séu væntanlegar. „Það var talsverð
umræða um það í fyrra að hér væru
engar pysjur og ég ætla að vona að
það verði komnar pysjur upp úr næstu
helgi en þýska sjónvarpið ZDF kemur
hingað til að fjalla sérstaklega um mín
störf og pysjutímann. Súsanna
Svavarsdóttir verður með þátt á Skjá
einum næsta sunnudag klukkan 21.00
þar sem sérstaklega verður fjallað um
hvað ferðaþjónustan og Vestmanna-
eyjabær hafa upp á að bjóða. Sér-
staklega verður lögð áhersla á pysju-
tímann og einnig það sem verður
framundan í vetur s.s hvata-
ferðadagskrá haustsins sem ferða-
þjónustan hér ætlar að bjóða upp á í
samstarfi við Leikfélagið," sagði
Kristín.
Tuttugu gistístaðir með leyfi
Alþingi setur lög um veitinga- og
gististaði en lögreglustjóri veitir leyfi
að fenginni umsögn sveitarstjómar,
eldvamaeftirlits, heilbrigðisnefndar og
vinnueftirlits. Reglugerð um veitinga-
og gististaði gildir um alla sölu á gist-
ingu á gististöðum, alla veitingasölu,
sem almenningur á aðgang að, og
leigu á samkomusölum í atvinnu-
skyni.
Rut Áslaugsdóttir, heilbrigðisfull-
trúi, tekur út gististaði sem óska eftir
leyfi. „Ég fer yfir fjölda salema o.fl. en
á gistiheimilum em t.d. ákvæði um að
ekki séu fleiri átta gestir um hvert
salemi og sturtu, samkvæmt reglugerð
um veitinga- og gististaði. Það eru
staðlar fyrir rúm, hvað þau eiga að
vera löng og breið og tiltekið lág-
marksrými fyrir hvem gest. Neðsti
flokkur hjá okkur er hjólhýsa-,
smáhýsa- og tjaldsvæði en um slíka
gistingu gilda ekki eins strangar
reglur. Hér er enginn með gistiskála
nema Skátafélagið Faxi. Mér telst til
að hér séu u.þ.b. tuttugu gististaðir
með leyfi frá heilbrigðiseftirliti en það
er ekki löglegt að selja gistingu öðm
vísi en húsnæði uppfylli skilyrði heil-
brigðiseftirlits, eldvamaeftirlits, o. fl.,“
sagði Rut.
Þokast í rétta átt
Ragnar Þór Baldvinsson, slökkvi-
liðsstjóri, segir kröfur vegna eldvama
eftirlits mismunandi eftir því hversu
húsnæðið er yfirgripsmikið. „Öll
stærri gistihús og hótel em tekin út af
manni frá Brunamálastofnun. Hann
gefur út skýrslur um ástand þessara
húsa en minni gististaðir, heimagisting
og sumarbústaðir em teknir út hér
heima. Það em engin hús héma sem
eru í óviðunandi ástandi en þó í mis-
munandi góðu standi, segir Ragnar.
„Ég horfi á þetta út frá eldvömum
og það er gjörsamlega óþolandi ef
menn setja upp heimagistingu án þess
að hafa til þess tilskilin leyfi. Öllum
sem breyta húsnæði til annarra nota en
það var upphaflega ætlað íyrir, ber að
sækja um leyfi til byggingayfirvalda
hér í Eyjum áður en framkvæmdir
hefjast. Allt það húsnæði sem ég hef
tekið út er í þokkalegu lagi og það má
segja að við séum sífellt að þoka
málum til betri vegar,“ sagði Ragnar
um eldvamir á gististöðum.
Þegar haft var samband við þann
sem leigði stúlkunum vildi hann að
eftirfarandi kæmi fram: „Haft var
samband við þennan umtalaða
stúlknahóp og þeim boðin endur-
greiðsla á öllu sem þær höfðu greitt í
hádeginu á laugardegi ef þær vildu
fara annað en þáðu ekki.“
Annað vildi hann ekki láta hafa eftir
sér en Fréttum er kunnugt um að þetta
sé ekki einsdæmi á þjóðhátíð.
Masterclass 2004 og Tónlistardagar í Eyjum:
Vonast til að námskeiðið
ávinni sér alþjóðlegan sess
s
-segir Ashildur Haraldsdóttir, flautuleikari
Dagana 14. til 22. ágúst verður
tónlistarhátíðin og „masterclassinn“
Tónlistardagar í Vestmannaeyjum.
Þetta er í tjórða sinn sem slíkt
námskeið er haldið hér í Eyjum með
tilheyrandi tónleikahaldi, tónlistar-
unnendum til mikillar ánægju.
Tónlistarnemar víðs vegar að af
landinu ásamt tónlistamemum frá
Danmörku og Mexíkó sækja nám-
skeiðið þar sem þeir hljóta kennslu í
hljóðfæraleik og kammermúsíkiðkun
undir handleiðslu Áshildar Haralds-
dóttur, flautuleikara, Guðnýjar Guð-
mundsdóttur, fiðluleikara, Gunnars
Kvaran, sellóleikara og Nínu Mar-
grétar Grímsdóttur, píanóleikara.
Ashildur Haraldsdóttir, hefur
skipulagt „masterclassinn" undanfarin
ár og segir bæjarbúum og ferða-
mönnum velkomið að heimsækja
Tónlistarskólann og fylgjast með
tónlistarkennslunni. „Allir geta sér að
kostnaðarlausu sótt opinbera tónleika
tónlistardagana þar sem tónlistarmenn
úr fremstu röð leiða saman hesta sína,
en jafnframt „masterclassinum“ fer
fram metnaðarfull kammertónlistar-
hátíð kennara. Undanfarin þrjú ár
hefur sú þróun átt sér stað að
nemendur og kennarar hafa fest sig í
sessi í mannlífi Vestmannaeyja í þá
níu daga sem hátíðin stendur. Við
höfum heimsótt stofnanir eins og
Hraunbúðir og Heilbrigðisstofnun
Vestmannaeyja og ég vona ég
innilega að sama snið verði á núna.
Við munum leika á tónleikum í
Höllinni, Tónlistarskólanum og um
borð í bátnum Víkingi.“
Áshildur segir að kennurum og
nemendum finnist Vestmannaeyjar
hafa yfir sér ævintýralegan blæ.
„Eyjar eru svolítið eins og útlönd en
ég legg áherslu á að kynna
námskeiðið erlendis. Við eigum góða
kennara og nemendur og ég vonast til
að námskeiðið ávinni sér alþjóðlegan
sess. Þetta er langtímamarkmið og nú
er mikilvægt að halda út en öll
markaðssetning er dýr en ég er að
reyna að koma okkur að í erlendum
tímaritum.. Mér finnst mikilvægt að fá
erlenda nemendur, líka fyrir
íslendinga, því það er svo mikilvægt
að nemendur kynnist því sem aðrir eru
að gera. Nú er ódýrara að ferðast til
og frá landinu þannig að það kemur
okkur til góða. Ég hlakka til að koma
til Eyja og vona að veðrið verði gott
og að við komumst á pysjuveiðar,"
sagði Áshildur og vildi taka fram að
bæjaryfirvöld í V estmannaeyjum hafi
tekið tónlistardögunum opnum
örmum og Pokasjóður styrkir einnig
verkefnið.
Utgrfaudi: Byjasýn chf. tHOJiK-tl'it!) - Vestmannaryjum. Ititstjóri: Ómar (iarðarsson.
Blaðamenn: Sigurswinn Wrdarson, OuðbjSig Sigurgpirsdóttir. ljiróttir: Júlíiis Ingason.
Ábyrgðanncnn: Omar Garðarsson & Gisli Valtýsson.
Pivntviiina: Byjasýn/ Eyja]ircnt. VcstmannacyjuiiL Aðsetur ritstjórnai'. Stnindvcgi 47.
Simar: 4811300 & 481 3310. Myiulriti: 481-1893. Nctfang/raljxistni: fivttir@cyjafrcttir.is.
Vcffang: http/Avww.eyjafn'ttir.is
Vestmannaeyjadagskrá á
Menningarnótt:
Eyjamenn taka höfuð-
borgina með trompi
Nú liggur fyrir dagskrá Eyjamanna á menningarnótt í Reykjavík sem v
verður haldin laugardaginn 21. ágúst nk. Bæjarráð hefur samþykkt 2
milljóna framlag til verkefnisins og er Ijóst að Eyjamenn ætla að taka
höfuðborgina og Ráðhús Reykjavíkur með trompi og bjóða upp á
fjölbreytta dagskrá um leið og kynna á ýmislegt það sem
Vestmannaeyjar bjóða upp á.
Dagskráin er eftírfarandi:
Skrúðganga: Ætlunin er að Lúðrasveit Vestmannaeyja leggi af stað frá
Hljómskálanum kl. 13:30 og gangi sem leið liggur Fríkirkjuveginn,
Lækjargötu og inn og yfir brúna inn í Ráðhúsið. Stjómandi Stefán
Siguijónsson.
Vestari salur: Lúðrasveit, leiklist, Eyjalög, hippar, unglingatónleikar,
söngur og hljóðfæraleikur, glens og gaman.
Kl. 14:00 Ávörp forseta borgarstjómar Áma Þórs Sigurðssonar og Bergs E.
Ágústssonar bæjarstjóra Vestmannaeyja, Lúðrasveit Vestmannaeyja leikur
Eyjalög.
Kl. 15:00 Tyrkjaránið 1627. Félagar frá Leikfélagi Vestmannaeyja.
Syrpur eftir Ása í Bæ og Oddgeir Kristjánsson í flutningi Gísla Helgasonar,
Hafsteins Guðfinnssonar og félaga.
Kl. 16:00 Húllum hæ fyrir böm, Leikfélag Vestmannaeyja og
götuleikhúsið „Ottó," Hippabandið leikur og syngur hippalögin sígildu.
Kl. 17:00 Verðlaunaafhending frá Reykjavíkurmaraþoni Lúðrasveit Vest-
mannaeyja spilar undir.
Kl. 18:00 Tyrkjaránið 1627. Félagar frá Leikfélagi Vestmannaeyja.
Iris Guðmundsdóttir og Unnur Ólafsdóttir syngja við undirleik Sigurmundar
Einarssonar.
Kl. 19:00 Hljómsveitimar Hoffman og Thorshamar. Tónleikar fyrir yngri
kynslóðina.
Kl. 20:00 Messuhópurinn, söngur og spil undir stjóm Ósvaldar Freys
Hljómsveitin Dans á Rósum.
K121:00 Obbó-síí hópurinn, ijöldi tónlistarmanna og söngvara kemur fram.
Stjómandi Ósvaldur Freyr Guðjónsson.
K1.22:00 Syrpur eftir Ása í Bæ og Oddgeir Kristjánsson í flutningi Gísla
Helgasonar, Hafsteins Guðfinnssonar og félaga.
K122:30 Ámi Johnsen slúttar með hinni einu sönnu Eyjastemmingu.
Kynnar: Andrés Sigun’insson og Kristín Jóhannsdóttir.
Miðdekk: Hamfarir og matur.
Inni á tjamarveggnum verður í gangi alla dagskrána kvikmynd Emst Kettlers
frá náttúmhamfömnum í Heimaey 1973 og í miðrýminu mun Grímur
Gíslason kokkur í Höllinni í Vestmannaeyjum gefa fólki tækifæri á að
smakka reyktan lunda með sinnepssósu jafnframt sem hann býður upp á
ýmsa rétti sem hann framleiðir úr fiski sem veiðist við Eyjar.
Þar verður einnig á boðstólum harðfiskur framleiddur af Godthaab í Eyjum
og nýtínd söl.
Landsmenn vita að sjósókn og veiðimennska hvers konar hefur verið
lifibrauð eyjaskeggja í gegn um aldimar.
Eystri salur: Eldfjall, uppbygging, mannlíf, þjóðhátíðartjald. lundapysjur.
6 sjónvarpsskjáir verða víðs vegar í salnum sem sýna framangreint.
Vestmannaeyjar samanstanda af 15 eyjum auk tuga dranga og skeija.
Heimaey er langstærst eyjanna og varð til í eldgosi í Helgafelli fyrir 5 - 6000
árum, en það gos tengdi Stórhöfða við Norðurklettana. Allar hafa eyjamar
orðið til í eldgosum. 1963 hófst Surtseyjargosið og er Surtsey nýjasta eyjan
í klasanum. Hún er alfriðuð og kærkomið rannsóknarefni vísindamanna.
1973 hófust jarðeldamir í Heimaey og Eldfellið myndaðist og hraunið þar
útfrá. Heimaey stækkaði um 20%.
Tyrkjaránið 1627 ereinn átakanlegasti atburður í sögu Eyjanna. Þá vom 36
drepnir og 242 teknir herfangi, fluttir úr landi og seldir. Allir þekkja sögu
Guðrúnar Símonardóttur en hún var keypt laus úr barbaríinu og kynntist
eiginmanni sínum, Hallgrími Péturssyni sálmaskáldi, á heimferð sinni.
„Lundinn er fegurstur fugla“ I apríl á hverju ári kemur fuglinn í
miljónatali og tekur land í Vestmannaeyjum. Prófasturinn, eins og hann er
oft nefndur, er góðkunningi allra Eyjamanna, fuglinn okkar og hefur leikið
stórt hlutverk í uppeldi okkar. Pysja nefnist afkvæmi lundans og
pysjuævintýri hefst upp úr lokum Þjóðhátíðar. Þá fer Brúsi bjargvættur á stjá
og safnar saman þeim lundapysjum sem hafa í skjóli nætur flogið að
ljósunum í bænum. Síðan er þeim gefið frelsi í næstu ljöru daginn eftir.
Otrúleg upplifun og stöðugt eykst fjöldi þeirra sem heimsækja
Vestmanneyjar eftir Þjóðhátíð. Lundaball, uppskemhátíð úteyinga er einn af
föstum viðburðum í september og öllum opinn.
Þjóðhátíð Vestmannaeyja hefur verið við lýði síðan 1874. Þá var haldið
upp á 1000 ára afmæli íslandsbyggðar en vegna veðurs urðu Eyjamenn að
sitja heima. Slógu menn þá upp sinni eigin hátíð og hefur hún verið haldin
130 sinnum síðan.
IBV sér um undirbúning og skipulagningu hátíðarinnar og stór hluti
heimamanna flyst búferlum (í hvítu tjöldin) inn í Herjólfsdal yfir
hátíðisdagana. Landsþekktar hljómsveitir og skemmtikraftar, brenna á
Fjósakletti og flugeldasýning og brekkusöngur stendur fólki til boða og
Eyjastemming eins og hún gerist best. Aðsókn á Þjóðhátíð er stöðug og menn
koma ár eftir ár til að upplifa þessa einstöku þjóðhátíðarstemmingu sem ríkir
í Dalnum.
Frœðslu-og menningarsvið
Andrés Sigun’insson framkxœmdastjóri
FRÉTriR konia út alla fimmtudaga. Blaðid crsclt i áskrift ogcinnig i lausasölu á Klctti,
Tvistinum, Topjinnm, Vönival, Hcrjólfi, Flugliafnarvcrsluninni, Króminni, Isjakanum,
Bónusvidcó, vcrslun 11-11, Skýlinu i Friðarhöfn og i Jolla í Hafnarfirdi og afgreiðslu
Ilejrólfs í Þorláksliöfn. FRffiTIR cru prcntadar i 8000 cintökum. FRÉI'HR cru adilar að
Samtökum liæjar- og héradsfríttablada Bftirprcnbin, hljóðritun, notkun Ijósm.vnda og
annaðcrólieimilt ncma licimildaségctið.