Fréttir - Eyjafréttir - 07.08.2008, Blaðsíða 2
2
Fréttir /
ARNÓR OG ÓÐINN segja að frásagnir af svaðilför Bubba Morthens séu mjög orðum auknar.
BUbbi Morthens var aldrei í hættu:
Vorum ekki að leggja í
tvísýnu á nokkurn hátt
-Það er aftur á móti ekkert skrýtið við að fólk sem óvant er
þessum aðstæðum verði hrætt, sagði Bjarni Halldórsson, skipstjóri
á björgunarbátnum Þór sem flutti fólk upp á land um helgina
Mikið hefur rætt í fjölmiðlum um
það þegar Björgunarfélag
Vestmannaeyja tók að sér að flytja
fólk frá landi á sunnudagskvöldið
og frá Eyjum á mánudags-
morguninn. Náð var í Bubba
Morthens á sunnudagskvöldið og
gekk sú ferð áfallalaust en ein-
hverjir fengu á sig skvettu þegar
um 15 manns voru fluttir sömu leið
morguninn eftir.
Björgunarfélagsmenn segja að
skilyrði haft verið góð og aldrei
hafi neinn verið í hættu. Einhverjir
fengu þó á sig gusu og þrír lentu í
sjónum í fjöruborðinu. Þá var dýpi
ekki meira en svo að þeir gátu
gengið í land. Það segja þeir ekkert
óeðlilegt, að fólk blotni við land-
töku fyrir opnu hafi.
Bubbi Morthens lét hafa eftir sér í
fjölmiðlum að þetta hafi verið hin
mesta svaðilför og að hann haft
aldrei lent í meiri lífsháska á
ævinni. Björgunarfélagsmenn hafa
aðra sögu að segja, aðstæður haft
verið mjög góðar en menn verði að
gera ráð fyrir því að blotna þegar
farið er á opnum bát upp í fjöru.
Eins segja þeir af og frá að nokkur
hafi verið í lífshættu og þegar þrír
lentu útbyrðis var dýpi ekki meira
en svo að þeir gátu gengið í land.
Þeir segja aftur á móti ekkert
óeðlilegt að óvönum þyki nóg um.
Málsatvik eru þau að á sunnu-
dagskvöldið fór björgunarbáturinn
Þór og náði í Bubba og var farið á
BUBBI skemmti við góðar
undirtektir á sunnudagskvöldið.
tuðru síðustu 50 til 100 metrana
upp í fjöruna og gekk allt að ósk-
um. Um morguninn var farið með
um 15 manns í land. Skipstjóri á
Þór í þeirri ferð var Bjami Hall-
dórsson og á tuðrunni voru Amór
Arnórsson og Oðinn Benónýsson.
„Báðir þrælvanir strákar við þessar
aðstæður og myndi ég treysta þeim
fyrir bömunum rnínurn," sagði
Adólf Þórsson, formaður Björg-
unarfélagsins þegar hann var
spurður um málsatvik.
„Ég var ekki um borð en eftir því
sem mér skilst þá var ölduhæð um
50 sm og það er langt frá raun-
veruleikanum að þeir hafi fengið á
sig brot. Viðbrögð fjölmiðla hafa
verið óvenju harkaleg og leið mér
eins og sakamanni þegar blaða-
menn ræddu við mig. Auðvitað á
rétt að vera rétt en við erum alvanir
að fara upp á land, út í Surtsey og í
aðrar eyjar og aðstæður um helgina
voru óvenju góðar. Alls öryggis var
gætt, allir í björgunarvestum og
það er enginn verri þó hann vökni.
En ég legg áherslu á að við fórum
þessar tvær ferðir fyrir þjóðhátíðar-
nefnd en vorum ekki í þessu harki
sem sagt hefur verið frá,“ sagði
Adólf.
Óvenju góðar aðstæður
Bjarni, skipstjóri á Þór staðfesti að
ölduhæð hafi verið um 50 sm þegar
þeir komu að fjöranni á mánudags-
morguninn og engin brot. „Þannig
blasti þetta við mér en við voram
50 til 100 m frá landi þegar fólkið
var ferjað í land,“ sagði Bjami.
Hann lagði áherslu á að aðstæður
hefðu á engan hátt verið hættulegar.
„Við höfum gert þetta margoft og
við svipaðar aðstæður. Það voru 15
manns um borð hjá okkur og þurfti
fjórar ferðir á tuðrum til að ferja
fólkið í land og voru allir í björg-
unarvestum. 1 einni ferðinni kom
fylla inn á tuðruna sem er alvana-
legt og er ekkert hættulegt. Þegar
þrír úr Logunum lentu í sjónum
lenti tuðran óþarflega þvert fyrir en
hún fór aldrei á hvolf og þeir gátu
gengið í land. Það er búið að segja
margt rangt í þessu máli en við
fullyrðum að frásagnir af svaðilför
Bubba Morthens sé orðum auknar.
Kónginn vantaði athygli
Arnór sagði að ósköp lítið væri um
málið að segja. Þeir hafi farið þrjár
ferðir og þær hafi gengið áfalla-
laust. „Fyrst fórum við með Bubba
en snerum við eftir að við fengum á
okkur smá pus. í næstu ferð kom
Bubbi með ásamt Páli Magnússyni
útvarpsstjóra, syni hans og fleirum.
Hægði tuðran aðeins á sér þegar
sandurinn þyrlaðist upp þegar við
komum upp í fjöru. Þá kom sjór
inn á hana en hann náði rétt upp á
pulsurnar. Þá varð Bubbi logandi
hræddur en það gerðist ekkert.
Þessar fréttir af „svaðilförinni"
koma þó ekki á óvart því auðvitað
þarf Kóngurinn athygli,“ sagði
Arnór.
Arnór og Óðinn vora ekki á
tuðranni sem flutti Logana en þeir
segja að alda hafi komið undir hana
rétt í fjöruborðinu og hún hafi þá
legið þvert á ölduna. „Hún hallaðist
kannski 30 gráður og þá duttu þrír
útbyrðis en þeir stóðu upp og löbb-
uðu í land. Þetta var allt og sumt
sem gerðist."
Sýknaður í
árásarmáli
Héraðsdómur Suðurlands sýkn-
aði á þriðjudaginn mann í Vest-
mannaeyjum af öllum kröfum
ákæruvaldsins en honum var
geftð að sök að hafa ráðist á
eiginkonu sína og stjúpdóttur í
júlí í fyrra og veitt þeim áverka.
Akærði neitaði sök og eiginkonan
hafði breytt framburði sem hún
gaf lögreglu þegar málið var
dómtekið. Dóttirin skoraðist
undan vitnisburði fyrir dómi.
Manninum var geftð að sök
líkamsárás gagnvart eiginkonu
sinni en hann neitaði sök. Hjá
lögreglu kvaðst hann hafa lent í
rifrildi við eiginkonuna en áverk-
ar sem hún hlaut hefðu ekki hlot-
ist af ásetningi. Við skýrslugjöf
hjá lögreglu lýsti konan atvikum
á svipaðan hátt og ákærði gerði
við skýrslugjöf þar.
I öðrum lið ákæru var mannin-
um geftð að sök að hafa veist að
stjúpdóttur sinni en sem fyrr
neitaði hann sök og hún skor-
aðist undan vitnisburði fyrir
dómi.
I niðurstöðu dómsins segir að
framburður vitna fyrir dómi hafi
ekki verið afdráttarlaus um að
ákærði haft veist að stjúpdóttur-
inni. Er það mat dómsins að eins
og sönnunarstöðu sé háttað verði
því að telja að ekki sé fram komin
lögfull sönnun um sekt ákærða að
þessu leyti.
I dómum er lýst áverkum á
móður og dóttur en í niðurstöðu
hans segir að af lýsingum ákærða
og vitna sé ljóst að rifrildi átti sér
stað en framburður ákærða og
eiginkonunnar hafi breyst í
veigamiklum atriðum og þau ein
til frásagnar um það sem gerðist.
Einnig segir að framburður
þeirra fyrir dómi bendi til þess að
um óhappatilvik hafi verið að
ræða. Því er ekki á móti mælt að
áverkar eru af völdum mannsins
en þar sem ekki telst sannað að
ásetningur hans hafí staðið til
þess að skaða hana verði honum
ekki refsað fyrir líkamsmeiðingar
af gáleysi.
Niðurstaða máls þessa verður
því sú að ákærði var sýknaður af
öllum kröfum ákæruvaldsins í
máli þessu. I samræmi við
niðurstöðu dómsins ber að fella
allan kostnað sakarinnar á
ríkissjóð, þar með talin
málsvarnarlaun skipaðs verjanda
ákærða, 373.500 krónur að
meðtöldum virðisaukaskatti.
Hjörtur O. Aðalsteinsson dóm-
stjóri kveður upp dóm þennan.
Dómsuppkvaðning hefur dregist
vegna embættisanna dómarans.
Mikið verslað
af áfengi í
Eyjum
Sala áfengis í vikunni fyrir versl-
unarmannahelgi var 12,2% meiri
í lítram talið en í sömu viku fyrir
ári í verslunum ATVR. Samtals
seldust 783 þúsund lítrar í ár en í
sömu viku í fyrra seldust 698
þúsund lítrar.
I Vínbúðinni í Vestmannaeyjum
komu um 1400 viðskiptavinir
föstudag og laugardag um
verslunarmannahelgi í fyrra, en í
ár heimsóttu um 2.100 Vín-
búðina. Aukningin er því um
55% milli ára.
vinbuðin.is
Étgefandi.' Eyjasýn chf. 480278-0549 - Vestmannaeyjiun. BitBtjórL Ómar Garðarsson.
Blaðamenn: (íuðbjörg Sigurgeirsdóttir og Júlins Ingason. fþróttir Júlíus Ingason.
Ábyrgðarmenn: Ómar Garðarsson & (íísli Valtýsson.
Prentrinna: Eyjasýn/ Eyjaprent. Vestmannaeyjum. Aðsetnr ritstjómar: Strandvegi 47.
Símar: 481 1300 & 481 3310. Myndriti: 481-1293. Netfang/rafpóstur frettir@eyjafi-ettir.is.
Veffang: http//www.eyjafrettir.is
FRÉTi'itt koma út alla fimmtudaga. Blaðið er selt í áskrift og einnig í lausasöln á Kletti,
Tvistinum, Toppnnm, Vöruval, Herjólfi, Flughafnarversluninni, Krómumi, lsjakaniun,
verslnn 11-11 og Skýlinu i Friðarhöfn.. FRÉTTER eru prentaðar í 2(KH) eintöknm.
FRÉTTER ern aðilar að Samtökmn bœjar- og héraðsfréttablaða. Eftirprentun, hljóðritun,
notknn ljósmynda og annað er óheinnlt nema heimilda sé getið.