Fréttablaðið - 13.02.2013, Blaðsíða 26

KYNNING − AUGLÝSINGBókhald & endurskoðun MIÐVIKUDAGUR 13. FEBRÚAR 20134
Hagsýn sérhæfir sig í bókhaldi og fjármálum lítilla
og meðalstórra fyrirtækja. Allar upplýsingar eru
unnar mánaðarlega svo stjórnendur hafa ávallt
yfirsýn.
„Við matreiðum upplýsingarnar svo allir skilji og reynum að forðast
sérhæfð fjármálahugtök. Við vinnum einnig upplýsingarnar mánaðar-
lega svo atvinnurekandinn sjái allar sveiflur og geti byggt reksturinn
á þeim,“ útskýrir Brynhildur S. Björnsdóttir en hún stofnaði Hagsýn
ásamt Svövu Huld Þórðardóttur fyrir þremur árum, með áherslu á bók-
haldsþjónustu við lítil og meðalstór fyrirtæki.
„Við þjónustum þann hóp sem ekki er kominn á það stig að ráða
sérhæfðan fjármálastjóra og skortir kannski þekkingu á þessu sviði,
áhuga og tíma. Þó vinnum við einnig með fjármálastjórum sem vilja
láta matreiða upplýsingarnar fyrir sig eins og við gerum,“ segir Bryn-
hildur og bætir við að miklu máli geti skipt fyrir lítil fyrirtæki að geta
gengið að rekstrarupplýsingum vísum um hver mánaðamót. Þá útbúi
Hagsýn myndrænt rekstraryfirlit annan hvern mánuð sem fyrirtækin
geti nýtt sem stjórnborð. „Þau fyrirtæki sem þurfa á fjárfestum að halda
þurfa til dæmis að geta sýnt fram á yfirlit yfir reksturinn og þá liggur
þetta alltaf tilbúið hjá okkur. Eins greiðsludreifum við álaginu yfir árið
svo fyrirtækin þurfa ekki að eiga við þunga greiðslupósta tvisvar á ári.“
En hvernig fyrirtæki nýta sér þjónustu Hagsýnar?
„Viðskiptavinir okkar eru að stærstum hluta ör- og lítil fyrirtæki.
Margir eru í skapandi greinum, eða að selja hugvit, sérfræðingar,
fræðimenn, iðn-, tækni- og nýsköpunarfyrirtæki. Það er greinilega þörf
á þessari þjónustu og viðtökurnar hafa verið fram úr okkar björtustu
vonum.“ www.hagsyn.is
Yfirsýn og hugarró í fjár-
málum lítilla fyrirtækja
Brynhildur Björnsdóttir og Svava Huld Þórðardóttir hjá Hagsýn matreiða bókhalds-
upplýsingar á mannamáli. MYND/GVA
„Það er mín trú að maður eigi að reyna
að skilja við hlutina ögn betur en þegar
maður tók við þeim. Ég lenti í fjárhags-
legu áfalli árið 2001 eftir að hafa skrifað
upp á ábyrgð fyrir fyrirtæki sem ég átti
hlut í. Ég hugsaði með mér að það hefði
nú verið betra að læra þetta á bók en á
eigin skinni,“ segir Breki.
Kennsla í skólum
Fjármálalæsi hefur lítið verið kennt í
skólum hingað til og er það eitt af bar-
áttumálum Breka. „Krakkar læra allt
um það hvernig Snorri Sturluson lifði og
dó og um afrek Egils Skallagríms sonar
en ekkert um það hvernig á að haga
sér í fjármálum. Enn í dag þarf fólk að
finna úr því með því að hlaupa á veggi.
Þó stendur það til bóta og unnið er að
bættu fjármálalæsi víða.“
Í nýrri námsskrá grunn –og fram-
haldsskóla er kveðið á um kennslu í fjár-
málalæsi og nýlega var skipuð nefnd á
vegum menntamálaráðuneytisins sem
fjallar um það hvernig henni skuli háttað.
„Það er þó ekki enn búið að ákveða
hvernig þessi kennsla skuli fara fram.“
Hvað er fjármálalæsi?
Það eru þrír hlutir sem fjármálalæsi
snýst um. „Þekking, hegðun og við-
horf en við viljum hafa áhrif á hegð-
un. Það gerum við í gegnum þekkingu
og viðhorf. Þetta þarf þó ekki að fara
saman. Það er hægt að kenna fólki alls
kyns hluti en það er ekki þar með sagt
að það fari eftir þeim.“ Líkurnar aukast
þó á bættri hegðun
eftir því sem þekking
eykst og við horfin
breytast.
Sjónvarpsþættir
og bók
Sjónvarps þættirnir
„Ferð til fjár“ sem
Breki gerði voru
sýndir í Ríkissjón-
varpinu í janúar
2010. Í framhaldi
var kennslubókin „Ferð til fjár“ gefin
út. „Hvort tveggja er notað í kennslu
í nokkrum framhaldsskólum sem er
mjög jákvætt.“
Aflatún  Kennsluefni fyrir börn
Aflatún er námsefni fyrir 6-14 ára
krakka. Þar er fléttað saman
samfélagsábyrgð, ný sköpun
og fjármálalæsi. Náms efnið er
kennt víða um heim og njóta
þess um 1,3 milljarðar barna.
„Krökkum frá sex ára aldri er
kennt margt, allt frá réttindum
sínum samkvæmt Barnasátt-
mála Sameinuðu þjóðanna
og þeim skyldum sem þeim
fylgja yfir í það hvað það
þýðir að búa í sam félagi.“ Í
framhaldi fara þau að skoða
samfélagið og kanna hvort
eitthvað megi betur fara
og koma með tillögur að
endur bótum. Á hverju ári
frá 6-14 ára aldurs stofna þau svo fyrir-
tæki í þágu samfélagsins. „Mörg þús-
und fyrirtæki hafa verið stofnuð víða
um heim. Á Indlandi sáu krakkarnir að
margir hættu í skóla og áttuðu sig á því
að ástæðan var sú að þeir höfðu ekki
efni á dýrum skólabókum. Þau stofn-
uðu því eigin bóksölu og fækkuðu milli-
liðum. Bókaverð lækkaði og fleiri gátu
farið í skóla. Hagnaðurinn af sölunni
var svo notaður til að reisa salernis-
aðstöðuna í skólanum sem ekki var til
staðar,“ segir Breki. Í þessu héraði á
Indlandi eru nú, tveimur árum síðar,
um tuttugu skólar og njóta þeir góðs af
þessari hugmynd og skólabókaverð er
lægra en það var áður. „Hagnaðurinn
er ávallt notaður til að bæta aðstöðuna
í skólanum, kaupa mat eða annað sem
bætir samfélagið.“
Þessi kennsluaðferð
er nú notuð á Bolunga-
vík með góðum árangri.
„Svo eru nokkrir skólar í
Reykjavík að fara af stað
með þessa kennslu.“ Það
er því ýmislegt að gerast
og verður spennandi að
sjá hvað framtíðin ber í
skauti sér í þessum efnum.
Á heimasíðu Stofnunar um
fjármálalæsi, www.fe.is,
eru nánari upplýsingar um
það helsta sem tengist
fjármálalæsi; rannsóknir,
kennsluefni, greinar, fyrir-
lestrar og fleira.
Kennsla í fjármálalæsi mikilvæg
Breki Karlsson, stofnandi og forstöðumaður Stofnunar um fjármálalæsi, hóf baráttu sína fyrir bættu fjármálalæsi Íslendinga eftir að hann lenti sjálfur í fjárhagslegum kröggum.
Í nýrri námsskrá grunn- og framhaldsskóla er kveðið á um kennslu í fjár-
málalæsi en ekki er enn búið að ákveða hvernig þessi kennsla skuli fara
fram.
Sjónvarpsþættirnir
„Ferð til fjár“ voru sýndir á
RÚV og í framhaldi kom út
kennslubók í fjármálalæsi
með sama nafni.
Breki Karlsson segir
fjármálalæsi snúast
um þrjá hluti; Þekk-
ingu, hegðun og
viðhorf.