Fréttablaðið - 07.12.2013, Síða 26

7. desember 2013 LAUGARDAGUR| HELGIN | 26
Við myndlistarmenn erum alltaf að tjá okkur. Við viljum láta rödd okkar heyrast,“ segir Rakel Steinars-dóttir myndlistarkona
og íbúi á Frakkastígnum. Það er
að frumkvæði sem þetta nýja og
óhefðbundna sýningarrými hefur
orðið til: Óskastígur.
„Ég bý hérna á Frakkastígnum,
hér er stórt plan og oft hálfgert
öngþveiti um helgar þegar bílar
keyra hér fram og til baka. Planið
er hluti af minni lóð og mér datt
í hug að það væri hægt að glæða
það lífi. Þannig kviknaði hug-
myndin. Ég hafði samband við
fjölda listamanna auk þess sem
nágranni minn Tora Victoria
listamaður varð mér að liði og
allir tóku vel í þessa hugmynd,“
segir Rakel.
Þeir myndlistarmenn sem eiga
verk á sýningunni eru: Áslaug
Thorlacius, Baldur Geir Braga-
son, Björk Guðnadóttir, Bryn-
hildur Þorgeirsdóttir, Erla Þór-
arinsdóttir, Eygló Harðardóttir,
Finnur Arnar Arnarson, Gunn-
ar M. Pétursson, Hulda Hákon,
Ingimar Ólafsson Waage, Jón
Óskar, Magnea Ásmundsdóttir,
Olga Bergmann, Ósk Vilhjálms-
dóttir, Rakel Steinarsdóttir, Tora
Victoria, Þóroddur Bjarnason og
ljóðskáldið Linda Vilhjálmsdóttir.
Ádeila á neyslusamfélagið
„Þetta er þriggja vikna sýn-
ing og nú eru allir í óða önn að
setja upp verkin. Fólk má búast
við fjölbreyttri sýningu – það er
verið að mála á veggina, hengja
upp myndir, búa til innsetning-
ar, hljóðverk og vídeóverk. Ætli
það mætti ekki lýsa þessu sem
skemmtilegri samsuðu af sam-
tímamyndlist.“
En það felst líka pólitískur
boðskapur í sýningunni. Rakel
segir þetta svæði einkennast af
andstæðum. Þarna séu aðliggj-
andi verslunargötur þar sem
markaðshyggjan og jólabrjál-
æðið blasi við. Og svo séu þarna
barir sem tilheyri annars konar
og sorglegri stemningu.
„Auðvitað er þetta að ákveðnu
leyti ádeila á samfélagið eins
og það blasir við manni,“ segir
Rakel. „Sýningin er pólitísk.“
Opnunin á Óskastígnum fer
fram á laugardaginn klukkan
16.00 þar sem listamennirnir
afhjúpa sín verk og er borgar-
búum boðið að skoða sig um og
njóta verkanna undir berum
himni.
Óskastígur í hjarta bæjarins
Listin er oft vettvangur breytinga. Hún skapar umræðu og farveg fyrir gagnrýna samfélagshugsun. Í dag
opna átján myndlistarmenn óvenjulega sýningu á Frakkastígnum sem hefur verið umbreytt í listagallerí.
Símon Birgisson
simon@frettabladid.is
RAKEL STEIN-
ARSDÓTTIR
MYNDLISTAR-
KONA
Vildi lífga upp á
planið fyrir utan
hjá sér og ákvað
að breyta því í
gallerí.
FRÉTTABLAÐIÐ/VALLI
Auðvitað er þetta
að ákveðnu leyti ádeila
á samfélagið eins og það
blasir við manni.
Rakel Steinarsdóttir
myndlistarkona
Elís Pétursson
tónlistarmaður
Jólalög og
piparkökur
Um helgina ætla ég að verða
mér úti um vínylplötuna
Skemmtilegustu lög Gátta-
þefs með Ómari Ragnarssyni
og baka piparkökur.
Guðrún Heimisdóttir
bankastarfsmaður
Jólaball og hlaðborð
Ég byrja daginn hjá júdódeild
Ármanns þar sem börnin tvö
stunda krílajúdó. Svo er það
barnajólaball Arion banka en í
kvöld jólahlaðborð á Hótel Holti.
Á morgun ætlar fjölskyldan að
njóta aðventunnar, baka smá-
kökur og pakka inn jólagjöfum.
Grímur Atlason
tónleikahaldari
Körfuboltaleikur
og læri
Ég ætla til Keflavíkur að horfa
á uppáhaldskörfuboltakonuna
mína, Ástu Júlíu Grímsdóttur,
hjóla í þær „kebblvísku“.
Um kvöldið er það læri með
góðum vinum í tilefni 43 ára
minna í þessari sveit.
LEIKHÚS Á sunnudaginn sýnir
Pétur Eggerz í Möguleikhúsinu
leikritið Aðventu þar sem unnið er
eftir aðferðum frásagnarleikhússins
með aðeins einum leikara á sviðinu.
Í leikritinu er sagt frá svaðilförum
vinnumannsins Benedikts sem fer til
fjalla í vetraríki aðventunnar að leita
þess fjár sem eftir varð er smalað var
um haustið. Söguna byggir höfundur
á frásögnum af frægum svaðilförum
Benedikts Sigurjónssonar, öðru nafni
Fjalla-Bensa, á Mýrdalsöræfum. Aðeins
tvær sýningar eru á verkinu, nú á
sunnudaginn kl. 20.00 í Tjarnarbíói og
á sunnudaginn næstu helgi á eftir.
Möguleikhúsið
Aðventusýning
Jólaundirbúningur Aðventudagur í
Gamla bænum Laufási verður haldinn á
sunnudaginn. Gestum gefst tækifæri til
að fylgjast með undirbúningi jólanna
eins og hann var í gamla sveitasamfé-
laginu. Dagskráin hefst með jólastund
í Laufáskirkju klukkan hálf tvö. Jóla-
stemning verður í Kaffi Laufási þar sem
gestir geta notið veitinga við jólalegan
harmóníkuleik. Og á jólamarkaðnum
verður handverksfólk úr héraði með
spennandi vörur. Það er Minjasafnið á
Akureyri og Gamli bærinn Laufás sem
standa að dagskránni.
Gömlu jólin
Aðventudagur í
Laufási
Bandaríski diskókóngurinn Sleazy McQueen þeytir
skífum á Harlem-bar á laugardagskvöldið. Sleazy
er einn af forsprökkum nýbylgju diskósenunnar
vestanhafs og rekur útgáfufyrirtækið Whiskey
Disco. Á Harlem mun Sleazy leika bæði nýja diskó-
tónlist auk gamalla gullmola úr vínylsafninu.
„Hann Sleazy er á smá Evróputúr. Var að koma
frá Ósló og ætlar að spila hjá okkur um helgina,“
segir Steindór Grétar Jónsson sem hitar upp fyrir
Sleazy. Hann lýsir tónlist Sleazy svona: „Þetta er
mjög litrík, skemmtileg og dansvæn tónlist sem
sækir í gamlan grunn en er samt í þessum nýja
búningi, taktföst og mikið af nýjum áhrifum.
Hann hefur verið að endurvinna gamla diskóslag-
ara. Það er mikill iðnaður í því núna. Svo vonandi
fer hann um víðan völl og spilar bæði frumsamda
tónlist og annarra manna verk.“
Dagskráin á Harlem nefnist „Bronx-kvöld“ en
þetta er þriðja kvöldið í röðinni. Á fyrsta Bronx-
kvöldinu, sem fram fór í ágúst, spilaði þýski
plötusnúðurinn Tagträumer², en á öðru kvöldinu
í október hin kanadíska DJ Maya Postepski úr
hljómsveitinni Austra. - sb
Diskóstemning á Harlem
Frægur bandarískur diskókóngur þeytir skífum í Reykjavík.
SLEAZY MCQUEEN Í STUÐI Endurvinnur gamla diskótónlist og
setur í nýjan búning.
Sara Vilbergsdóttir myndlistarmaður
Slökun og barnabörn
Ég stefni á djúpa og góða slökun með allar tær í loft upp
í dag og fer svo í matarboð með kvöldinu. Sunnudagur-
inn verður ömmubarnadagur, þau eru tvö, annað hér
heima en hitt á Skype.
Karamella:
175 g Ljóma
2 dl sykur
3 dl rjómi
0,5 dl síróp
Botn:
125 g mjúkt Ljóma
4 dl hveiti
0,5 dl sykur
Yfir:
200 g rjómasúkkulaði

Hnoðið hráefnunum í botninn á formi
sem er ca. 20 x 30 cm. Bakið við
175°C í 20 mínútur.
Setjið öll hráefnin í karamelluna í pott
og látið suðuna koma upp. Sjóðið við
vægan hita í 45–50 mínútur. Til að
sjá hvort karamellan er tilbúin er gott
að setja smá af henni í glas með
ísköldu vatni. Ef það gengur að hnoða
karamelluna í kúlu er hún tilbúin.
Karamellan á að vera mjúk en hægt
að rúlla henni saman. Hellið
karamellunni yfir botninn og setjið í
ísskáp í ca. 15 mínútur.
Bræðið súkkulaðið og hellið því yfir
karamelluna. Látið kólna í ísskáp og
skerið síðan í bita.
HELGIN
7. desember 2013 LAUGARDAGUR