Fréttablaðið - 04.01.2014, Side 8

4. janúar 2014 LAUGARDAGUR| FRÉTTIR | 8
Nánari upplýsingar og aðstoð má fá með því að senda fyrirspurn
á netfangið upplysingar@reykjavik.is eða í síma 411 1111.
www.reykjavik.is
Á vef Reykjavíkurborgar undir „mínar síður“ geta fasteignaeigendur:
www.reykjavik.is
• sent inn erindi vegna fasteignagjalda
• skoðað álagningarseðil fasteignagjalda fyrir árið 2014 (eftir 27. janúar nk.)
og alla breytingarseðla þar á eftir
• skráð sig í boðgreiðslu fasteignagjalda
• valið einn eða níu gjalddaga fasteignagjalda til 15. janúar 2014
• gefið upp reikningsnúmer ef til endurgreiðslu kemur
• óskað eftir að fá senda greiðsluseðla fyrir fasteignagjöldum þar sem þeir verða,
líkt og áður, ekki sendir út til greiðenda, 18-71 ára
Fasteignagjöld í Reykjavík verða innheimt í heimabönkum. Fasteignaeigendum er jafnframt
bent á beingreiðslur hjá öllum bankastofnunum eða boðgreiðslur af greiðslukortum.
Mínar síður
á www.reykjavik.is
FJARSKIPTI „Við gerum ráð fyrir
að fyrstu heimilin geti mögulega
farið að nota ljósleiðarann í
byrjun mars,“ segir Laufey
Jóhannsdóttir, sveitarstjóri
Hvalfjarðarsveitar.
Íbúar sveitarfélagsins sjá nú
fyrir endann á þrjú hundruð
milljóna króna verkefni sem
hófst síðasta vor þegar sveitar-
stjórnin ákvað að leggja ljósleið-
ara í öll íbúðarhús í Hvalfjarðar-
sveit. Sveitarstjórnin hafði áður
auglýst eftir áhugasömum aðilum
sem gætu komið að uppbyggingu
kerfisins en komst á endanum að
þeirri niðurstöðu að hafna öllum
tilboðum.
„Við settum verkið í útboð og
fyrirtækið Þjótandi átti lægsta
boð. Við gerum ráð fyrir að vinnu
þeirra ljúki um miðjan júní,“ segir
Laufey.
Hún segir sveitarfélagið eiga
kerfið en að aðrir komi til með að
bjóða íbúum upp á netþjónustu.
„Við höfum bent fjarskiptafyrir-
tækjunum á að framkvæmdum
ljúki á árinu. Svo er það þeirra að
tengja íbúana en hér búa um 620
manns og þetta eru tæplega tvö
hundruð heimili. Það eru ómet-
anleg lífsgæði fólgin í því að hafa
aðgengi að háhraðanettengingu og
þau lífsgæði voru einfaldlega ekki
nógu góð hér,“ segir Laufey.
Sveitarfélagið varð til árið 2006
með sameiningu fjögurra hreppa.
Það skuldar lítið og skilaði sam-
kvæmt ársreikningi rekstrar-
afgangi upp á 103 milljónir
króna árið 2012. Tekjur sveitar-
félagsins koma að stórum hluta í
gegnum fasteignagjöld fyrirtækja
á Grundartangasvæðinu.
„Rekstrartekjur sveitarfélags-
ins árið 2012 voru 622 milljónir
króna. Um 65 prósent af okkar
fasteignatekjum koma frá þessum
fyrirtækjum á Grundar tanga og
öðrum stórfyrirtækjum í sveitar-
félaginu eins og olíubirgðastöðinni
og Hval hf.“
Faxaflóahafnir, sem eiga
lóðirnar á Grundartanga, hafa
átt í viðræðum við sveitarfélagið
um breytingar á aðalskipu-
lagi svæðisins. Ef sveitarfélagið
ákveður að breyta skipulaginu gæti
fyrir tækjum á svæðinu fjölgað og
tekjur Hvalfjarðarsveitar aukist.
„Það er ekki komin nein niður-
staða í það mál en það er eitt af
því sem verið er að skoða. Svona
skipulagsbreytingar taka alltaf
einhvern tíma,“ segir Laufey.
haraldur@frettabladid.is
Sjá loks ljósið
í byrjun mars
Framkvæmdum við lagningu ljósleiðara í Hvalfjarðar-
sveit lýkur um miðjan júní. Fyrstu heimilin ættu að
geta notað kerfið eftir tvo mánuði. Sveitarfélagið á
kerfið sem kostar um þrjú hundruð milljónir króna.
FER Í ÖLL ÍBÚÐARHÚS Starfsmenn Þjótanda sjá um lagningu ljósleiðarans.
MYND/HVALFJARÐARSVEIT.
„Netið hér er stundum hægvirkt og það á til að frjósa og maður hefur lent
í því að geta ekki sent frá sér tölvupóst eða tekið við honum,“ segir Eyj-
ólfur Jónsson bóndi á bænum Hlíð í Hvalfjarðarsveit. Hann og eiginkona
hans, Ingibjörg Pétursdóttir, reka einnig ferðaþjónustu á bænum. Gott
netsamband er þeim því mikilvægt.
„Við vorum sammála því þegar sveitarfélagið ákvað fara í þessar fram-
kvæmdir. Maður fagnar þessum breytingum og þetta er skref fram á við,“
segir Eyjólfur.
Skrefum fram á við er tekið fagnandi
HLIÐ Í HVALFJARÐARSVEIT Skortur á góðri nettengingu torveldar þeim sem reka
ferðaþjónustu í sveitarfélaginu að bjóða gestum upp á háhraðanettengingar. Allt
horfir það þó til bóta því ljósleiðaratenging er væntanleg. MYND/HLÍÐ
Það eru
ómetanleg
lífsgæði fólgin
í því að hafa
aðgengi að
háhraðanet-
tengingu og
þau lífsgæði voru einfald-
lega ekki nógu góð hér.
Laufey Jóhannsdóttir,
sveitarstjóri Hvalfjarðarsveitar