Fréttir - Eyjafréttir - 16.07.1981, Blaðsíða 5
FRÉTTIR VIKUBLAÐ
Ur skýrslu sjóslysanefndar
Nýlega kom út skýrsla
Rannsóknarnefndar sjó-
slysa. Þar segir m.a.:
í inngangi:
,,Á árinu 1980 fórust 6 bátar
og 1 trilla og með þeim 14 menn,
en á árinu 1979 fórust 5 bátar
með 15 mönnum. Hér er um að
ræða alvarlegt mál, sem krefst
rækilegrar umhugsunar, svosem
vikið var að í síðustu skýrslu.
Oyggjandi orsakir er auðvitað
erfitt að finna, þar sem engar
spurnir er yfirleitt að hafa um
það, hvernig slys þessi ber að
höndum, en ýmislegt má geta sér
til.
Sjósókn á smærri bátum er
ætíð hættuleg. Til umhugsunar
er, hvort banna eigi netaveiðar á
litlum bátum yfir vetrartímann.
Varðandi það manntjón, sem
orðið hefur við tap bátanna, er
óhjákvæmilegt að benda á, að í
öllum þeim tilvikum, þar sem
áhöfnin ferst öll, sökkva gúmbát-
arnir með bátunum. Slysin
verða með svo snöggum hætti,
að ekkert ráðrúm gefst til að ná
til og losa gúmbátana og koma
þeim í sjó. Ástæða er til að ætla
a.m.k. í sumum þessara tilvika
hefði orðið mannbjörg ef gúm-
bátar hefðu losnað frá bátunum.
Það er því enn sem fyrr eitt
helsta áhugamál sjóslysanefndar
að finna úrræði til að koma
gúmbátunum í sjó með skjótari
hætti en nú er unnt.
STRÖND OG ÁREKSTRAR
Enn einu sinni eru strönd og
árekstrar áberandi þáttur í
skýrslu nefndarinnar, en hér er
um að ræða óhöpp, sem sýna
ótvírætt skort á árvekni við
siglingu. Ástæða er til að skjóta
því til samtaka sjómanna, eink-
um yfirmanna, að þau taki þessi
mál sérstaklega til umræðu og
meðferðar í því skyni að efla með
mönnum ábyrgðartilfinningu á
þessu sviði.
Strönd á undanförnum miss-
erum hafa sýnt okkur og sannað
hve mikilvægar og lífsnauðsyn-
legar eru vel þjálfaðar björgun-
arsveitir Slysavarnafélags Is-
lands, búnar góðum fluglínu-
tækjum, meðfram allri okkar
srandlengju. Er ljóst, að íengu
má slaka í viðhaldi tækja eða
þjálfun manna í því skyni að
bjarga mönnum úr strönduðum
skipum, enda hefur það ekki
verið gert, sem betur fer. Á
nýliðnum vetri hafa björgunar-
sveitir SVFÍ dregið 21 mann í
land með fluglínutækjum sínum
úr strönduðum skipum.
Þá er minnst á hífmgarslys,
sem jafnan eru fyrirferðarmikil
slys, sem verða við allskonar
hífingar, við víra, net og vörpur.
Þó segir í inngangi um mikilvægi
öryggisbúnaðar: ,,Þvi miður er
það áberandi að menn eru
gjarnir á að trassa notkun
ýmiskonar öryggisbúnaðar og
hefur slíkur trassaskapur leitt af
sér slys.“ Hér er t.d. átt við
öryggishjálma og öryggisbelti
með línu, sem einkum eru ætluð
til notkunar um borð í skut-
togurum.
Þá er rætt í inngangi um
gúmbáta og búnað þeirra og
síðast en ekki síst er rætt um
tilraunir með sjósetningarbúnað
gúmbáta. Þar er lýst þeim
frábæra búnaði, sem Sigmund
Jóhannsson hefur hannað og
útbúið. Þó segir í inngangi að
samkomulag hafl verið gert við
Sigmund um, að hann ynni
áfram að þróun þessa búnaðar
með það í huga að hann verði
sjálfvirkur með öllu. Hefur hann
nú hannað slíkan búnað, sem
var reyndur og sýndur í Vest-
mannaeyjahöfn í maí s.l. að
viðstöddu fjölmenni. Er unnt að
hafa slíkan búnað í skipum og
bátum af öllum stærðum.
Nefndin mun kappkosta að
kynna þennan búnað og vinna
að því að hann verði prófaður
með það í huga, að hann öðlist
viðurkenningu og verði fyrir-
skipaður í báta og skip.
Þá er rætt um gúmbáta yfir
skutrennu togara, en þeir virka
þannig, að sett eru handföng við
spilin aftur á skipinu og verði
maður var við, að maður fari
aftur af skipinu, grípur hann í
handfangið og fellur þá báturinn
samstundis í sjóinn og blæs upp.
Með þessum búnaði aukast mjög
líkur á því að menn bjargist við
þessar aðstæður.“
Að síðustu er í inngangi rætt
um sjálfvirka neyðarsenda:
„Reglugerð var sett um radíó-
baujur fyrir gúmbáta 1. ágúst
1979 og áttu slíkar baujur að
vera í öllum bátum, sem fluttir
yrðu inn eftir 1. júní 1980.
Nokkur óvissa hefur ríkt um
framkvæmd á þessu, m.a. vegna
ágreinings milli Siglingamála-
stofnunar og Pósts og síma um
viðurkenningu á á tækjum.
Siglingamálastofnun viður-
kenndi tæki, sem Póstur og sími
taldi ekki fullnægja öllum skil-
yrðum. en ráðuneyti ákvað að
heimila viðurkenningu þeirra
með undanþágu.11
Þá er kafli í skýrslunni sem
nefnist Rannsökuð sjóslys.
Þar er eftirtektarvert, að af 24
slysum sem nefndin hefur rann-
sakað, eru 7 slys, sem hala orðið
á bátum og skipum frá Vest-
mannaeyjum. I þessum slysum
slösuðust 3 menn, 6 menn fórust
og 4 mönnum varð bjargað úr
strönduðum báti.
Að venju er í skýrslunni tafla
um slys á sjó, sem byggð er á
skýrslum um slys, sem bóta-
skyld eru hjá Tryggingastofnun
ríkisins. Þar kemur fram, að 306
sjómenn urðu fyrir slysum á
árinu 1980 og voru frá vinnu í 10
daga eða fleiri. Þar af voru 20
dauðaslys. Langflest slys verða á
togskipum 100-150 brl. eða 104
slys þar af 1 dauðaslys. Næst
koma togskip yfir 500 brl., 54
slys, en ekkert dauðaslys. Þá
koma verðslunar- og varðskip
með 43 slys, þar af 1 dauðaslys og
netaveiðiskip yfir 100 brl., 32
slys og aþr af 2 dauðaslys.
Á togskipum undir 100 brl.
voru slys alls 21, þar af 8
dauðalsys, eða rúm 38% af
slysum á þessum skipum voru
dauðaslys, og er það langhæsta
hlutfallið. Aðrar tegundir skipa
voru með færri slys.
Vert er að minnast á, að á
Hvalskipum varð ekkert slys á
árinu 1980.
_ * Að endingu vil ég hvetja
sjómenn, útgerðarmenn ogaðra,
sem áhuga hafa á slysavörnum
að lesa þessa skýrslu og aðrar,
sem komið hafa út frá Rann-
sóknarnefnd sjóslysa. Aí þeim
getum við heilmikið lært, og þá
er tilgangi hennar náð.
Skýrsluna er hægt að íá hjá
sjómannafélögunum og einnig
er hún á Bókasafni Vestmanna-
evja.
S.Þ.S.
Starfsstúlka óskast
Óskum eftir að ráða starfsstúlku. Fimm
tíma vaktir. Sumarstarf kemur ekki til
greina.
Upplýsingar veittar á staðnum.
SKYLIÐ
við Friðarhöfn.
ORÐSENDING
til kaupgreiðenda
Þeir, sem enn hafa ekki skilað skýrslum
um starfsfólk, sem vinnur hjá viðkomandi,
eru góðfúslega beðnir að skila þeim til
Bæjarskrifstofunnar eigi síðar en 22. júlí
næstkomandi.
BÆJARSJÓÐUR.
Nýkomið
Cheerios
Cocoa Puffs
Trix
HOLAGOTU 28
Mikið úrval
af erlendu
kexi og
sælgæti