Fréttablaðið - 30.10.2014, Blaðsíða 66

30. október 2014 FIMMTUDAGUR| SPORT | 50SPORT
KÖRFUBOLTI NBA-deildin er farin
af stað og tvö fyrstu leikkvöldin
eru að baki. Það eru mjög marg-
ir sem hafa beðið eftir kvöldinu
í kvöld. Það er nefnilega í kvöld
sem liðið Cleveland Cavaliers
spilar sinn fyrsta leik þegar New
York Knicks kemur í heimsókn í
Quicken Loans Arena.
En hvað er svona merkilegt
við Cleveland Cavaliers? Lið sem
hefur ekki komist í úrslitakeppn-
ina fjögur tímabil í röð og vann
bara 31 prósent leikja sinna frá
2010 til 2014. Allt breyttist í kjöl-
farið á einni ákvörðun sumarið
2010 og það þurfti aðra sumar-
ákvörðun til að koma Cavaliers-
liðinu aftur í hóp þeirra liða sem
skipta máli í deildinni.
Stærsta saga sumarsins er að
LeBron James, besti körfubolta-
maður heims, er kominn heim
og allt er breytt hjá Cavaliers.
LeBron er nefnilega ekki kom-
inn heim til að „deyja“ eins oft er
sagt um íþróttamenn sem snúa
margir aftur á heimaslóðirnar á
síðustu árum ferilsins þegar er
farið að hægja vel á þeim. Nei,
Lebron er kominn heim, enn álit-
inn besti leikmaður deildarinnar,
reynslunni ríkari eftir tvo titla
með Miami Heat, og nú mættur
til þess að færa Cleveland-borg
fyrsta meistaratitilinn í 51 ár.
LeBron James er stærsta breyt-
ingin á liðinu en langt frá því að
vera sú eina. Cleveland náði í
nýjan þjálfara, David Blatt, sig-
ursælan þjálfara úr Evrópubolt-
anum, sem er að stíga sín fyrstu
spor í NBA. Cleveland ákvað
líka að skipta út nýliðanum stór-
efnilega Andrew Wiggins ásamt
fleirum fyrir framherjann Kevin
Love. Love hefur verið í hópi
bestu leikmanna deildarinnar
samkvæmt tölfræðinni. Hann
hefur aldrei spilað leik í úrslita-
keppni en fær loksins tækifæri til
að spila með góðu liði.
Love og James voru báðir í hópi
fjögurra stigahæstu leikmanna
deildarinnar á síðustu leiktíð og
í 2. og 3. sæti í framlagi. Þeir
bætast við Kyrie Irving sem er
einn af mest spennandi yngri
leikstjórn endum deildarinnar. Í
viðbót hafa nokkrir fínustu rullu-
leikmenn stokkið upp á Lebron-
vagninn og fyrir vikið eru sumir
spekingar farnir að spá Cleveland
Cavaliers NBA-titlinum.
LeBron er í það minnsta loks-
ins búinn að hreinsa ímynd sína
af „Ákvörðuninni“ umdeildu frá
2010. Hann er kominn heim með
stóru H-i.
Hann fæddist og ólst upp í
Akron, nágrannborg Cleveland,
spilaði alla skólagöngu sína í
Akron og spilaði síðan fyrstu sjö
tímabil sín með Cleveland. Hann
komst tvisvar í lokaúrslitin með
Cavaliers en vann ekki titilinn
langþráða fyrr en hann færði sig
suður til Miami.
Nú er hann kominn aftur. Hetj-
an sem varð skúrkur er aftur
orðin hetja og allir vita að stærsti
sigur hans á ferlinum væri að
vinna NBA-titilinn með „sínu“
félagi. Hvort það gerist í vetur
er þó ekki víst. Blatt er kannski
með efnið í meistarakökuna en
óvíst að hann finni rétta upp-
skrift fyrr en á næsta tímabili.
Á meðan fylgist NBA-áhugafólk
spennt með.
Hetja, skúrkur og svo aft ur hetja
NBA-deildin er byrjuð og í kvöld spilar LeBron fyrsta leikinn með Cleveland.
ÞRÍR GÓÐIR Kevin Love, Kyrie Irving og LeBron James spila saman hjá Cleveland-
HANDBOLTI Strákarnir okkar í
karlalandsliðinu í handbolta tóku
út alla sína gremju eftir vonbrigði
sumarsins á Ísraelsmönnum þegar
liðin mættust í fyrsta leik liðanna í
undankeppni EM 2016 í handbolta
í Laugardalshöll í gærkvöldi. Eftir
erfiðar fyrstu 22 mínútur keyrðu
okkar menn yfir gestina og sýndu
þeim enga miskunn. Lokatölur,
36-19, sautján marka sigur.
Það tók strákana lungann úr
fyrri hálfleik að komast almenni-
lega í gang. Þeir komust fljótt í
4-1 og þegar Guðjón Valur skor-
aði, 5-2, og öskraði af gleði eins og
um síðasta markið á ferlinum væri
að ræða hélt maður að nú fengju
gestirnir að finna fyrir því. Þeir
fengu það á endanum – en ekki
alveg strax.
Ísraelsmenn buðu ekki upp á
flóknasta sóknarleik í heimi; svo-
lítið bara handbolti 101 með klipp-
ingum fram og til baka í leit að
skotfæri. Það gekk erfiðlega fyrir
þá að finna sér skotfæri, en ein-
hvern veginn tókst þeim að troða
boltanum í netið trekk í trekk.
Eftir 22 mínútna leik var aðeins
tveggja marka munur á liðunum,
11-9, og stemningin í Höllinni ekki
mikil.
Það var eins og fólkið í stúkunni
væri ekki alveg tilbúið að taka
strákana í sátt. Fólk veit ekki enn
hvernig það ætlar að tækla janú-
armánuð án stórmóts í handbolta.
Stórmótin eru það eina sem hefur
hjálpað þjóðinni í skammdegis-
þunglyndinu í janúar með VISA-
reikningana fyrir jólatörnina
hangandi yfir sér.
En þetta lagaðist allt undir lok
fyrri hálfleiks og hófst þegar
Aron Rafn Eðvarðsson kom í
markið. Haukamaðurinn hávaxni
varði öll fjögur skotin sem hann
fékk á sig síðustu átta mínúturn-
ar í fyrri hálfleik og þannig náðu
okkar menn að slíta sig frá gest-
unum. Staðan 14-9 í hálfleik og
aðalmarkvörður Ísraels, Eldar
Shikloshi, farinn út af með rautt
spjald fyrir að stöðva Guðjón Val
með heimskulegu úthlaupi. Það
var ástæða fyrir því að Shikloshi
byrjaði í markinu. Staðgengill
hans hafði ekkert inn á völlinn að
gera í svona leik.
Ástarsamband þjóðarinnar
og landsliðsins lifnaði svo á ný í
seinni hálfleik. Okkar menn komu
brjálaðir til leiks og hófu að valta
yfir gestina. Þeir áttu ekki mögu-
leika. Vörnin var hreyfanleg, Aron
varði vel ríflega helming skotanna
sem hann fékk á sig og hraðaupp-
hlaupin skiluðu samtals ellefu auð-
veldum mörkum.
Fólkið á pöllunum byrjaði að
hrópa eftirnöfn strákanna þegar
vallarþulurinn bar fram það fyrra
eftir hvert mark. Stemningin var
orðin aftur eins og á handboltaleik
með strákunum okkar. Allt fyrir-
gefið – allavega fram á sunnudag-
inn þegar Ísland mætir Svart-
fellingum í öðrum leik liðsins í
undankeppninni.
Í heildina var lítið að marka
leikinn nema það að við fengum
að sjá okkar menn svara fyrir sig
og það gerðu þeir með stæl. Getu-
munurinn alltof mikill til að sjá
raunverulegan styrk íslenska liðs-
ins á þessari stundu. Sóknarleik-
urinn stífur til að byrja með en
mun betri í þeim síðari. Það besta
við leikinn var að Aron Kristjáns-
son gat rúllað á liðinu og leyft
þeim sem vanalega spila minna að
sanna sig.
Þeir nýttu allir tækifærin. Sig-
urbergur Sveinsson var í ham og
skoraði sex mörk í sjö skotum;
„Svifbergur“ kominn aftur með
látum í landsliðið. Þýskalandsförin
gert honum gott. Ernir Hrafn Arn-
arson var með nokkra tæknifeila
en hristi það af sér og spilaði vel,
Stefán Rafn spilaði eins og hann
gerði ekkert annað en að raða inn
mörkum fyrir landsliðið og Bjarki
Már Gunnarsson kom flottur inn í
vörnina. Þetta var straujun eins og
hún gerist best til að koma beygðu
liði aftur í gang. tomas@365.is
Strákarnir eru mættir aft ur
Íslenska handboltalandsliðið vann sautján marka sigur á Ísrael í Laugardalshöllinni í gær, 36-19, í fyrsta
leikn um í undankeppni EM 2016. Lykilmenn hvíldir í seinni hálfl eik og hinir strákarnir tóku af skarið.
FYRIRLIÐINN MARKAHÆSTUR Leikmenn Ísraels gátu ekki stöðvað Guðjón Val Sigurðsson í gær. FRÉTTABLAÐIÐ/VILHELM
ÚRSLIT
UNDANKEPPNI EM 2015
ÍSLAND - ÍSRAEL 36-19 (14-9)
Mörk Íslands (skot): Guðjón Valur Sigurðsson
9/3 (10/3), Sigurbergur Sveinsson 6 (7), Róbert
Gunnarsson 5 (7), Þórir Ólafsson 5 (8), Stefán
Rafn Sigurmannsson 4 (5), Vignir Svavarsson 2 (2),
Ernir Hrafn Arnarson 2 (3), Arnór Þór Gunnarsson
1 (2), Snorri Steinn Guðjónsson 1 (2/1), Arnór
Atlason 1 (3), Alexander Petersson (1), Gunnar
Steinn Jónsson (1).
Varin skot: Aron Rafn Eðvarðsson 14 (24/1, 58%),
Björgvin Páll Gústavsson 3 (12/2, 25%).
Hraðaupphlaup: 11. Utan vallar: 4 mínútur.
Mörk Ísraels (skot): Chen Pomeranz 6/3 (10/3),
Yuval Gerera 3 (3), Omer Davda 3 (5), Ariel
Rosental 2 (6), Daniel Andres Friedmann 1 (1),
Daniel Shkalim 1 (2), Ido Turel 1 (3), Vladislav
Kofman 1 (3), Dan Nathan 1 (4).
Varin skot: Eldar Shikloshi 5 (19/2, 26%), Oren
Meirovich 5 (27/1, 19%).
Hraðaupphlaup: 3. Utan vallar: 12 mínútur.
SERBÍA - SVARTFJALLALAND 25-21
DOMINO’S-DEILD KVENNA
KEFLAVÍK - VALUR 100-91 (45-44, 89-89)
Stigahæstar hjá Keflavík: Carmen Tyson-Thomas
41/17 fráköst, Sara Rún Hinriksdóttir 16/12
fráköst, Marín Laufey Davíðsdóttir 12, Birna Val-
garðsdóttir 9, Ingunn E. Kristínardóttir 9/11 frák.
Stigahæstar hjá Val: Joanna Harden 36/4 fráköst,
Ragna Margrét Brynjarsdóttir 14/8 fráköst/7
stoðs., Ragnheiður Benónísdóttir 12, Fanney Lind
Guðmundsdóttir 11, Guðbjörg Sverrisdóttir 10/6
fráköst/9 stoðs. .
GRINDAVÍK - SNÆFELL 52-68 (22-29)
Stigahæstar hjá Grindavík: Pálína Gunnlaugs-
dóttir 12, Ásdís Vala Freysdóttir 11/11 fráköst,
Petrúnella Skúladóttir 9/5 fráköst/5 stolnir, Rachel
Tecca 9/16 fráköst.
Stigahæstar hjá Snæfelli: Kristen Denise
McCarthy 32/24 fráköst/6 stolnir, Berglind Gunn-
arsdóttir 11, María Björnsdóttir 8, Hildur Sigur-
dardottir 8/8 stoðsendingar.
HAMAR - KR 59-51 (38-27)
Stigahæstar hjá Hamri: Andrina Rendon 14, Sal-
björg Ragna Sævarsdóttir 14/20 fráköst, Þórunn
Bjarnadóttir 9, Heiða B. Valdimarsdóttir 8.
Stigahæstar hjá KR: Helga Einarsdóttir 15, Aníta
Eva Viðarsdóttir 9, Björg Guðrún Einarsdóttir 8,
Þorbjörg Andrea Friðriksdóttir 7.
BREIÐABLIK - HAUKAR 73-82 (49-28)
Stigahæstar hjá Breiðabliki: Arielle Wideman
16/15 fráköst/7 stoðsendingar, Kristbjörg Páls-
dóttir 14, Jóhanna Björk Sveinsdóttir 14, Berglind
Karen Ingvarsdóttir 8, Aníta Rún Árnadóttir 7.
Stigahæstar hjá Haukum: LeLe Hardy 25/16
fráköst, Sylvía Rún Hálfdanardóttir 21, Auður Íris
Ólafsdóttir 12, Sólrún Inga Gísladóttir 11..
FH missti í gær tvo leikmenn sem báðir gengu til liðs við sín gömlu félög
– Ólafur Páll Snorrason sneri aftur í Grafarvoginn og gerðist spilandi aðstoðar-
þjálfari Fjölnis og Ingimundur Níels Óskarsson gekk
aftur til liðs við Fylki.
Ólafur Páll gerði þriggja ára samning við Fjölni
en hann er uppalinn hjá félaginu og lék síðast
með því árið 2008. Ingimundur Níels, sem reyndar
er einnig uppalinn Fjölnismaður, snýr nú aftur í
Árbæinn þar sem hann lék í fimm tímabil uns hann
gekk í raðir FH fyrir tveimur árum.
Fylkir mun halda blaðamannafund í dag
þar sem nýir leikmenn verða kynntir til
sögunnar en líklegt er að Skagamaðurinn
Jóhannes Karl Guðjónsson, sem lék með
Fram í sumar, verði í þeim hópi. - esá
Ólafur Páll aft ur í Grafarvoginn
„Við sættum okkur við svona frammi-
stöðu og sautján marka sigur,“ sagði
Aron Kristjánsson, þjálfari Íslands,
eftir 36-19 sigur á Ísrael í gærkvöldi.
„Það er erfitt að vinna sautján marka
sigra í handbolta og því getum við
verið ánægðir með þetta. Við vorum
sjálfum okkur verstir í fyrri hálfleik
en það var mikill kraftur í liðinu í
þeim síðari,“ sagði Aron.
Ísland komst fljótlega í forystu
í leiknum en missti hana niður og
jafnaði Ísrael, 7-7, eftir 15 mínútna
leik. „Við lentum í því að kasta bolt-
anum of auðveldlega frá okkur. Það
gerði það að verkum að við vorum
ekki með mikið forskot eftir fyrri
hálfleikinn. Við náðum fínu starti en
tókum aðeins of stórar áhættur eins
og til dæmis í hraðaupphlaupunum.
Við duttum aðeins niður á þeirra
plan en náðum að rífa okkur upp.“
Landsliðsþjálfarinn var mun sáttari
með seinni hálfleikinn sem Ísland
vann með tólf marka mun. „Það var
mikill kraftur í seinni hálfleik eins
og sést á lokatölunum. Það er ekkert
hlaupið að því að vinna svona stóra
sigra,“ sagði Aron sem hafði mestar
áhyggjur af varnarleiknum fyrir leik-
inn í gær. „En strákarnir svöruðu vel
fyrir sig,“ sagði Aron. - tom
Strákarnir svöruðu vel fyrir sig
ARON KRISTJÁNSSON