Fréttablaðið - 30.10.2014, Blaðsíða 32

FÓLK
Bókin sýnir leiðir til að færa talið að einkastöðum líkamans og mikil-vægi þess að segja frá óþægilegum
leyndarmálum og snertingum,“ segir
Sigríður Björnsdóttir, sem er höfundur
bókarinnar ásamt Kristínu Bertu Guðna-
dóttur, félagsráðgjafa og fjölskylduþerap-
ista.
„Samkvæmt niðurstöðum íslenskra
rannsókna verða 17 prósent barna fyrir
kynferðisofbeldi fyrir átján ára aldur.
Við þurfum að hafa á bak við eyrað að
gerendur kynferðisofbeldis eru ekki
einstaklingar með horn og hala og því
ómögulegt að sigta þá úr umhverfinu.
Hins vegar getum við veitt börnum okkar
fræðslu og fært þeim tækifæri til að tala
um þessi mál við okkur.“
Einkastaðir líkamans er tímamótaverk,
fyrsta bókin sinnar tegundar hér á landi
og mikilvæg í umræðu um forvarnir gegn
kynferðisofbeldi í garð barna.
„Þessi umræða er jafn brýn og það að
kenna börnum að nota hjálm á hjóli og
kút þegar þau læra að synda. Foreldrar
fara gjarnan á versta stað í huganum
þegar þeir hugsa út í þennan málaflokk
og það vefst fyrir sumum hvernig eigi
að tala um þetta við börnin. Bókin getur
gefið þeim hugmynd um það og hafa
bæði unglingar og fullorðnir talað um
það við okkur að ef þeir hefðu fengið
meiri fræðslu um kynferðisofbeldi hefðu
þeir getað sagt fyrr frá ofbeldinu sem
þeir urðu fyrir.“
BÖRN TAKA Á SIG ÁBYRGÐINA
Alls tók fjögur ár að fullgera Einkastaði
líkamans sem margir sérfræðingar lásu
yfir til að gefa sín bestu ráð.
„Efniviður bókarinnar gagnast börnum
frá fimm til tólf ára. Fyrri hlutinn er ætl-
aður foreldrum beint og seinni hlutinn
gefur foreldrum hugmyndir að leiðum til
umræðna og fræðslu,“ útskýrir Sigríður
og bætir við að umræðu um líkamann
og einkastaði þurfi að taka með tilliti til
þroska barnsins. Bókin sé ekki til þess
fallin að lesa fyrir börn á einu kvöldi
ÁTTU LEYNDARMÁL?
KYNNING Einkastaðir líkamans er ný foreldrahandbók sem aðstoðar foreldra
meðal annars við að kenna börnum á aldrinum fimm til tólf ára að setja
öðrum mörk og greina muninn á slæmum og góðum leyndarmálum.
EINKASTAÐIR
LÍKAMANS
Bókin er myndskreytt
af Kristínu Maríu
Ingimarsdóttur.
BLÁTT ÁFRAM
Sigríður Björnsdóttir
segir öll börn eiga rétt
á vernd gegn ofbeldi.
Hún leggur stund á
nám í sálfræði við
Háskólann á Akur-
eyri og hefur starfað
við fræðslu hjá Blátt
áfram, forvarnarverk-
efni gegn kynferðisof-
beldi á börnum síðan
2004. MYND/STEFÁN
Leikkonan Helen Mirren er sönnun þess að aldur er ekki hindrun á fegurð.
Það þykir ákaflega jákvætt að
snyrtivörufyrirtæki skuli nýta sér
fegurð eldri kvenna til þess að
koma vöru sinni á framfæri. Nú
stendur þessi frábæra og flotta
leikkona á sama palli og meira en
helmingi yngri konur sem einnig
hafa kynnt L’Oréal-merkið, þær
Cheryl Fernandez-Versini, söng-
kona sem er 31 árs, Lara Stone,
30 ára fyrirsæta, og Blake Lively
leikkona, sem er 27 ára.
Fegurð hefur ekkert með
aldur að gera. Það sannar Helen
Mirren sem á glæsilegan feril að
baki sem leikkona og er enn að.
Hún fékk Óskarsverðlaun fyrir
leik sinn sem Elísabet drottning
í kvikmyndinni The Queen og
hefur að auki hlotið margvísleg
önnur verðlaun. Helen hefur sagt
að hún hafi orðið sjálfsöruggari
með aldrinum.
Þetta er ekki í fyrsta sinn sem
L’Oréal kynnir eldri konu sem
andlit fyrirtækisins. Bæði Jane
Fonda og Diane Keaton hafa
verið í þessum sporum en þær
eru 76 og 68 ára.
Á undanförnum árum hafa
snyrtivörufyrirtækin sett á mark-
að alls kyns krem sem kynnt
eru sem hrukkubanar. Ekki er
óeðlilegt að andlit slíkra söluvara
séu þroskaðar konur. Það er að
minnsta kosti jákvætt að snyrti-
vörufyrirtækin líti á eldri konur
sem aðlaðandi kost til að kynna
vörur sínar.
Nú er spurt hvort snyrti-
vörufyrirtækin séu að vakna
til meðvitundar um að það eru
eldri konur sem hafa fjárráðin
og kaupa mun meira af dýrum
snyrtivörum en þær ungu.
Markaðssetning þeirra ætti því
að beinast að eldri og þrosk-
uðum konum. Til marks um
þessar breytingar hefur Revlon
unnið með Susan Sarandon og
Marc Jacobs með Jessicu Lange.
Konur eru mun unglegri í dag
en formæður þeirra voru. Þær
eru atorkusamar, hugsa vel um
heilsuna og útlitið. Það er mikill
auður í konum yfir fimmtugu.
Þessu virðist snyrtivörumarkað-
urinn vera að átta sig á.
Bretar hafa alltaf borið mikla
virðingu fyrir Helen Mirren og
drottningin sæmdi hana heið-
ursnafnbótinni Dame árið 2003
fyrir þjónustu í leiklist, en það
er æðsta viðurkenning breska
heimsveldisins. Helen Mirren er
gift bandaríska leikstjóranum
Taylor Hackford.
HELEN MIRREN
ANDLIT L’ORÉAL
ÓSKARSVERÐLAUNALEIKKONA Helen Mirren
sem er 69 ára er nýtt andlit snyrtivörurisans
L’Oréal í Bretlandi. Fjölmiðlar fagna því að konur
á þessum aldri njóti athygli fyrir fegurð.
HUNDRED FOOT JOURNEY Helen Mirren við frumsýningu nýjustu myndar sinnar.
MYND/GETTY
heldur sé miklu fremur verið að færa
foreldrum verkfæri og hugmyndir að
því hvernig nálgast má umræðuna.
„Þetta er bók sem ætti að vera til
á hverju heimili, bæði hjá foreldrum
ungra barna sem og heima hjá ömmu
og afa. Það er mikilvægt að tala við
börn um líkamann og mörk og brýna
fyrir þeim að ef einhver snertir þau
þannig að þeim líði óþægilega eða illa
sé mikilvægt að geta sagt frá því.“
Sigríður segir börn sem lent hafa í
kynferðisofbeldi oft ekki átta sig á því
hvað sé að eiga sér stað og hafa þá
oft tekið ábyrgðina sjálf.
„Ef börn búa ekki yfir nauðsynlegri
vitneskju um hvað sé eðlilegt og hvað
ekki kunna þau ekki að bregðast við
og segja frá. Við gerum þau sterkari
með því að gera þau meðvituð um
umhverfi sitt og hvert þau eigi að
leita með allar sínar vangaveltur og
það sem þeim liggur á hjarta. Kenna
þeim að það sé hlutverk fullorðinna
að passa börn og hjálpa þeim í erf-
iðum aðstæðum.“
Þjóðkirkjan og Reykjavíkurborg
styrktu útgáfu bókarinnar sem fæst í
Hagkaup og Eymundsson.
Glæsilegar náttúrulegar snyrtivörur!
BENECOS – náttúruleg fegurð
Lífrænt vottaðar snyrtivörur þurfa ekki að vera dýrari!
Benecos eru frábærar lífrænar snyrtivörur á enn betra verði.
Lífrænt vottað
Ótrúlegt verð
Án parabena