Akureyri - 17.05.2012, Síða 4

4 17. MAÍ 2012
Ruslagámastöð í Innbæn-
um veldur hneykslan
Mikil óánægja er meðal Innbæ­
inga um staðsetningu gámasvæðis
sem mun að sögn ósáttra þrengja
að eina leikvelli hverfisins, Leiru­
velli Á kynningarfundi um nýtt
deiliskipulag í síðustu viku birtist
þessi skoðun en tillagan að nýju
deiliskipulagi hlaut að öðru leyti
fremur góðan hljómgrunn.
„Það veldur hneykslan okkar
flestra sem höfum komið að þessu
máli, íbúar, leiðsögumenn og fleiri,
að bærinn ætlar sér að koma
ruslagámastöð fyrir á leikvellin­
um. Rétt við hliðina á
sambýli sem þar er,
beint á móti elsta
húsi bæjarins,
Laxdalshúsi, og
í næsta nágrenni
við vinsælustu
ísbúð landsins,“ segir Sigurbjörg
Pálsdóttir íbúi í Innbænum. „Við
höfum með öllum ráðum barist fyrir
því að fá endurgerðan Leiruvöllinn í
Hafnarstræti og hafa þær umræður
farið fram allt frá því 2004.“
Sigurbjörg segir að umburðarlyndi
ríki í Innbænum gagnvart fyrirtækj­
um og þeirri umferð sem þeim fylgi en
„það væri hins vegar að æra óstöðugan
að ætla sér að bæta við þeirri umferð
sem myndi fylgja ruslagámunum, svo
ekki sé talað um það ónæði sem þeim
fylgir, vond lykt, óþrifnaður, flugur og
annar óskapnaður. Það er að okkar
mati fráleitt að koma gámunum fyrir
á leiksvæði í miðju íbúðarhverfi.“
Sigurbjörg segir brýnt að koma
í veg fyrir þessa staðsetningu og að
vandað verði til verka við úrbætur
á Leiruvelli.a
Verslunarmaður segir Glerártorg
áróðursstað fyrir Evrópusambandið
Óánægja ríkir meðal andstæðinga
aðildar að Evrópusambandinu
eftir að Jakob Björnsson fram­
kvæmdastjóri Glerártorgs heimil­
aði Evrópustofu að kynna Evrópu­
sambandið í verslunarmiðstöðinni
Glerártorgi. Hjörleifur Hallgríms
verslunarmaður segir að um opinbert
rými sé að ræða. Hann telur óviðeig­
andi að rekinn sé áróður fyrir ESB
fyrir framan fólk í verslunarferð.
„Hvernig stendur á því að þarna er
leyfð kynning á ESB?“ spyr Hjörleif­
ur. „Með þessu er Glerártorgi breytt í
áróðursstað,“ bætir hann við.
Jakob Björnsson, framkvæmda­
stjóri Glerártorgs, segir málið byggt
á misskilningi. Ef Glerártorg hefði
aðeins heimilað einum aðila með
einn málstað að kynna sig væri það
sannarlega óhæfa. Þeir sem vilji
kynna mótrök gegn aðild að ESB
geti hins vegar allt eins gert það inn­
an veggja verslunarmiðstöðvarinnar.
„Þetta er ekki ólíkt því og ef menn
vildu dreifa miðum í göngugötunni,
þeir sem vilja kynna sér sjónarmið
lesa eða hlusta en ekki þeir sem það
ekki vilja. Ég gæti sagt þér ýmislegt
um mínar skoðanir á hinu og þessu
en það er ekkert samhengi milli þess
og þess sem kynnt er á Glerártorgi.
Við höfum leyft forsetaframbjóðend­
um, talsmönnum Samherja og mörg­
um öðrum að hafa þarna kynningu,
þetta er opið rými,“ segir Jakob. a
Veðrið er stærsta ævintýrið
„Veður hefur vissulega breytileg áhrif á starfsemi
eins og ferðaþjónustu en við reynum að láta veðr­
ið aldrei hafa slæm áhrif á okk­
ur. Því til staðfestingar nefni ég
að við lýsum bara veðrinu á þrjá
vegu; veður getur verið „very good“,
veður getur verið „good“ og svo
getur veður verið „refreshing“ sem
er þessi týpa sem við erum með
núna,“ sagði Sævar Freyr Sigurðs­
son, framkvæmdastjóri Saga Travel
á Akureyri, fannbarinn en í fínu skapi þegar blaðið
hafði tal af honum í óveðurshvellinum miðjum nú
í vikunni.
Sævar segir að starfsfólk í ferðaþjónustu taki veðr­
áttunni eins og hún birtist. Saga Travel sé með það mikla
„vöruflóru“ að þeirra fyrirtæki hafi getað brugðist við
norðanhretinu með breyttum áfangastöðum. Spurð­
ur um viðbrögð útlendinganna við norðanáhlaupinu
segir Sævar að veðrið sé oft stærsta ævintýrið í augum
þeirra sem sækja Ísland heim. „Við höfum til dæmis
aldrei fengið meira hrós frá okkar viðskiptavinum en
sl. vetur þegar veðrið varð þannig í einni ferðinni að við
komumst ekki aftur heim til Akureyrar heldur urðum
að gista á Húsavík.“
Saga Travel fékk nýsköpunarverðlaun frá Akureyrar­
bæ fyrir skemmstu en fyrirtækið er vaxandi í ferðaþjón­
ustu og mun veita allt að 14 manns atvinnu í sumar. a
LOGI MÁR EINARSSON arkitekt kynnir tillögu að nýju
deiliskipulagi fyrir Innbæinn. Fram kom í máli hans
að sakir þess hve Innbærinn þykir merkilegt hverfi
hafa íbúar ekki alfrjálsar hendur þegar kemur að
framkvæmd eins og þeirri að velja lit á húsið sitt.
MEINTUR ÁRÓÐURSVETTVANGUR Völundur
ÞEGAR VEÐUR SKIPAST Í LOFTI þurfa ferðaþjónustuaðilar eins og Saga travel að geta kúvent í hendingskasti. Völundur
LEIKVÖLLURINN SEM SAGÐUR er í niðurníðslu. Völundur
Tveir missa vinnu hjá LA
En fjórir nýir leikarar ráðnir
Ein og hálf staða verður lögð nið­
ur hjá Leikfélagi Akureyrar næsta
leikár frá því sem nú er. Um ræðir
stöðu smiðs í 100% starfi og 50%
starf sem snýr að ýmsum verkefn­
um. Eiríkur Haukur Hauksson fram­
kvæmdastjóri Leikfélags Akureyrar
segir að alls verði níu föst störf hjá
LA næsta vetur, fjórir fastráðnir
leikarar og fimm í öðrum störfum,
þ.á.m. hann sjálfur.
Hann segir síðasta leikár hafa
gengið vonum framar. Félagið hafi
nánast daglega verið nálægt gjald­
þroti og rekstrarstöðvun vegna
lausafjárvanda. Fólk sjái fram á betri
tíma þótt mjög mikið aðhald verði í
rekstrinum næsta leikár. a
SÆVAR FREYR
SIGURÐSSON