Fjarðarpósturinn - 23.01.2014, Blaðsíða 4

4 www.fjardarposturinn.is Fimmtudagur 23. janúar 2014
Sign gaf út plötuna Hermd
Útgáfutónleikar Austurbæ 13. febrúar
Þann 13. febrúar heldur
hafnfirska hljómsveitin Sign
útgáfutónleika í Austurbæ til að
fagna útgáfu fimmtu breiðskífu
sinnar „Hermd“.
Platan sú kom út rétt fyrir
seinustu jól og er þeirra fyrsta
plata síðan „The Hope“ kom út
árið 2007, en í millitíðinni hefur
Ragnar Zolberg forsprakki
hljómsveitarinnar bæði gefið út
sólóplötur og verið að spila og
taka upp með sænsku prog­metal
hljómsveitinni Pain of Salvation.
Hermd er þyngsta verk
hljómsveitarinnar. Platan var
tekin upp af upptökustjóranum
Daniel Bergstrand sem á mikinn
heiður af hljómnum hjá Mes­
huggah, In Flames, Strapping
Young Lad, Soilwork ofl. Platan
hefur fallið mjög vel í kramið hjá
Sign aðdáendum víða um heim.
Leo Margarit trommuleikari
Pain of Salvation leikur á
trommur á þessari plötu en hann
mun einnig leika á útgáfu­
tónleikum hljómsveitarinnar í
Austurbæ.
„Öll Sign klíkan kemur þarna
fram til að spila plötuna í heild
sinni, það eru um 10 manna
hópur. Þetta verða án efa merk­
ustu og flottustu tónleikar sem
við höfum nokkurn tímann
haldið,“ segir Ragnar Zolberg.
Umsókn um styrk úr
Minningarsjóði hjónanna
Helgu Jónasdóttur og Bjarna Snæbjörnssonar,
læknis í Hafnarfirði
Minningarsjóður Helgu og Bjarna hefur þann tilgang að veita
styrki til að hlúa að hagsmunamálum og velferð barna í
Hafnarfirði allt að 18 ára aldri. Í skipulagsskrá
sjóðsins segir að „einkum skulu veittir styrkir
til starfsemi á vegum einstaklinga, samtaka,
fyrirtækja og opinberra aðila, sem veita
börnum, sem eiga við erfiðleika að etja vegna
fötlunar, sjúkdóma eða félagslegra aðstæðna,
þjónustu og aðstoð.“
Stjórn Minningarsjóðsins auglýsir hér með
eftir umsóknum úr sjóðnum.
Umsóknareyðublöð má sækja veffanginu
www.bjarnioghelga.is
Umsóknir merktar „Minningarsjóður Helgu og Bjarna“ þurfa að
berast Þjónustuveri Hafnarfjarðarbæjar fyrir 14. febrúar n.k.
Stjórn Minningarsjóðsins
Uppbygging
íþróttamannvirkja
Stóru íþróttafélögin í bænum
hafa lengi búið við ófullnægjandi
aðstöðu. Um það efast enginn
sem kynnir sér stöðuna. Þau hafa
því eðlilega barist fyrir því að
geta byggt upp og betr­
um bætt sín svæði. Í því
árferði sem ríkir er það
bæjarsjóði um megn að
leggja fjármuni til
þessara þörfu fram­
kvæmda. Því hefur ríkt
kyrrstaða og stöðnun
um árabil.
Nýrra leiða leitað
Forráðamenn félag­
anna hafa þó ekki lagt
árar í bát, og hafa að undanförnu
kannað og kynnt sér ýmsar leiðir
til að koma hreyfingu á hlutina.
Vænlegasta leiðin sem undir­
ritað ur hefur heyrt af er að félög­
in sjái sjálf um að byggja mann­
virkin í samstarfi við fjársterka
aðila, t.d. fasteignafélög eða
lífeyrissjóði. Bæjarfélagið myndi
svo leigja aðstöðuna fyrir skóla­
íþróttir og styrkja félögin með
tíma kaupum líkt og í annarri
íþrótta aðstöðu í bænum. Vissu­
lega fylgir þessu kostnaður fyrir
bæjarfélagið, þeim peningum
verður þó varla betur varið en í
æsku Hafnarfjarðar. Jafnvel
mætti sleppa við dýrar byggingar
við suma af grunnskólunum með
þessu fyrirkomulagi, og þá fara
tölurnar að líta nokkuð vel út.
Kostirnir
Margir kostir fylgja þessu
fyrirkomulagi, fjár­
magns kostnaður yrði
minni, fjárbinding
sveit arfélagsins einnig,
fyrir utan að bærinn
fengi vart lán til þessara
hluta. Við getum
ímynd að okkur hvort
ekki hefði verið betra
að láta einkaaðila
byggja Ásvallalaugina
og borga fasta fyrirfram
ákveðna leigu til langs tíma.
Fremur en að taka allt að láni í
erlendri mynt, missa verkefnið
langt fram úr áætlun. Og sitja
uppi með gífurlega fjárfestingu
sem ein og sér væri sligandi fyrir
bæjarsjóð. Ég tel að Hafnar fjarð­
ar bær eigi sem fyrst að fara í það
af fullum krafti. Að kanna þessa
leið til hlítar, með íþróttafélög un­
um í bænum. Staðan bíður ekki
upp á að hafna neinum kostum
fyrirfram. Brjótumst úr kyrr­
stöðunni, og byggjum betri bæ.
Höfundur er framkvæmda­
stjóri og frambjóðandi í
3. sætið í prófkjöri
Sjálfstæðis flokksins.
Skarphéðinn Orri
Björnsson
Sólvangur
Harmar fækkun starfsfólks
Stjórn Hollvinasamtaka Sól­
vangs harmar þá fyrirsjáanlegu
stöðu sem upp er komin á
Sólvangi. Niðurskurður síðustu
ára hefur haft í för með sér
fækkun starfsfólks á sama tíma
sem heimilismönnum á Sól­
vangi hefur fjölgað.
Á síðustu árum hefur marg­
sinnis verið varað við því að
þessi staða sem nú er komin
upp á Sólvangi yrði að veru­
leika.
Þetta ástand var fyrirséð m.a.
með lokun St. Jósefsspítala þar
sem starfsfólki fækkaði og
sam legðaráhrif hurfu. Nú hefur
komið upp á yfirborðið að lang­
varandi niðurskurður á Sól­
vangi er að bitna á heimilisfólki
og starfsfólki sem vinnur undir
miklu álagi.
Þrátt fyrir ítrekaðar aðvaranir
hafa stjórnvöld og bæjaryfirvöld
ekki staðið vörð um heilbrigðis­
stofnanir í bænum.
Hollvinasamtökin skora á
heil brigðisyfirvöld að meta
fjár þörf Sólvangs og mæta
henni svo heimilismenn geti
búið við sömu lífskjör og aðrir í
landinu.
Menningar- og ferðamálanefnd Hafnar-
fjarðar auglýsir eftir umsóknum um styrki til
verk efna og viðburða á sviði menningar- og
lista í Hafnarfirði.
Listamenn, áhugamenn um menningu og
viðburði, stofnanir og félagasamtök eru hvattir til
að senda inn umsóknir.
Umsóknareyðublöð eru á www.hafnarfjordur.is,
undir íbúagátt/umsóknir. Athugið að til þess að
sækja um þarf að skrá sig á íbúagátt bæjarins.
Aðstoð við skráningu er hægt að fá hjá Þjónustuveri
Hafnarfjarðar í síma 585 5500.
Skilafrestur er til 24. febrúar 2014.
MENNINGARSTYRKIR
TIL VERKEFNA OG VIÐBURÐA