Fjarðarpósturinn - 23.01.2014, Blaðsíða 9

www.fjardarposturinn.is 9 Fimmtudagur 23. janúar 2014
Gummi Valda 75 ára
Starfaði frá 13 ára aldri hjá bænum
Margir kannast við Gumma
Valda, Guðmund Valdimarsson,
sem starfaði hjá Hafnarfjarðarbæ
í rúm 56 ár. Hann sinnti ýmsum
störfum hjá Áhaldahúsinu, síðar
þjónustumiðstöðinni, var lengi
með Bergsveini yfirverkstjóra
en sópaði og snyrti miðbæinn á
lokaárunum hjá bænum. Hann
hætti þar 70 ára.
Arnbjörn Leifsson, fyrrum
lög regluþjónn, og fjölskylda
hans hefur sinnt Gumma í um
20 ár en kynni þeirra hófust þá
þegar Gummi hafði áhuga á að
læra á bíl. Það gerði hann og fer
allrar sinnar ferðar nú á bílnum.
Fjölskylda Arnbjörns hélt
Guð mundi veislu um helgina er
hann varð 75 ára en hann hefur
samglaðst með þeim á stór­
hátíðum og í fimm utanlands­
ferðum.
Afmælisbarnið, Guðmundur Valdimarsson, með rauða bindið, í góðum vinahópi á afmælisdaginn.
Verðlaunahafar í Víðistaðaskóla
Hugmyndaríkt ungt fólk
Nemendur úr 9. bekk Víði­
staðaskóla hlutu verðlaun í verk­
efni Landsbyggðarvina sem ber
heitið Heimabyggðin mín –
Nýsköpun, heilbrigði og for­
varnir.
Meginþráður verkefnisins er
að nemendur hugsi sjálfstætt um
sitt nærumhverfi, hvernig hægt
sé að bæta það og hvernig hægt
sé að virkja almenning til að svo
megi vera. Allir nemendur í 9.
bekk Víðistaðaskóla skiluðu inn
einstaklingsritgerð og af þeim
voru 6 valdar til að senda til
dómnefndar verkefnisins.
Verkefni krakkanna voru æði
fjölbreytt en rauði þráðurinn í
þeim flestum var aukin afþreying
– sem skilar sér í atvinnu tæki­
færum, aukningu ferðamanna og
ánægju íbúa Einnig var um ­
hverfis vitund sterk í mörgum
verkefnum sem er afar jákvætt
enda mun Víðistaðaskóli sækjast
eftir Grænfánanum á komandi
misserum.
Seinni hluti verkefnisins verð­
ur unninn nú á vorönn sem
hópverkefni. Þar fá nemendur að
spreyta sig á að vinna frekar að
útfærslu nokkurra hugmynda úr
fyrri hlutanum og kalla síðan til
dómnefnd sem metur afrakst­
urinn.
Víðistaðaskóli hefur tekið þátt
í þessu verkefni áður með góðum
árangri. Efling gagnrýnnar hugs­
unar nemenda um sig sjálf og
nærumhverfið með sjálfbæra
þróun að leiðarljósi er mikilvæg
enda einn af lykilþáttum nýrrar
námskrár. Verðlaunahafar Víði­
staðaskóla í ár eru:
Davíð Auðunsson 9­HL.
Davíð vildi koma á fót bóka­
kaffihúsi og var með hugmynd
að verkefni sem glæða átti áhuga
ungs fólks á lestri.
Eydís Anna Sigurðardóttir
9­SV. Sameiginlegt lista­ og
kvik myndahús. Í húsinu væri t.d.
aðstaða fyrir fólk að koma og
æfa sig á hljóðfæri sem það fengi
lánað í húsinu.
Harpa Hermannsdóttir 9­LF.
Hugmynd Hörpu snéri að aukn­
um vímuefnavörnum og fræðslu
fyrir ungt fólk.
Harpa Steingrímsdóttir 9­LF.
Thorsplanið í Hafnarfirði var
aðal atriði í hennar verkefni og
gengu hennar hugmyndir út á að
nýta það betur til hagsbóta fyrir
alla Hafnfirðinga.
Ína Kathinka Steinþórsdóttir
9­HL Hennar tillaga sneri að nýt­
ingu St. Jósefsspítala sem alhliða
menningarhúss og einnig vildi
hún nýta betur viss útivistarsvæði
í bænum.
Hafnfirsku nemendurnir ásamt skólastjóra, bæjarstjóra og
fulltrúa Landsbyggðavina.