Víkurfréttir - 28.04.2011, Blaðsíða 4

4 Fimmtudagurinn 28. apríl 2011VÍKURFRÉTTIR
HREINSUNARDAGAR
Í REYKJANESBÆ 30. APRÍL
Í tilefni af GRÆNUM APRÍL eru íbúar Reykjanesbæjar
hvattir til að fara út og tína rusl í kringum hús sín og
nánasta umhverfi þann 30. apríl.
Sérstakt átak verður í nýju hverfunum Tjarnar-, Dals-
og Ásahverfi.
Starfsmenn Þjónustumiðstöðvar munu aðstoða íbúa
við að fjarlægja það sem til fellur auk þess að
fjarlægja garðúrgang ef óskað er.
Vinsamlegast hafið samband við Þjónustumiðstöð
í síma 420 3200.
UMFERÐAR- OG
ÖRYGGISÞING
Fimmtudaginn 28. apríl verður Umferðar- og
öryggisþing Reykjanesbæjar haldið í bíósal DUUShúsa
kl. 17:00.
Á þinginu verða starfsmenn Umhverfis- og skipulags-
sviðs og aðrir fagaðilar með erindi. Tilgangurinn er að
setjast saman til skrafs og ráðagerða og benda á
hættur sem fyrirfinnast í bænum.
Mikilvægt er að fá foreldra grunnskólabarna með í þessa
vinnu til að benda á hættumerkin í sínu nærumhverfi.
MATJURTAGARÐAR
Reykjanesbær mun bjóða íbúum upp aðstöðu til
ræktunar á matjurtum sumarið 2011.
Svæðin eru í Grófinni og í Dalshverfi neðan við Seljudal.
Hver reitur er um 20 m² og gjaldið er 3000 kr. Hægt er
að panta garð í Þjónustumiðstöð í síma 420 3200.
MENNT ER MÁTTUR
10. bekkingar tryggið ykkur skólavist næsta haust
Fjölbrautaskóli Suðurnesja er skóli Suðurnesjamanna.
Skólinn býður meðal annars upp á:
- fjölbreyttar námsleiðir
- aðstoð við námsval
- skemmtilegt félagslíf
Skólameistari Fjölbrautaskóla Suðurnesja
Fræðslustjóri Reykjanesbæjar
ÁTAK
FYRIR NÁMSMENN OG
ATVINNULEITENDUR
Reykjanesbær er eitt fjölmargra sveitarfélaga sem
taka þátt í verkefni Vinnumálastofnunar og Velferðar-
ráðuneytisins um átak til að fjölga tímabundnum
störfum fyrir námsmenn og atvinnuleitendur í sumar.
Á vef Reykjanesbæjar má sjá nánari upplýsingar um
störfin og skulu umsóknir berast inn rafrænt í gegnum
mittreykjanes.is fyrir 10. maí nk. Í umsókn þarf að
koma fram hver bótaréttur viðkomandi atvinnuleit-
anda er. Ef um námsmann í atvinnuleit ræðir gildir sú
regla að hann sé skráður í nám í haust og sé því á milli
missera eða skólastiga. Skila þarf inn skriflegri
staðfestingu þess efnis.
Nánari upplýsingar um atvinnuátakið eru veittar hjá
starfsþróunarstjóra í síma 421-6700
Opið alla virka daga frá kl. 10:00 - 18:00
Njarðvíkurbraut 9
Ein aðal gata Sandgerðis, Strandgatan, er góð auglýsing
um það hvernig hugsanaháttur
umhverfisslóðanna kemst í hæstu
hæðir án þess að þeir fái nokk-
urn tímann samviskubit né hafi
hugmyndir um ábyrgðarhlutverk
sitt í verndun og umgengni við
sitt umhverfi. Á tæpum kílómetra
löngum vegakafla eru slík um-
hverfisspjöll framin á ímynd
bæjarins að undirritaður hefur
ekki séð annað eins neins staðar á
landinu. Á milli 20-30 handónýt,
ryðguð og úr sér gengin farartæki
af öllum stærðum og gerðum liggja
eins og hráviði hjá ómáluðum,
illa hirtum og hálfbrunnum hús-
veggjum og byggingum á þessum
stutta kafla. Einnig eru að safnast
upp andskoti miklir haugar af
úr sér gengnum færiböndum og
fiskvinnsluvélabúnaði á þessum
sama vegarspotta. Inni á milli eru
svo fyrirtæki þar sem eigendur
keppast við að hafa snyrtilegt
og halda uppi heiðri bæjarins í
snyrtimennsku.
Eftir að hafa starfað í 4 ár sem vara-
formaður Umhverfisráðs Sand-
gerðisbæjar (2006-2010) þykir mér
vert að benda á að þrátt fyrir marg ít-
rekaðar beiðnir þess Umhverfisráðs
til bæjarstjórnar þá, vegna slæmrar
umgengni og slóðaskapar nokk-
urra aðila í bænum þykir mér sem
þeir bíði alltaf lægri hlut gagnvart
umhverfisslóðunum, þ.e. bæjar-
yfirvöld. Þetta er bæjaryfirvöldum
til háborinnar skammar.
Metnaðarleysi þeirra að segja í eitt
skipti fyrir öll að svona framkoma
nokkurra aðila verði ekki liðin er
dæmi um veikleika í ákvörðunar-
töku og dómgreindarleysi varð-
andi ímynd bæjarins. Það er ekki
viðunandi að það taki áratugi að fá
hlutunum breytt til betri vegar, það
eru skýr lög sem gilda í landinu og
þau kveða á um að réttur bæjarbúa
er hærri en réttur umhverfisslóð-
anna.
Þó svo að hér sé eingöngu minnst
á einn kílómetra vegarkafla í hjarta
bæjarins þá er það ekki eini staður
bæjarins þar sem umhverfisslóð-
arnir hafa völdin. Þeir hafa völdin
um allan bæ og eru nánast með
vinninginn um að auglýsa bæinn
okkar sem LJÓTASTA bæjarfélag
á landinu.
Þrátt fyrir margítrekaðar óskir
þess efnis að fá að hjálpa til við að
gera bæjarfélagið snyrtilegt hefur
beiðnum Bláa hersins síðastliðin
ár verið hafnað, Blái herinn hefur
boðist til að leyfa atvinnulausum
aðilum að ganga með sér innan
bæjarmarka til að hreinsa upp rusl,
Blái herinn hefur hreinsað upp rusl
í Sandgerði og það á eigin reikning
vegna áhugaleysis bæjaryfirvalda.
Að lokum vil ég segja það að ímynd
bæjarins er okkur öllum til hábor-
innar skammar en aðallega þeim
sem eiga að hafa metnað, völd og
fjármuni til að segja í eitt skipti
fyrir öll, hingað og ekki lengra.
Ég skora á bæjaryfirvöld að taka
á þessum málum með festu svo
ekki komi til stjórnsýslukæra vegna
þeirrar skemmdar á ímynd bæjar-
ins sem nokkrir aðilar hafa komist
upp með að viðhalda í mörg ár.
Skrifað í tilefni Dags um-
hverfisins sem var 25. apríl.
Virðingarfyllst
Tómas J. Knútsson
Formaður Umhverfissam-
takanna Blái herinn.
›› FRÉTTIR ‹‹
Ættfræði á
bókasafninu
Félagar af Suðurnesjum í Ættfræðifélaginu ætla
að hittast á bókasafninu og
ræða saman um ættfræði
þriðjudaginn 3. maí 2011
kl. 17:00-19:00. Allir áhuga-
samir eru velkomnir. Nánari
upplýsingar veitir Einar Ingi-
mundarson í síma 421 1407.
Til háborinnar skammar!
›› Strandgatan í Sandgerði:
Skemmdarverk
og innbrot
Töluvert hefur borið á skemmdarverkum og
innbrotum upp á síðkastið í
Grindavík. Um páskana voru
skemmdir litlir ljósastaurar
sem lýsa upp gangveginn frá
íþróttasvæðinu að Víðihlíð og
eru skemmdir töluverðar. Þá
var brotist inn í Orkubúið um
helgina og m.a. stolið handlóð-
um og orkudrykkjum. Þeir sem
þar voru að verki brutu rúðu til
að komast inn og var töluvert
blóð á vettvangi sem gæti gef-
ið einhverjar vísbendingar.
Á dögunum var brotist inn í
Hópið, fjölnota íþróttahús, og
þar var skemmd hurð, sjálfs-
ali og fleira og tjónið umtals-
vert. Einnig var brotist inn
í sjoppuskúr við völlinn. Þá
var brotin rúða í nýja tjald-
svæðishúsinu fyrir skömmu.
Bæjarbúar eru beðnir að
láta lögreglu vita um leið og
þeir verða varir við grun-
samlegar mannaferðir að
kvöld- og næturlagi.
Tveir vinnings-
hafar af tíu í
teiknisamkeppni
MS úr Gerðaskóla
Menntamálaráðherra, Katrín Jakobsdóttir,
tilkynnti á dögunum úrslit í
teiknisamkeppni Alþjóðalega
skólamjólkurdagsins, sem
haldinn er hátíðlegur síðasta
miðvikudag í september ár
hvert. Eins og undanfarin ár
barst mikill fjöldi teikninga
í samkeppnina, sem Mark-
aðsnefnd mjólkuriðnaðar-
ins stendur að hér á landi.
Tíu nemendum eru veittar
viðurkenningar fyrir teikn-
ingar sínar að loknu vali á
úrtaki mynda sem lagt er fyrir
menntamálaráðherra, sem jafn-
framt er formaður dómnefndar.
Nemendur í 4. bekk Gerða-
skóla unnu þessar myndir í
myndmennt hjá Ragnhildi
myndmenntakennara og náðu
þeim frábæra árangri að tveir
nemendur af tíu vinningshöfum
koma úr Gerðaskóla. Það eru
þeir Kristinn Ingi Kristjánsson
og Sigmar Marijón Friðriksson.
Hver verðlaunahafanna fær
25 þúsund krónur, sem renna
óskiptar í bekkjarsjóð.