Víkurfréttir - 28.04.2011, Blaðsíða 20
20 Fimmtudagurinn 28. apríl 2011VÍKURFRÉTTIR
Jónas segir það frábært að geta einbeitt sér eingöngu að
fótboltanum. Frá því að hann var
polli var það alltaf draumur að
verða atvinnumaður í fótbolta
og þetta er eitthvað sem hann
stefndi alltaf að en Jónas gekk til
liðs við Halmstad um mitt sumar
árið 2009: „Já, það hefur alltaf
verið stefnan að fara erlendis og
spila fótbolta í stærri og betri
deildum en heima á Íslandi. Nú
þegar ég er kominn til Svíþjóðar
í deild sem er stærri og talin
betri en heima að þá stefni ég
að sjálfsögðu á að komast enn
lengra. Ég vil verða eins góður
í fótbolta og ég mögulega get.
Til þess að geta orðið það, stefni
ég á það að komast í betri deild
eða í betra lið. Ég trúi því, sama
hvernig staðan er eða hversu
gamall maður er, ef maður
stefnir ávallt lengra kemst maður
lengra,“ en Jónas hafði áður farið
út á reynslu í von um atvinnu-
mannasamning og segir einfalda
ástæðu fyrir því að það hafi
ekki gengið eftir „Það er einfalt,
ég var bara ekki nógu góður.
Og það er langur vegur frá því
að fara á reynslu og svo að fá
samning sem allir eru sáttir við.“
Klúbbur með ríka sögu
Halmstad er klúbbur sem hefur
spilað í úrvalsdeildinni í 48 ár
samtals og samfleytt síðan 1993.
Halmstad hefur unnið deildina 4
sinnum, síðast árið 2000. „Halms-
tad er flottur klúbbur. Aðstaðan
er ágæt. Leikvangurinn tekur um
13.000 en er reyndar orðinn frekar
gamall. Grasið á vellinum er mjög
gott og það eru fínir æfingavellir
við hliðina á leikvanginum. Gervi-
grasvellir og innanhússgervigras er
til staðar aðeins frá leikvanginum.
Búningsklefinn og það allt saman
er eins og leikvangurinn frekar
gamall. En það er allt til alls þar,
lyftingasalur, gufubað, heitir og
kaldir pottar og matsalur með
sófum og sjónvarpi þar sem við
getum hvílt okkur á milli æfinga.“
Hvernig finnst þér hafa gengið
hjá þér persónulega?
„Mér finnst ég hafa tekið miklum
framförum eftir að ég kom til
Halmstad. Fyrsta tímabilið mitt
spilaði ég nánast alla leikina
eftir að ég kom á miðju tímabili.
Í fyrra kom nýr þjálfari og hjá
honum spilaði ég ekki nema um
helming leikjanna. Ég var ekki
sáttur með leikjafjöldann en ég
hélt einbeitingu og nýtti tækifærin
þegar þau komu. Í ár er aftur nýr
þjálfari sem kemur frá Spáni og
hann hefur verið duglegur að ná
í leikmenn frá Spáni. Alls hefur
hann fengið 5 Spánverja og þar
af koma 3 á láni frá Real Madrid.
Þannig að samkeppnin er orðin
mjög hörð og ekki hægt að segja
til um hvernig komandi tímabil
verður hjá mér. Í dag tel ég þó að
við séum með lið sem á að vera
í efri hluta deildarinnar þó svo
að við höfum verið í botnbaráttu
síðustu tvö ár. Tímabilið fer vel af
stað að mínu mati. Úrslitin hafa
reyndar ekki fallið með okkur
í fyrstu leikjunum en við erum
að spila mjög vel og mér hefur
gengið ágætlega í fyrstu leikjunum
og vonandi heldur það áfram,“
segir Jónas en hann skoraði m.a.
í tapi gegn Malmö á dögunum.
Hvert myndirðu segja að væri
þitt hlutverk hjá Halmstad?
„Ég myndi segja að mitt hlut-
verk sé að spila sem varnarsinn-
aður miðjumaður sem bindur
liðið saman. Ég tala mikið og
stjórna færslum, hvenær við
pressum og hvenær við föllum
heim. Þá er mitt hlutverk einnig
að loka svæðum fyrir framan
vörnina og að spila einfalt.“
Hversu sterk er sænska deildin?
Þar sem ég hef bara spilað í úrvals-
deildinni á Íslandi áður en ég kom
til Svíþjóðar get ég aðeins borið
saman við hana. Styrkleiki og gæði
er töluvert meiri en heima. Þá
aðallega styrkur, tækni og hraði
leikmanna. Mér finnst ekki endi-
lega svo mikill munur á liðunum
hér og heima. Það er að segja ég
gæti ekki sagt að Halmstad ætti
endilega að vinna Keflavík.
Keflavík Svíþjóðar
„Fjölskyldan hefur aðlagast vel
og líkar lífið vel í Svíþjóð „Okkur
líður mjög vel hérna í Halmstad.
Erla María hefur verið að læra
sænsku og er í mastersnámi í fjar-
námi frá Bifröst. Henni gengur
mjög vel með sænskuna og er
mun betri en ég. Stelpurnar eru
orðnar 19 mánaða gamlar. Þær
eru í leikskóla á daginn og eru
farnar að segja fullt af orðum bæði
á íslensku og sænsku.“ Sjálfur er
Jónas orðinn nokkuð sleipur í
sænskunni. „Ég skil og tala nánast
allt. Reyndar tala ég mikið ensku
þar sem að ég umgengst nokkra
leikmenn sem tala bara ensku. Svo
er nýi þjálfarinn frá Spáni þannig
að allt sem við kemur fótbolt-
anum fer núna fram á ensku.“
„Bærinn sjálfur finnst mér frábær,
ekki of lítill og ekki of stór, stutt
frá Gautaborg og Kaupmanna-
höfn. Ég hef stundum líkt honum
við Keflavík Svíþjóðar. Þetta er
mikill sumarbær og er okkur
sagt að íbúafjöldinn tvöfaldist
nánast á sumrin. Við búum í
miðbænum sem er mjög fal-
legur og það rennur á í gegnum
bæinn. Á sumrin er mikið líf í
bænum og höfum við stundum
sagt að þetta sé eins og að vera á
Spáni eða öðrum sólarlandastað
þar sem fólk fer út að borða alla
daga vikunnar. Rétt fyrir utan
miðbæinn eru svo flottar strandir.“
Knattspyrnumaðurinn Jónas Guðni Sævarsson
hefur komið sér vel fyrir í sænsku borginni Halms-
tad. Þar býr hann ásamt unnustu sinni Erlu Maríu
Sturludóttur og 19 mánaða tvíburadætrum þeirra,
Steinunni Köru og Sigurlaugu Evu. Jónas leikur sem
atvinnumaður hjá knattspyrnufélagi staðarins, Halm-
stads BK en nýlega hófst keppni í sænsku úrvalsdeild-
inni en Jónas er á sínu þriðja tímabili með liðinu.
Við tókum hús á Jónasi og spurðum hann m.a. út í
atvinnumennskuna, fjölskyldulífið í Svíþjóð og KR.
Ég hef alltaf verið og
verð alltaf Keflvíkingur
Viðtal MYNDiREyþór SæmundSSon Úr EInKASAFnI
vf.is