Víkurfréttir - 12.01.2012, Blaðsíða 4

4 FIMMTUdagUrInn 12. janúar 2012 • VÍKURFRÉTTIR
Tekið er á móti auglýsingum á póstfangið gunnar@vf.is. Auglýs-
ingar berist fyrir kl. 17 á þriðjudegi fyrir útgáfudag sem er almennt á
fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Sé fimmtudagur
frídagur þá kemur blaðið út á miðvikudögum og þá færist skilafrestur
auglýsinga fram um einn sólarhring.
Efni til Víkurfrétta skal sendast á póstfangið vf@vf.is. Aðsendar greinar
birtast á vef Víkurfrétta, vf.is. Það er mat ritstjórnar hvaða aðsendu
greinar birtast í prentaðri útgáfu blaðsins. Ekki er greitt fyrir aðsent
efni, texta eða myndir, hvort sem það birtist í blaðinu eða á vefsíðum
Víkurfrétta.
Víkurfréttir ehf., kt. 710183-0319
Grundarvegi 23, 260 Njarðvík, sími 421 0000
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0011, thorgunnur@vf.is
Þorsteinn Kristinsson, steini@vf.is, sími 421 0011
Rut Ragnarsdóttir, sími 421 0009, rut@vf.is
og Aldís Jónsdóttir, sími 421 0010, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
Leiðari Víkurfrétta
PÁLL KETILSSON, RITSTJÓRI
Í „Menntavagninum“ í Víkurfréttum í síðustu viku,
sem er vikulegur pistill verkefnastjóra um eflingu
menntunar á Suðurnesjum, komu fram áhugaverðar
og jákvæðar niðurstöður úr könnun um viðhorf
ungmenna á Suðurnesjum til margvíslegra þátta
eins og menntunar, íþrótta, tómstundaiðkunar og
framtíðarsýnar. Vert er að rýna aðeins í þessar niðurstöður.
Könnunin var gerð 2010 og þátttakendur voru ungmenni í
grunn- og framhaldsskólum á Íslandi. Um 550 krakkar í 9. og
10. bekkjum grunnskóla á Suðurnesjum og yfir 600 nemendur
í FS tóku þátt í könnuninni. Þar má fyrst nefna þá niðurstöðu
að þrátt fyrir lægra menntunarstig á Suðurnesjum þá eru fleiri
foreldrar á Suðurnesjum en annars staðar á landinu í námi. Í
grunnskólum á Suðurnesjum eru fleiri nemendur sem leggja
rækt við námið og fleiri Suðurnesjakrakkar segja að foreldrum
þeirra þyki mikilvægt að þau standi sig vel í námi.
Einnig kemur fram að færri nemendur á Suðurnesjum vinna
með skóla og einbeita sér meira að náminu. Það er jákvætt en
þó er ljóst að þeir eiga erfiðara með að fá starf með skóla í ljósi
atvinnuástandsins á Suðurnesjum. Það kann að hafa áhrif á
þá niðurstöðu.
Þegar ungmennin voru spurð út í framtíðarsýn þeirra þá stefna
langflestir Suðurnesjakrakkar á nám að loknum grunnskóla
og framhaldsskóla. Það eru virkilega jákvæðar niðurstöður
og styrkja þá trú okkar að hugur ungmenna á Suðurnesjum
er á réttum stað. Menntun er forsenda framtíðar. Þau gera sér
líklega líka grein fyrir því að nú er öldin önnur á Suðurnesjum
hvað varðar atvinnumöguleika. Hér áður fyrr var mikið
framboð starfa þar sem menntunar var ekki krafist en í kjölfar
brottflutnings varnarliðsins er öldin önnur. Í könnuninni sýna
niðurstöðurnar að grunnskólanemendur hérna eru almennt
jákvæðari en jafnaldrar þeirra á höfuðborgarsvæðinu eða
landsbyggðinni, hvað atvinnuhorfur í framtíðinni varðar.
Þessir þættir og aðrir sem komu fyrir í könnuninni hafa
verið mikið í umræðu fólks og fjölmiðla og vonandi sýna
þessar tölur að hægt og bítandi er staða Suðurnesjamanna
að styrkjast. Það eru allir sammála því að menntun þarf að
aukast og nú eru allar aðstæður til þess að laga þann þátt.
Eins er ljóst að viðhorf Suðurnesjamanna til menntunar hefur
breyst. Skólastarf almennt hefur styrkst og árangur hægt og
bítandi hefur aukist þó alltaf megi gera betur. Í könnuninni
kemur fram að grunnskólanemum á Suðurnesjum er sett fyrir
meiri heimavinna en annars staðar á landinu. Forráðamenn
skólanna hafa horft brúnaþungir á niðurstöður í samræmdum
prófum undanfarin ár þar sem frammistaða Suðurnesjakrakka
hefur ekki verið sú besta og það hefur verið þeim hvatning til
að bæta í.
Bæjarstjórinn í Reykjanesbæ sá ástæðu fyrir jól að verðlauna
nemendur í skólum Reykjanesbæjar en yfir hundrað krakkar
voru í hópi þeirra bestu á landinu í samræmdu prófunum. Það
er vel og ætti að vera hvatning fyrir börn og foreldra þeirra í
skólastarfinu og einnig þá sem voru ekki í þessum hópi.
vf.is
Ekki er vika án Víkurfrétta - sem koma næst út fimmtudaginn 19. janúar 2012. Bókið auglýsingar í síma 421 0001 eða gunnar@vf.is
Jákvæðar niðurstöður úr könnun meðal grunn- og framhaldsskólanema
Grunnskóli Grindavíkur
›› FRÉTTIR ‹‹
Spurningakeppni á miðstig
- barnabókmenntir
Í Grunnskóla Grindavíkur er nú í þriðja skipti haldin
spurningakeppni á miðstigi í
anda þeirra spurningaþátta sem
notið hafa vinsælda í fjölmiðlum
undanfarin ár. Þema keppninnar
er barnabókmenntir.
Markmið spurningakeppninnar
eru að auka lestraráhuga; að gera
þeim hátt undir höfði sem eru dug-
legir að lesa - að þeir geti upplifað
sig sem sigurvegara eins og í hverri
annarri íþrótt og síðast en ekki síst
að hafa það gaman saman. Þessi
markmið þykja einnig falla vel að
markmiðum aðalnámskrár í upp-
lýsinga- og tæknimennt en þar
kveður á um að nemendur á mið-
stigi eigi að hafa fengið reglulega
lánaðar bækur og önnur gögn á
skólasafninu sem styðja nám og
lesskilning og hafa mótað lestrar-
venjur og þekkingarleit til fram-
tíðar, þeir eiga jafnframt að þekkja
nokkuð til helstu íslenskra og er-
lendra barnabókahöfunda og verka
þeirra (Aðalnámskrá, upplýsinga-
og tæknimennt, 2007).
Spurningakeppnin skiptist í fjóra
hluta. Fyrst eru hraðaspurn-
ingar sem koma úr ýmsum áttum
og skiptir þá máli að hafa verið
duglegur að lesa gegnum tíðina
því ekki er hægt að undirbúa sig
sérstaklega fyrir þennan þátt. Þar
á eftir vísbendingaspurningar
sem reyna á almenna þekkingu
barnanna í heimi skáldverka ætl-
uðum börnum – þar er spurt um
höfunda, bókartitla, persónur og
fleira. Síðan eru ágiskunarspurn-
ingar en þá velur liðið einn leikara
og snýst þessi liður um að leika orð
sem geta verið nafnorð, sagnorð
eða lýsingarorð og á liðið að reyna
að ná sem flestum réttum orðum á
einni mínútu.
Þá koma valflokkarnir sem eru
fjórir – það eru þrjár spurningar úr
hverjum flokki sem gefa eitt, tvö og
þrjú stig. Í ár fengu börnin í fjórða,
fimmta og sjötta bekk lista af
bókum eftir fjóra íslenska rithöf-
unda fyrir sumarfríið og gátu þar af
leiðandi nýtt sumarið til undirbún-
ings. Í valflokkaspurningunum er
líka gefinn sá möguleiki að spyrja
bekkinn sinn en vel hefur tekist
til með að virkja bekkjarfélagana
þannig að þau taki þátt og kynni
sér bækurnar og höfundana þar
sem þeir eiga að styðja liðið sitt og
reynslan er að þar sem bekkurinn
fylkir sér bak við liðið er árangur-
inn bestur.
Að baki svona keppni liggur mikil
vinna og leggjast allir á eitt, kenn-
arar og starfsfólk, til að gera hana
sem skemmtilegasta. Erum við í
Grunnskóla Grindavíkur einstak-
lega heppin með hópinn sem leiðir
þetta verkefni.
Keppnin sem fram fór fyrir áramót
var mjög spennandi og voru það
nemendur í 5-K og 5-S sem öttu
kappi í úrslitaviðureigninni. 5-K
stóð uppi sem sigurvegari og var
haldin sameiginleg sigurhátíð
hjá báðum bekkjum að lokinni
keppni. Þar buðu nemendur
bekkjanna ásamt kennurum upp á
dýrindis krásir og sýndu þar í verki
að allir sem tóku þátt í keppninni
voru í raun sigurvegarar.
Sáttmáli gegn einelti
- Jákvæð samskipti
Allir nemendur Grunnskóla
Grindavíkur skrifuðu undir sátt-
mála gegn einelti og tóku þátt í
umræðu um jákvæð samskipti í
desember. Pálmi Ingólfsson skóla-
stjóri mætti á sal í Hópsskóla, Ró-
bert Ragnarsson bæjarstjóri og
Nökkvi Már Jónsson sviðsstjóri
félagsþjónustu- og fræðslusviðs
mættu á sal í grunnskólanum með
nemendum á miðstigi og unglinga-
stigi.
Nemendur rituðu einnig nafn
sitt undir sáttmálann á blað sem
verður stækkað upp með sáttmál-
anum gegn einelti og hengt upp
á áberandi stað í báðum skólum
núna í janúar. Í framhaldi fengu
allir nemendur grunnskólans af-
hent gult armband með áletruninni
„jákvæð samskipti”. Armbandið á
að minna á það að framundan eru
tímar friðar og jákvæðra samskipta
í Grindavík. Ef einhver gleymir
sér er gott að hafa armandið til að
minna á hversu mikilvægt er að
hafa þessa þætti í lagi.
Meginmarkmið með þessar i
aðgerð er að fylgja eftir útgáfu á
bæklingi um einelti sem gefinn var
út í Grindavík og síðast en ekki síst
vekja samfélagið til umhugsunar
um þessi mál og fá opna umræðu
um eineltismál almennt og hvetja
til samstöðu í jákvæðum sam-
skiptum.
Friðarganga í Grindavík
Skapast hefur hefð í Grindavík í
desember þar sem allir nemendur í
leikskólunum og grunnskóla fara í
sameiginlega friðargöngu um aðal-
götu bæjarins. Markmið göng-
unnar er að efla samkennd og sam-
hug með því að boða jákvæðni, gleði
og kærleika í samfélaginu. Gengið
er fylktu liði frá hverjum skóla að
Landsbankatúninu. Þegar þangað
er komið taka allir þátt í því að
mynda friðarhringi á túninu. Sr.
Elínborg flytur stutt friðarávarp og
síðan er örstutt þögn þar sem hver
og einn upplifir friðinn í sjálfum
sér. Að lokum syngja allir Bjart
er yfir Betlehem við undirleik Re-
nötu, kennara við Tónlistarskólann
í Grindavík. Að loknum söng fer
hver hópur til síns skóla. Elstu
nemendur grunnskólans aðstoða
við að klæða og leiða yngstu
borgarana af leikskólunum og fylgja
þeim aftur í sinn leikskóla. Leik-
skólarnir bjóða upp á heitan drykk
þegar komið er til baka. Slökkt er
á allri götulýsingu og göngufólk
mætir með vasaljós og lýsa enn
fremur upp skammdegið með innri
birtu. Gaman er að segja frá því að
foreldrar og aðrir bæjarbúar taka
virkan þátt í friðargöngunni sem
þótti takast með afbrigðum vel að
þessu sinni.
Pálmi Ingólfsson skólastjóri
Grunnskóla Grindavíkur.
Villtu hætta að taka ábyrgð
á líðan annarra og huga að
þinni eigin?
Helgarfjölskyldumeðferð verður haldin helgina 21.-
22. janúar frá kl. 9:00-16:30 báða
dagana í húsnæði Lundar að
Suðurgötu 15 ef næg þátttaka
næst.
Þetta úrræði er sérstaklega ætlað
þeim fjölskyldum þar sem einhvers
konar neysla hefur haft áhrif á líðan
þeirra.
Kostar aðeins 7000 kr.
Fyrirlestrar í helgarmeðferðinni
eru:
1. Áfengissýki og önnur vímuefna-
fíkn.
2. Hvernig meðvirkni breytir ein-
staklingum og fjölskyldum.
3. Óheppilegur stuðningur.
4. Sjálfsvirðingin
5. Sameiginlegur bati fjölskyld-
unnar.
Upplýsingar um meðferðina
veitir Erlingur Jónsson
í síma 772-5463
eða á netfangið: lundur@mitt.is
Ertu
aðstandandi?
Allir nemendur Grunnskóla Grindavíkur skrifuðu undir sáttmála gegn
einelti og tóku þátt í umræðu um jákvæð samskipti í desember.
U2 messa í
Keflavíkurkirkju
Sunnudaginn 15. janúar kl. 11:00 er U2 messa í Keflavíkur-
kirkju. Leikin
verða lög írsku
h l j óm s v ei t ar-
innar við íslensk-
an texta. Messan
verður með sama
sniði og þær sem
sungnar voru í Keflavíkurkirkju í
fyrra, með Sigurð Ingimundarson,
kaftein úr Hjálpræðishernum
og stórsöngvara, í fararbroddi
og hljóðfæraleikana Aðalstein
A x e l s s o n ( g í t a r ) , Þ ó r h a l l
Vilbergsson (trommur) og Jón
Árna Benediktsson (bassa).
Þýðandi textanna er séra Gunnar
Sigurjónsson en stjórnandi er
Arnór B. Vilbergsson, organisti
Keflavíkurkirkju. Prestur er sr.
Skúli S. Ólafsson. Messunni verður
útvarpað.
Allir nemendur Grunnskóla Grindavíkur skrifuðu undir sáttmála gegn
einelti og tóku þátt í umræðu um jákvæð samskipti í desember.
Í Grunnskóla Grindavíkur er nú í þriðja skipti haldin spurningakeppni
á miðstigi í anda þeirra spurningaþátta sem notið hafa vinsælda í
fjölmiðlum undanfarin ár.