Víkurfréttir - 12.01.2012, Page 10

10 FIMMTUdagUrInn 12. janúar 2012 • VÍKURFRÉTTIR
ALLTAF NÓG AÐ GERA Í KAFFINU OG NÚ VANTAR OKKUR LIÐSMENN
LAUST ER STARF AÐSTOÐAR-
BRENNSLUMEISTARA KAFFITÁRS
AÐ BRENNA KAFFI ER LIST
Umsóknum má skila með tölvupósti á kristbjorg@kaffitar.is eða á skrifstofu Kaffitárs
á Stapabraut 7 í Reykjanesbæ.
Nánari upplýsingar veitir framleiðslustjóri Kristbjörg Gunnbjörnsdóttir í síma 664 8851
eða á kristbjorg@kaffitar.is
Umsóknafrestur er til 20. janúar.
Anna Lóa Ólafsdóttir skrifar
Hamingjuhornið
Nýtt ár gengið í garð og ég farin að huga að markmiðum
fyrir árið 2012. Þetta árið eru aðal markmiðin mín
varðandi persónulegan þroska að gera einn hlut í einu
og hafa augun á réttum stað.
Mér finnst ég ekki alltaf vera nógu vakandi fyrir því sem
er að gerast í kringum mig, og þar heyri ég hvorki né sé
það sem er að gerast í kringum mig. Þannig get ég verið í
símanum að tala við systur mína en á
sama tíma að leita að mataruppskrift
á netinu eða lesa nýjustu færslurnar á
FB. Þá er ég annars hugar í símtalinu
og þarf að biðja systur að endurtaka
aftur það sem hún var að segja
þegar athyglin flýgur út um veður og
vind! Það sama er uppi á teningnum
þegar ég er búin að koma mér vel
fyrir til að horfa á mynd sem fjöldi
fólks er búið að mæla með. Ég sest
fyrir framan skjáinn með tölvuna í fanginu og skil svo ekkert
í því tæpum tveimur tímum síðar að myndin höfðar ekki til
mín og mér finnst hún ofmetin í alla staði hjá vinum mínum,
á meðan sannleikurinn er sá að ég hef misst af helmingnum
af henni enda með athyglina á fleiri en einum stað. Svo
á ég það til að sökkva mér í fjölverkavinnu heim hjá mér
(eða multitasking eins og það er á engilsaxnesku) og minni
helst á ajax auglýsingu hér forðum daga, hvirfilbylur sem
ekkert fær stöðvað en ekki með eins góðum árangri og í
auglýsingunni. dæmigerð fjölverkavinna gengur þannig fyrir
sig að ég byrja á að taka úr uppvöskunarvélinni en hætti í
miðju kafi en skil hana eftir opna þannig að hún er orðin
að slysagildru, fer þá og tek úr þvottavélinni en þegar ég
er hálfnuð með að hengja upp dettur mér í hug að hella
upp á kaffið og renna yfir baðherbergisgólfið. Steingley
mi helmingnum af þvottinum inni í þvottavélinni og átta
mig ekki á því fyrr en löngu seinna þegar ég fer að leita að
símanum sem ég hef gleymt uppi á þurrkaranum.
Verst finnst mér þó þegar ég sé ekki það sem er beint fyrir
framan augun á mér því ég er komin eitthvað allt annað í
huganum. Margir vina minna þekkja söguna af því þegar
mynd af syni mínum (sem ég var heillengi að velja) prýddi
fermingarborðið hans en á myndinni er þessi engill svo fal-
legur í peysunni sem vinur hans gaf honum og á stendur
The godfather. Það var ekki fyrr en í lok veislunnar að mér
var bent á að það væri alls ekki það sem stæði á peysunni,
það stóð The goodf...er (get ekki skrifað það hér því þá fæ
ég ekki að skrifa fleiri pistla í blaðið). Ég hélt ég hefði lært
mína lexíu þarna og hef reynt að taka betur eftir, verið með
augun á réttum stað og taka umhverfið inn. Það var mér því
mikið áfall núna fyrir jólin að standa mig aftur að þessu. Ég
fór í verslun hér í bæ að finna jólagjafir á yndislegu 15 ára
frænkur mínar í noregi. Þær eru á mörkum þess að passa í
stærstu stærð í barnadeildinni svo ég fór í fullorðinsdeildina
og fann þessa tvo sætu náttkjóla en til öryggis spyr ég af-
greiðslustúlkuna hvort hún telji ekki að minnsta stærðin sé
fín á þennan aldur. Hún telur svo vera en spyr í leiðinni hvort
ég hafi skoðað kjólana vel. Ég skildi nú ekki alveg spurn-
inguna - gat ekki séð betur en þetta væru tveir krúttlegir
náttkjólar, bleikur og blár og ekki mikið meira um það að
segja. En ég staldraði nú samt við og skoðaði kjólana betur
og það var þá sem ég áttaði mig á því að á öðrum þeirra
stóð ,,expecting“ og á hinum ,,bite me“. Er ekki viss um
að foreldrunum hefði endilega fundist þetta við hæfi á litlu
saklausu stúlkurnar sínar.
Ég þarf að æfa mig í að vera á staðnum, hér og nú en ekki
þar og alls staðar og gera einn hlut í einu, hlusta á eina
manneskju í einu og af athygli, lesa eina bók í einu og njóta
hennar (ok kannski 2-3 í einu), horfa á áhugaverðar myndir
með athygli og láta tölvuna og símann vera á meðan. njóta
matarins sem ég borða, félagsskaparins sem ég er svo
heppin að hafa í lífi mínu og síðast en ekki síst að njóta alls
þess góða í lífi mínu í dag því ég veit ekki hvar ég verð á
morgun.
Hvet þig lesandi góður til að setja þér markmið varðandi
persónulegan þroska. Efast stórlega um að þú kannist við
það sem ég lýsi hér að ofan en það gæti verið eitthvað
annað sem þú vilt bæta og fyrsta skrefið er að átta sig á
hvað það er og undirbúa svo breytingar.
Þangað til næst – gangi þér vel.
Anna Lóa.
Einn hlut í einu!
Ragnar Jón Skúlason, Bryndís Þorsteinsdóttir,
Selma Skúladóttir, Matthías Sigurðsson,
Jórunn D Skúladóttir, Árni Már Árnason,
Elsa Ína Skúladóttir, Guðni Birgisson,
Kristinn Skúlason, Drífa Daníelsdóttir,
barnabörn og barnabarnabörn.
Ástkæra móðir okkar, tengdamóðir, amma og langamma,
Ragnhildur Ragnarsdóttir,
Kaupmaður, Vatnesvegi 29, Keflavík,
lést á Heilbrigðisstofnun Suðurnesja 3. janúar.
Útförin fer fram frá Keflavíkurkirkju föstudaginn 13. janúar kl. 14:00.
SKÖRUN EHF
BYGGINGARVERKTAKI
Get bætt við mig verkefnum STÓRUM sem smáum
Öll alhliða smíðavinna
Tilboð eða tímavinna
Upplýsingar í síma 898 7245, Páll Þór
Vertu í góðu
sambandi við
Víkurfréttir!
n Auglýsingadeild í síma 421 0001
n Fréttadeild í síma 421 0002
n Afgreiðsla í síma 421 0000
Víkurbraut 6. (sömu götu og Byko)
Opið allar helgar frá kl. 14:00 - 18:00
Básaleiga 849 3028
Málverka- og skartgripanámskeið
á þriðjudögum og fimmtudögum
Um áramót þykir við hæfi að líta yfir liðið ár um leið og
skyggnst er til
framtíðar. Að sjá
hvað vel hefur
verið gert og
hvað væri vert
að bæta.
Þ a ð e r óhæ tt
að segja að árið
2011 hafi verið
viðburðarríkt ár fyrir samfélag
okkar hér í Reykjanesbæ. Afar
þung fjárhagsstaða bæjarins eftir
tíu ára valdatíma sjálfstæðismanna
er nú jafnvel þeim orðin ljós. Þeir
hafa nú áttað sig á að staðan er
ekki öðrum um að kenna, heldur
heimatilbúin í loftherbergjum
ráðhússins að Tjarnagötu 12, þar
sem ákvarðanir hafa verið teknar
meira af kappi en af forsjá.
Alvarleg staða bæjarsjóðs
Víst er að árangri hefur verið
náð undir s tö ðugu aðha ldi
Ef t ir l itsnefndar um f jármál
sveitarfélaga. Enn höfum við þó
ekki náð landi og áframhaldið veltur
á hvort takist að selja skuldabréfið
í HS Orku og jafnvel hlut í HS
Veitum. Bærinn þarf nú að selja
eignir að verðmæti 5,5 milljarða
króna til að nálgast það takmark
að jafnvægi verði náð í rekstri
bæjarins. Líkja má þeirri gjörð við
að selja bílinn sinn til þess að eiga
fyrir brauðinu. Svo alvarleg er staða
bæjarins nú þrátt fyrir stöðugan
flaum flennifyrirsagna um milljarða
hagnað bæjarsjóðs undanfarin ár.
Leikur að tölum sem lítið hefur átt
skylt við raunveruleikann.
Nýtt ár, nýjar vonir
Þrátt fyrir þunga og erfiða stöðu
bæjarsjóðs og áframhaldandi
baráttu við að ná tökum á rekstri
hans er ástæða til að ætla að brátt
fari að rofa til í atvinnumálum
bæjarbúa. Á nýju á verða hafnar
framkvæmdir í Reykjanesbæ
sem skapa eiga fjölda starfa gangi
vonir eftir. Hjúkrunarheimili,
kísilverksmiðja, auk þess sem
gera má ráð fyrir stórauknum
fjölda ferðamanna á svæðið með
tilheyrandi aukningu starfa á
svæðinu. Allt eru þetta tækifæri
sem gefa okkur ástæðu til að álykta
að tekið sé að rofa til og ástæðu til
að brosa mót hækkandi sól.
Þá má gera ráð fyrir að auknar
líkur séu á því að álverið í Helguvík
verði að veruleika og framkvæmdir
við það fari aftur af stað á árinu.
Gerðardómurinn sem gekk á
dögunum færir vonir um að þessi
stórframkvæmd gangi nú fram. Nú
skiptir öllu að stríðandi aðilar slíðri
sverðin og setjist að samningaborði
út frá dómsniðurstöðunni. Rætist
þetta ásamt stækkun gagnaversins
á Ásbrú munu verða þáttaskil í
atvinnumálum á Suðurnesjum. Í
fyrsta sinn frá brotthvarfi hersins
fyrir röskum sex árum sjái til
sólar á atvinnumarkaði svæðisins.
Með samstöðu heimamanna og
þingmanna getum við lyft grettistaki
í öllu því sem máli skiptir. Látum
það verða sameiginlegt markmið
á nýju ári sem við fögnum með
nýjum sólstöðum.
Þann árangur sem nú hefur náðst
getum við þakkað mörgum, en
ekki þó síst Oddnýju Harðardóttur
fyrrum formanni fjárlaganefndar
og nú nýorðnum fjármálaráðherra
landsins. Segja má að áherslur
r íkisstjórnarinnar á málefni
Suðurnesja lýsi sér vel í vali hennar.
Suðurnesin hafa nú eignast sinn
fyrsta ráðherra, jafnaðarmann
sem í gegnum störf sín hefur
sýnt að hjarta hennar slær fyrir
afkomu fjöldans frekar en afkomu
fárra útvaldra. Ég held ég tali fyrir
hönd allra Suðurnesjamanna þegar
ég óska henni velfarnaðar í því
erfiða og ábyrgðarfulla starfi sem
framundan er.
Með bestu óskum um gjöfult og
gott nýtt ár,
Hannes Friðriksson
Ath. Lengri útgáfu greinarinnar
má finna á vf.is
Mót hækkandi sól
Fréttavakt allan sólarhringinn í síma 898 2222