Víkurfréttir - 19.01.2012, Síða 10
10 FIMMTUdagUrInn 19. janúar 2012 • VÍKURFRÉTTIR
Anna Lóa Ólafsdóttir skrifar
Hamingjuhornið
Þar sem ég stóð og horfði á þau fylltist ég bæði stolti
og gleði. Stolti yfir því að fá að vera þátttakandi á
þessum tímamótum í lífi þeirra og gleði vegna þess að
þau kláruðu verkefnið til enda og standa uppi sterkari
fyrir vikið. Þetta er uppáhalds tíminn minn í vinnunni,
útskrift nemenda. Hef fylgst með þeim frá því að þeir
löbbuðu inn fyrsta daginn, margir óöruggir og fullir
af efasemdum um sjálfan sig og
eigin getu. Horfa svo á sömu nem-
endur takast á við hverja hindrun
á fætur annarri og öðlast smám
saman meiri trú á sjálfum sér
með jákvæðum afleiðingum sem
eykur lífsgæði þeirra og fólksins
í kringum þau. Þau eru að skapa
sér nýtt líf með því að láta drauma
sína rætast.
Okkur er öllum hollt að staldra við og
velta fyrir okkur hverjir eru draumar okkar og hvað viljum við
fá út úr þessu lífi. draumar eru ekki bara fyrir einhverja aðra,
og við þurfum ekki að vera staðsett á einhverjum ákveðnum
stað í lífinu til að hafa leyfi til að láta okkur dreyma um betra
eða öðruvísi líf. Mér fannst á ákveðnu tímabili í lífinu að ég
ætti að vera ánægð með stöðu mína og það væri bara van-
þakklæti að vilja eitthvað annað og meira út úr lífinu. Þegar
ég þorði að horfast í augu við að ég vildi fá meira út úr þessu
eina lífi sem mér hefur verið gefið var fyrsti sigurinn unninn.
Það getur enginn annar ákveðið hvað er rétt fyrir mig nema
ég sjálf og mikilvægt að hafa í huga að það er gildismat mitt
sem ræður þar mestu. Hvað er það sem skiptir mig máli og
hvernig get ég breytt lífi mínu þannig að ég lifi eftir þeim
gildum sem eru mér mikilvæg?
draumar okkar eru ekki meitlaðir í stein og ég skrifa mína
niður nokkrum sinnum á ári því þeir taka breytingum eftir
því sem ég þroskast og breytist. Þegar ég hef náð að upp-
fylla einn af draumum mínum fyllist ég sjálfstrausti sem
gerir það að verkum að ég hef trú á því að ég ráði við aðra
hluti sem ég leyfði mér ekki að dreyma um hér áður.
Þegar ég skrifa niður draumana mína kem ég mér fyrir
á þægilegum stað og bý til stemningu þar sem mér líður
vel (kertaljós og þægileg tónlist virkar best á mig). Síðan
skrifa ég allt niður á blað sem kemur upp í hugann og gef
skynseminni algjörlega frí á meðan og leyfi tilfinningunum
að ráða ferðinni. Ég geri svo markmið út frá draumunum
og ákveð hvaða skref ég ætla að taka til að láta draumana
rætast.
Ég nota draumana mína til að segja sjálfri mér að ég hafi
leyfi til að láta mig dreyma um allt - sama hvað öðrum gæti
þótt um það. Stuðningslið er ekki endilega til staðar þegar
við látum okkur dreyma og þar kemur tvennt til. Öðrum
finnst þeir hafa sjálfskipað vald til að halda manni á jörðinni
og svo geta hugsanir okkar og draumar verið óþægileg
ábending fyrir fólkið í kringum okkur - ábending um að
maður þarf sjálfur að taka ábyrgð á því hvernig líf maður
vill. En stærsta hindrunin er yfirleitt við sjálf þar sem hugur
fullur af efasemdum ræður för og keppist við að segja okkur
að við séum of gömul, of ung, eigum of mörg börn eða of
lítið af peningum eða það sé ekki til neins að leyfa sér að
eiga drauma. Oft er um að ræða hugsanavillur úr fortíðinni
sem elta okkur uppi og draga úr okkur kjarkinn við hvert
tækifæri. Þá skiptir öllu máli að hafa kjark til að halda áfram
þrátt fyrir óttann og kveða þessar hugsanir þannig smám
saman niður.
Eins og kom fram í byrjun þessarar greinar þá er svo mikil-
vægt að við vitum hvað við viljum fá út úr þessu lífi og taka
þannig ábyrgð á því hvaða leið við förum í þessu ferðalagi
og velta í leiðinni fyrir sér hvort maður ætli að vera bílstjórinn
eða farþeginn í þessari ferð. Þrátt fyrir að það geti verið
þægilegt að vera farþeginn og þurfa ekki að taka ábyrgðina
á því hvert skuli fara og hvaða leið verði valin til að komast
á áfangastað, þá getum við endað á einhverjum allt öðrum
stað en við ætluðum okkur.
Lesandi góður, hvet þig til að halda draumum þínum lifandi
og vera þannig virkur í þeirri sköpun sem lífið er, því þegar
upp er staðið þá skapar þú allt í lífi þínu. Vertu á varðbergi
hvort verið sé að stíga á draumana þína en ekkert síður
hvort þú sért að stíga á drauma annarra. Ef þú gerir alltaf
það sem þú hefur alltaf gert - færðu alltaf það sem þú hefur
alltaf fengið!
Þangað til næst – gangi þér vel.
Anna Lóa.
Ég á mér draum!
Vertu í góðu sambandi
við Víkurfréttir!
n Auglýsingadeild í síma 421 0001
n Fréttadeild í síma 421 0002
n Afgreiðsla í síma 421 0000
Gunnar Sveinsson,
Ragnheiður Gunnarsdóttir, Ægir Magnússon,
Sigurbjörn Gunnarsson, Jenný Sandra Gunnarsdóttir,
Gísli B. Gunnarsson,
barnabörn og barnabarnabörn.
Bjarnhildur Helga Lárusdóttir,
Benedikt Jónsson, Inga Rebekka Árnadóttir,
Jóna Guðrún Jónsdóttir, Magnús Valur Pálsson,
M. Agnes Jónsdóttir, Óli Þór Barðdal,
barnabörn og barnabarnabarn.
Innilegar þakkir til allra sem sýndu okkur samúð og hlýhug
við andlát og úför elskulegs eiginmanns míns, föður okkar,
tengdaföður, afa og langafa,
Jóns Benediktssonar,
f.v. útgerðarstjóra, Ægisvöllum 2, Keflavík,
sem lést á Heilbrigðisstofnun Suðurnesja, fimmtudaginn 15. desember.
Sérstakar þakkir og kveðjur til MND-teymis og starfsfólks
taugalækningadeildar Landspítalans og D-deildar og heimahjúkrunar
Heilbrigðisstofnunar Suðurnesja.
Maríanna Sif Jónsdóttir,
Kristín Ögmundsdóttir, Sigurjón Kristinsson,
Ásmundur Leifsson, Petra Stefánsdóttir,
Pálína Ásmundsdóttir, Jón Ásmundur Pálmason,
Bára Inga Ásmundsdóttir, Jón Sveinn Björgvinsson,
Kristinn Þór Sigurjónsson, Jóhanna Sigurjónsdóttir.
Innilegar þakkir til allra þeirra sem sýndu okkur samúð,
stuðning og hlýhug við andlát og útför elskulegrar móður
minnar, dóttur, systur og mágkonu,
Jónínu Ásmundsdóttur,
Alexandriu í Virginíuríki,
sem lést á Heilbrigðisstofnun Suðurnesja þriðjudaginn 6. desember sl.
Guð blessi ykkur öll.
Guðrún, Ólöf Birgitta, Ása Margrét, Auður, Hulda Sjöfn,
Ólafur Sólimann, Ásgeir og Svava Hildur
Innilegar þakkir til allra þeirra sem sýndu okkur samúð og
hlýju við andlát og útför okkar ástkæra föður, tengdaföður,
afa, langafa og langalangafa,
Ásgeirs H. Einarssonar.
Sérstakar þakkir færum við starfsfólki Hlévangs fyrir frábæra umönnun og
hlýhug í hans garð, svo og Frímúrarastúkunni Sindra í Keflavík.
Guðmundur Marvin Sigurðsson, Edda Auðardóttir,
Margrét Kr. Sigurðardóttir, Róbert Henry Vogt,
María Þóra Sigurðardóttir, Gísli G. Gíslason,
Magnús Jenni Sigurðsson,
Guðbjörg S. Gísladóttir, Sigurður J. Guðjónsson,
barnabörn, barnabarnabörn og barnabarnabarnabörn.
Elskulegur faðir okkar, tengdafaðir, afi, langafi
og langalangafi,
Sigurður Gunnar Kristjánsson,
(Siggi Gunni)
Höskuldarvöllum 17, Grindavík,
lést á Heilbrigðisstofnun Suðurnesja, þriðjudaginn 10. janúar.
Útför hans fer fram frá Grindavíkurkirkju, föstudaginn 20. janúar kl.14:00.
Þökkum auðsýnda samúð.
Ómar Þór Hafsteinsson,
Helena Ruth Hafsteinsdóttir, Einar Friðriksson
og barnabörn.
Innilegar þakkir til allra sem sýndu okkur samúð, vináttu og
hlýju, við andlát og útför
elskulegs föður okkar, tengdaföður og afa,
Hafsteins Hafsteinssonar,
Efstaleiti 79, Keflavík,
Miðstöð símenntunar á Suðurnesjum (MSS) auglýsir eftir þátttakendum í raunfærnimat
í skrifstofugreinum. Raunfærni-
mat er ferli þar sem fullorðið fólk
á vinnumarkaði fær reynslu sína í
starfi metna og getur nýtt sér þetta
mat til að sýna fram á reynslu sína
og færni í starfi, í atvinnuumsókn
eða til styttingar náms. Þannig
getur raunfærnimat verið hvati fyrir fullorðið fólk á
vinnumarkaði eða í atvinnuleit til að ljúka formlegu
námi. Raunfærnimatið er samstarfsverkefni Mið-
stöð símenntunar á Suðurnesjum, Vinnumálastofn-
unar Suðurnesja, Fræðslumiðstöðvar atvinnulífsins,
Fagráðs verslunar- og þjónustugreina og Verslunar-
mannafélags Suðurnesja.
Raunfærnimat í skrifstofugreinum
Tilgangur með raunfærnimati í skrifstofugreinum
er að leggja formlegt mat á reynslu einstaklinga í
samanburði við Skrifstofubraut 1 í Menntaskólanum
í Kópavogi. Matið er ferli sem tekur stuttan tíma þar
sem ráðgjöf og stuðningur náms- og starfsráðgjafa er
veittur allt ferlið og í framhaldinu af því. Hér verður
stiklað á stóru hvernig raunfærnimatið fer fram:
Hafðu samband við Elísabetu Pétursdóttur, náms- og
starfsráðgjafa MSS (elisabet@mss.is, 4217500/4125958)
og bókaðu viðtal til að fá nánari upplýsingar og skoðar
svo hvort raunfærnimatið henti þér.
Taktu þér tíma til að ákveða þig.
Þú skráir færni þína, reynslu, nám og aðra þekkingu
sem þú býrð yfir og leggur mat á færni þína í þeim
greinum sem eru til mats (sjá Skrifstofubraut 1 í MK á
www.mk.is ) Náms- og starfsráðgjafi hjálpar og styður
þig við þessa vinnu. Þú þarft ekki að kunna allt sem er
á brautinni til að eiga erindi í matið.
Þú ferð í raunfærnimat í MK. Það er samtal milli þín og
matsaðila MK, þetta er ekki próf. Þú færð tækifæri til
að koma þekkingu þinni á framfæri á þægilegan hátt.
Náms- og starfsráðgjafi er með þér í viðtalinu, gætir
hagsmuna þinna og styður þig.
Matsaðili fer yfir niðustöðurnar með þér og þú færð í
hendur staðfestingu á hversu margar einingar þú færð
metnar af Skrifstofubraut 1.
Að lokum ferð þú í viðtal við náms- og starfsráðgjafa til
að ræða um hvernig þú vilt nýta þér staðfestinguna. Þú
getur farið í áframhaldandi nám á Skrifstofubrautinni
en námið er í boði bæði í fjarnámi og staðnámi. Það
er engin kvöð að fara í nám að loknu raunfærnimati
ef það hentar ekki. Þú ert alla vega búinn að fá stað-
festingu á því sem þú kannt á mjög stuttum tíma.
Þessar upplýsingar er meðal annars hægt að nota í
atvinnuumsókn.
Algengt er að einstaklingar geri lítið úr þeirri reynslu
sem þeir hafa og treysta sér jafnvel ekki til að spyrja
hvort þeir eigi erindi í raunfærnimatið. Óþarfi er að
hræðast matið sjálft og ekki er um próf að ræða heldur
metið á annan hátt hversu mikil færni einstaklingsins
er.
„Ég hef lengi verið að velta fyrir mér hvaða menntun ég
gæti bætt við mig sem myndi nýtast mér vel á vinnu-
markaði án þess að fara í háskóla. Ég var svolítið óörugg
að fara í raunfærnimatið. En komst að því að það var
óþarfi. Ég fékk góðan stuðning frá þeim sem stóðu að
verkefninu. Í haust ætla ég að fara í MK og klára þau fög
sem ég á eftir af Skrifstofubraut I.“
- Guðmunda L. Guðmundsdóttir, fór í gegnum raun-
færnimat síðastliðið vor.
Reynslan af raunfærnimati í skrifstofugreinum er góð
en slíkt mat fór fram hjá MSS síðastliðið vor. 9 einstak-
lingar fóru í gegnum matið og fengu þeir að meðaltali
17 einingar af 33 metnar og innrituðu þessir ein-
staklingar sig flestir í Skrifstofubraut I í MK í kjölfarið.
Einn þátttakenda hóf auk þess nám á Skrifstofubraut II
um nýliðin áramót að loknu námi á Skrifstofubraut I.
Það hafa margir farið í gegnum raunfærnimat hér á
Íslandi í mörgum greinum og hefur byggingariðnaður-
inn verið mjög áberandi í því sambandi. Margir hafa
farið í nám að loknu raunfærnimati. Innan þess hóps
má finna einstaklinga með lítið sjálfstraust gagnvart
námi. Ef þú ert efins þá er efinn förunautur þess að
treysta á sjálfan sig og þora að taka skrefið. Ekki
láta óöryggi ræna þig tækifærunum. Ef þú telur
að raunfærnimat í skrifstofugreinum henti þér, ertu
hvött/hvattur til að hafa samband og fá nánari upp-
lýsingar um verkefnið.
Elísabet Pétursdóttir
Náms- og starfsráðgjafi
Miðstöð símenntunar á Suðurnesjum
elisabet@mss.is/4217500
Hefur þú reynslu af skrifstofustörfum?
Krossmóa 4
sími 421 7500
www.mss.is
Viltu auka þekkingu þína?
Við aðstoðum þig!
Nám fyrir einstaklinga
Fjarnám
Íslenska fyrir útlendinga
Starfstengt nám
Náms- og starfsráðgjöf
Þarfagreining fyrir fyrirtæki
Náms- og starfsráðgjöf öllum að kostnaðarlausu
Útskrift úr Háskólastoðum
Íslenskunámskeið
Útskrift úr Færni í ferðaþjónustu
›› Miðstöð símenntunar á Suðurnesjum:
FRÉTTAVAKT VÍKURFRÉTTA
Í SÍMA 898 2222
ALLAN SÓLARHRINGINN