Víkurfréttir - 14.11.2013, Blaðsíða 6
fimmtudagurinn 14. nóvember 2013 • VÍKURFRÉTTIR6
-ritstjórnarbréf
vf.is
Heima á ný
„Knús kaffi? Það er þar sem Dropinn var!“
Svona setningar eru ekki óalgengar þegar mér
er vísað veginn til þess að sækja fréttaefni og
hitta viðmælendur þessa dagana. Enda eru nítj-
án ár síðan ég flutti úr Njarðvíkurhverfi Reykja-
nesbæjar (sem var þá nýsameinað sveitarfélag)
til höfuðborgarsvæðisins.
Glöggt er gests augað, stendur einhvers staðar.
Sjálfsagt er sitthvað til í því. Vonandi munu
styrkleikar þess að ég hef fylgst með Suður-
nesjum úr fjarlægð, með viðkomu reyndar mörgum sinnum á ári til ætt-
ingja og vina sem búa hér, koma að gagni við að vekja athygli á því sem
íbúar gætu mögulega verið orðnir samdauna. Og vonandi mun menntun,
þroski og reynsla fyrrum unglingsdömunnar úr Njarðvík hjálpa eitthvað
til líka.
Frá því að ég hóf störf hjá Víkurfréttum hef ég vart haft undan að heilsa,
veifa og faðma að mér gamla vini og vinnufélaga. Ég komst líka að því
hversu öflugt tengslanet hægt er að mynda með því að hafa starfað, numið
og búið víða. Eins að hafa í tímans rás haldið góðu sambandi við marga
Suðurnesjamenn með hjálp alnetsins. Eins og útvarpsmaðurinn Guð-
finnur Sigurvinsson sagði um sjálfan sig í síðasta tölublaði, þá mótaðist
ég af lífinu og fólkinu hér; af sigrum og mistökum - a.m.k. frá þriggja til
22 ára aldurs. Mér þykir afar vænt um Suðurnesin og hlakka á hverjum
morgni til að koma hingað frá Hafnarfirði og setja mig inn í mannlífið á
ný. Hér býr hlýtt og duglegt fólk sem á hverjum degi stendur sína plikt og
leggur grunn að velferð næstu kynslóða. Hér gerist einnig margt jákvætt
og uppbyggjandi sem alltaf er hægt að vekja meiri athygli á. Ég skal gera
mitt besta.
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Þórgunnur Sigurjónsdóttir, thorgunnur@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Olga Björt Þórðardóttir skrifar
-mundi
-instagram #vikurfrettir
Ljósmyndari: Ívarsson_7
Og þið hélduð að ég væri löngu
kominn á Hrafnistu. Nei, Mundi er
mættur aftur í Víkurfréttir.
SÍMI 421 0000
Leikskólanum Tjarnaseli barst í haust góður liðs-auki þegar Gunnar Þór Jónsson, fyrrverandi
skólastjóri í Heiðarskóla, gerðist sjálfboðaliði þar
í lestrar- og skriftarkennslu. Gunnar Þór er mikill
áhugamaður um skrift og kenndi lengi vel skrift á
grunnskólastigi og á að baki 40 ára feril sem kenn-
ari og skólastjóri. Þróunarverkefnið Lestrar- og
skriftarhvetjandi umhverfi í leikskóla, sem hófst í
Tjarnarseli fyrir 10 árum hefur það meðal annars
að markmiði að sporna við þörfum
fyrir sérkennslu í grunnskólum. Víða
í grunnskólum á Suðurnesjum hefur
fyrrum starfsfólk verið fengið til að
sinna lestrarstuðningi og þannig nýtt
áfram dýrmæta þekkingu og reynslu.
Blaðamaður fylgdist með afar lif-
andi kennslustund hjá Gunnari Þór
sem hélt auðveldlega athygli allra
barnanna með kennsluaðferðum
sínum; lá á maganum á gólfinu og
skreið á milli nemenda til að aðstoða
þau og hvetja.
Ekki einfalt mál að læra skrift
Gunnar Þór segist hafa fylgst vel með starfi leikskólans
og eiginkonu sinnar, leikskólastjórans Ingu Maríu Ing-
varsdóttur. „Hún hefur oft haft á orði við mig, hvort
ég gæti ekki útbúið skriftarverkefni fyrir leikskólann.
Eftir að ég lauk störfum í Heiðarskóla, greip ég tæki-
færið og ákvað ég að sjá hvort ég gæti ekki gert eitt-
hvað í þeim málum. Þá má geta þess að barnabörnin
mín hafa verið nemendur hér í Tjarnarseli og komið
nánast læs út úr skólanum og gengið í framhaldi af því
mjög vel að lesa í grunnskóla,“ segir hann stoltur og
tekur sérstaklega fram að hið góða starf sem á sér stað í
Tjarnarseli og þau þróunarverkefni sem þar eru unnin,
hafi skilað góðum árangri. „Ég er rétt byrjaður að prófa
mig áfram í samstarfi við börnin, hvernig best er að
gera þetta. Það er ekki einfalt mál að læra að skrifa. Ég
fylgist með hvað þau geta og hvernig þau vinna.“ Hann
segir vissa kúnst að draga til stafs og í leikskóla sé það
því mikið tengt leikjum. Farið sé í vettvangsferðir og
stafirnir tengdir við það sem beri fyrir í umhverfinu.
Börnunum sé einnig leyft hverju og einu að uppgötva
sjálft sig og gera allt á sínum hraða og forsendum.
„Börn eru komin mislangt af stað í færni, hreyfigetu og
fínhreyfingum,“ segir Gunnar Þór.
Börnin fljót að grípa og tengja
Þá segir hann mest gefandi að vera með krökkunum og
kennurunum. Heilmikil hugmyndavinna eigi sér stað
með þeim og ýmsar leiðir prófaðar.
Honum finnst mikilvægt að leikskólar
haldi sínum venjum og vinnu og hann
sé ekki kominn til að breyta leikskóla í
grunnskóla. „Ég er ekki aðalmaðurinn
í þessu starfi leikskólans og þetta er
fjórði tíminn sem ég stýri í lestrar-
og skriftarkennslunni. Gleðin og
ánægjan sem skín úr andliti barnanna
og hversu móttækileg þau eru, er eftir-
tektarverð,“ segir Gunnar Þór. Einnig
sé alltaf gefandi að sjá árangur erfiðis-
ins og hversu fljótt þau grípa og tengja
við það sem kennt sé. Krakkarnir leiti að stöfum í
götunöfnum, skiltum og nöfnum á verslunum og fyrir-
tækjum. Ótrúlegar breytingar megi sjá á stuttum tíma.
„Kennslan tengist í raun öllu starfi sem hér fer fram,
inni á deildum, í samræðum við börnin, sögustundum
og vali. Öll menning í skólanum er meira og minna
íslenskukennsla.“
Bætir örlítið kynjahlutfallið
Gunnar Þór segir að í raun komi honum fátt á óvart í
starfinu. Starfsfólkið hafi gert svo góða hluti og sé svo
opið og orkumikið eins og börnin. Hann geti kannski
mögulega komið með einhverja nýja sýn inn í starfið
með sínu framlagi. Einnig séu of fáir karlmenn sem
starfi í leikskólum og grunnskólum á Íslandi og gott
að geta aðeins bætt úr því. Spurður um hvort hann sjái
sig fyrir sér að sinna þessu á næstu árum segist Gunn-
ar Þór munu sjá til. „Gamli skólinn, Heiðarskóli, togar
líka í mig og það getur vel verið að ég geti gert eitthvað
gagn þar líka í framtíðinni.“
n Fyrrverandi skólastjóri kennir skrift í leikskóla:
Rétt byrjaður að
prófa mig áfram
Góður liðsauki! Gunnar Þór Jónsson, fyrrverandi skólastjóri í Heiðar-skóla, gerðist sjálfboðaliði í lestrar- og skriftarkennslu.
- með leikskólabörnunum, segir Gunnar Þór Jónsson
Það er
ekki einfalt
mál að læra
að skrifa.
Texti og mynd: Olga Björt Þórðardóttir // olgabjort@vf.is
DAGLEGAR
FRÉTTIR Á VF.IS