Bæjarins besta - 11.01.2007, Page 2

FIMMTUDAGUR 11. JANÚAR 20072
Þjófur
í neyð
Brotist var inn í sölu-
skála Esso á Suðureyri að-
faranótt fimmtudags í síð-
ustu viku. Þjófurinn var
ekki stórtækur að þessu
sinni, en það eina sem
hann hafði á brott voru 4
pakkar Durex smokkum
með ávaxtabragði. Eftir-
litsmyndavél er á staðnum
og náði hún að festa at-
burðinn á filmu, er þjófur-
inn, grímuklæddur, brýst
inn í söluskálann.
Þegar þjófurinn kom
inn gekk hann rakleiðs að
smokkunum og því nokk-
uð ljóst að hann þekkir
innviði söluskálans, hann
reyndi svo lítillega að
opna peningakassann á
leið sinni út aftur, en þegar
að það gekk ekki greið-
lega fyrir sig, hélt hann
aftur út í myrkrið. Þjófur-
inn braut rúðu í bakdyrum
til að komast inn í versl-
unina. Hvort þjófurinn á
erfitt með að kaupa sér
smokka eins og annað
fólk gerir, eða hvort neyð-
in sótti svo skyndilega að
honum þarna um nóttina
er ekki gott að segja um á
þessu stigi málsins.
Lögreglan á Ísafirði
vildi ekki tjá sig um málið
að svo stöddu þar sem það
er ekki upplýst. Ef ein-
hverjir vita hver var þarna
að verki eða hafa upplýs-
ingar sem geta auðveldað
rannsóknina er hægt að
koma þeim ábendingum
til lögreglunnar á Ísafirði.
– thelma@bb.is
Telja að endurnýja þurfi allt þil
Hafnarstjórn Bolungarvíkur samþykkti á dögunum tillögu Siglingastofnunar að Samgöngu-
áætlun fyrir 2007-2010. Þar er gert ráð fyrir framkvæmdum við Brjótinn árið 2007 og
2008, öldudempandi fláa við Brjótinn 2008 og endurbyggingu á Grundargarði árið 2009.
Fyrir árið 2007 er gert ráð fyrir að framkvæma fyrir 96,7 m.kr., árið 2008 fyrir 58,3
m.kr. og 2009 fyrir 34,9 m.kr. Hafnarstjórn gerði athugasemd við að ekki skuli vera gert
ráð fyrir að endurnýja allt stálþil við Brjótinn þar sem allt þilið er komið til ára sinna. Hafnar-
stjórn beinir því til Siglingastofnunar að stálþil við Brjót verði allt endurnýjað á tímabilinu.
Borea Adventures í
víking til Englands
Ferðaþjónustufyrirtækið
Borea Adventures á Ísafirði,
sem gerir út skútuna Áróru,
heldur í víking til Englands á
næstu dögum þar sem fyrir-
tækið tekur þátt í tveimur
alþjóðlegum ferðakaupstefn-
um. Annars vegar er það sýn-
ingin London Boat Show, þar
sem allrahanda bátafyrirtæki
kynna afurðir sínar, en þar
verða þeir Borea-menn á bási
með fyrirtækinu Clipper Ven-
tures, sem eru fyrrum eig-
endur Áróru. Hinsvegar verða
þeir á sýningu The Daily Tele-
graph - Adventure Travel
Show, en þar verða aðilar sem
bjóða upp á ævintýraferðir að
sýna allt það nýjasta sem finna
má í þeirri deild ferðaiðnaðar-
ins.
Útflutningsráð verður með
bás á sýningunni þar sem sex
íslensk fyrirtæki í ævintýra-
ferðamennsku sýna hvað þau
hafa upp á að bjóða, meðal
þeirra er Borea Adventures
en meðal þess sem fyrirtækið
býður upp á er: skíðaferðir á
vorin, náttúruskoðun með
megináherslu á fugla og refi,
ævintýraferðir þar sem bland-
að er saman sjókajaksigling-
um í Jökulfjörðum og á Horn-
ströndum, snorkköfun í
Reykjanesi, fjallahjólaferðum,
jökla-göngu á Drangajökli
o.fl.
Adventure Travel Show er
nú haldin í 12. sinn og sýn-
endur eru yfir 250 talsins. Sýn-
inguna hafa sótt yfir 30.000
gestir á ári hverju og er því
hægt að bera boðskap fyrir-
tækja víða á slíkri sýningu.
London Boat Show er haldin
í hinu feykistóra Excel centre,
en sýningin hefur verið haldin
þar frá árinu 2004. Þar sýna
yfir 700 aðilar hinn ýmsa
varning er viðkemur bátum,
bátasporti og siglingamenn-
sku hverskonar.
Rúnar Óli Karlsson hjá Bor-
ea Adventures segir þá félaga
mjög spennta vegna sýning-
anna og séu þeir þarna að hitta
þá tvo helstu markhópa sem
fyrirtæki þeirra stílar inná, en
það er sá hópur sem er að leita
að ævintýraferðamennsku og
sá hópur sem leitast eftir sigl-
ingum. Nú þegar hefur Borea
Adventures bókað fundi á ráð-
stefnunum við nokkra vænt-
anlega viðskiptavini fyrirtæk-
isins.
– annska@bb.is Áróra er stærsta skúta landsins.
Þrjár tófur voru veiddar á dögunum í Súgandafirði
en eins og greint hefur verið frá hefur vargurinn vald-
ið miklum usla á svæðinu. Á föstudag kom Kristján
Einarsson refaskytta á Flateyri til að reyna að ná
rebba og liðu innan tveggja klukkustunda kom hann
til baka með ref sem hann náði við reiturnar af lamb-
inu. Á mánudag átti Valur Richter pípari og refaskytta
leið hjá á sömu slóðum og sá þá ref. Hann var með
byssu meðferðis og freistaði þess að ná rebba. Svo fór
að hann náði tveimur refum, öðrum hvítum og hinum
mórauðum. Án efa fagna bændur í firðinum þessu
framtaki refaskyttanna og geta andað örlítið léttar, en
tófan hefur verið ansi skæð að ráðast á lömb þeirra.
Fengsælar
refaskyttur
Kristján Einarsson með feng sinn.
Mynd: Helga Guðný Kristjánsdóttir.
Íhugar að
veita fé
Samgönguráðuneytið
íhugar að veita fé til að
reisa olíubirgðastöð á Máva-
garði við Sundahöfn á
Ísafirði. Bæjarráð Ísa-
fjarðarbæjar lagði fram til
kynningar á fundi í síðustu
viku svar við ósk ráðsins
frá því í október, þar sem
farið var þess á leit að
samgönguráðherra beitti
sér fyrir því að stöðin yrði
reist til frambúðar.
Í svari ráðuneytisins
kemur fram að samgöngu-
áætlun 2007-2010 sé í
vinnslu og til skoðunar að
veita fé til þessarar fram-
kvæmdar í samræmi við
ákvæði hafnalaga.
– eirikur@bb.is
Ómar Már Jónsson sveitar-
stjóri Súðarvíkurhrepps segir
í áramótapistli á heimasíðu
hreppsins að mikilvægt sé á
yfirstandandi kjörtímabili að
skoða eignarhluta Súðavíkur-
hrepps í fyrirtækjum starf-
ræktum í Súðavík. Verulegar
breytingar urðu á atvinnuhátt-
um í Súðavík með stöðvun
Frosta hf., árið 2005 og var þá
farið í að skoða alla möguleika
til að fjölga störfum. Fór sveit-
arfélagið því sjálft út í atvinnu-
lífið með beinum hætti. Áher-
sla var lögð á að fjölga fyrir-
tækjum í Súðavík og dreifa
þeirri áhættu sem fylgir því
að vera með eitt stórt fyrirtæki
sem útvegar stærstan hluta
allra starfa í sveitarfélaginu.
Ómar segir það mikilvægt
að skoða hvort hægt sé að
koma þeim eignahlutum sem
Súðavíkurhreppur á í dag í
hendur atvinnulífsins sjálfs og
segir jafnframt að það geti
orkað tvímælis að sveitarfélög
séu inn á hinum frjálsa mark-
aði með fjárfestingar. Fast-
eignafélagið Langeyri ehf., er
alfarið í eigu Súðavíkurhrepps
og er hann einnig stór hluthafi
í Sumarbyggð hf., með 70%
eignarhald. Hreppurinn á svo
32% hlut í beituframleiðslunni
Aðlöðun hf. Allt á þetta sér þó
skýringar og er í raun liður í
að gera það eftirsóknarvert að
starfrækja fyrirtæki í sveitarfé-
laginu. Húsakosturinn á Lang-
eyri var byggður þegar að
vöntun var á atvinnuhúsnæði
á svæðinu bæði fyrir hinn
frjálsa markað sem og fyrir
hreppinn. Nýting á húsunum
sem komust í gagnið á nýliðnu
ári er nú tæp 70%.
Í málefnum Aðlöðunar segir
Ómar sveitarstjórnarfólk hafa
talið það brýnt að gera það
sem þau gátu svo fyrirtækið
myndi ekki fara af svæðinu.
Sumarbyggðina ætti ekki að
þurfa að hafa í bómull lengur
segir Ómar, en rekstur hennar
var erfiður fyrst um sinn, sér-
staklega vegna þess hversu
stuttan tíma hún getur verið
starfrækt á ári. Með tilkomu
Fjord fishing og allra þeirra
sjóstangveiðimanna sem koma
til Súðavíkur yfir sumartím-
ann hefur rekstargrundvöllur
Sumarbyggðarinnar snar-
breyst. Ómar segir því mál til
komið að skoða hvort ekki
séu áhugasamir aðilar sem
vilja taka við boltanum.
Í áramótapistlinum segir
einnig. „Mikil breyting hefur
orðið á atvinnumálum Súð-
víkinga á stuttum tíma. jafn-
framt heyrast nú þær raddir
frá atvinnurekendum að fólk
vanti til starfa og í mjög
langan tíma er engin á at-
vinnuleysisskrá í Súðavík.“
„Mikilvægt að skoða eign-
arhluta Súðavíkurhrepps“
Sveitarstjóri Súðavíkurhrepps telur mikilvægt að
skoða eignarhluta hreppsins í fyrirtækjum í Súðavík.
Þennan dag árið1940 bjargaði togarinn Hafsteinn 62
manna áhöfn af þýska flutningaskipinu Bahia Blanca, sem
sökk út af Látrabjargi. Sumir óttuðust að þetta væru her-
menn sem ættu að gera uppreisn um leið og þýskur
innrásarher kæmi til landsins.
Dagurinn í dag
11. janúar 2007 – 11. dagur ársins