Bæjarins besta - 27.05.2010, Blaðsíða 15

FIMMTUDAGUR 27. MAÍ 2010 15
Í-listinn, sameiginlegt framboð
Samfylkingar, Vinstri grænna,
Frjálslyndra og óháðra í Ísafjarð-
arbæ, fær hreinan meirihluta í
bæjarstjórn Ísafjarðarbæjar sam-
kvæmt nýrri skoðanakönnun
Fréttablaðsins og Stöðvar 2, sem
gerð var í síðustu viku. Fram-
boðið nýtur stuðnings 48,4%
þeirra sem afstöðu tóku í könn-
uninni. Verði það niðurstaða
kosninganna fengi framboðið
fimm bæjarfulltrúa af níu en
framboðið fékk 40% atkvæða í
sveitarstjórnarkosningunum 2006
og fjóra menn kjörna. Samkvæmt
könnuninni er meirihluti Sjálf-
stæðisflokks og Framsóknar-
flokks fallinn. Sjálfstæðisflokk-
urinn tapar verulegu fylgi sam-
kvæmt könnuninni en flokkurinn
fengi 29,1% atkvæða. Flokkur-
inn naut stuðnings 42,2% Ísfirð-
inga í síðustu kosningum. Þá fékk
flokkurinn fjóra bæjarfulltrúa en
fengi í dag þrjá, miðað við könn-
unina.
Framsóknarflokkurinn fengi
16,2% atkvæða ef kosið yrði nú
samkvæmt sömu könnun. Það er
lítils háttar aukning frá kosning-
unum 2006, þegar flokkurinn
fékk 15,6%. Niðurstaðan hefur
ekki áhrif á fjölda bæjarfulltrúa
Framsóknarflokksins en flokkur-
inn myndi halda sínum eina full-
trúa, yrðu þetta niðurstöður kosn-
inganna. 8,1% þeirra sem afstöðu
tóku í könnuninni sögðust ætla
að kjósa Kammónistalistann,
yrði gengið til sveitarstjórnar-
kosninga nú. Verði það niður-
staðan í komandi kosningum nær
listinn ekki inn bæjarfulltrúa en
Kammónistalistinn er nýtt fram-
boð í Ísafjarðarbæ skipað nem-
endum og ungu fólki. Áður hefur
flokkur skipaður menntskæling-
um boðið fram til kosninga en
það var Fönklistinn sem náði
tveimur mönnum í bæjarstjórn
árið 1996.
Hringt var í 600 manns. Þátt-
takendur voru valdir með slembi-
úrtaki úr þjóðskrá og svarendur
skiptust jafnt eftir kyni og hlut-
fallslega eftir aldri. Spurt var:
Hvaða lista myndir þú kjósa ef
gengið yrði til sveitarstjórnar-
kosninga í dag? Ef ekki fékkst
svar var spurt: Hvaða flokk er
líklegast að þú myndir kjósa? Ef
ekki fékkst svar var að lokum
spurt: Er líklegra að þú myndir
kjósa Sjálfstæðisflokkinn eða
einhvern annan flokk? Alls tóku
65,8% afstöðu til spurningarinn-
ar.
Frá þessu var greint í Frétta-
blaðinu. – kristjan@bb.is
Í-listinn mælist með hreinan meirihluta
Hætta á einsleitara skólastarfi
með sameiningu sveitarfélaga
Starfshópur sem skipaður var
um fræðslu-, menningar-, íþrótta-
og æskulýðsmál fyrir 100 daga
nefndina taldi að með samein-
ingu væri hætt við einsleitara
skólastarfi og að þjónusta skertist
í smærri byggðum, svo sem með
gjaldtöku í leikskóla í Súðavík
og hækkun á frístundagjaldi í
Bolungarvík. Eins og kunnugt er
fjallaði 100 daganefnd um kosti
og galla við sameiningu Bolung-
arvíkurkaupstaðar, Ísafjarðar-
bæjar og Súðavíkurhrepps. Fræð-
sluhópurinn fjallaði um þrjá val-
kosti er kæmi að grunnskólamál-
um, m.a. þann möguleika að
skólarnir yrðu sameinaðir og ráð-
inn einn sameiginlegur skóla-
stjóri. Einn skólastjóri myndi
hafa meiri yfirsýn yfir tækifæri í
skólastarfi á svæðinu og millilið-
um fækkar. Veikleikar þessarar
hugmyndar voru taldir felast í
færri stjórnunarstöðum, faglegri
einangrun stjórnenda og að erfið-
ara yrði að taka á einstökum mál-
um í þéttbýliskjörnunum.
Starfshópurinn sá einnig fyrir
sér tækifæri til sérhæfingar skóla
í sameinuðu sveitarfélagi, aukna
samvinnu skóladeilda, hagræð-
ingu í innkaupum, auk þess sem
ná mætti fram hagræðingu í
mannahaldi. Á móti kæmi eins-
leitara atvinnu- og menningarlíf
í smærri byggðakjörnum sem
gerði þá síður áhugaverða til bú-
setu. Þá er hætt við því að bú-
setuskilyrði yrðu metin síðri með
tímafrekum skólaakstri og akstri
til vinnu um óörugga vegi. Sér-
staða í skólahaldi sem meðal ann-
ars felst í samkennslu bekkja og
skólastiga kann að minnka sem
og einstaklingsnálgun minni skóla
Einnig fjallaði hópurinn um
að allir skólar verði reknir áfram
frá 1. bekk til 10. bekkjar. Kostir
við það eru að vegalengdir eru
stuttar fyrir nemendur að sækja
skóla. Nemendur eru virkir í
félagsstarfi í heimabyggð innan
og utan skóla. Atvinna verður
fjölbreyttari og styrkari í hverjum
byggðakjarna. Á móti kæmi að
bekkir verða fámennir og kostn-
aður minnkar ekki.
Fræðsluhópurinn ræddi einnig
þann möguleika að hafa ungl-
ingastigið allt á einum stað en
með því mætti hugsanlega auka
val- og faggreinakennslu. Auð-
veldara yrði að skipuleggja hópa-
starf ungmenna á skólatíma auk
þess sem skipuleggja mætti tóm-
stundastarf í tengslum við skóla-
akstur. Veikleikar þessarar hug-
myndar voru taldir að hópar væru
stærri, persónuleg tengsl myndu
minnka, kostnaður og tími færi í
samgöngur, hætt væri við fag-
legri einangrun í minni skólun-
um, mismunandi tækifæri/geta
íbúa til að sækja félagsstarf eftir
að skóla lýkur. Minni yfirsýn
foreldra/samfélags varðandi ung-
menni, hættur sem fylgja því að
félagslegt aðhald minnkar.
– thelma@bb.is
Samgöngur mikilvæg forsenda
Starfshópur 100 daga nefndar-
innar um stjórnsýslu, samgöngur
og fjármál sveitarfélaganna taldi
það mikilvæga forsendu þess að
vel takist til með sameiningu
sveitarfélaganna, að samgöngur
verði bættar innan hins samein-
aða sveitarfélags og þá sérstak-
lega á milli Súðavíkur og Ísa-
fjarðar. Súðavíkurhlíðin er að
mati hópsins sú samgönguhindr-
un að ekki er forsvaranlegt að
byggja á daglegum akstri t.d.
skólabarna á milli staðanna að
óbreyttu. Sama sjónarmið kom
fram í starfshópi sem fjallaði um
fræðslumál. Í Greinargerð vinnu-
hóps um öryggismál Djúpvegar
milli Súðavíkur og Bolungarvík-
ur sem gefin var út á vegum
Vegagerðar ríkisins árið 2002,
kemur fram að á tímabilinu 1991-
2000 féllu yfir 56 snjóflóð á ári í
Súðavíkurhlíð.
Þar sem um ársmeðaltal er að
ræða og snjóflóðin falla að mestu
á þriggja til fjögurra mánaða
tímabili má umreikna þetta í flóð
annan hvern dag. Í greinargerð-
inni kemur fram að æskilegar
vegabætur á leiðinni frá Ísafirði
til Súðavíkur geti kostað frá 567
milljónum til 4.950 milljóna
króna. Vegabætur með jarðgöng-
um eru áætlaðar kosta frá 2.728
milljónum til 4.950 milljóna.
Starfshópurinn taldi ekki að
sameining sveitarfélaganna myndi
skapa möguleika til hagræðingar
eða bættrar nýtingar fjármuna
hvað þjónustu varðar í mála-
flokknum. Í dag væri hann að
miklu leyti byggður á þjónustu
verktaka. Málaflokkurinn byggi
við fjárskort og sveitarfélögin
ættu í erfiðleikum með að sinna
viðhaldi og eðlilegri endurnýjun.
Ísafjarðarbær rekur í dag al-
menningssamgöngur innan bæj-
arfélagsins. Slíkar samgöngur eru
ekki skipulagðar innan Bolung-
arvíkurkaupstaðar eða Súðavík-
urhrepps. Gera má því ráð fyrir
því að sameinað sveitarfélag
myndi byggja upp slíkar sam-
göngur að mati starfshópsins.
Kostnaður Ísafjarðarbæjar af
almenningssamgöngum er um 52
milljónir á ári í dag. Mestur er
kostnaðurinn innan Skutuls-
fjarðar um 24 milljónir auk þess
sem um 20 milljónir kostar að
halda uppi þjónustu við Flateyri
og Þingeyri og um 8 milljónir
við Suðureyri. Gert er ráð fyrir
því að í sameinuðu sveitarfélagi
myndu ferðir milli Bolungarvík-
ur og Ísafjarðar vera 10 á dag og
8 á milli Súðavíkur og Ísafjarðar.
Viðbótarkostnaður vegna þess-
ara ferða er áætlaður um 37 millj-
ónir á ári.
– thelma@bb.is