Bæjarins besta - 24.01.2013, Blaðsíða 8
8 FIMMTUDAGUR 24. JANÚAR 2013
Auglýsingasími Bæjarins besta og bb.is er 456 4560
„Við vitum að það er 70 gráðu
heitt vatn undir Breiðadalsheiði,
en það er bundið í mjóum sprung-
um. Ef við hittum ekki á réttar
sprungur, fáum við ekkert. Það
er þó alveg ljóst að heita vatnið
er þarna einhvers staðar,“ segir
Haukur Jóhannesson jarðfræð-
ingur. Síðast var leitað að heitu
vatni í Tungudal fyrir nokkrum
árum með litlum árangri og mikl-
um tilkostnaði. Haukur segir
möguleikana á að finna heitt vatn
í nær hverjum firði á norðan-
verðum Vestfjörðum, vera mikla.
Hann setur varnagla við hug-
myndir sveitarstjóra Súðavíkur-
hrepps um flutning á heitu vatni
frá Reykjanesi til Ísafjarðar, Bol-
ungarvíkur og Súðavíkur.
„Þessi framkvæmd yrði í fyrsta
lagi mjög dýr aðgerð, og það er
ekki á vísan að róa með vatnið úr
Reykjanesi. Vissulega er mikið
af heitu vatni þar, en það er svalt
og sprungan er opin upp á yfir-
borðið,“ segir Haukur, en Ómar
Már Jónsson sveitarstjóri Súða-
víkurhrepps sagði í samtali við
BB á dögunum að gerð yrði könn-
un á möguleikanum á því að flytja
heitt vatn úr Reykjanesi í neðan-
sjávarrörum til Súðavíkur, Ísa-
fjarðar og Bolungarvíkur.
Haukur telur hinsvegar nær
lagi að bora eftir heitu vatni undir
Breiðadalsheiði. „Það er hús inni
í Tungudal sem hitað er upp með
jarðvarma og það segir okkur að
vatnið er undir heiðinni. Við telj-
um það geta verið allt að 70 gráðu
heitt,“ segir Haukur, en til saman-
burðar er heita vatnið sem notað
er í Reykjavík 80 gráður. „Á
Drangsnesi er hitinn 65 gráður
og það er dæmi um hitaveitu sem
gengur mjög vel.“
Haukur og fyrirtæki hans hafa
unnið að jarðborunum á sunnan-
verðum Vestfjörðum að undan-
förnu, en í haust fannst hola með
heitu vatni í nágrenni við Patreks-
fjörð. Bundnar eru vonir við að
heita vatnið úr þeirri holu geti
þjónustað byggðina á Patreks-
firði. Húshitunarkostnaður á
norðanverðum Vestfjörðum er
umtalsvert hærri en gengur og
gerist annars staðar á landinu.
– gudmundur@bb.is
Heitt vatn undir Breiðadalsheiði
Nýsköpun í mjólkurframleiðslu
„Við erum að þróa mjólkurvör-
ur fyrir fólk sem er með mjólkur-
óþol. Það verður búið að með-
höndla mjólkina þannig að hún
innihaldi ekki mjólkursykur.
Fólk með óþol getur þá neytt
vörunnar án þess að finna til
óþæginda,“ segir Hálfdán Ósk-
arsson mjólkurtæknifræðingur en
fyrirtæki hans Arna ehf fékk 1,5
milljóna króna nýsköpunarstyrk
frá samfélagssjóði Landsbankans
fyrir verkefnið. Þórarinn Egill
Sveinsson, mjólkurverkfræðing-
ur, hefur unnið með Hálfdáni að
þróuninni sem áætlað er að ljúki
síðar í þessu mánuði eða í febrúar.
Þessa dagana er verið að senda
prufur erlendis ásamt því að unn-
ið er að vöruþróun fyrir innan-
landsmarkað.
Hálfdán og Þórarinn vilja vinna
vörurnar úr þeirri mjólk sem
framleidd er á Vestfjörðum en
þar eru lagðir til um 1,5 milljón
lítrar á ári. Þær vörur sem fram-
leiddar verða eru skyr, jógúrt og
ferskir ostar eins og fetaostur og
kotasæla en jafnframt ætla þeir
að framleiða venjulegar mjólkur-
vörur með mjólkursykri. Þeir
munu vera með sérhæfðari osta
sem ekki fást ennþá hérlendis.
Fyrirtækið er komið með hús-
næði á Bolungarvík þar sem
rækjuvinnslan Bakkavík var áður
til húsa. Ekki er byrjað á fram-
kvæmdum en verið er að leita að
tækjum og fjármagni til að hefja
vinnslu. Raunhæft er að byrja
framleiðsluna eftir tvo til þrjá
mánuði að sögn Hálfdáns.
„Styrkurinn nýtist fínt eins og
allt annað fjármagn sem lagt er í
nýsköpun. Meðan maður er að
koma þessu á koppinn er erfitt að
fá fjármagn í svona verkefni.
Vaxtarsamningur Vestfjarða og
Nýsköpunarsjóður styrkir einnig
verkefnið um svipaðar upphæðir
og Landsbankinn var að gera,“
segir Hálfdán. Heildarkostnaður
verkefnisins er áætlaður 80 millj-
ónir króna og enn er verið að
safna hlutafé. – hordur@bb.is
Ísafjarðarbær lækkar leikskóla-
gjöld milli ára á meðan önnur
stærri sveitarfélög hækka gjöld
eða þau standa í stað. Af fimmtán
stærstu sveitarfélögum landsins
eru ellefu sveitarfélög sem hækka
gjaldskrána, þrjú eru með óbreytta
gjaldskrá og aðeins Ísafjarðarbær
lækkar gjaldskrána. Leikskóla-
Ísafjarðarbær hefur ákveð-
ið að leggja ekki niður annað
af tveimur stöðugildum við
Byggðasafn Vestfjarða, eins
og til stóð á síðasta ári. Ef
stöðugildið hefði verið lagt
niður, hefðu möguleikar
safnsins á að verða svokallað
ábyrgðarsafn orðið að engu.
Að sögn Jóns Sigurpáls-
sonar forstöðumanns Byggða-
safnsins, mun safnið sækja um
að verða ábyrgðarsafn, sem
eykur möguleika safnsins á
frekari fjárveitingu úr ríkis-
sjóði auk þess sem það getur
tekið að sér stærri verkefni.
Jón er ánægður með ákvörð-
un bæjarstjórnar að leggja
ekki niður stöðugildið. Starfs-
menn safnsins verða því
áfram tveir. „Í raun er umfang
safnsins nú þegar svo mikið
að það hefði verið fásinna að
leggja niður starfið. Sérstak-
lega í ljósi þess að við ætlum
að sæja um að verða ábyrgð-
arsafn,“ segir Jón.
Stöðugildið
ekki lagt niður
gjöld hjá Ísafjarðarbæ eru 33.825
krónur á mánuði miðað við átta
tíma vistun og fullt fæði. Vísi-
töluhækkun var á fæði hjá Ísa-
fjarðarbæ en á móti var vistunar-
gjaldið lækkað að heildarútkom-
an er 1,5% lækkun frá því í fyrra
þegar leikskólagjöldin voru
34.342 krónur á mánuði með
fullu fæði.
Hæstu leikskólagjöldin eru hjá
Garðabæ eða 35.160 krónur á
mánuði en þar er hvorki morgun-
matur né kaffitími innifalinn.
Lægstu leikskólagjöldin eru hjá
Reykjavíkurborg eða 25.880
krónur á mánuði sem er umtals-
vert minna en hjá öðrum sveitar-
félögum. Meðalgjald fyrir átta
tíma dagvistun og fullt fæði er
31.900 krónur á mánuði. Hér er
einungis um að ræða fullt gjald
fyrir eitt barn og ekki tekið með
í reikninginn að sveitarfélög veita
mis mikinn afslátt á leikskóla-
gjöldum fyrir systkini og einnig
þegar foreldrar eru námsmenn.
Leikskólagjöld lækka milli ára
Leikskólinn Sólborg á Ísafirði.