Dagblaðið Vísir - DV - 03.07.2008, Síða 14

fimmtudagur 3. júlí 200814 Bílar DV
Tesla MoTors hefur fraMleiðslu á
fjölskyldurafMagnsbíl árið 2010.
Arnold Schwarzenegger, ríkis-
stjóri Kaliforníu, tilkynnti á mánu-
daginn var framtíðaráætlanir bíla-
framleiðandans Tesla sem er í
Kaliforníu. Tesla hefur verið fremst í
flokki í framleiðslu rafbíla og er Tesla
Roadster þeirra þekktasta afurð. Nýj-
ustu fregnir frá fyrirtækinu eru þær
að seint á árinu 2010 mun hefjast
framleiðsla á fimm manna bíl sem
kallast Model S. Bíllinn mun kosta
um 60.000 dali eða eins og gengið er
núna milli 4,5 og 5 milljóna.
Model S mun geta keyrt rúm-
lega 363 kílómetra á einni hleðslu en
hann mun skila í kringum 280 hest-
öflum. Áætlað er að framleiða um
20.000 eintök af bílnum til þess að
byrja með en forsvarsmenn fyrirtæk-
isins vonast til þess að bíllinn auki
traust fólks til fyrirtækisns og rafbíla
almennt.
Tesla hóf nýlega framleiðslu á
endurbættri útgáfu af rafmagns-
sportbílnum Tesla Roadster en hann
býr yfir meiri krafti en áður þekktist
meðal rafbíla. Roadster er rúmlega
300 hestafla tveggja sæta bíll en hann
kemst heila 400 kílómetra á einni og
sömu hleðslunni.
Fyrirtækið Tesla hyggst í kjölfar-
ið á framleiðslu Model S opna nýja
verksmiðju sem mun veita um 400
ný störf. Skömmu eftir að framleiðsla
Model S hefst hyggst fyrirtækið gefa
út nýjan fimm manna bíl sem mun
vera ódýrari en forverar hans en
Roadster kostar tæpa 100.000 dali og
Model S eins og áður segir um 60.000
dali.
Schwarzenegger hefur alla tíð
haft mikla trú á Tesla en hann legg-
ur mikla áherslu á verndun nátt-
úrunnar og allt sem kallast getur
grænn iðnaður. Sjálfur á Schwarz-
enegger Roadster og var einn af
þeim fyrstu til þess að eignast slík-
an grip.
asgeir@dv.is
360 km
á einni
hleðslu
KraftmiKill Kemst í 100
kílómetra hraða á 3,9 sekúndum.
Arnold SchwArzen-
egger Er mjög hrifinn af
Tesla og leggur mikla áherslu
á allan grænan iðnað.