Reykjavík - 13.06.2015, Side 2

2 13. Júní 2015REYKJAVÍK VIKUBLA
Ð
Njóttu sumarsins með
Veiðikortinu 2015 og
búðu til þínar minningar!
38 vatnasvæði!
www.veidikortid.is
2 0 1 5
Bensínstöð við Ingunnarskóla í Grafarholti:
Enn engin svör
Stjórnendum Ingunnarskóla í Graf-arholti hafa enn ekki borist nein svör frá borginni um bensínstöð
sem liggur upp við skólann. Þetta segir
Guðlaug Erla Gunnarsdóttir, skólastjóri,
í samtali við Reykjavík vikublað.
Bensínstöð Olís liggur upp við lóð
skólans, skammt frá aðalbyggingu og
alveg upp við færanlega kennslustofu.
Þá er stöðin jafnframt ofan í frístunda-
heimili við skólann.
Guðlaug segist hvorki hafa fengið
viðbrögð frá borginni né Olíufélaginu
vegna erindis sem sent var fyrir meira
en ári.
Þetta mál er virðist vera hið sér-
kennilegasta því fyrir rúmlega tveimur
og hálfu ári var einróma samþykkt í
skóla- og frístundaráði borgarinnar
að láta vinna lögfræðiálit um hvort
það samrýmdist lögum og reglum að
hafa bensínstöð svo nálægt skóla og
frístundastarfi. Kjartan Magnússon,
borgarfulltrúi Sjálfstæðisflokksins
hefur gengið eftir málinu lengi. Skúli
Helgason formaður skóla- og frístunda-
ráðs hefur í viðtali við Reykjavík viku-
blað lýst því yfir að hann ætli að láta
málið til sín taka.
Búsetukjarni í Seljahverfi er einn fjölmargra í Reykjavík:
Fólk hefur ekkert að óttast
Við búum í samfélagi þar sem sátt er um að fatlað fólk skuli búa á heimilum en ekki stofn-
unum,“ segir í minnisblaði sem lagt var
fram í velferðarráði Reykjavíkurborgar
á fundi þess 28. maí síðast liðinn. Í
minnisblaðinu er fjallað um íbúa-
kjarna í Rangárseli 16-20 í Breiðholti.
Íbúasamtökin Betra Breiðholt
boðuðu til íbúafundar í Seljakirkju
rúmlega viku fyrr. Tilefnið var að kalla
eftir upplýsingum frá borginni um
íbúa í kjarnanum, en í facebook hópi
samtakanna hafði fólk kvartað undan
ónæði af íbúum þarna. Fjölmenni sótti
fundinn í Seljakirkju.
Minnisblaðið var tekið saman fyrir
velferðarráð daginn eftir fundinn.
Þar kemur fram að eftir að Brynja,
hússjóður Öryrkjabandalagsins, seldi
húsið, hefði samist um að Félagsbú-
staðir keyptu það. Borgin hefði samt
sem áður rekið þarna íbúakjarna um
árabil, en hann yrði rekinn þar áfram
með breyttum notendahópi. Þar myndi
búa fólk með „samþætta fötlun s.s.
þroskahömlun, einhverfu og frávik í
hegðun“ eins og segir í minnisblaðinu.
Þetta fólk býr ekki eitt því starfs-
menn frá borginni sinna því. Í minni-
blaðinu segir að meirihluti þeirra sem
þar unnu áður muni gera það áfram
en nýr forstöðumaður hafi tekið til
starfa sem hafi sérþekkingu á þörfum
íbúa. „Áfram verður um að ræða
heimili fatlaðs fólks en hvorki með-
ferðarheimili né áfangaheimili,“ segir
í minnisblaðinu.
Þar segir einnig að lögð sé áhersla á
að umferð s.s. vegna ferðaþjónustubíla.
Bent er á það í minnisblaðinu að
velferðarsvið borgarinnar reki heimili
fyrir fatlað fólk víðs vegar um borgina
og ekkert hverfi sé undanskilið. Að
öllu jöfnu gangi rekstur heimilanna
vel og sé í sátt og samlyndi við aðra
íbúa á hverjum stað. Þá sé þess ávallt
gætt að tryggja bæði öryggi íbúa sem
annarra. „Íbúum í Seljahverfi og
nærliggjandi hverfum á ekki að standa
ógn af nýjum íbúum í Rangárseli frekar
en öðrum íbúum í búsetuúrræðum
á vegum borgarinnar,“ segir líka í
minnisblaðinu. Þar segir jafnframt í
niðurlagi: „Biðlistar eftir sértækum
húsnæðisúrræðum eru langir og því er
mikilvægt að velferðsvið geti brugðist
við þeirri þörf með því að opna nýjan
íbúðakjarna. Það er alveg skýrt að
Breiðholt er barna- og fjölskylduhverfi
og velferðarsvið tekur ávallt mið að
því við úthlutanir í húsnæðisúrræði
á því svæði.“
Skóla- og frístundaráð samþykkti nýlega innleiðingaráætlun um læsi, en
það er yfirlýst stefna fræðsluyfirvalda að efla málþroska, lestrarfærni og
lesskilning. Þetta gengur út á að fylgast vel með lestrarkunnáttu barna til
að „finna snemma þau börn sem hugsanlega geta átt í erfiðleikum með mál
og lestur og veita þeim aukinn stuðning og ráðgjöf,“ segir í umfjöllun þetta
á vef borgarinnar. Til stendur að þetta verði innleitt nú í haust.
„Ekkert verri
en strákar“
Fyrst var ég stressuð en stressið fór hratt. Konurnar sem halda utan um þetta unnu vel með stressið
og allir urðu strax vinir,“ segir Rán
Birgisdóttir, sem hefur tvisvar tekið
þátt í Rokkbúðum í verkefninu Stelpur
rokka. „Stelpunum líður vel í þessu
umhverfi, þær kynnast nýjum hliðum
á sjálfum sér og þær mynda mikil-
væg tengsl við aðrar stelpur sem hafa
áhuga á að spila og semja tónlist.“ Hún
segir að hún hafi ekki áttaði sig á því
hversu mikill strákaheimur tónlistin
er, fyrr en hún fór að velta því fyrir sér.
„Maður verður oft hissa þegar stelpa
er í hljómsveit. en í Rokkbúðunm eru
bara stelpur að spila og þær eru ekkert
verri en strákar.“
Sjá bls. 6
70 ár frá kjarnorkuárásunum á Japan:
„Við viljum kjarnorku-
vopnalausan heim“
Friðarskipið kom til Reykja-víkur í vikunni, en það siglir milli landa til að vekja athygli á
friði. Með í för að þessu sinni voru sjö
Japanir sem lifðu af kjarnorkuárásir
Bandaríkjanna á borgirnar Hiroshima
og Nagasaki, í lok Síðari-Heimsstyrj-
aldar. Fimm barnafjölskyldum var
meðal annars boðið í Höfða af þessu
tilefni, þar sem japönsku gestirnir
ræddu við börnin og sögðu þeim sögu
sína. Þar á meðal var hr. Hironaka
Masaki sem var fimm ára þegar
sprengjunni var varpað á Hiroshima.
Hann sagði frá því að þegar sprengja
sprakk þá var hann að leika sér við
læk örfáa kílómetra frá þeim stað þar
sem sprengjan lenti.
„Ég og systir mín og móðir
komumst af en við fundum ekki
föður minn strax. Við leituðum skjóls
í loftvarnarbirgi. Það var yfirfullt af
fólki með alvarleg brunasár og sumir
voru nær dauða en lífi. Við leituðum
föður míns og þegar við loks höfðum
upp á honum sáum við að hann var
illa brenndur á bakinu og þakinn
glerbrotum. Við reyndum að hlúa að
honum en hann lést af sárum sínum
aðeins 39 ára að aldri. Ég gleymi þessu
aldrei, þó ég hafi verið ungur að árum.
Við viljum kjarnorkuvopnalausan
heim, svona lagað má aldrei gerast
aftur. Þess vegna erum við hér til að
miðla reynslu okkar til komandi kyn-
slóða,“ sagði hr. Masaki, sem var með
tárin í augunum en fjallað er um þessa
heimsókn á vef Reykjavíkurborgar.
Hr. Masaki segir börnunum frá því þegar hann lenti í sprengingunni í Hiros-
hima þar sem hann, fimm ára gamall, missti föður sinn.
Lög á verkfalls-
aðgerðir launafólks:
„Óttalegur
barbarismi“
Það er bara óttalegur barbarismi að setja lög á verkföll,“ segir
Þórunn Sveinbjarnardóttir, for-
maður Bandalags háskólamanna
í samtali við Reykjavík vikublað.
Verkfallsaðgerðir félagsins hafa nú
staðið yfir í tíu vikur án lausnar.
Ríkisstjórnin tilkynnti á fimmtu-
dagskvöld að frumvarp um að fresta
verkföllum yrði lagt fram á Alþingi.
Þórunn segir að lög á verkfallsrétt-
inn sé þegar ofnotað verkfæri og
að slíkt sé versta mögulega niður-
staðan. Hún telur yfirvöld hafa gef-
ist upp fyrir verkefninu og að vel
hefði verið hægt að semja sjálfstætt.
Samninganefndin hafi hins vegar
ekki haft raunverulegt umboð til
annars en að elta Samtök atvinnu-
lífsins. Sjálfstæðir samningar hafi
ekki verið í boði.
Sjá bls. 10-11.
Rán Birgisdóttir.
Þessi ungi piltur skellti sér í siglingu með Sæbjörgu á Hátíð hafsins um síðustu helgi og leiddist ekki í félagsskap
sjóræningjanna. Hann sést hér sýna þeim alvöru sjóræningjahring sem hann sjálfur bar á fingri.