Víkurfréttir - 17.07.2008, Blaðsíða 14
14 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 29. TÖLUBLAÐ I 29. ÁRGANGUR
Tveir náðu draumahögginu sama daginn
Það gekk á ýmsu í meistaramótinu hjá GS að þessu sinni eins og
ávallt þegar tæplega 200 kylfingar mæta til leiks og leika golf í stærsta
móti klúbbsins. Toppur inn í því fjöri var þó líklega þegar tveir
kylfingar fóru holu í höggi sama daginn en það er afar sjaldgæft.
Fyrst náði Kristján Björgvinsson draumahögginu á 13. braut sem er
174 metrar en síðan fylgdi Guðmundur Margeirsson því eftir með
því að skella kúlunni ofaní á 16. braut sem er tæplega 130 metrar.
Jói 42 og Jón Óli 26 meistaramót
Jóhann Benediktsson hefur leikið í 42
meistaramót um í 44 ára sögu GS og annað
af þessum tveimur skiptum sem Jói var
fjarverandi var hann að leika með landsliði
Íslands 70 ára og eldri í útlöndum. Annar
GS félagi er með frábæra mætingu á
meistaramót en það er Jón Ólafur Jónsson.
Hann hefur leikið á 26 mótum í röð eða frá því hann hóf að leika
golf 1982. Jón Ólafur var þá nýbúinn að setja fótboltaskóna upp í
skáp en hann var einn af liðsmönnum gullaldarliðs Keflavíkur sem
varð Íslandsmeistari fjórum sinnum frá 1964 til 1973.
Systurnar í baráttunni
Heiða Guðnadóttir varð klúbbmeistari kvenna en yngri systir
hennar, Karen vann titilinn í fyrra að Heiðu fjarverandi í móti
erlendis. Karen er talsvert yngri en efnileg eins og systir hennar sem
varð Íslandsmeistari í stúlknaflokki í fyrra. Bróðir þeirra, Bjarki
varð svo þriðji í drengjaflokki 13 ára og yngri og faðir þeirra Guðni
Sveinsson átti ágætt mót í meistaraflokki. Ekki er óalgengt að margir
fjölskyldumeðlimir séu í meistaramóti GS en árangurinn þó hvergi
betri en hjá þessari fjölskyldu.
11 högg á 4 holum
Í meistaramótshófinu kom fram getraun um kylfing sem hafði farið
fjórar brautir á 11 höggum. Þetta þótti erfið getraun og enginn hafði
svar við henni. Þetta gerðist þannig að kylfingurinn var að leika 18.
braut, sló upphafshögg í röffið á henni, þaðan yfir á 17. braut og
síðan fór kúlan á 16. flöt. Höggið þaðan fór í glompu á 18. braut en
slæmt högg þar flaug yfir á 9. braut. Ágætt högg þaðan fór inn á 18.
flöt, tvö pútt og 11 högg eftir að hafa farið á og yfir fjórar brautir
með miklum tilþrifum.
Íslandsmeistarapeysa í safn GS
Örn Ævar Hjartarson og
Heiða Guðnadóttir urðu
klúbbmeistarar Golfklúbbs
Suðurnesja . Heiða vann
öruggan sigur en Örn Ævar
þurfti að hafa meira fyrir
sigrinum en lék mjög vel í
roki og rigningu lokahringinn
og vann góðan sigur. Þetta
var í tíunda sinn sem Örn
Ævar varð klúbbmeistari GS
og jafnaði hann þar með met
Þorbjörns Kjærbo.
Heiða lék á 327 höggum.
Systir hennar, Karen varð
í 3. sæti á 350 höggum og
Hildur Ösp Randversdóttir
á 378. Örn Ævar lék á 297
höggum og síðasta hringinn
á 75 höggum við mjög erfiðar
aðstæður. Guðmundur Rúnar
Hallgrímsson leiddi fyrir
lokahringinn með einu höggi
en lék á 81 höggi og endaði
í þriðja sæti á 302 höggum.
Kaupþingsmótaraðarsigur-
vegarinn frá því fyrr í sumar,
Ólafur Hreinn Jóhannesson,
skaust í annað sætið með
góðum lokahring en hann lék
á 75 höggum og samtals á 301
höggi.
Jón Ingi Ægisson sigraði í 1.
flokki karla, Gunnlaugur K.
Unnarsson í 2. flokki, Elvar
Már Sigurgíslason í þriðja
og Arnar Þór Smárason í 4.
flokki. Jóhannes Ellertsson
var bestur í 5. flokki karla og
Magdalena S. Þórisdóttir í
1. flokki kvenna. Jóhann R.
Benediktsson vann í flokki
70 ára og eldri og Sigríður
Guðbrandsdóttir í f lokki
65 ára og eldri. Í barna- og
unglingaflokkum vann Guðni
F. Oddsson í flokki 14-15 ára
drengja, Grétar Helgason
í flokki 13 ára og yngri og
Elínora G. Einarsdóttir í flokki
13 ára og yngri telpna.
Sigurður Sigurðsson, Íslandsmeistari í golfi
1988 kom færandi hendi á lokahóf meistaramóts
Golfklúbbs Suðurnesja sl. laugardag þegar hann
færði klúbbnum að gjöf peysuna sem hann
var í lokadaginn á Íslandsmótinu sem var í
Grafarholti í júlí 1988.
„Ég hef ekki farið í peysuna síðan þennan loka-
dag og hef af einhverjum ástæðum haldið upp á
hana alla tíð. Nú eru liðin tuttugu ár og mér finnst
við hæfi að klúbburinn fái peysuna til minningar
um þennan titil þar sem liðin eru tuttugu ár
síðan,“ sagði Sigurður og við peysunni tóku Jón
Ólafur Jónsson, formaður mótanefndar GS og
Gylfi Kristinsson, framkvæmda stjóri klúbbsins.
Það eru fleiri merk tímamót hjá Golfklúbbi Suður-
nesja í ár en fjörutíu ár eru síðan klúbburinn
eignaðist sinn fyrsta Íslandsmeistara í karlaflokki
en Þorbjörn Kjærbo náði þeim áfanga 1968. Árið
á undan vann Guðfinna Sigurþórsdóttir fyrsta
Íslandsmeistaratitilinn fyrir GS þegar hún vann
í meistaraflokki kvenna og vann síðan tvisvar til
viðbótar og það sama gerði Þorbjörn.
Það leið rúmur áratugur þar t i l GS fékk
næsta Íslandsmeistara en það var þegar Gylfi
Kristinsson, núverandi framkvæmdastjóri GS
vann. Litlu munaði að hann tæki titilinn aðeins 15
ára gamall árið 1978 en þá varð hann jafn Hannesi
Eyvindssyni úr GR en tapaði í umspili um titilinn.
Hann varð Íslandsmeist ari fimm árum síðar eða
1983. Þá fór mótið fram í Grafarholti sem hefur
dregið fram margt af því besta hjá GS kylfingum
því einn sigra Þorbjörns Kjærbo var þar sem og
þegar síðasti Íslandsmeistaratitill GS kom, þegar
Örn Ævar Hjartarson vann 2001. Íslandsmótið í
höggleik verður í Eyjum í næstu viku og vonandi
verða okkar menn í baráttunni um titilinn.
Góð þátttaka í Meistaramóti Golfklúbbs Suðurnesja:
Örn og Heiða unnu hjá GS
Bjargvætturinn Þórarinn Brynjar Kristjánsson
úr topp liði Keflavíkur í knattspyrnunni er orðinn
liðtækur kylfingur. Hann gerði sér lítið fyrir og sigraði
með forgjöf á Glitnismótinu í Leirunni á þriðjudag.
Þetta gerði Þórarinn daginn eftir að hafa skorað sigur-
mörk Keflavíkur gegn Fram. Þórarinn lék mjög gott
golf og var með 44 punkta. Liðsfélagi hans úr Keflavík,
Einar Orri Einarsson var aðeins punkti á eftir Tóta og
varð annar. Einn besti kylfingur GS, Sigurður Jónsson
jr. varð þriðji, lék á 68 höggum, fjórum undir pari og
fékk 41 punkt. Atli Elíasson var höggi betri en hann og
var á 67 höggum og vann án forgjafar. Súperskor hjá
þeim félögum.
Eygló Geirdal sigraði án forgjafar í kvennaflokki á 88
höggum en Elín Gunnarsdóttir var efst með forgjöf á
32 punktum, Magdalena S. Þórisdóttir og Ólafía Sigur-
bergsdóttir voru næstar með 28 punkta.
Bjargvætturinn líka góður í golfi
Gylfi Kristinsson, framkvæmdastjóri GS þurfti að fara í það
óvanalega verkefni að veiða upp pútter eins leikmanns í meistara-
móti klúbbsins. Eitthvað var kylfingurinn ósáttur við gang mála
í golfinu sínu og henti pútt ernum en ekki vildi betur til en að
hann tók aukahopp og endaði úti í miðri tjörn. Ekki var Gylfi með
tilbúnar veiðivöðlur enda lítið um lax í Leirunni og þurfti því að
láta sig hafa það, að blotna svolítið í fæturna.
Veitt í Leirunni
Sigurður Sigurðsson með stórt bros á vör eins og þegar hann
varð Íslandsmeistari fyrir tuttugu árum síðan. Hér sýnir hann
peysuna góðu sem hann gaf GS. Jón Ólafur Jónsson og Gylfi
Kristinsson tóku við henni.