Víkurfréttir - 08.03.2012, Blaðsíða 15

15VÍKURFRÉTTIR • FIMMTUdagUrInn 8. Mars 2012
útspark Ómar JÓhannsson
Ómar Jóhannsson, markvörður og
starfsmaður í Fríhöfninni sparkar
pennanum fram á ritvöllinn.
Um síðustu helgi var haldið hér í Reykjanesbæ eitt stærsta,
ef ekki það stærsta, körfuboltamót landsins. Um 1100 börn
tóku þátt í mótinu með tilheyrandi fylgdarliði í þjálfurum,
fjölskyldumeðlimum og ógrynni af aðstoðarfólki sem lagði
hönd á plóg. Umtalað er að virkilega vel hafi tekist til og allir
haldið heim glaðir eftir vel heppnaða körfuboltahelgi. Það
sem gerir þetta vel heppnaða mót jafnvel enn ánægjulegra er
hið góða samstarf á milli körfuknattleiksdeilda Keflavíkur og
Njarðvíkur. Fornir fjendur sameinast þarna eina helgi um að
halda glæsilegasta körfuboltamót landsins og gera það með
sóma. Sunddeildir félaganna hafa verið í samstarfi síðustu
ár með góðum árangri og spurning hvort að fleiri deildir geti
ekki hjálpast að með hag beggja fyrir brjósti.
Sumarið 2002 spilaði ég mitt fyrsta sumar með meistara-
flokki Keflavíkur. Njarðvík spilaði þá í 2. deild (C-deild) á
meðan við spiluðum í efstu deild. Um mitt sumar sagði góður
Njarðvíkingur við mig að það liti út fyrir að við myndum spila
í sömu deild á næsta ári þar sem okkur gekk ekki sem best
á meðan Njarðvík barðist í toppnum í sinni deild. Ég svaraði
því að ef við spiluðum einhvern tíma í sömu deild þá myndi
ég skipta yfir í Njarðvík. Það fór svo að við féllum en Njarðvík
endaði í 3. sæti en 2 lið komast upp um deild þannig að ég
slapp með skrekkinn. Seinna um haustið sameinuðust svo
2 lið sem spiluðu í 1. deild þannig að Njarðvík fór upp og við
spiluðum í sömu deild 2003. Því miður féll loforð mitt um að
skipta um lið á tæknilegu smáatriði þannig að ekkert varð af
félagsskiptunum.
Ég er mikill Keflvíkingur og hef gaman af þeim ríg sem er á
milli Keflavíkur og Njarðvíkur. Þessi rígur gerir leikina á milli
félaganna skemmtilegri þar sem meira er undir en bara stig
fyrir unninn leik. Það sést best á mætingunni og stemningunni
sem myndast í grannaslögunum í körfunni, hvort sem það er
í deildar-, bikar- eða úrslitakeppni. Í fótboltanum spilum við
sjaldan við Njarðvík þar sem við erum ekki í sömu deild en
við eigum okkur aðra „óvini“ sem maður elskar að hata. Lið
sem maður þolir ekki en getur ekki verið án vegna þess að
leikirnir við þau eru upp á meira en 3 stig. Það getur verið
nágrannarígur eða annar sögulegur rígur. Einhver saga sem
gerir leikina skemmtilegri og meira spennandi en venjulega
leiki, bæði fyrir þá sem spila og þá sem fylgjast með.
Rígurinn á samt aldrei að ná lengra en leikurinn sem spilaður
er þá stundina. Ég á góða vini í liðum sem ég geri allt til að
vinna. Við getum verið vinir fyrir og eftir leik en ekki á meðan
honum stendur. Félög geta grætt svo mikið á því að eiga gott
samstarf við önnur lið. Þannig er það líka oftast en því miður
truflar sagan stundum samstarf á milli liða. Þess vegna er
ennþá ánægjulegra að sjá Nettómótið heppnast jafn vel og það
gerði því ef að Keflavík og Njarðvík geta átt gott samstarf er
allt hægt.
GÓðir Grannar
Meiraprófsnámskei
SUÐURNESJAMENN
ATHUGIÐ!
Námskeið til aukinna ökuréttinda í Garði þriðjudaginn 13. mars nk!
ATH! Höldum sama verði enn um sinn þrátt fyrir miklar hækkanir annarra ökuskóla!
ATH! Allar líkur á að álversframkvæmdir í Helguvík fari á fullt í vor. Vertu klár!
Verkalýðsfélög greiða allt að kr. 100.000,- af kostnaði
Vinnumiðlanir greiða allt að kr. 70.000,- af kostnaði
Skráning í símum 892 6570 (Egill) og 892 6571 (Siggi)
Visa og Euro raðgreiðslur til allt að 36 mánaða
Jón Ágúst og Kristófer eru á fyrsta
ári í Fjölbrautaskóla Suðurnesja en
Baldvin og Þröstur báðir í 9. bekk í
grunnskóla. Samtals eiga þeir ótal
met og medalíur og voru þeir hluti
af ÍRB liðinu sem sigraði Aldurs-
flokkameistaramót Íslands á síðasta
ári og allir setja strákarnir stefnuna
á Meistaramót smáþjóða í sundi
sem fer fram í Andorra í júní næst-
komandi
Hvenær byrjið þið að æfa sund?
„Ég byrjaði bara þegar ég var 6 ára
en mamma sendi mig í sundið,
að ég held“ segir Kristófer sem nú
hefur æft sund í 10 ár.
Þröstur var 4 ára en hann langaði
til að prófa og hefur verið í lauginni
síðan.
Baldvin byrjar fjögurra ára í sundi
en honum var þá einfaldlega hent í
laugina. „Pabbi var í sundi en ég hef
prófað fótbolta í nokkur ár. Ég valdi
svo sundið því þar var ég einfald-
lega miklu betri,“ segir Baldvin sem
segist vera mikill keppnismaður og
hafi mikinn metnað í að ná sem
lengst. Hann taldi meiri möguleika
á að gera það í sundinu.
Jón á bræður sem voru í sundi og
hann byrjaði að synda þegar hann
var 6 ára gamall. Þeir félagar eru
sammála um það að þegar þeir
voru yngri þá var gríðarlega gaman
að æfa sund. Þá ríkti kannski ekki
sami aginn og gildir nú. „Maður
fer hægt og rólega að sjá alvöruna
í þessu og þetta venst með tím-
anum.“ Sund er auðvitað einstak-
lingsíþrótt þótt keppt sé í boðsundi
og félagsskapurinn sé góður. „Það
er bara af hinu góða að keppa sem
einstaklingur. Ef eitthvað klikkar
þá getur maður bara sjálfum sér
um kennt,“ segja strákarnir og aug-
ljóst að þarna eru miklir keppnis-
menn á ferð.
Strákarnir eru allir á því að það sé
alltaf jafn gaman á æfingum og það
sem að þeir fá út úr sundinu er aðal-
lega góður félagsskapur, sérstaklega
þykir þeim gaman á mótum, en
þau eru ansi tíð í sundinu. Þeir
segja að hópurinn í sundinu sé afar
samheldinn og mikið brallað utan
æfinga.
Það fer óneitanlega mikill tími í
íþróttina og oftar en ekki æfa þessir
krakkar mun meira en þeir sem
stunda aðrar íþróttir. „Flestir sem
stunda sund eru góðir að skipu-
leggja sig en það á þó ekki við um
alla,“ segja strákarnir. Þeir segja
íþróttina vera stranga og agaða en
það líkar þeim þó vel. Anthony
Kattan sundþjálfari hefur komið
með ferska vinda inn í liðið og
strákarnir eru ekkert að skafa utan
af því þegar blaðamaður spyr þá um
gæði liðsins. „Við erum besta liðið á
landinu,“ segir Þröstur. „Við erum
alla vega að vinna í því,“ bætir hann
við en liðið er afar ungt og efnilegt.
„Anthony er metnaðarfullur þjálf-
ari og virkilega fagmannlegur. Við
höfum notið góðs af því að hafa
hann sem þjálfara og höfum bætt
okkur mikið undir hans stjórn,“
segja strákarnir.
Allir sjá þeir fyrir sér að fara í nám
til Bandaríkjanna en það hefur
færst í aukana að sundmenn fari
á skólastyrk í háskóla í Bandaríkj-
unum. Það er stefnan hjá mörgum
ungum sundköppum að komast
erlendis til að synda samhliða námi
og þeir eru á því að það væri frá-
bært að nýta sundið í að komast að
erlendis.
Hvernig er annars félagsskapurinn
í sundinu, er stuð á æfingum?
„Það er svakalega góður félags-
skapur í sundinu og mikið stuð í
hópnum. Við fíflumst mikið á æf-
ingum,“ segir Baldvin og Jón tekur
undir það. Stundum eyða krakk-
arnir 4-5 tímum á dag saman á
æfingum og þannig verða oft til
sérstök sambönd og mikil vinátta.
Er ekkert erfitt að drífa sig á fætur
klukkan 5 á morgnana og á æf-
ingu?
„Nei þetta venst fljótt. Maður
hoppar bara úr rúminu eins hratt
og mögulegt er og þá er maður
tilbúinn,“ segir Baldvin og hinir
viðurkenna að þetta sé bara eitt-
hvað sem venjist.
Hvað er skemmtilegt við sundið?
„Góð líkamsrækt, frábær félags-
skapur og í okkar tilfelli þá væri
það bara fáránlegt ef við værum allt
í einu ekki að æfa sund,“ en strák-
arnir synda rúmlega 40 km á viku.
„Ef maður væri ekki að æfa veit
ég ekki hvað maður myndi gera
við allan þennan tíma, eflaust væri
maður bara að hanga í tölvunni,“
segir Kristófer. „Það sem er líklega
best við sundið er hvað maður þarf
að borða mikið,“ segir Baldvin í
léttum tón enda er dagurinn anna-
samur og mikil þörf á orku. „Það er
ekki gott að vera svangur á æfingu,“
segir Þröstur.
Strákarnir hafa ferðast erlendis
vegna sundsins en á dögunum fór
liðið t.a.m. til Sheffield á Englandi
og Kristófer dvaldi um mánaðar-
skeið í Nýja-Sjálandi við æfingar
hjá gamla félagi þjálfarans. Það
þótti þeim afskaplega gaman og
ferðalögin eru spennandi hluti af
sundinu.
„Það sem maður fær út úr sundinu
eru fyrst og fremst góðir vinir, góð
þjálfun og skemmtileg ferðalög.
Þessi vináttubönd sem myndast eru
óneitanlega eitthvað sem maður
tekur með sér úr sundinu og eiga
örugglega eftir að endast ævilangt,“
segja sundgarparnir að lokum.
Þeir sem vilja slást í hóp besta
sundliðsins er bent á að á mið-
vikudögum kl. 14:30 eru prufuæf-
ingar í Vatnaveröld. Þangað geta
sundmenn á öllum aldri komið
og látið meta hvaða æfingahópur
hentar þeim best en boðið er upp á
æfingahópa fyrir sundmenn allt frá
2 ára aldri.
Fáránlegt ef við værum
ekki að æfa sund
Sunddeild ÍRB hefur náð glæstum árangri undanfarið og í deildinni eru margir
efnilegir sundmenn sem eiga glæsta framtíð fyrir höndum. Meðal þeirra eru þeir: Jón Ágúst
Guðmundsson, Kristófer Sigurðsson, Baldvin Sigmarsson og Þröstur Bjarnason. Þessir
piltar hafa sýnt miklar framfarir að undanförnu en blaðamaður Víkurfrétta settist á sund-
laugarbakkann og spjallaði við piltana um lífið í lauginni.
Myndirnar frá Nettó-
mótinu eru á vf.is