Ægir - 01.04.2004, Blaðsíða 30

30
L Í F E Y R I S M Á L
við að innleysa hagnað, ef þannig
aðstæður skapast. Þó svo að við
séum langtímafjárfestar, þá nýt-
um við að sjálfsögðu tækfæri sem
gefast til þess að innleysa hagnað.
Við viljum eiga hlutabréf í stór-
um félögum sem eru í úrvalsvísi-
tölu Kauphallarinnar auk nokk-
urra annarra félaga.“
Árni segir engar kvaðir á Líf-
eyrissjóði sjómanna um að eiga
hluti í skráðum sjávarútvegsfyrir-
tækjum.
Háar örorkulífeyrisgreiðslur
Athyglisvert er að örorkulífeyris-
greiðslur eru hlutfallslega háar
hjá Lífeyrissjóði sjómanna. „Það
veldur okkur nokkrum áhyggjum
að þetta hlutfall hefur verið nær
óbreytt í mörg ár og virðist ekki
vera að lækka. Margir kynnu að
halda að ástæðan fyrir þessu sé há
slysatíðni út á sjó, en svo er ekki.
Stærstu flokkarnir að baki ör-
orkugreiðslum hjá Lífeyrissjóði
sjómanna eru, eins og hjá öðrum
lífeyrissjóðum, stoðkerfisvanda-
mál, t.d. slit í baki, og geðraskan-
ir. Hjá Landssamtökum lífeyris-
sjóða hefur verið til skoðunar að
undanförnu hvaða skýringar
kunna að liggja þarna að baki og
hvernig unnt væri að bæta úr
þessu. Landssamtökin hafa rætt
þessi mál við tryggingalækna,
Tryggingastofnun, endurhæfing-
arlækna og fleiri. Málið er því í
nokkuð ítarlegri umræðu hjá líf-
eyrissjóðunum og reyndar líka úti
í þjóðfélaginu. Ég á von á því að
ýmis mál sem þessu tengjast, eins
og til dæmis fjölþætt endurhæf-
ing, verði mikið í brennidepli á
næstunni.“
Séreignarsparnaður
er góður kostur
Innan Lífeyrissjóðs sjómanna er
séreignardeild. Árni segist ekki
hafa um það upplýsingar hversu
stór hluti sjómanna greiðir í sér-
eignarsparnað, en telur að of
margir nýti sér ekki þetta sparn-
aðarform. „Ég hvet sjómenn ein-
dregið til þess að greiða í sér-
eignasjóð, enda er hér um hag-
stætt sparnaðarform að ræða,“
segir Árni. Rétt er að hafa í huga
að menn geta byrjað að taka út
séreignarsparnað við 60 ára aldur,
en hægt er að taka út allan sér-
eignarsparnaðinn þegar 67 ára
aldri er náð.
Átta manna stjórn
Í stjórn Lífeyrissjóðs sjómanna
eru átta fulltrúar, fjórir þeirra eru
tilnefndir af sjómönnum, en fjórir
af atvinnurekendum. Stjórn er
kjörin til þriggja ára í senn og
fulltrúar sjómanna og atvinnurek-
enda skiptast á að gegna stjórnar-
formennsku. Núverandi stjórnar-
formaður Lífeyrissjóðs sjómanna
er Höskuldur Ólafsson, fulltrúi
Samtaka atvinnulífsins. Með hon-
um í stjórn eru Árni Bjarnason,
fulltrúi Farmanna- og fiski-
mannasambandsins, Ásgeir Valdi-
marsson, fulltrúi Samtaka at-
vinnulífsins, Friðrik J. Arngríms-
son og Gunnar I. Hafsteinsson,
fulltrúar Landssambands íslenskra
útvegsmanna, Helgi Laxdal, full-
trúi Vélstjórafélags Íslands, Jónas
Garðarsson, fulltrúi Sjómanna-
sambands Íslands og Konráð Al-
freðsson, fulltrúi Alþýðusam-
bands Íslands.
Kerfi sem aðrar
þjóðir öfunda okkur af
Árni Guðmundsson telur að í
samanburði við lífeyriskerfi víða
erlendis standi Íslendingar sig
mjög vel. „Við erum með kerfi
sem ég fullyrði að margir öfunda
okkur af. Víða erlendis, þar sem
eru svokölluð gegnumstreymis-
kerfi og alltaf færri og færri vinn-
andi hendur sem standa undir líf-
eyrisgreiðslum, eru menn að
glíma við risavaxin vandamál.
Margir öfunda okkur Íslendinga
af þeirri forsjálni að hafa tekið
upp það kerfi fyrir 35 árum að
safna í sjóði og þurfa ekki að
treysta á komandi kynslóðir að
standa undir eftirlaunagreiðslun-
um,“ segir Árni Guðmundsson.
Rán HF-42 á miðunum. Mynd: Björn Valur Gíslason.