Ægir - 01.08.2006, Side 23

23
Æ G I S V I Ð T A L I Ð
stendur í misjöfnum veðrum dag eftir dag..“ Það fer ekki fram-
hjá nokkrum manni að stutt er í húmorinn, sem hlýtur að vera
mikils virði fyrir mann eins og Óla Hjálmar, sem hefur glímt
við Ægi frá blautu barnsbeini.
Sjórinn gleypti fyrsta veiðarfærið
Óli Hjálmar er Grímseyingur í húð og hár og hefur meira og
minna alið allan sinn aldur þar. Snemma beygðist krókurinn,
ekkert annað kom til greina en að fara á sjóinn ungur að árum.
Þá eins og nú snérist vitanlega allt mannlíf í Grímsey um sjó-
sókn. Gjöful fiskimið allt í kringum eyna voru og eru enn þann
dag í dag matarkista Grímseyinga. „Blessaður vertu, það þætti
skrítið nú til dags ef krökkum væri hleypt sjö ára gömlum á
sjó, en þannig var það í þá daga. Við vorum tveir sjö ára gutt-
arnir, ég og Helgi Sigfússon, sem fengum lánaðan bát hjá afa
Helga og hófum útgerð! Ég gleymi því aldrei að pabbi, Óli
Bjarnason, bjó út fyrir mig þessa líka fínu sökku með tveimur
önglum og ég fór hróðugur með þetta veiðarfæri í fyrsta róður-
inn austur fyrir ey. Mér var svo brátt að fara að fiska að ég
kastaði sökkunni út án þess að binda hana í færið! Við vorum
lengi að reyna að krækja í sökkuna, en það tókst aldrei. Þessi
fyrsti róður varð því ekki til fjár og pabbi hafði á orði að fall
væri fararheill. Mér var létt að hann skyldi taka þessu svona vel
því ég átti allt eins von á því að hann myndi hundskamma mig
fyrir gáleysið.
Það þótti sem sagt ekki tiltökumál þótt tveir svona ungir
pollar væru að róa til fiskjar og ég man eftir að stundum vor-
um við að fiska ágætlega, komum með 2-300 kg eftir róðurinn.
Við fengum ströng fyrirmæli um að út fyrir ákveðna línu mætt-
um við aldrei fara og með okkur var vel fylgst úr landi.“
Löngunin til
að veiða er
lykilatriði
– segir aflaklóin Óli Hjálmar Ólason í Grímsey, sem hefur nú hætt
á sjónum eftir meira en sex áratuga sjómennsku
„Ég vona sannarlega að þrátt fyrir að þessi kvóti fari úr eynni gangi þetta vel hjá
þeim og ég er bjartsýnn á framtíð Grímseyjar. Ungt fólk hefur sest þar að og ungir
menn farið í útgerð.“
Bankarnir breiddu út
faðminn og sögðu okkur
að við skyldum bara
kaupa eins mikið af
kvóta og við gætum
aegirsept2006 10/11/06 2:54 PM Page 23