Ægir - 01.08.2006, Page 38
38
N O R R Æ N T S A M S T A R F
NORA - Norræna Atlantsnefndin:
Styrkir verkefni á sviði auðlinda sjávar
NORA er skammstöfun fyrir
Norrænu Atlantsnefndina, eða
Nordisk Atlantssamarbejde,
og er samstarfsvettvangur Ís-
lands, Færeyja, Grænlands og
Norður- og Vestur-Noregs.
NORA heyrir undir Norrænu
ráðherranefndina og er hluti
af norrænu samstarfi á sviði
byggðamála og svæðasam-
vinnu og hefur starfað frá ár-
inu 1996. Höfuðskrifstofan er
staðsett í Þórshöfn í Færeyj-
um. Á Íslandi er tengiliðurinn
hjá Byggðastofnun.
Segja má að starfsemi
NORA snúist um verkefna-
samstarf og að styrkja sam-
starfsverkefni aðildarlandanna
sem tengjast þróun atvinnu-
lífs, nýsköpun og rannsókn-
um. Markmiðið með starfi
NORA er að hvetja til og efla
samvinnu innan svæðisins, að
koma á samstarfi við aðra
sem vinna að svipuðum verk-
efnum, að miðla þekkingu og
reynslu milli landanna og að
stuðla að rannsóknum og
þróun.
Norræna ráðherranefndin
fjármagnar NORA að stærst-
um hluta og fram að þessu
hefur einnig komið framlag
frá Lánasjóði Vestur-Norður-
landa. Nú verður breyting þar
á og frá og með árinu 2007
leggja aðildarþjóðirnar sjálfar
fram fjármagn að svipaðri
fjárhæð og áður kom frá
Lánasjóðnum.
Styrkir veittir tvisvar á ári
Verkefnastyrkir NORA hafa
fram til þessa verið veittir
einu sinni á ári, að vori. Nú
er sú breyting gerð að úthlut-
að verður tvisvar á ári, að
vori og hausti og er fyrsti
haustumsóknarfrestur þann
25. október n.k. Heildarpott-
urinn að þessu sinni er þó
ekki jafn hár og s.l. vor.
Styrkfjárhæðir til einstakra
verkefna geta numið frá 50
þúsund dkr. og að 500 þús-
und dkr. árlega og er miðað
við að styrkur nemi ekki yfir
50% af heildarkostnaði verk-
efnis. Styrkir eru veittir til
eins árs í senn og hvert verk-
efni fær að hámarki styrk í
þrjú ár. Miðað er við að verk-
efnin séu í samstarfi a.m.k.
tveggja aðildarþjóða og er
hægt að veita styrki til fyrir-
tækja og/eða stofnana. Verk-
efnin skulu hafa nýsköpunar-
gildi, tengjast atvinnuþróun
og stuðla að miðlun þekking-
ar, sbr. markmiðin hér að
ofan.
Fjögur svið
NORA tekur mið af fjórum
sviðum við úthlutun styrkja,
en stundum er einnig lögð
áhersla á ákveðið þema.
Þessi fjögur meginsvið eru:
- Auðlindir sjávar; að verk-
efnin stuðli á sjálfbæran
hátt að fullnýtingu auð-
linda, aukaafurða, eldi
og framleiðslu á sjávaraf-
urðum og tengdra greina
og að þróun framleiðslu-
aðferða og búnaðar
- Ferðaþjónusta; verkefni
sem stuðla að sjálfbærri
þróun náttúru- og menn-
ingartengdrar ferðaþjón-
ustu
- Upplýsingatækni; verk-
efni sem stuðla að hag-
nýtingu upplýsingatækni
og þróun hugbúnaðar-
lausna til eflingar at-
vinnulífs
- Annað samstarf; verkefni
sem efla fámenn byggð-
arlög
Nokkur íslensk verkefni
Þátttaka Íslendinga í verkefn-
um styrktum af NORA hefur
verið mjög góð, en Íslending-
ar hafa tekið þátt í u.þ.b. 50
verkefnum á árunum 2000-
2006, eða að jafnaði um 70-
90% heildarfjölda verkefna
sem styrkt eru. Árangur af
verkefnunum er góður þegar
horft er til þekkingarmiðlun-
ar, rannsókna, markaðssókn-
ar og samstarfs milli land-
anna. Af íslenskum verkefn-
um sem styrkt hafa verið má
nefna verkefni MarOrku sem
nefnist Bætt orku- og efn-
isnýting í skipum, en það
miðar að þróun orkustýring-
arkerfis um borð í skipum.
Samstarfsaðilar voru frá öllum
NORA-löndunum. Verkefni
um þróun nýrra aðferða við
kræklingaeldi var unnið í
samstarfi við Norðmenn, en
fyrirtækið Breið og Veiði-
málastofnun voru íslensku
þátttakendurnir. Þá má nefna
þróun á rafrænni afladagbók
í samvinnu við Færeyinga, en
Sjávarútvegsstofnun HÍ og
Radiomiðun tóku þátt í því
verkefni af Íslands hálfu.
Hægt væri að telja upp mun
fleiri verkefni á sviði sjávarút-
vegs, en einnig hafa verið
styrkt verkefni úr öðrum geir-
um, t.d. ferðaþjónustu.
NORA tekur mið af fjórum sviðum við úthlutun styrkja. Þessi fjögur meginsvið eru: Auðlindir sjávar; að verkefnin stuðli á sjálf-
bæran hátt að fullnýtingu auðlinda, aukaafurða, eldi og framleiðslu á sjávarafurðum og tengdra greina og að þróun fram-
leiðsluaðferða og búnaðar.
aegirsept2006 10/11/06 2:55 PM Page 38