Fjarðarpósturinn - 13.05.2015, Blaðsíða 2

2 www.fjardarposturinn.is FJARÐARPÓSTURINN | MIÐVIKUDAGUR 13. MAÍ 2015
Foreldrar ungra barna í
Hafnarfirði eru óánægðir. Þeir
eru óhressir með það hversu
seint þeir fá pláss fyrir börn sín á
leikskóla. Þeir eru líka óhressir
með það hvað bæjaryfirvöld gefa
loðin svör.
Það er pólitísk ákvörðun hvort taka eigi börn inn á
ákveðnum aldri eða ekki. Enginn á að velkjast í vafa
um það enda eiga pólitískar stefnur að vera skýrar.
Hins vegar er verra ef stjórnmálamenn gefa loðin
svör. Loðin svör benda til vandræða, annað hvort að
ákvörðun hefur ekki verið tekin eða það að menn sjá
að sú ákvörðun sem tekin er fellur ekki í góðan
jarðveg. Bæjarfulltrúar eru kosnir af bæjarbúum til að
stjórna bænum – til að taka ákvarðanir. Stjórnmála­
maður sem á erfitt með að taka ákvarðanir er í raun
enginn stjórnmálamaður. Í síðustu viku héldu foreldrar
ungra barna í Hafnarfirði fund þar sem bæjarfulltrúum
var boðið að koma og skýra mál sitt.
Ef einhver þeirra hefur haldið að svona fundur væri
eins og kurteisislegur framboðsfundur þá fór sá villu
vegar. Foreldrarnir létu ekki bjóða sér eitthvað
froðusnakk og óljós svör. Þeir létu í sér heyra, ekki síst
við formann fræðsluráðs sem átti í vök að verjast á
fundinum. Foreldrarnir voru einfaldlega ekki sáttir við
svör formannsins og létu það óspart í ljós. Það er
kannski ekki sú draumastaða að komast í meirihluta
sem minnihlutafólk hefur séð fyrir sér – ekki síst
þegar samstaða í bæjarstjórn er lítil sem engin.
Deilt var um það hvort hagkvæmt væri að nýta ekki
þau rými sem til væru á leikskólum bæjarins, þrátt
fyrir lokun Bjarma. Þau rými vilja foreldrar að séu
nýtt og telja dýrt að nýta þau ekki. Fasti kostnaðurinn
sé sá sami og viðbótar breytilegur kostnaður lítill.
Hins vegar koma tekjur með hverju barni sem bætist
við. Reyndar var skondið að heyra það á þessum fundi
að það fyrirkomulag sem var á síðasta kjörtímabili var
gagnrýnt af núverandi meirihluta. Fulltrúi hins sama
meirihluta sagði samt að unnið væri að koma á því
formi sem hefði verið undanfarin ár!
Vandræðagangurinn er jafn mikill á hinum endanum
þar sem engar framkvæmdir eru hafnar við byggingu
nýs hjúkrunarheimilis sem fyrir löngu átti að vera
risið. Nú er verið að skoða aðra möguleika! Þarna er
aftur komið að ákvarðanatökufælni. Það geta margar
leiðir verið ámóta hagkvæmar – það verður hins vegar
að velja eina. Það getur bæjarstjórn Hafnarfjarðar
greinilega ekki gert og því er löng bið í að aldraðir
íbúar Hafnarfjarðar fái að njóta þess að dvelja síðustu
ævidagana í glæsilegu hjúkrunarheimili.
Guðni Gíslason ritstjóri.
leiðarinn
Útgefandi: Keilir ehf. kt. 480307-0380
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf.
Ritstjóri: Guðni Gíslason
Ábyrgðarmaður: Steingrímur Guðjónsson.
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. • Dreifing: Íslandspóstur
ISSN 1670-4169 Vefútgáfa: ISSN 1670-4193
www.fjardarposturinn.is
www.facebook.com/fjardarposturinn
Sunnudagurinn 17. maí
Kvöldvaka kl. 20
Kynning á fermingarstarfi næsta vetrar.
Börn fædd árið 2002 og foreldrar/
forráðamenn velkomin.
Skráning í fermingarstarf næsta vetrar
fer fram í lok kvöldvökunnar.
Fylgist með okkur á www.frikirkja.is
35 ár
Stolt að þjóna ykkur
Útfararskreytingar
kransar, altarisvendir,
kistuskreytingar,
hjörtu
Bæjarhrauni 26
Opið til kl. 21 öll kvöld
Símar 555 0202 og 555 3848
www.blomabudin.is
Sunnudaginn 17. maí
Vorhátíð kl. 11
Hún hefst með
fjölskylduguðsþjónustu í kirkjunni.
Barnakór Ástjarnarkirkju syngur.
Hoppukastalar og pylsur á grillinu á eftir.
Öll börn úr barnadeildum kirkjunnar
eru sérstaklega velkomin.
www.astjarnarkirkja.is
Uppstigningardagur 14. maí
Sameiginleg guðsþjónusta
Hafnarfjarðar- og Víðistaðasókna
fyrir eldri borgara
verður uppstigningardag 14. maí kl. 14
í Hafnarfjarðarkirkju.
Sr. Þórhallur Heimisson predikar
Sr. Jón Helgi Þórarinsson, sr. Þórhildur Ólafs
og sr. Halldór Reynisson þjóna fyrir altari
Kirkjukór Stóru Kopperbergskirkju í Svíþjóð
og Gaflarakórinn syngja
Kristjana Þ. Ásgeirsdóttir stjórnar
Gaflarakórnum
Guðmundur Sigurðsson leikur á orgelið
Hátíðarkaffi og söngdagskrá
í Hásölum að guðsþjónustu lokinni
Rútuferð frá Víðistaðakirkju kl. 13:15
frá Hrafnistu kl. 13:25
frá Hjallabraut 33 kl. 13:35
og frá Sólvangi kl. 13:45.
Sunnudagurinn 17. maí
Guðsþjónusta kl. 11
Prestar kirkjunnar kynna fermingarstarf
næsta vetrar fyrir væntanlegum
fermingarbörnum og foreldrum.
Organisti kirkjunnar leiðir söng ásamt með
félögum úr Barbörukórnum.
www.hafnarfjardarkirkja.is.
Íslandsmót unglingaliða í
badminton fór fram í Íþróttahúsinu
við Strandgötu fyrir skömmu.
Keppt var í fjórum flokkum U11A,
U11B, U13 og U15. Sextán lið tóku
þátt í mótinu þar af fimm frá
Badmintonfélagi Hafnarfjarðar.
Best gekk hjá Hafnfirðingum í
U11A flokknum en þar sigraði lið
BH og var því krýnt Íslandsmeistari
að keppni lokinni. Í öðru sæti var
lið Samherja í Eyjafjarðarsveit og í
þriðja sæti var lið TBR. Í Íslands­
meistaraliði BH voru þau Gabríel
Ingi Helgason, Kristrún Ríkey
Ólafsdóttir, Úlfheiður Linnet og
Kristian Óskar Sveinbjörnsson.
Mótið um helgina var fyrsta
Íslandsmeistaramót unglingaliða í
badminton sem haldið hefur verið
og stóðu Badmintonfélag Hafnar­
fjarðar og Badmintonsamband
Íslands saman að mótshaldinu.
Liðakeppni í badminton er þekkt í
eldri flokkum hérlendis og einnig
keppa landslið Íslands reglulega í
slíkum mótum. Mótið þótti heppn­
ast vel og verður sennilega árlegur
viðburður hér eftir.
BH-unglingar Íslandsmeistarar
Gabríel Ingi, Kristrún Ríkey, Úlfheiður og Kristian Óskar.
Örugg – á meðan ævintýrapersónur sprella.
Lj
ós
m
.:
G
uð
ni
G
ís
la
so
n