Tímarit Máls og menningar - 01.10.1976, Page 47

Línudansinn
Það eru fjöldamörg atriði í ritum hans, sem vekja hjá mér spurningar.
Fyrst hef ég yfir smápóst úr „Tlön ..." og tvo úr Tom Castro1".
Allt meistaralega uppdregið en stílbrögðin hófsamleg. Með fáum dráttum
gerir hann grein fyrir þremur upphafsmyndum: „Faðir minn hafði tengst
honum (óþörf sögn) þeirri ensku vináttu, sem felst í því að fyrst er trúnað-
urinn útilokaður og síðan er hætt að ræðast við.“ Samtaka hlátur. „Hann
bjó yfir [átt við negrann Bogle] annarri eigind, sem viss þjóðfræðirit telja
fráleitt að fyrirfinnist hjá kynstofni hans: snilld." Hann brosir. „Það er
heldur óraunhæft, en dauði þessa franskmenntaða ungmennis, sem talaði
cnsku með undurfínum parísarhreim og vakti þá andúð, sem aðeins getur
sprottið upp úr jarðvegi franskra gáfna, þokka og menntatildurs, var sá
viðburður sem hafði djúp áhrif á örlög . . .“ Höfundur Rannsóknarréttar-
haldanna (1925) hlær hjartanlegan barnshlátur eins og setningin væri
höfð eftir öðrum. Ég tengi saman.
— Ég ætla að prófa hvað þér munið. Bókartitill minn er sá sami
og skáldið sendi Funes hinum minnuga.
— Hum . . .
— Er það bók Quicherats?
— Ó já, auðvitað. Gradus ad Parnassum et Thesaurus Poedquus Lingua
Latina. Hana á ég heima. Ég keypti hana í Genf.
— Ég ætla að fara eins að og þér með „Inglés de La Colorada“,
eða það sem e. t. v. hentar betur, að höfða til þeirrar ástríðunnar, sem
er einna blindust: föðurlandsástarinnar. Telur Borges sig vera Argen-
tínumann?
— Já, auðvitað er ég argentínskur. Ekki þar með sagt að ég sé alltaf
hreykinn af því. Stundum má heyra: „— Eruð þér Mexíkani? — Nei, ég er
Argentínumaður. — Hverju munar? — Ekki veit ég það, en ég finn að
ég er argentínskur en ekki mexíkanskur.“ Ég hef ekki ástæðu til að útskýra
þetta. Hvað greinir í sundur kaffi og te? Það veit ég ekki en finn muninn ...
— Ég hef áhyggjur af ástandinu í Argentínu. Þeir segja, að í
Buenos Aires sé vissara að hrista dauða skrokkana úr dagblaðinu áður
en lesturinn er hafinn. Það er talað um sex pólitísk morð að meðal-
tali á dag ...
249