Tímarit Máls og menningar - 01.10.1976, Qupperneq 81

eftir Davíð Stefánsson: Mamma er að
reyna að sofna. Höfundur er kornung-
ur, heilsuveill sagður. En lifi hann,
kemur eitthvað stærra eftir hann en
þetta, efni í „ekta“ lýrískt skáld. Hann
er sonur Stefáns alþingismanns í
Fagraskógi, ekki gáfumanns. En móðir
Davíðs er systir Olafs heitins Davíðs-
sonar — og sr. Valdimar Briem er
móðurbróðir hennar".
Þegar Sveinn Björnsson var orðinn
sendiherra í Danmörku 1920 skrifaði
Jón:
„Vel valið að minni hyggju, úr því
embættið var stofnað. Sveinn hefur
fjármáladugnað og kjark föður síns og
lipurleik Hallgríms biskups, móður-
bróður síns, og kurteisi. Hann var ein-
hver sá allra samvinnubesti maður, sem
ég var með á þingi, og hélt þó virðingu
sinni“.
Hér verður staðar numið með þessar
tilvitnanir, en víða mætti bera niður,
enda er þarna margt úrvalsfólk.
Baldur Sveinsson skrifaði Stephani
G. í febrúar 1917:
„Sjá! Eg er með yður alla daga.
Þessi forn-fögru orð hafa hvarflað í
hug mér afar oft alla þá stund síðan ég
skrifaði þér síðast, en síðan er nú æva-
langt. Mér hafa komið þau í hug nærri
í hvert sinn, sem ég hef hugsað um
þig, — en til þín hef ég hugsað nær
daglega, held ég mér sé óhætt að segja,
ef ekki á hverjum degi, og margoft er
ég með þér tímunum saman. Skal ég nú
að presta sið, „hugleiða þau orð, er vér
höfum í dag valið oss til að leggja út
af“.
„Sjá! Eg er með yður alla daga". Það
er ekki ég, sem segi þetta við þig, held-
ur læt ég þig segja það við mig, og alla
þína vini og afkomendur alna og
óborna. Því að þetta er ykkar göfuga
Umsagnir um bcekur
fyrirheit skáldanna, að þið fáið að lifa
„alla daga“ og vera með „oss“ hinum
þögulu áheyrendum, sem fæddumst með
bundna tungu. En minn skerf vil ég
eiga af þeirri samveru, og ekki get ég
kosið niðjum mínum annað betra í and-
legum efnum en að þeir „gangi á veg-
um“ þín“.
Þetta verður varla betur sagt og því
eru þessi orð tekin upp hér í stað þess
að reyna að segja hið sama frá eigin
brjósti. En mörgum hefur orðið það
notadrjúgt að hafa skáldin með sér eins
og hér er lýst.
Með útgáfu þessara bréfa hefur
Þjóðvinafélagið lokið skilum sínum við
Stephan G. svo að íslendingar mega vel
við una. Þessi bréf munu auðvelda
mönnum kynnin við Stephan G., gera
þau nánari og betri og mun flestum
þykja því vænna um hann sem þeir
kynnast honum betur. Meðan þau
kynni haldast mun það eiga við sem
Jakobína Johnson kvað að Stephani
látnum:
Þú munt til vor tala,
táþmikill og vitur,
þegar önn og angur
um vorn huga situr.
Þessar bréfabækur auka líkurnar á,
að fleiri leiti þeirrar hugbótar og hafi
hennar fyllri not og nautn
Halldór Kristjánsson.
YRKJUR
Margt í kveðskap Þorsteins Valdimars-
sonar er þvílíkur mál- og myndvefnað-
ur, að merking kvæðanna liggur ekki
í augum uppi við fyrsta lestur. Þetta
fer í taugarnar á sumum lesendum
hans, sem finnst lítið um merg, þegar
283