Morgunblaðið - 29.12.2014, Blaðsíða 7

ÍÞRÓTTIR 7
MORGUNBLAÐIÐ MÁNUDAGUR 29. DESEMBER 2014
VERTU GLÆSILEG
UM ÁRAMÓTIN
Pantaðu á curvy.is eða
kíktu við í verslun okkar að Fákafeni 9
Í STRANDGÖTU
Skúli Unnar Sveinsson
skuli@mbl.is
Fram varð í gær deildabikarmeist-
ari kvenna í handknattleik þegar
liðið lagði Stjörnuna 25:20 í úr-
slitaleik í Íþróttahúsinu við
Strandgötu í Hafnarfirði. Staðan í
leikhléi var 14:9 fyrir Framara.
Þetta er í tíunda sinn sem mót
þetta fer fram og hafði Stjarnan
sigrað þrívegis og Fram tvisvar
þannig að nú standa liðin jöfn í
þessari keppni, en Valur hefur
sigrað fjórum sinnum.
Stjörnustúlkur byrjuðu betur í
gær og komust í 1:3 en þá lokuðu
Framstúlkur vörninni gjörsamlega
og fyrir aftan vörnina var Nadia
Ayelen Bordon í stuði í markinu
og varði 16 skot. Stalla hennar í
hinu markinu, Florentina Stanciu,
stóð henni ekki að baki og varði
einnig 16 skot en þær áttu báðar
flottan leik í gær.
Fram skellti í lás
Eftir að Fram skellti í lás gekk
hvorki né rak hjá Stjörnunni sem
skoraði ekki mark í tæpar tólf
mínútur og slíkt gengur ekki í úr-
slitaleik enda nýttu Framarar sér
það vel og gerðu á þessum tíma
sjö mörk, staðan orðin 8:3 þegar
fyrri hálfleikur var hálfnaður.
Jafnræði var síðan með liðunum
fram í hálfleik en þá var staðan
14:9.
Þessi munur hélst meira og
minna út leikinn og jókst reyndar
ef eitthvað var. Fram var komið
með níu marka forystu þegar
fimm mínútur voru til leiksloka, en
Stjarnan gerði síðustu fjögur
mörkin og lagaði stöðuna aðeins.
Stjörnustúlkur mættu einfald-
lega ofjörlum sínum á Strandgöt-
unni að þessu sinni. Vörnin hjá
Fram var gríðarlega sterk á
löngum köflum í leiknum og í
sókninni flaut boltinn vel enda er
Sigurbjörg Jóhannsdóttir snjall
leikstjórnandi.
Flottur leikur Ástu Birnu
Ásta Birna Gunnarsdóttir, sem
var kosin besti leikmaðurinn í úr-
slitaleiknum, átti flottan leik sem
og Elísabet Gunnarsdóttir. Þegar
Stjarnan reyndi að setja mann út
til að trufla skyttur Fram opnaðist
pláss á línunni fyrir hana og það
nýtti Fram sér vel. Alltaf þegar
hún fær knöttinn á línunni er stór-
hætta. Hún er svo sterk að leik-
menn Stjörnunnar réðu ekkert við
hana, hún skoraði, eða fékk víta-
kast og oftar en ekki var leik-
maður Stjörnunnar rekinn af velli.
Fleiri leikmenn Fram má nefna
því Steinunn Björnsdóttir átti
flottan leik, var sérlega sterk í
vörninni og eins átti Hulda Dags-
dóttir flotta spretti.
Hjá Stjörnunni var Þórhildur
Gunnarsdóttir sterk allan leikinn
en aðrir leikmenn áttu ágætis kafla
en gerðu þess á milli mörg mistök.
Spenna í undanúrslitunum
Í undanúrslitunum sem leikin
voru á laugardaginn vann Stjarnan
lið Gróttu 26:25 eftir að hafa verið
9:13 undir í hálfleik. Sólveig Lára
Kjærnested var markahæst hjá
Stjörnunni með 7 mörk, Helena
Rut Örvarsdóttir gerði 6 og Hanna
G. Stefánsdóttir 5. Hjá Gróttu var
Laufey Ásta Guðmundsdóttir með
10 mörk og Karólína Bærhenz
Lárudóttir fimm.
Í hinum leiknum vann Fram
fremur auðveldan 34:28 marka sig-
ur á ÍBV en staðan í hálfleik var
19:15. Ásta Birna Gunnarsdóttir og
Hulda Dagsdóttir gerðu 6 mörk
hvor fyrir Fram og Ester Ósk-
arsdóttir gerði 12 mörk fyrir ÍBV
og Díana Dögg Magnúsdóttir
fimm.
Laufléttir Framarar
 Fram vann Stjörnuna í úrslitaleik deildabikars kvenna  Fram og Stjarnan
hafa bæði sigrað þrívegis  Varnarleikur Framara gerði gæfumuninn
Morgunblaðið/Styrmir Kári
Meistarar Sigurbjörg Jóhannsdóttir og Ásta Birna Gunnarsdóttir hefja deildabikarinn á loft í Strandgötunni í gær.
Ég var svo heppinn þegar ég
mætti í vinnuna í gær að vera
sendur í Íþróttahúsið við Strand-
götu í Hafnarfirði til að fylgjast
með úrslitaleikjunum í deildabik-
arkeppni kvenna og karla í hand-
knattleik. Ég segi heppinn vegna
þess að leikirnir voru báðir hin
besta skemmtun, ekki síst karla-
leikurinn og skemmti ég mér
konunglega að horfa á þá og sá
mest eftir því að hafa ekki líka
kíkt inn á laugardaginn.
Eins var mjög gaman að
koma á Strandgötuna því það
eru orðin nokkur árin síðan mað-
ur hefur komið þar. Hér á árum
áður var maður hins vegar fasta-
gestur í þessu ágæta íþrótta-
húsi, bæði til að skrifa um hand-
bolta og körfubolta, en á sínum
tíma var leikið mjög mikið þarna.
Og eins fór maður ófáar ferð-
irnar til að dæma í körfunni þar.
Á þessum árum var alltaf
tekið vel á móti manni á Strand-
götunni, heitt á könnunni hjá
húsverðinum og aldrei nein
vandamál. Ég sá að það er búið
að skipta um húsvörð, en við-
mótið og þægilegt andrúmsloft
hússins er enn til staðar.
Um helgina var leikið í
deildabikarnum tíunda árið í röð
og hefur alltaf verið leikið í
þessu ágæta íþróttahúsi við
Strandgötuna. Einar Þorvarð-
arson, framkvæmdastjóri Hand-
knattleikssambandsins, sagði að
á sínum tíma hefði verið ákveðið
að spila þarna vegna þess að
húsið átti mikla handboltasögu
og andinn þar væri svo góður.
Það var virkilega vel til fundið hjá
Handknattleikssambandinu að
láta spila deildabikarinn á
Strandgötunni og eins að halda
sig við það hús þó svo að nýrri,
stærri og (sumir segja ) flottari
hús séu til og sumir viti varla
lengur hvar Íþróttahúsið við
Strandgötu er.
BAKVÖRÐUR
Skúli Unnar
Sveinsson
skuli@mbl.is
Strandgata, deildabikar kvenna, úr-
slitaleikur, sunnudaginn 28. desem-
ber 2014.
Gangur leiksins: 1:3, 8:3, 9:6, 10:8,
14:9, 15:12, 18:13, 21:16, 25:20.
Mörk Fram: Ásta Birna Gunn-
arsdóttir 7, Elísabet Gunnarsdóttir
7, Sigurbjörg Jóhannsdóttir 4/1,
Steinunn Björnsdóttir 3, Hulda
Dagsdóttir 3, Hekla Rún Ámunda-
dóttir 1.
Varin skot: Nadia Ayelen Bordon
16, Hafdís Lilja Torfadóttir 1.
Utan vallar: 6 mínútur
Mörk Stjörnunnar: Þórhildur Gunn-
arsdóttir 7/2, Sólveig Lára Kjærne-
sted 3, Guðrún Erla Bjarnadóttir 2,
Helena Rut Örvarsdóttir 2, Hanna
Guðrún Stefánsdóttir 2, Sandra Sif
Sigurjónsdóttir 1, Nataly Sæunn
Valencia 1, Tinna Laxdal 1, Esther
Viktoría Ragnarsdóttir 1.
Varin skot: Florentina Stanciu 16,
Ástríður Þóra Scheving 1.
Utan vallar: 8 mínútur.
Dómarar: Gísli Jóhannsson og Haf-
steinn Ingibergsson.
Áhorfendur: Um 250.
Fram – Stjarnan 25:20