Ský - 01.12.2009, Page 19
4. tbl. 2009 SKÝ 19
fyrir fjörutíu árum var vestrinn True Grit með John Wayne í aðalhlutverki vinsæl kvikmynd. Wayne hafði þá verið í eldlínunni í fjörutíu ár, var kominn á
sjötugsaldur og mesti glansinn farinn af honum. Í hlutverki
drykkjuboltans Rooster Cogburns, sem einnig var laganna
vörður, þótti John Wayne sýna sínar bestu hliðar og fékk
óskarinn sem besti leikari í aðalhlutverki, verðlaun sem
margir vildu meina að hafi verið meiri viðurkenning fyrir
langan og farsælan feril heldur en leikafrek. Meðal annarra
leikara sem voru tilnefndir með Wayne voru Dustin Hoff-
man og Jon Voight fyrir Midnight Cowboy.
Framhaldsmynd fyrir sjónvarp var gerð, True Grit: A
Further Adventure (1978) og var karakterleikarinn Warren
Oates í hlutverki Cogburns. Nú er komið að þriðju útgáf-
unni því bræðurnir Ethan og Joel Coen hafa gefið út þá
yfirlýsingu að þeir ætli að endurgera True Grit og hafa
fengið Jeff Bridges til að feta í fótspor John Waynes.
Þessi ákvörðun bræðranna hefur vakið almenna ánægju
hjá aðdáendum þeirra, ekki síst fyrir það að Jeff Bridges
hefur ekki leikið undir þeirra stjórn síðan hann lék lúðann
„The Dude“ í The Big Lebowski.
True Grit er gerð eftir samnefndri skáldsögu þar sem
aðalpersónan er 14 ára stúlka sem leitar að morðingja
föður síns með aðstoð tveggja kúreka. Í mynd John
Waynes var sögunni breytt á þann veg að hlutur Waynes
var stækkaður á kostnað stúlkunnar. Coenbræður ætla
að breyta þeirri tilhögun og gera stúlkuna að sögumanni
eins og í bókinni. Ekki er ljóst hver mun leika stúlkuna en
talið er líklegt að Matt Damon og Josh Brolin leiki einnig í
myndinni sem fer í framleiðslu á næsta ári. SKÝ
Í byrjun desember var frumsýnd í Bandaríkjunum Every-body’s Fine með Robert De Niro í aðalhlutverki. Leikur hann ekkil sem hefur ekki haft samband við börn sín
eftir að eiginkona hans lést. Leggur hann í ferðalag til að
kynnast þeim betur. Helstu mótleikarar hans eru Drew
Barrymore, Kate Beckinsale og Sam Rockwell.
Þrjár kvikmyndir eru væntanlegar á næsta ári með De
Niro og virðist hann óstöðvandi um þessar mundir og
er bókaður í hlutverk næstu tvö til þrjú árin. Myndirnar
á næsta ári eru sakamálamyndin Stone þar sem hann
fær verðugan mótleikara, Edward Norton, Machete,
sem fjallar um ólöglegan innflutning á fólki frá Mexíkó til
Bandaríkjanna. Ekki er De Niro í aðalhlutverki í þeirri mynd,
í titilhlutverkinu er Danny Trejo, þekktur karakterleikari
sem margir kannast við andlitið á en ekki nafnið. Robert
Rodriguez leikstýrir. Þá verður seint á árinu frumsýnd
þriðja kvikmyndin um Fockers fjölskylduna, Little Fockers
þar sem helstu mótleikarar hans eru sem fyrr Ben Stiller
og Dustin Hoffman.
Hvað varðar framtíðina þá hefur Robert De Niro tekið
að sér að leika hlutverk í stórmyndinni Thor sem verður
víst mikið sjónarspil ef marka má fréttir af gerð hennar.
Street of Dreams er kvikmynd sem verið er að undirbúa,
þar sem De Niro og Andy Garcia leika mafíuforingja.
Önnur sakamálamynd er Frankie Machine, sem Michael
Mann leikstýrir. Í henni er De Niro í hlutverki fyrrum
atvinnumorðingja og annan atvinnumorðingja leikur hann
I Heard You Paint Houses, sem byggð er á ævi Frank
“The Irishman” Sheerans, sem meðal annars er talinn
hafa drepið Jimmy Hoffa. Martin Scorsese mun leikstýra
þeirri mynd og verður hún sú tíunda sem þeir gera saman.
Þess má svo geta að Robert De Niro, Al Pacino og Val
Kilmer töluðu inn á myndbandaleikinn Heat á þessu ári
sem gerður er eftir samnefndri kvikmynd sem gerð var
1995 og þeir léku allir í. SKÝ
Coenbræður
endurgera
True Grit
K v i K M y n d i r
Jeff Bridges í hlut-
verki „The dude“ í
The Big Lebowski.
robert de niro
í hlutverki sínu í
everybody’s Fine,
sem frumsýnd
var í desember.
Með honum
á myndinni er
drew Barrymore.
Óstöðvandi
Robert De Niro