Fréttabréf Siglfirðingafélagsins í Reykjavík og nágrenni - 01.04.2014, Blaðsíða 2
2
Ágætu félagar. Í kringum afmæli
Siglufjarðar, í maí ár hvert, hittast
Siglfirðingar í Grafarvogskirkju í
messu og svo kaffi á eftir. Engin
undantekning er á þessu þetta vorið
og er stefnt í Grafarvogskirkju
sunnudaginn 25. maí. Að venju eru
allir félagsmenn hvattir til að sýna
samstöðu og koma með köku með sér í kaffið. Undanfarin ár
hefur sú venja skapast að árgangar, þeir sem eiga stórafmæli
á árinu, hafa hjálpast að við að raða upp borðum og ganga
frá eftir samsætið. Í ár eru það árgangarnir 1954, 1964, 1974
og 1984.
Ákveðið var að flýta útgáfu vorblaðs félagsins vegna
mikillar skíðaveislu sem stefnt er að á Siglufirði og í Fljótum
um páskana. Von er á fjölda fólks og eru Siglfirðingar í óða
önn við undirbúning.
Sl. vetur var hefðbundinn hjá félaginu, aðalfundurinn
var í október, mynda- og upplestrarkvöld í nóvember og
jólaballið í desember. Pub-quiz kvöld var haldið í annað sinn
í byrjun mars. Tókst einstaklega vel til og mætti fjöldi ungra
Siglfirðinga, sem er ánægjulegt.
Siglfirðingar tóku þátt í Spurningakeppni átthagafélag-
anna og unnu í fyrstu atrennu. Undanúrslitin fóru svo fram
27. mars þar sem lið Siglfirðingafélagsins komst í fjögurra
liða úrslit. Úrslitakeppnin verður svo 4. apríl.
Allar uppákomur og skemmtanir félagsins þetta árið voru
ágætlega sóttar. Gleðilega páska - S. Jóna Hilmarsdóttir.
vinnslan@simnet.is
ÚTGEFANDI OG ÁBYRGÐ:
SIGLFIRÐINGAFÉLAGIÐ
RITSTJÓRI:
S. JÓNA HILMARSDÓTTIR
SIGLFIRÐINGABLAÐIÐ
FR
Á
R
IT
ST
JÓ
RA
Messa og kaffi
í Grafarvogskirkju
sunnudaginn 25. maí
Ræðumaður dagsins verður Björn Jónasson fyrrverandi sparisjóðsstjóri. Kirkjukór Siglufjarðarkirkju og
Kirkjukór Grafarvogskirkju syngja undir stjórn Hákons Leifssonar organista og kórstjóra.
Einsöngvari verður Hlöðver Sigurðsson. Sr. Vigfús Þór messar og honum til aðstoðar verður
djákninn og Siglfirðingurinn Hólmfríður Ólafsdóttir.
Kirkjukór Siglufjarðarkirkju.
Hólmfríður
Ólafsdóttir.
Sr. Vigfús Þór
Árnason.
Björn
Jónasson.
Hlöðver
Sigurðsson.
FRÉTTABLAÐ SIGLFIRÐINGAFÉLAGSINS