Dagblaðið Vísir - DV - 06.05.2009, Blaðsíða 12
Miðvikudagur 6. Maí 200912 Fréttir
Frönsk óeirðalög-
regla tókst á við
fangaverði
Franska óeirðalögreglan tókst
á við fangaverði fyrir utan tvö
stærstu fangelsi Frakklands í
gær. Fangaverðir mótmæltu yfir-
fylltum fangelsum og fámenntu
starfsliði í fangelsum landsins.
Lögreglan beitti táragasi og
öðrum meðulum gegn nokkrum
tylftum varða sem nýttu hjól-
barða og ýmislegt annað til að
loka innganginum í Fleury Mér-
ongis, stærsta fangelsi Evrópu, í
suðvesturjaðri Parísar.
Uppákoman mun hafa verið
ein sú mikilfenglegasta í öldu
aðgerða sem hófust á mánudag-
inn í 80 af 194 fangelsum Frakk-
lands. Frakkland hefur iðulega
verið gagnrýnt af alþjóðlegum
samtökum vegna ófremdar-
ástands í fangelsum landsins.
Skipað að
reykja mikið
Yfirvöld í Gong’an-sýslu í Hu-
bei-héraði í Kína hafa skipað
embættismönnum sýslunnar
og kennurum að reykja hátt í
250.000 sígarettupakka á dag,
samtals, í von um að auka tekjur
sýslunnar. En þeir mega ekki
reykja hvaða tegund sem er því
sá böggull fylgir skammrifi að
tegundin verður að vera Hubei
sem framleidd er á svæðinu.
Þeir sem ekki standa sig í
reykingunum, eða verða staðnir
að því að púa sígarettutegundir
framleiddar í öðrum héruðum,
að ekki sé talað um útlendar
tegundir, eiga á hættu að verða
sektaðir eða jafnvel reknir.
Reykingar eru algengar í
Kína, en andstætt yfirvöldum í
Gong’an-sýslu hófu stjórnvöld
landsins nýlega að hvetja lands-
menn til að láta af þeim ósið.
Frakkar í fyrsta sæti í nýrri könnun OECD:
Meiri tími í svefn og át
Samkvæmt nýrri könnun eyða Frakk-
ar meiri tíma í svefn og að matast en
nokkur önnur þjóð, og finnst sum-
um að niðurstöðurnar undirstriki
það orðspor sem fer af Frökkum sem
værukærum sælkerum.
Frakkar sofa að meðaltali níu
klukkustundir á sólarhring, sem er
meira en klukkustund lengur en Jap-
anar og Kóreubúar gera að meðal-
tali, en þeir sofa skemmst samkvæmt
könnun sem gerð var á meðal átján
aðildarríkja Efnahags- og framfara-
stofnunarinnar, OECD.
Þrátt fyrir sína heimsþekktu „sí-
estu“ eru Spánverjar aðeins í þriðja
sæti í könnuninni, og koma á hæla
Bandaríkjamönnum, sem sofa leng-
ur en 8,5 klukkustundir.
Frakkar hafa ekki farið varhluta
af skyndibitamenningunni sem nú
ríkir og þó sífellt fleiri Frakkar grípi
með sér samloku eða viðlíka fæðu og
gleypi hana í sig við skrifborðið eyða
þeir engu að síður yfir tveimur tím-
um í að matast, að meðaltali, á dag.
Frakkar eyða því tvöfalt lengri
tíma í máltíðir en Spánverjar, sem
eyða rúmum klukkutíma á dag í mál-
tíðir að meðaltali, samkvæmt skýrslu
OECD, „Society at Glance“, um vinnu,
heilsu og frístundir í Asíu, Evrópu og
í Suður-Ameríku og Bandaríkjunum.
Hvað matarvenjur varðar eru Jap-
anar í þriðja sæti, þrátt fyrir naumt
skammtaðan svefn og langan tíma
sem fer í að koma sér til vinnu og
langan vinnudag. Japanar eyða ná-
lægt tveimur tímum í að matast á dag
að meðaltali og koma fast á hæla Ný-
sjálendingum. Stærstum hluta frí-
tíma síns, um 47 prósentum, kjósa
Japanar að eyða í sjónvarpsgláp eða
við viðtækið.
Ítalskir karlmenn hafa um 80
mínútum lengri frítíma en þarlendar
konur. „Þeim tíma verja ítalskar kon-
ur líklega við að þrífa húsið,“ segir í
yfirlýsingu frá OECD.
Setið að snæðingi Frakkar eru í fyrsta sæti hvað varðar svefn og matartíma.
Áfrýjun Roxönu
tekin fyrir
Í næstu viku verður tekin fyrir
áfrýjun bandarísk-íranska frétta-
mannsins Roxönu Saberi, sem
var dæmd til átta ára fangelsis-
vistar í Íran fyrir njósnir í síðasta
mánuði.
Að sögn föður Roxönu hef-
ur hún verið í hungurverkfalli
síðan dómur féll í máli hennar.
Byltingardómstóll landsins kvað
upp dóminn á bak við luktar dyr
í Tehran.
Íranskir embættismenn hafa
vísað fullyrðingu föður Roxönu
Saberi til föðurhúsanna og segja
hana við góða heilsu.
Barack Obama, forseti
Bandaríkjanna, hefur látið sig
málið varða og vísaði ákærum
um njósnir á hendur Roxönu á
bug. Hann sagði ákærurnar úr
lausu lofti gripnar og bað um að
henni yrði sleppt.
Þrettán ára var Thaddeus Jimenez dæmdur til fjörutíu og fimm ára fangelsisvistar
fyrir morð sem hann ekki framdi. Upptaka af játningu meints morðingja var ekki tekin
gild sem sönnunargagn. Sá sem nú er grunaður um morðið er nú í haldi lögreglunnar.
Fyrir meira en sextán árum var
Thaddeus Jimenez, þá þrettán ára,
handtekinn fyrir morð tengt götu-
gengjum í Chicago í Bandaríkj-
unum. Jimenez hélt fram sakleysi
sínu, en yfir honum var réttað sem
fullorðinn væri og að lokum var
hann dæmdur til fjörutíu og fimm
ára fangelsisvistar og sagði dómar-
inn að Jimenez væri „... lítill ræf-
ill, sennilega of ungur til að raka
sig, en nógu gamall til að fremja
grimmilegt morð.“
Á föstudaginn varð Thaddeus
Jimenez, nú þrítugur, að sögn lög-
fræðinga hans sennilega yngsta
manneskja í sögu Bandaríkjanna
til að vera ranglega sakfelld og síð-
an hreinsuð af sök eftir að Joseph
Claps, dómari við refsidómstól-
inn í Cook-sýslu, ógilti dóminn yfir
honum og Jimenez yfirgaf fangels-
ið frjáls maður.
Annar grunaður í haldi
Á föstudaginn handtók lögreglan
karlmann í Indiana og er sá grun-
aður um morðið sem Jimenez var
ranglega sakfelldur fyrir, en hann
hefur ekki verið formlega ákærður.
Tillagan um að ógilda dóminn
yfir Thaddeus Jimenez var lögð inn
af hálfu Celeste Stack, aðstoðar-
saksóknara Cook-sýslu, og lögfræð-
ingum Jimenez, Stuart Chanen og
Steve Drizin. Drizin er lögfræðing-
ur hjá samtökum sem taka að sér
mál þar sem grunur leikur á að fólk
hafi verið ranglega sakfellt.
Chanen, Drizin og nokkrir aðrir
lögfræðingar og rannsóknaraðilar
hafa unnið að máli Jimenez í nokk-
ur ár og lögfræðistofa Chanens
varði yfir 1.200 vinnustundum, án
þess að krefjast greiðslu, í að frelsa
Jimenez úr fangelsi.
Var í gengi
Morðið sem Thaddeus Jimenez var
dæmdur fyrir var framið 3. febrúar
1993, þegar Eric Morro, nítján ára,
var skotinn til bana þar sem hann
var á göngu ásamt fjórtán ára vini
sínum.
Að sögn yfirvalda birtust tveir
ungir strákar, tólf og fjórtán ára,
að baki Morro og vininum og eft-
ir stutt átök dró annar þeirra upp
skammbyssu og skaut Morro í
bringuna.
Sjónarvottur hafði samband við
lögregluna síðar þetta kvöld og bar
kennsl á Jimenez sem þann sem
skaut, og Jimenez var handtekinn.
Lögfræðingurinn Stuart Chan-
en sagði á sunnudaginn að á þeim
tíma hefðu verið sterkar vísbend-
ingar um að Juan Carlos Torres,
sem lögreglan handtók í Indíana,
væri morðinginn.
„Ég varð að skjóta hann“
Lögreglan fékk í hendurnar játn-
ingu frá þeim sem, að því er virðist,
skaut Morro, en játningin var tekin
upp á laun af föður tólf ára drengs-
ins sem var annar þeirra tveggja
sem lenti í átökum við Morro þetta
örlagaríka kvöld fyrir 16 árum.
Á upptökunni heyrist rödd
mannsins sem nú er í haldi lög-
reglunnar í Indíana: „Ég varð að
skjóta hann,“ og „Eftir að ég skaut
hann hljóp ég á brott.“ Á upptök-
unni lýsir hann einnig létti sínum
yfir því að lögreglan hefði þá þegar
„skellt skuldinni“ á Jimenez.
Játningin ógild
Jimenez var dæmdur í október
1994, en vegna galla við val á kvið-
dómurum þurfti að rétta aftur og
var hann því dæmdur aftur í nóv-
ember 1997, þá til 45 ára fangels-
isvistar.
Tólf ára drengurinn, sem rétt-
að var yfir í öðrum réttarhöldum,
bar í báðum réttarhöldunum að
sá sem skaut Morro hefði verið sá
sem nú er í haldi lögreglunnar, en
ekki Thaddeus Jimenez.
Kviðdómarar í hvorugum rétt-
arhöldunum fengu að heyra upp-
töku af áðurnefndri játningu þar
sem dómari í báðum réttarhöld-
unum úrskurðaði að hún væri
byggð á frásögn annars manns.
Engin áþreifanleg sönnunar-
gögn bendluðu Thaddeus Jimenez
við glæpinn.
Frelsinu feginn sagði Thaddeus
Jimenez, þegar hann gekk út í frels-
ið, að hann hefði lifað af fangelsis-
vistina fyrir tilstilli ástar og stuðn-
ings móður sinnar.
FRJÁLS EFTIR
16 ÁR Í FANGELSI
Kolbeinn þorSTeinSSon
blaðamaður skrifar: kolbeinn@dv.is
„... lítill ræfill, senni-
lega of ungur til að
raka sig, en nógu
gamall til að fremja
grimmilegt morð.“
Thaddeus Jimenez (t.v.), Steven
Drizin (t.h.) og Stuart Chanen (f.
aftan) Lögfræðingarnir gáfu ófáa
vinnutíma í baráttunni fyrir frelsi
Jimenez.
Jimenez með móður
sinni Þakkaði móður
sinni að hafa lifað af inn-
an veggja fangelsisins.