Dagblaðið Vísir - DV - 21.07.2009, Blaðsíða 6
6 þriðjudagur 21. júlí 2009 fréttir
Um helgina tóku að streyma um
2.600 bláklædd ungmenni til lands-
ins. Þetta er hluti af evrópsku skáta-
móti sem heitir Roverway. Mótið
er haldið á þriggja ára fresti og hef-
ur verið haldið tvisvar sinnum áður,
fyrst í Portúgal og núna síðast á Ít-
alíu. Bandalag íslenskra skáta stend-
ur fyrir mótinu hér á landi og hefur
staðið að undirbúningi þess frá ár-
inu 2007. Íslenskir þátttakendur eru
fimm hundruð talsins.
Fimmtíu þjóðir
Mótið hófst með stórri setningarat-
höfn á mánudagsmorgun fyrir fram-
an Háskóla Íslands þar sem hópur-
inn raðaði sér saman í risastóra ör.
„38 Evrópuþjóðir og 6 þjóðir utan
Evrópu taka þátt, auk gesta frá 6 öðr-
um löndum, einnig utan Evrópu,
sem koma sérstaklega til að kynna
starfsemi skáta í viðkomandi lönd-
um,“ segir Benjamín Axel Árnason,
formaður upplýsingaráðs skáta og
fjölmiðlafulltrúi Roverway.
Skoða landið
Eftir setningarathöfnina hélt allur
hópurinn af stað í alls konar leiðangra
um landið. Leiðangur á Hvannadals-
hnúk, menningarferð um Reykjavík,
ganga um Hornstrandir, ljósmynda,
kvikmyndatöku- og tónlistarleið-
angrar, klifurferð á Sveinstinda,
fjallaleiðangur á Heklu, hesta- og
menningarleiðangur um æskuslóð-
ir Halldórs Laxness, Vestmanna-
eyjaleiðangur, Mývatnsleiðangur og
Lazy Town-leiðangur eru dæmi um
það sem boðið er upp á fyrir erlendu
gestina.
Síðan munu allir hópast saman
aftur austur á Úlfljótsvatni. „Þar mun
rísa rúmlega 3.000 manna alþjóða-
þorp með fjölbreyttri dagskrá. Með-
al annars verður hægt að fara á tékk-
neskt tehús, taka þátt í vinnuhópum
um stjórnmál og njóta tónlistar eða
varðelda á kvöldin,“ segir Benjamín.
Helstu þemu Roverway-móts-
ins eru „opnaðu hugann og hjartað,
vertu opinn fyrir þrautum, menn-
ingu, sköpun og náttúrunni“.
Kynnast á Facebook
Tilgangur mótsins er að kynna
mismunandi menningarheima og
hefðir innan skátahreyfingarinn-
ar og einfaldlega að hafa gaman
af hvert öðru. „Þátttakendur hafa
undanfarna mánuði haft tæki-
færi til að kynnast samferðmönn-
um sínum á netinu, hver sveit setti
upp spjallsvæði á Facebook, þar
sem það lifir áfram eftir mótið og
þátttakendur geta haldið áfram að
hafa samskipti við félaga sína eftir
að móti lýkur,“ segir Benjamín, en
það er mikil ánægja meðal skipu-
leggjanda mótsins með þátttökuna
í ár.
maria@birtingur.is
Bandalag íslenskra skáta hefur nú boðið fólki frá 50 löndum á skátamót. Benjamín
Axel Árnason, formaður upplýsingaráðs skáta og fjölmiðlafulltrúi Roverway, segir
Facebook vera aðal samskiptamátann á milli skátaflokka í Evrópu. Mikil ánægja er
með þátttöku í mótinu sem nú stendur yfir.
Skátar reiSa
alþjóðaþorp
Tákn mótsins Örin er
tákn Roverway-mótsins,
þema þess er „open up“.
Mynd RóBeRT ReyniSSon
Farþegaþota
nauðlenti
Mikill viðbúnaður var á Kefla-
víkurflugvelli rétt fyrir þrjú í gær
þegar Boeing 767-farþegaþota
með 190 manns innanborðs
nauðlenti á flugvellinum. Til-
kynnt var um reyk í stjórnklefa
hennar og var slökkviliðið á
Suðurnesjum og á höfuðborgar-
svæðinu með mikinn viðbúnað
á staðnum. Vélin var á leið til
Ameríku frá Evrópu þegar reyk-
urinn kom upp.
Vélin var rýmd en engan sak-
aði. Ekki er vitað af hverju reyk-
urinn kom upp. Aðspurður hvort
mikil hætta hafi verið á staðnum
segir slökkviliðsmaður sem DV
ræddi við að svo væri alltaf þeg-
ar viðbúnaðarstig færi í gang.
Viðbúnaðarstigið sem fór í gang
kallast: Hættustig - Stórt.
Of þung kerra
valt með hesta
Jeppi með hestakerru í eftir-
dragi valt í fyrrakvöld í Hvera-
dalabrekku. Þrír hestar voru
í kerrunni þegar hún valt á
hliðina. Hestarnir sluppu
til tölulega vel og engin slys
urðu á fólki, að sögn lögregl-
unnar á Selfossi.
Lögreglan á Selfossi segir
að kerran hafi verið of þung
fyrir bílinn en ákveðnum
reglum ber að fylgja til að
draga slíkar kerrur. Kerran
vó 2.500 kíló en bílnum er
einungis heimilt að draga
1.600 kíló. Talið er að það
hafi valdið slysinu. Málið er
ekki í rannsókn hjá lögregl-
unni, líklega vegna þess að
engin slys urðu á hestunum
og fólki.
ellefu greinst
með svínaflensu
Nú hafa ellefu tilfelli svína-
flensunnar (H1N1) greinst á
Íslandi. Frá því á föstudag í síð-
ustu viku hafa bæst við tvö tilfelli
af nýju inflúensunni. Um er að
ræða 19 ára konu sem kom frá
Mexíkó og veiktist eftir heim-
komu og 35 ára konu sem kom
frá Ástralíu og veiktist einnig eft-
ir heimkomu.
Lögmaður Hollendingsins Peters
Rabe, sem grunaður er um að vera
höfuðpaurinn í Papeyjarsmyglinu
sem upp komst um í vor, hefur krafist
þess að málinu verði vísað frá dómi.
Rabe hefur alla tíð neitað sök í mál-
inu og ekki verið samvinnufús í yfir-
heyrslum.
Aðalmeðferð í máli gegn sexmenn-
ingunum átti að fara fram fyrir Hér-
aðsdómi Reykjavíkur í dag, en málinu
var frestað á meðan dómari tekur af-
stöðu til frávísunarkröfunnar. Grein-
argerðinni var skilað inn klukkustund
áður en aðalmeðferðin átti að hefjast
og ekki var hægt að hefja aðalmeð-
ferðina fyrr en búið var að úrskurða
um kröfuna. Dómari mun líklega úr-
skurða um frávísunarkröfuna í dag.
Sexmenningarnir eru ákærð-
ir fyrir að smygla um 109 kílóum af
kannabisefnum, amfetamíni og e-
pillum, sem flutt voru til landsins
með skútunni Sirtaki í apríl.
Við þingfestingu málsins í síðustu
viku kom fram að Jónas Árni Lúð-
víksson, Halldór Hlíðar Bergmunds-
son og Pétur Kúld Pétursson játuðu á
sig aðild að smyglinu, en þeir sögð-
ust þó hafa talið að um innflutning á
sterum væri að ræða. Sögðu Halldór
og Pétur að þau skilaboð hefðu þeir
fengið frá Jónasi Árna. Rúnar Þór Ró-
bertsson og Árni Hrafn Ásbjörnsson
neituðu alfarið að hafa tekið þátt í
smyglinu. valgeir@dv.is
Aðalmeðferð í Papeyjarmálinu óvænt frestað við upphaf þess:
Rabe krefst frávísunar
Aðalmeðferð frestað Sakborningar og lögmenn þeirra voru mættir í Héraðsdóm
Reykjavíkur í gær þar sem fram átti að fara aðalmeðferð í málinu. Mynd HeiðA